དཔལ་དགོན་བླུ་གྲུབ།

ཡོང་ཁུངས་Wikipedia
གནས་སྤོ། དཀར་ཆག, འཚོལ།
Nagarjuna at Samye Ling Monastery.JPG

དཔལ་དགོན་ཀླུ་སྒྲུབ་(ལེགས་སྦྱར་སྐད།: नागार्जुन)ནི་ནང་པ་སངས་རྒྱས་པའི་སློབ་དཔོན་གཙོ་བོ་ཞིག་དང་འཛམ་གླིང་ལ་ཤུགས་རྐྱེན་ཆེ་བའི་མཚན་ཉིད་རིག་པ་བ་ཞིག་ཡིན།

འཛམ་གླིང་མཛེས་པའི་རྒྱན་དྲུག་གི་ཡ་གྱལ་ཏེ། སྟོན་པ་ཐུབ་པའི་དབང་པོ་མྱ་ངན་ལས་འདས་ནས་ལོ་བཞི་བརྒྱའི་ཐོག་རྒྱ་གར་ལྷོ་ཕྱོགས་བེ་དརྦྷའི་ཡུལ་དུ་བྲམ་ཟེ་ཞིག་གི་ཁྱིམ་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་གསང་བ་སྔགས་ཀྱི་རྒྱུད་སྡེ་བཞི་དང་། སྡེ་སྣོད་གསུམ་སོགས་ཐུན་མོང་དང་ཐུན་མིན་གྱི་རིག་པའི་གནས་མཐའ་དག་ལ་མཁས་པར་སྦྱངས། དཔལ་ན་ལེནྚའི་གཙུག་ལག་ཁང་དུ་གྲུབ་ཆེན་ས་ར་ཧ་པའི་སྐུ་མདུན་དུ་རབ་ཏུ་བྱུང་། མཚན་དགེ་སློང་དཔལ་ལྡན་དུ་གྲགས། མཐའ་བྲལ་དབུ་མ་རིགས་ཚོགས་དྲུག་དང་། རྒྱུད་ཀུན་ལས་བཏུས་པ་སོགས་སྟོབས་བཅུ་མངའ་བའི་དགོངས་དོན་གསལ་བར་བྱེད་པའི་བསྟན་བཅོས་ཀྱི་རྒྱལ་པོ་མང་དུ་བསྐྲུན། ཁྱད་པར་དུ་གསོ་བ་རིག་པའི་སྐོར་ལ་འཚོ་བའི་མདོ་ཚིགས་སུ་བཅད་པ། རྩྭ་ཨ་ཝའི་ཆོ་ག སྨན་རིན་པོ་ཆེའི་རིམ་པ། དངུལ་ཆུའི་སྦྱོར་བ་རིན་ཆེན་ཕྲེང་བ། ལྷོག་པ་སྤུན་བཞིའི་གཉན་བཅོས་སོགས་བསྟན་བཅོས་ཤིན་ཏུ་མང་། འཕགས་པ་ལྷ་སོགས་སློབ་མ་ཉི་རྡུལ་ལྟར་བསྐྱངས། མཆོད་རྟེན་དང་ལྷ་ཁང་མང་པོ་བཏབ། རྡོ་རྗེ་གདན་ལ་དྲ་མིག་གི་ར་བས་བསྐོར། ལྷོ་ཕྱོགས་དཔལ་ལྡན་འབྲས་སྤུངས་ཀྱི་བཀོད་པ་བཞེངས། སྤྱིའི་ལུགས་ལ་དགུང་ལོ་དྲུག་བརྒྱ་དང་། སྔ་འགྱུར་ལྟར་ན་དགུང་ལོ་ཆིག་སྟོང་བར་བཞུགས་ནས་འགྲོ་དོན་མཛད་པར་གྲགས།

གསལ་བཤད།[རྩོམ་སྒྲིག]

པར་རིས་བར་ཁྱམས།[རྩོམ་སྒྲིག]

ཟིན་ཐོ་འམ་དཔྱད་གཞི།[རྩོམ་སྒྲིག]

དཔྱད་གཞིའི་དཀར་ཆག[རྩོམ་སྒྲིག]

1 ཇོ་ནང་ཏཱ་ར་ན་ཐས་མཛད་པའི་རྒྱ་གར་ཆོས་འབྱུང་། 2 བཀའ་བབས་བདུན་ལྡན་གྱི་བརྒྱུད་པའི་རྣམ་ཐར་རིན་པོ་ཆེའི་འབྱུང་གནས་ལྟ་བུའི་གཏམ།

ད་དུང་གཟིགས།[རྩོམ་སྒྲིག]

ཕྱི་ཕྱོགས་དྲ་མཐུད།[རྩོམ་སྒྲིག]