འབྲུག་ཡུལ།
|
རྩོམ་ཡིག་འདི་ཆ་མི་ཚང་བས་རྩོམ་ཡིག་འདི་ཆ་ཚང་བོར་བཟོས་ནས་ཝེ་ཁེ་རིག་མཛོད་གོང་འཕེལ་གཏོང་རོགས། རྩོམ་སྒྲིག། |
༈ འབྲུག་རྒྱལ་དར།
ང་བཅས་འབྲུག་རྒྱལ་ཁབ་ཀྱི་རྒྱལ་དར་འདི་ ཧེ་མ་ཡོད་པའི་ལོ་རྒྱུས་མིན་འདུག ། འདི་ང་བཅས་དུས་རབས་ཉི་ཤུ་པའི་ནང་གི་བསྒྱུར་བ་ཅིག་ཨིན། དུས་རབས་ཉི་ཤུ་པའི་ནང་ ཡར་སྟོད་ལས་རྒྱ་ནག་གི་རྒྱལ་ཁབ་ འདི་ཡང་འགྱུར་བ་ཆགས། སྨད་ལས་རྒྱ་གར་གི་རྒྱལ་ཁབ་ འདི་ཡང་འགྱུར་བ་ཆགས། རྒྱལ་ཁབ་རང་རང་སོ་སོའི་རྒྱལ་ལུགས་ རྒྱལ་དར་ རྒྱལ་རྟགས་ཚུ་ བཟོ་ཞིནམ་ལས་ ཁོང་སྟོབས་ཅན་གཉིས་ཀྱི་སྦུག་ལུ་ ང་བཅས་ནཱ་ཡང་ ཅོག་ཅིགཔ་སྦེ་བསྒྱུར་བ་བཏང་དགོཔ་བྱུང་ནུག །
དེ་ཡང་ས་སྐྱོང་དབང་ཕྱུག་ཆེན་པོ་ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་གི་བཀའ་ལྟར་དུ་ དང་པ་རང་ནང་པའི་རིག་པའི་གནས་ལྔ་ལུ་མཁས་ཤོས་ ད་ལི་ན་སློབ་དཔོན་རྣམ་རྒྱལ་མཆོག་དང་ དྲག་ཤོས་ཤིང་ཁ་བླམ་ དྲག་ཤོས་ཨ་ཁུ་བཀྲོང་མི་ ཁོང་ཕུལ་དུ་ཕྱིན་པའི་མཁས་པ་ལེ་ཤ་ཅིག་ ཕྲི་སྣོན་སྲེ་གསུམ་གྱི་སྒོ་ལས་ རྒྱལ་ལུགས་འདི་བརྩམས་གནང་ནུག ། མཐའ་མེད་མཐའ་དཔྱོད་གྲུབ་འབྲས་འདི་ ཚིགས་རྐང་དྲུག་ལུ་ ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་ ཁོ་ར་གིས་གཏན་ཕེབས་གནང་ནུག ། ཚིགས་བཅད་འདི་འབད་བ་ཅིན་་་
འབྲུག་ཙན་དན་བཀོད་པའི་རྒྱལ་ཁབ་ནང་།།
དཔལ་ལུགས་གཉིས་བསྟན་སྲིད་སྐྱོང་བའི་མགོན།།
འབྲུག་རྒྱལ་པོ་མངའ་བདག་རིན་པོ་ཆེ།།
སྐུ་འགྱུར་མེད་བརྟན་ཅིང་ཆབ་སྲིད་འཕེལ།།
ཆོས་སངས་རྒྱས་བསྟན་པ་དར་ཞིང་རྒྱས།།
འབངས་བདེ་སྐྱིད་ཉི་མ་ཤར་བར་ཤོག།
རྒྱལ་ལུགས་གཏན་ཕེབས་གནང་ཚརཝ་ཅིན་ རྒྱལ་ལུགས་འདི་གིས་མཚོན་པའི་ རྒྱལ་དར་ཡང་བཟོ་དགོཔ་ལས་ རྒྱལ་དར་འདི་རྒྱལ་ཡུམ་སྐལ་བཟང་མཆོག་གི་སྐུ་མཆེད་ ཨ་ནུ་ལྷ་རྒྱལ་གྱིས་བཟོ་གནང་གནངམ་ཨིན་ཟེར་སླབ་སྲོལ་འདུག ། འདི་ཡང་ག་དེ་འབད་བཟོ་ནུག་དགོ་ཟེར་བ་ཅིན་ ཚོན་མདོག་སེར་པོ་ ཚོན་མདོག་དམར་པོ་ སྦུག་ན་འབྲུག་དཀར་པོ་གཅིག ། མཚོན་སྲོལ་འབད་བ་ཅིན་ སེར་པོ་འདི་གིས་འབྲུག་རྒྱལ་པོ་མཚོན། དམར་པོ་འདི་ བླམ་ཆོསཔ་ཚུ་མཚོན། འབྲུག་འདི་མི་སེར་ཚུ་མཚོན་སྦེ་ དཔེར་ན་འབྲུག་རྒྱལ་པོ་མངའ་བདག་རིན་པོ་ཆེ། །སྐུ་འགྱུར་མེད་བརྟན་ཅིང་ཆབ་སྲིད་འཕེལ། །ཟེར་མི་འདི་ སེར་པོ་འདི་གིས་མཚོན་ ཆོས་སངས་རྒྱས་བསྟན་པ་དར་ཞིང་རྒྱས།། ཟེར་མི་འདི་ ཚོན་མདོག་དམར་པོ་འདི་གིས་མཚོན་ འབངས་བདེ་སྐྱིད་ཉི་མ་ཤར་བར་ཤོག། ཟེར་མི་འདི་ འབྲུག་དཀར་པོ་འདི་གིས་མཚོན། འབྲུག་འདི་སྐད་གྲགས་ཆེ་དྲགས། འབྲུག་དཀར་པོ་འདི་ ནད་དང་མུ་གེ་ཞི་བ། འབྲུག་གི་ལག་པ་ནོརབུ་འཆང་མི་འདི་ འབྲུག་རྒྱལ་ཁབ་འདི་འབྱོར་ལྡན་ཕྱུགཔོ་འཆང་ནི་ནོར་བུ་ཨིན།
ཧེ་མ་འབད་བ་ཅིན་ རྒྱལ་དར་འདི་གྲུ་བཞི་སྦེ་བཟོ་བཟོཝ་མས་ དེ་ལས་རྒྱལ་ཁབ་གཞན་མི་ཆ་ཁྱབ་ག་ར་ རིངམོ་སྦེ་ཡོདཔ་ད་ལུ་ འདི་གུ་དཔེ་བླངས་ཏེ་རིངམོ་སྦེ་བཟོ་གནང་ནུག ། དེ་ལས་ཚོན་མདོག་དམརཔོ་འདི་ཡང་ ལི་ཝང་ལུ་བཟོ་གནང་ཞིན་ན་ སེརཔོ་འདི་འབྲུག་རྒྱལ་པོ་དང་ ལི་ཝང་འདི་བློན་པོ་ལུ་མཚོན། ཆོས་ཕྱོགས་ལས་ སེརཔོ་འདི་རྗེ་མཁན་པོ་དང་ ལི་ཝང་འདི་བླ་སློབ་ལུ་མཚོན། དེ་ལས་འབྲུག་དཀརཔོ་འདི་ མི་སེར་བུ་དང་བུ་མོ་ཚུ་ལུ་མཚོནམ་ཨིནམ་སྦེ།
ས་སྐྱོང་དབང་ཕྱུག་ཆེན་པོ་ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་གི་སྐབས་ལུ་ དམག་སྡེ་དང་ སློབ་གྲྭ་གསརཔ་ལེ་ཤ་ཅིག་བཙུགས་ཞིནམ་ལས་ ཡར་རྒྱ་ནག་ལུ་འབད་རུང་ མར་རྒྱ་གར་ལུ་འབད་རུང་ དམག་གྱལ་ཐིག་རེ་བསྒྲིགས་པ་ཅིན་ དང་པ་རྒྱལ་ལུགས་འདི་བཏང་ རྒྱལ་དར་འདི་འཕྱར་ མི་ཚུ་གིས་གུས་ཞབས་འབད། དེ་བཟུམ་འབད་རང་ང་བཅས་འབྲུག་རྒྱལ་ཁབ་ནང་ལུ་ཡང་ རྒྱལ་ཁབ་ཀྱི་མཛད་རིམ་ ག་ཅི་འབད་རུང་ རྒྱལ་ལུགས་འདི་བཏང་ རྒྱལ་དར་འདི་འཕྱརཝ་ད་ རྒྱལ་ཁབ་ཀྱི་འགོ་ཁྲིདཔ་ རྒྱལ་ཁབ་ རྒྱལ་ཁབ་ཀྱི་ལམ་སྲོལ་ འདི་ཚུ་ག་ར་ལུ་ཤ་ཞེན་བསྐྱེད་དགོཔ་ཁག་ཆེ་བས།
དུས་ནམ་ར་འབད་རུང་ རྒྱལ་དར་རལ་རལཝ་འཕྱར་ནི་དང་ ད་རུང་མར་ལས་ཤིང་འབྲས་བསྡམ་ནི་བཟུམ་སྦེ་བཟོ་བ་ཅིན་ མི་འདི་བསོད་ནམས་ར་ཟད་ཚརཝ་ཨིན། རྩ་ཁྲིམས་ནང་ལུ་ཡང་ རྒྱལ་དར་འདི་ས་གཙང་བཞག་དགོ་ རལ་རལཝ་མི་བཏུབ་ གུས་ཞབས་འབད་དགོ་ཟེར་གསུང་ཡོད་དོ་བཟུམ་སྦེ་མཛད་པ་ཅིན་ བུ་དང་བུ་མོ་རེ་རེ་ཞིན་དུ་བསོད་ནམས་ཡར་རྒྱས་འགྱོ་འོང་། རྒྱལ་དར་འདི་ལུ་ འ་ནཱིམ་ཅིག་གནོདཔ་ཅན་དང་ མེདཔ་བཏང་པ་ཅིན་ བསོད་ནམས་ཡང་དམའ་བཀྲག་འགྱོ་འོང་། དེ་འབདཝ་ལས་ རྒྱལ་དར་འདི་འཕྱར་བའི་སྐབས་ ང་གིས་ངེ་གི་རྒྱལ་ཁབ་ཀྱི་འགོ་ཁྲིདཔ་འདི་ལུ་ གུས་བཀུར་འབད་དགོ ། ངེ་གི་ཆོས་འདི་ལུ་གུས་བཀུར་འབད་དགོ ། ངེ་གི་ཆ་རོགས་འབྲུག་དཀརཔོ་འདི་ལུ་གུས་བཀུར་འབད་དགོ་ཟེར་བསམ་དགོཔ་ཨིན། དེ་སྦེ་འབད་ཡར་སོང་པ་ཅིན་ འབྲུག་རྒྱལ་པོ་ བློན་པོ་ བླ་ཆོསཔ་ མི་སེར་ག་ར་ སེམས་ལུ་འབབ་འོང་ཟེར་ཞུ་ཨིན། །
འབྲུག་ཡུལ་ནི་ཨེ་ཤ་ཡ་ཡི་རྒྱལ་ཁབ་ཅིག་ཨིན།
Bhutan དེའི་རྒྱལ་ས་ལྟེ་བ་ནི་ཐིམ་ཕུ་ཨིན། བོད་གངས་ཅན་ལྗོངས་ཀྱི་ལྷོ་ཕྱོགས་སུ་ གནས་ཡོད་པའི་ཆོས་ལྡན་འབྲུག་གི་རྒྱལ་ཁབ་ནི་<<སྔ་ལོངས་པ།>> <<ཤར་ཕྱོགས་འཁོར་ལོ་རྩིབས་བརྒྱད།>> <<ལྷོ་མཚམས་པ་>>དང་བཅས་པ་མི་རིགས་གཙོ་བོ་གསུམ་ལས་གྲུབ་པའི་རྒྱལ་ཁབ་ཅིག་དང་། མི་འབོར་ ༧༤༡་༨༢༢ ནང་བརྒྱ་ཆ་ ༩༠ ནང་པ་ཡིན། རྫོང་ཁག ༢༠ ཡོདཔ་ཨིན། ༢༠༥ ས་ཁྱོན་སྤྱི་ལེ་གྲུ་བཞི་མ་ ༤༧་༠༠༠ ཡོདཔ་ལས་ས་བབ་མཐོ་ཤོས་རྒྱ་མཚོ་ངོས་ནས་གངས་ཆེན་ཀུ་ལ་གངས་རི་བར་བརྐྱངས་ཁྲུ་ ༢༤༧༨༠ དང་། དམའ་ཚད་རྒྱ་མཚོའི་ངོས་ནས་ལྷོ་ཕྱོགས་རྒྱ་ཐང་ཁུལ་བར་བརྐྱངས་ཁྲུ་ ༢༠༠ བཅས་ཀྱི་མཚམས་སུ་གནས་ཡོད།
- སྔ་ལོངས་པ་ནི། གནས་དེར་སྔ་མོ་ནས་སླེབས་མཁན་ཞེས་པའི་དོན་དང་འདིའི་རུས་རྒྱུད་བོད་པ་ཡིན།
- ཤར་ཕྱོགས་པ་ནི། སྤྱིར་ང་བཅས་འབྲུག་རྒྱལ་ཁབ་ནང་ལུ་ ཤར་ཕྱོགས་ཀྱི་མི་རིགས་ལུ་ “ཚངས་ལ་” ཟེར་བའི་མིང་གི་ཐ་སྙད་བྱུང་ཚུལ་དུམ་གྲ་ཅིག་ཞུ་བ་ཅིན། ཤར་ཕྱོགས་པ་ཚངས་ལ་ཟེར་བའི་ལོ་རྒྱུས་འདི་ ཧེ་མ་མཁས་མཆོག་ཚུ་གིས་ ཀི་དེབ་ནང་ལུ་བཀོད་དེ་ཡོད་པའི་ལོ་རྒྱུས་གོ་རུང་ དཔེ་མཛོད་ཁང་དང་ཡིག་རྙིང་རྒྱལ་རབས་ལ་སོགས་པ་ ག་ཅི་ནང་ལས་ཡང་མཇལ་མ་ཚུགས་ཟེར་ཞུ་ནི། ཨིན་རུང་ མ་མཐོང་ཕྱིར་ན་མེད་པ་མིན།། ཟེར་དོ་བཟུམ་སྦེ་ རང་གིས་མ་མཐོང་ནི་འདི་གིས་ མིན་འདུག་ཟེར་མེན་པར་ ག་དེམ་ཅིག་སྦེ་ཤུལ་མའི་ཞིབ་འཚོལ་པ་ཚུ་གིས་ བདེན་དཔྱད་གནང་ནིའི་དོན་ལུ་ གཡུས་ཁའི་ཕམ་རྒན་ཤོས་ཚུ་གི་རྣ་རྒྱུན་དང་ རང་གི་ཞིབ་དཔྱད་སྙན་ཞུ་དུམ་གྲ་ཅིག་ཞུ་བ་ཅིན། ཚངས་ལ་ཟེར་བའི་ལོ་རྒྱུས་གཉིས་སྦེ་བཤད་སྲོལ་འདུག དེ་ཡང་ ཁ་སྐད་ལུ་གཞི་བཞག་སྟེ་མིང་བཏགས་ཚུལ་དང་ གང་ཟག་ལུ་གཞིར་བཞག་གཉིས་ལས་ དང་པ། ཤར་ཕྱོགས་འཁོར་ལོ་རྩིབས་བརྒྱད་ཀྱི་ ཁ་སྐད་མང་ཤོས་ཅིག་ནང་ སཾ་སྐྲྀ་ཏ་ལེགས་སྦྱར་ལྷའི་སྐད་ཡོདཔ་ལས་ འཇིག་རྟེན་གྱི་མོས་པོ་ནི་ ལྷ་ཚངས་པ་ཨིནམ་ལས་ ལྷ་ཚངས་པའི་ཁ་སྐད་སླབ་ནི་འདི་གིས་ ཤར་ཕྱོགས་པ་ཚངས་ལ་ཟེར་སླབ་ཨིན། ༢.༡ ལྷ་སྲས་གཙང་མའི་གདུང་རིགས་ལས་མཆེད་པའི་ རྒྱུ་མཚན་གྱིས་ གཙང་ལྷའི་སྒྲ་ཉམས་ནས་ ཤར་ཕྱོགས་པ་ཚངས་ལ་ཟེར་སླབ་ཨིན་པའི་ལོ་རྒྱུས་གཉིས་ལས་ ང་གིས་འབད་བ་ཅིན་ ལོ་རྒྱུས་གཉིས་པ་འདི་ ར་ཁུངས་བཟང་དོ་བཟུམ་མཇལཝ་མས། དེ་ཡང་་་་་་་་ ༡༽ གཙང་ལྷའི་སྒྲ་ཉམས་མི་ལུ་ ཚངས་ལ། ༢༽ ཚངས་ཟམ་ཟེར་ ད་ལྟོའི་བར་ན་ཡང་ གཡང་རྩེ་རམ་སྦྱར་དང་ བཀྲིས་སྒང་གི་བར་ན་ཡོདཔ་ལས་ ལྷ་སྲས་གཙང་མའི་ཕེབས་ལམ་གྱི་ཟམ་པ་ལུ་ ཚངས་ཟམ། ༣༽ ཚངས་སྲས་དཔོན་གྱི་བརྒྱུད་པ་ལུ་ ཚངས་ལ་མཁོ་ཆེ་ཟེར་བའི་ཐ་སྙད་ཚུ་ལས་ ཧིང་སང་ས་ཧ་གོ་ཚུགས་པས་ཟེར་ཞུ་ནི། ༣.༡ ཤར་ཕྱོགས་འཁོར་ལོ་རྩིབས་བརྒྱད་ཀྱི་ ཁ་སྐད་མང་ཤོས་ཅིག་ནང་ སཾ་སྐྲྀ་ཏ་ལེགས་སྦྱར་ལྷའི་སྐད་ཡོདཔ་ཙམ་གྱིས་མི་འཐད་པའི་རྒྱུ་མཚན་ནི། ༡༽ ལྷོ་མཚམས་པའི་ཁ་སྐད་ལུ་ཡང་ ལེགས་སྦྱར་ལྷའི་སྐད་ཡོདཔ་ལས་ ལྷོ་མཚམས་པ་ཡང་ཤར་ཕྱོགསཔ་ཨིནམ་ཐལ་ནི། ༢༽ རྒྱ་གར་གྱི་མངའ་འོག་སྦས་ཡུལ་པདྨ་བཀོད་པ་དང་ མོན་ཏ་ཝང་ཤར་བུམ་དི་ལ་ཚུ་ནང་ཡང་ ཤར་ཕྱོགས་པའི་ཁ་སླབ་མི་ཡོད་རུང་ ཁོང་ཚུ་ལུ་ རྩེང་མི་ཟེར་སླབ་མ་གཏོགས་ ཚངས་ལ་ཟེར་མི་སླབ་དོ་ཡོདཔ་ལས་ ཧིང་སང་ས་ཧ་གོ་ཚུགས་པས་ཟེར་ཞུ་ནི། ད་རེས་ ང་གིས་ རྣམ་རྟོག་གི་ས་བོན་བཟུམ་བཀོད་དེ་ཡོད་མི་ལུ་ བསམ་འཆར་བཀོད་དེ་ བཀའ་དྲིན་བསྐྱང་གནང་། ཤར་ཕྱོགས་ཀྱི་ཕྱོགས་ལ་དབྱེ་ན་ ཤར་ཕྱོགས་འཁོར་ལོ་རྩིབས་བརྒྱད། དེའི་ངོ་སྤྲོད། ༡༽ ཀྲོང་གསར་ཆོས་འཁོར་རབ་བརྟེན་རྩེ་རྫོང་། ༢༽ བུམ་ཐང་བྱ་དཀར་རྫོང་། ༣༽ ལྷུན་རྩེ་རྫོང་། ༤༽ བཀྲིས་ཡང་རྩེ་རྫོང་། ༥༽ མོང་སྒར་རྫོང་། ༦༽ བཀྲིས་སྒང་རྫོང་། ༧༽ གཞལམ་སྒང་རྫོང་། ༨༽ པདྨ་དགའ་འཚལ་རྫོང་། བཅས་བརྒྱད་ཨིན། ( ཤར་ཕྱོགས་འཁོར་ལོ་རྩིབས་བརྒྱད་ཀྱི་ནང་གསེས་དབྱེ་བ་དང་བཅས་པའི་ངོ་སྤྲོད།) ༡༽ བྱ་དཀར་རྫོང་གི་ཆ་འོག་བུམ་ཐང་སྡེ་བཞི། ༢༽ ལྷུན་རྩེ་རྫོང་གི་འོག་ཀུར་སྟོད་མདོ་བཞི། ༣༽ བཀྲ་ཤིས་གཡང་རྩེ་ལུ་གཡང་རྩེ་ཚོ་ལྔ། ༤༽ བཀྲ་ཤིས་སྒང་ལུ་བཀྲ་ཤིས་སྒང་ཚོ་བཅུ། ༥༽ མོང་སྒར་རྫོང་གི་ཆ་འོག་གཞོང་སྒར་ཚོ་བདུན། ༦༽ གཞལམ་སྒང་མཁན་རིགས་རྣམ་གསུམ། ༧༽ པདྨ་དགའ་ཚལ་ལུ་གདུང་བསམ་མདོ་གསུམ། ༨༽ ཀྲོང་གསར་རྫོང་ཁག་མང་སྡེ་ཚོ་བཞི། (ཀྲོང་གསར་ཆོས་འཁོར་རབ་བརྟན་འདི། །ཤར་ཕྱོགས་རྩིབས་བརྒྱད་ལྟེ་བ་ཨིན།།)
- ལྷོ་མཚམས་པ། ཉེ་རབས་ཀྱི་བོད་མི་བྱེས་པ་སོགས་ཡིན།
འབྲུག་རྒྱལ་ཁབ་ཀྱི་གཞུང་འབྲེལ་སྐད་ཡིག་ནི་རྫོང་ཁ་ཨིན།
རྫོང་ཁ་ཟེར་སླབ་དགོ་མི་རྒྱུ་མཚན་ནི། ཧེ་མ་དཔོན་གྱི་སྒོ་ཁ་དང་དམག་སྡེའི་དྲག་གྲས། ཤེས་ཡོན་ཅན་གྱི་མི་བརྒྱུད། གཞུང་སྐྱོང་དང་བདག་སྐྱོང་ཚུ་གི་ རྫོང་རེ་རེ་བཞིན་དུ་ནང་ལུ་ ཁ་སྐད་གཙོ་བོ་ཅིག་སྦེ་ ལག་ལེན་འཐབ་པ་ལས་བརྟེན་ཏེ་ རྫོང་ཁ་ཟེར་བཏགས་གནང་གནངམ་ཨིན་པས་ལགས།
<<ཡི་གུ་ནི་>>མགྱོགས་ཡིག་ཨིན།
མགྱོགས་ཡིག་གི་འབྱུང་ཁུངས།
འབྲུག་རྒྱལ་ཁབ་འདི་ནང་ཡིག་རིགས་ཐོག་མར་ དུས་རབས་༨པའི་ནང་ གུ་རུ་རིན་པོ་ཆེ་བུམ་ཐང་ལུ་བོད་ལས་མར་ བྱོན་ཐེངས་གཉིས་པའི་སྐབས་ལུ་ ཕྱག་ཞུ་སྟེ་ལོ་རྩྭ་བ་ལྡན་མང་རྩེ་མང་ཟེར་མི་འདི་ འཁྱིད་བྱོནམ་ལས་ ལོ་རྩྭ་བ་ལྡན་མང་རྩེ་མང་གིས་ལྷོ་ཡིག་ཟེར་ དབུ་ཅན་དང་དབུ་མེད་ག་དང་ཡང་མ་འདྲ་བའི་ ད་ལྟོའི་མགྱོགས་ཡིག་དེ་བརྩམས་ཏེ་གནང་ནུག ། གུ་རུ་རིན་པོ་ཆེ་གིས་ རྒྱལ་པོ་སིན་ཏུ་ར་ཛ་ལུ་ བཀའ་བརྒྱད་ཀྱི་དབང་གནང་སྟེ་ ཆོས་འཁོར་བསྐོར་གནངམ་ད་གི་ཕྱག་དཔེ་ཚུ་ཡང་ག་ར་ ཡི་གུ་དེ ནང་བྲིས་ཏེ་གཏེར་ལུ་སྦ་སྟེ་བཞག་ས་ལས་ བཏོན་པའི་ཤོག་གསེར་ཅིག་ རྒྱལ་ཡུམ་སྐུ་བགྲེས་ཀྱི་རྟེན་སྒམ་ནང་ལུ་ བཞུགས་ཡོད་པའི་འདྲ་པར་ད་ལྟོ་དངོས་སུ་མཇལ་ནི་ཡོད་པའི་ལོ་བརྒྱུད་འདུག
ལ་ལོ་གིས་སླབ་དོ་བཟུམ་འབད་བ་ཅིན་ ལོ་རྩྭ་བ་ལྡན་མང་རྩེ་མང་གུ་རུ་རིན་པོ་ཆེ་གི་ཕྱག་ཞུ་སྟེ་ བཏང་དགོ་མི་དེ་་རྒྱལ་པོ་ཁྲི་སྲོང་ལྡེའུ་བཙན་ལུ་བཀའ་འགྱུར་དང་བསྟན་འགྱུར་ འབྲི་ནིའི་དལ་ཤོག་ག་ར་ལྷོ་མོན་ལས་ཕུལ་ཡོདཔ་ལས་ འདི་གི་དྲིན་གསོའི་དོན་ལུ་ ལྷོ་ཡིག་བརྩམས་ཏེ་གནང་ནིའི་དོན་ལུ་བཏང་བཏངམ་ཨིན་ཟེར་ སླབ་མི་ཡང་ཡོད་ ག་དེ་སྦེ་ཨིན་རུང་མགྱོགས་ཡིག་དེ་འབྲུག་རྒྱལ་ཁབ་ནང་གི་ཡི་གུ་ དར་བའི་ཧ་ཤོས་ཅིག་ཨིནམ་མ་ཚད་ ཡི་གུ་འདི་འབྲུག་རྒྱལ་ཁབ་ནང་རྐྱངམ་ཅིག་མ་གཏོགས་ རྒྱལ་ཁབ་གཞན་ག་སྟེ་ལུ་ཡང་འབྲི་སྲོལ་མེདཔ་ལས་ འདི་ལུ་ལྷོ་ཡིག་ཟེར་་་ཡོངས་གྲགས་ཡོདཔ་ཨིན།
ཤུལ་མ་དུས་རབས་༡༠པ་དང་༡༡པ་ལས་བོད་ལས་མར་ བླམ་ལེ་ཤ་བྱོན་ཏེ་ཆོས་ལུགས་མ་འདྲཝ་ཚུ་སྤེལ་བའི་སྐབས་ ཚུགས་ཡིག་འདི་ཡང་ འབྲུག་ལུ་དར་ནུག ། དེ་གི་ཤུལ་ལས་འབྲུག་ལུ་ ཚུགས་ཡིག་མགྱོགས་པར་བྲིས་ཏེ་མགྱོགས་ཡིག་དང་ ཚུགས་ཡིག་གཉིས་ཀྱི་བར་ན་ལས་ མགྱོགས་ཚུགསམ་ ཟེར་མི་ཅིག་ཡང་དར་ནུག དེ་བཟུམ་གྱི་ཡི་གུའི་རིག་རྩལ་དེ་ ཧེ་མ་ལས་ཡོད་པའི་མཁས་དབང་ཚུ་བརྒྱུད་དེ་ དུས་རབས་༡༧པའི་ནང་ལས་དྲུང་ཡིག་རྟ་མགྲིན་དབང་རྒྱལ་དང་ བུམ་ཐང་ཆོས་རྗེ་ངག་དབང་བསོད་ནམས་ཚུ་ལས་བརྒྱུད་དེ་ དར་ཁྱབ་སྦོམ་བྱུང་བའི་ཁར་ དུས་རབས་༢༠་པའི་ནང་ལས་སློབ་དཔོན་འགངས་ཆེན་སོགས་ཀྱི་ཕྱག་རྒྱུན་ལས་ ཡི་གུ་མགྱོགས་ཚུགས་གཉིས་ཀྱི་རིག་རྩལ་རིམ་པར་དར་ཁྱབ་ བྱུང་དང་འབྱུངམ་བཞིན་ཡོདཔ་ཨིན་ནོ།
དེ་འབད་ཨིན་དགོ་མི་ཡང་ http://www.tsanpo.com ཟེར་མི་ནང་ལུ་ འབྲུག་ཡུལ་གྱི་ཡི་གེ་འབྲི་སྲོལ་དེ་ཡང་། བོད་ལུ་རྒྱ་གར་ལས་ ཡི་གེ་དཔེ་བླངས་ཏེ་ བོད་ཡིག་བྱུང་དོ་བཟུམ་སྦེ་ དུས་རབས་༨་པ་ལུ་ གུ་རུ་པདྨ་སམྦྷཝའི་སློབ་མ་ ཡི་གུ་འབྲི་ནི་ལུ་མགྱོགས་དྲགས་ཡོད་མི་ ལོ་ཙཱ་བ་ལྡན་མ་རྩེ་མང་ཟེར་མི་འདི་ དབྱིན་ལོ་༨༠༠་ལུ་ བུམ་ཐང་ལྕགས་མཁར་རྒྱལ་པོའི་བླ་མཆོད་པའི་སྐབས་ལུ་གནང་སྟེ་ ལོ་ཙཱ་བ་ལྡན་མ་རྩེ་མང་གིས་ འབྲུག་ལུ་ཡི་གུ་དང་རིག་གནས་ཀྱི་སྲོལ་ གསརཔ་མཛད་ཡོདཔ་ལས་ བོད་ཡིག་དབུ་ཅན་དབུ་མེད་ག་དང་ཡང་མ་འདྲ་བའི་ ཁྱད་ཆོས་ཅན་གྱི་ཡི་གུ་ལྷོ་ཡིག་ཟེར་མི་འདི་ ད་ལྟོ་ང་བཅས་ལྷོ་འབྲུག་ཕོ་མོ་ཡོངས་ཀྱིས་ ལག་ལེན་འཐབ་ཞིན་དུ་ཡོད། འབྲི་སྲོལ་འདི་དབྱིན་ལོ་༨༠༠་ནང་ལས་དར་ཁྱབ་སོང་སྟེ་ མ་ཉམས་པར་གནས་ཡོད་རུང་ དེང་སང་རང་སོའི་ལགཔ་གི་བཟོ་བཀོད་ལས་བརྟེན་ཏེ་ རིམ་པ་བཞིན་དུ་བསྒྱུར་འགྱོ་མི་འདི་ བློ་རྩལ་གྱི་ནུས་པ་ལུ་རག་ལསཔ་ཨིན་པས། དབྱིན་ལོ་༡༨༠༠་དེ་ཅིག་ཁར་ ཡི་གུའི་བཟོ་དབྱིབས་ཚུ་ ཨ་ཙི་མ་འདྲཝ་བྱུང་དགོ་མི་འདི་ དབུ་ཅན་དབུ་མེད་ལུ་ དུམ་གྲ་བསྒྱུར་བ་འོང་བ་ལས་བརྟེན་ཏེ་ མགྱོགས་ཡིག་ལུ་ཡང་ བསྒྱུར་བ་འོང་ནུག་ཟེར་ཧ་གོ་ཚུགས་སྦེ། ཤུལ་ལས་ཡི་གུའི་རིགས་དང་ སྒྲ་དང་སྙན་ངག་གི་རིག་གནས་ལུ་ སྦྱངས་བརྩོན་ཆེ་བ་ལས་ མཁས་པ་རིམ་གྱིས་བྱུང་སྟེ་ དེ་ཡང་དྲུང་ཡིག་རྟ་མགྲིན་དབང་རྒྱལ་དང་ བུམ་ཐང་ཆོས་རྗེ་ངག་དབང་བསོད་ནམས། སྡེ་སྲིད་དགུ་པ་སྡེ་པ་དགེ་བཤེར་གྲགས་པ་ངག་དབང་རྒྱ་མཚོ་ཚུ་གི་སྐབས་ལུ་ སྤུངས་ཐང་གྲྭ་ཚང་ནང་ སྒྲ་པའི་སྡེ་བཙུགས། བུམ་ཐང་ལས་སློབ་ཆོས་རྗེ་ངག་དབང་བསོད་ནམས་ སྒྲ་པའི་སློབ་དཔོན་དུ་བསྐོ་བཞག་གནང་སྟེ་ ཡི་གུའི་རིགས་ཚུ་ གཙོ་བོར་བཏོན་གནང་ནུག ། སྒྲ་དང་རྩིས་ཀྱི་རིག་པ་ཚུ་ཡང་ དར་ཁྱབ་ཆེས་སུ་ཅིག་སོང་ནུག ། བུམ་ཐང་ཆོས་རྗེའི་སློབ་མ་ འབྲུག་པ་ལོ་ཙཱ་བ་ངག་དབང་དཔལ་བཟང་ཟེར་མི་འདི་ རིག་པའི་གནས་ལུ་ གནམ་མེད་ས་མེད་མཁས་པ་མཆོག་ཏུ་གྱུར་པ་ཡོད་མི་འདི་དང་། ད་རུང་རྗེ་མཁན་པོ་ཁྲི་རབས་༡༢་པ་ཀུན་དགའ་རྒྱ་མཚོ་ཟེར་མི་དེ་ཡང་ གཞུང་ལུགས་དང་རིག་པའི་གནས་ཚུ་ མ་ལུས་པ་ཇི་བཞིན་མཁྱེན་པའི་ ཐམས་ཅད་མཐར་ཕྱིན་པ་ལས་ སྤུངས་ཐང་གྲྭ་ཚང་གི་སྒྲ་པའི་སློབ་དཔོན་མཛད་ཞིནམ་ལས་འགོ་བཟུང་སྟེ་ སྒྲ་པའི་སློབ་དཔོན་རིམ་པར་བྱོན་ཏེ་ སློབ་སྦྱོང་ཚུ་རྒྱ་ཆེ་དྲགས་སྦེ་སྤེལ་གནང་ནུག ། སྤུངས་ཐང་ནང་ལུ་ སྒྲ་པའི་སྡེ་ཟེར་མི་འདི་ འབྲུག་གི་ཡི་གུ་ལ་སོགས་པའི་ རིག་གནས་ཀྱི་འབྱུང་ཁུངས་ཚུ་ དམ་ཟབ་མཛད་ཡོདཔ་ལས་ ད་ལྟའི་བར་ན་ཡང་ ང་བཅས་འབྲུག་པའི་ཡི་གུ་དང་ རིག་གནས་ཀྱི་འབྱུང་ཁུངས་ལུ་ཆ་འཇོག་ཡོདཔ་ཨིན།
འབྲུག་ཤར་ཕྱོགས་བུམ་ཐང་དང་ཀྲོང་གསར་ལུ་ བླ་མ་དང་དགེ་བཤེས་མཁས་པ་ཕལ་ཆེར་བྱོན་ཞིན་ལས་ བཤད་སྒྲུབ་ཀྱི་བསྟན་པ་བཙུགས་ཏེ་ ཆོས་ཀྱི་འཆད་ཉན་རྒྱ་ཆེར་མཛད་པའི་བཀའ་དྲིན་ལས་ གཞུང་ལུགས་རིག་གནས་ཀྱི་བསྟན་པ་ཤར་ཕྱོགས་སུ་རྒྱས་ནུག ། ད་རུང་གཞན་ཡང་ལག་རྩལ་གྱི་རིགས་ཚུ་ བཀྲ་ཤིས་སྒང་དང་ མོང་སྒར་ འཁན་རིགས་རྣམ་གསུམ་ལས་ཕར་ ལག་རྩལ་ལུ་མཁས་པ་ལས་བརྟེན་ཏེ་ འབྲུག་རང་གི་ཡིག་བཟོ་ལུ་མཁས་མི་ ཤར་ཕྱོགས་ཀྱི་མི་ཚུ་ཨིནམ་སྦེ་ཆ་མཞགཔ་མས། འབྲུག་རྒྱལ་ཡབ་སྲས་ཚུ་གི་སྐུ་མདུན་ལུ་ཡང་ དྲུང་ཡིག་མང་ཆེ་བ་ཤར་ཕྱོགས་ཀྱི་མི་རིགས་ཨིནམ་སྦེ་ མཁས་པ་རིམ་བྱོན་གྱིས་མཛད་པ་ནང་ལུ་གསུང་ནུག །
ལྷོ་མོན་འབྲུག་གི་གཡུས་འདི་ རྒྱལ་ཁབ་གཞན་དང་མ་འདྲེས་པའི་ ཁྱད་ཆོས་ཐུན་མོང་མ་ཡིན་པ་འདི། མི་རིགས་དང་། གོ་ལ་གྱོན་ཐངས་ཀྱི་གོམས་གཤིས། གཞུང་གི་ཁྲིམས་སྲོལ། སྐད་ཡིག་ཚུ་དང་ ད་རུང་ཆོས་སྲིད་གཉིས་ལྡན་འདི་ འཛམ་གླིང་རྒྱལ་ཁབ་གཞན་ཚུ་གིས་ངོམས་སུ་རུང་བའི་ཁྱད་པར་ཅན་གྱི་རྒྱལ་ཁབ་ རང་གི་རྟགས་མཚན་གཙང་མ་ཞིག་ཡོདཔ་ལས་བརྟེན་ཏེ་ འཛམ་གླིང་གོང་བུའི་སྟེང་གི་རྒྱལ་ཁབ་ཀུན་གྱིས་ འབྲུག་ཡུལ་འདི་རྒྱལ་བརྒྱུད་ཀྱིས་སྐྱོང་བའི་རང་དབང་རང་བཙན་གྱི་ རྒྱལ་ཁབ་ཅིག་ཨིནམ་སྦེ་ ངོས་འཛིན་གྱིས་ཆ་འཇོག་གནང་དགོ་འདི་ཡང་ དེ་འབད་ཨིན་ཟེར་ཞུ་ནི་ཨིན།
རྒྱབ་རྟེན་དཔེ་དེབ། རྩ་གཞུང་དང་ཁྱད་རིག་རྒྱབ་སྐྱོར་སྡེ་ཚན།
ཐོག་མར་ཕྱི་ལོ་དུས་རབས ༡༧ པའི་ནང་ཞབས་དྲུང་ངག་དབང་རྣམ་རྒྱལ་མཆོག་གིས་ལྷོ་མོན་ནམ་ལྷོ་མོན་ཁ་བཞི་གྲགས་པའི་ཡུལ་སྡེ་དེ་ཡུག་གཅིག་ཏུ་སྦྲེལ་རྗེས་འབྲུག་ཡུལ་ཞེས་ཐོགས། འོན་ཀྱང་ཕྱི་ལོ་དུས་རབས་ ༡༨ བར་འབྲུག་ཡུལ་ནང་ཕྱི་ནང་གི་དུས་ཟིང་མང་པོ་བྱུང་ཡང་། ཕྱི་ལོ་ ༡༨༨༢ ལོར་ཀྲོང་གསར་དཔོན་སློབ་མི་རྗེ་འཇིགས་མེད་རྣམ་རྒྱལ་མཆོག་གི་བུ་ཨོ་རྒྱན་དབང་ཕྱུག་གིས་ཕྱི་ནང་གི་དགྲ་བོ་ཚང་མ་ཚར་བཅད་རྗེས། འབྲུག་གི་ལྷ་མི་སྲིད་སྡེ་ཡོངས་ཀྱིས་མི་དབང་ཨོ་རྒྱན་དབང་ཕྱུག་མཆོག་འབྲུག་གི་རྒྱལ་པོར་བསྐོས།
ཡུལ་འདིར་ཕྱི་ལོ་དུས་རབས་ ༨ པ་ནས་ནང་པའི་ཆོས་དར་བ་དང་། དུས་རབས་ ༡༧ པའི་ནང་ཆོས་སྲིད་གཉིས་ལྡན་གྱི་གཞུང་དང་། ཕྱི་ལོ་ ༡༩༠༧ ལོར་འབྲུག་རྒྱལ་བརྒྱུད་ཀྱི་རིང་ལུགས་དབུ་བརྙེས། ཕྱི་ལོ་ ༡༩༧༡ ལོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཁོངས་སུ་འཛུལ་ནས་འཐུས་མི་ ༡༢༨ པ་དེ་ཆགས། ཕྱི་ལོ་ ༢༠༠༨ ལོར་མང་གཙོའི་རིང་ལུགས་དབུ་བརྙེས་ནས་ལོ་དེར་འབྲུག་རྒྱལ་ལྔ་པའི་ཁྲི་འདོན་མཛད་སྒོ་དང་། འབྲུག་རྒྱལ་བརྒྱུད་རིང་ལུགས་དབུ་བརྙེས་ནས་ལོ་བརྒྱ་འཁོར་བའི་དུས་དྲན་སྲུང་བརྩི་རྒྱས་པ་བྱས།
ནང་པ་མང་གཙོའི་རྩ་ཁྲིམས་ཅན་གྱི་རྒྱལ་བརྒྱུད་རྒྱལ་ཁབ་འདིའི་ངོ་རྟགས།
དང་པོ། རྒྱལ་དར་ནི་ཕྱེད་སེར་པོ་དང་། ཕྱེད་ལི་ཝང་གི་གཞི་ཅན་སྟེང་འབྲུག་དཀར་པོ་ཁ་གནམ་བསྟན། རྐང་ལག་གི་སྡེར་མོས་ཡིད་བཞིན་གྱི་ནོར་བུ་འཛིན་པ། གཉིས་པ་གཞུང་རྟགས་ནི། སྦུག་རྡོ་རྗེ་རྒྱ་གྲམ་གཡས་གཡོན་གཡུ་འབྲུག་ཕོ་མོས་བརྒྱན་པའི་རྩེ་ཏོག་ནོར་བུ་མིག་གསུམ་པ་མཐའ་མུ་ཁྱུད་ཀྱིས་བསྐོར་བ།
རྒྱལ་ཡོངས་ཀྱི་གྱོན་ཆས། གོ་དང་དཀྱི་ར།
འབྲུག་གི་ངོ་རྟགས་ཚུའི་གྲས་ལས་ རང་ལུགས་ཀྱི་གྱོན་ཆས་འདི་གལ་ཅན་ཅིག་སྦེ་བརྩིཝ་དགོ་མི་དེ་ཡང་ འཛམ་གླིང་ག་ཏེ་ཡང་མེད་པའི་གྱོན་ཆས་མཛེས་ཆ་ཅན་ཅིག་ཨིན། སྤྱིར་འཛམ་གླིང་ནང་འགྲོ་བ་མི་རིགས་འགོ་ཐོག་བྱུང་པའི་སྐབས་ལུ་ གཟུགས་ཁར་གོ་ལ་ཟེརཝ་གྱོན་སྲོལ་མེད་རུང་ ཤུལ་ལས་རིམ་གྱིས་ ཕོ་མོའི་མཚན་རྟགས་སྦ་ཚུགཔ་ཙམ་ཅིག་སྦེ་ ཤིང་གི་ཤོམ་འདབས་ཀྱིས་ གྱོན་ཆས་ཀྱི་ཚུལ་སྦེ་བཟོ་ཡོདཔ་མ་ཚད། བར་སྐབས་ཅིག་ལས་ སེམས་ཅན་གྱི་པགས་ཀོ་དང་བལ་གྱིས་འཐག་འཐག་པའི་གོ་ལ་གྱོན་སྲོལ་ཡོདཔ་བཟུམ་སྦེ་ འབྲུག་རྒྱལ་ཁབ་ནང་ཡང་ འཛམ་གླིང་སྤྱིར་བཏང་གི་བྱུང་ཚུལ་དང་མ་འདྲཝ་ཆེནམོ་ཅིག་མེདཔ་ཨིན།
རྒྱལ་ཁབ་ནང་ ཧེ་མ་གི་དུས་ལུ་ གཡག་གི་སྤུ་དང་ལུག་གི་བལ་ སེམས་ཅན་གྱི་པགས་ཀོ་ཚུ་གིས་བཟོ་བའི་གོ་ལ་ཚུ་ རྒྱབ་གདོང་གཉིས་ལས་པུས་མོ་ཚུན་བཏང་སྟེ་ མཆན་གློ་འོག་དང་ སྐེད་པ་ལས་སྒྲོ་འཐག་བསྡམས་ཏེ་གྱོན་སྲོལ་ཡོད་མི་འདི་ དུས་ད་ལྟོའི་བར་ན་ཡང་ འབྲུག་གི་གཡུས་སྒོ་ལ་ལུ་ཅིག་ནང་ གོ་དང་དཀྱི་ར་གི་ཕྱི་ལས་ ལུག་པགས་སྦྱར་ཏེ་གྱོན་སྲོལ་མ་ཉམས་པར་ཡོདཔ་ཨིན་རུང་ བར་སྐབས་ཅིག་ལས་ རྒྱལ་ཁབ་གོང་འཕེལ་དང་བསྟུན་ཏེ་ ཕོ་སྐྱེས་ཚུ་གིས་ ཁ་ཤ་ཅིག་ཁོད་སྟོད་གུ་ལས་དཀྱི་ར་ཅག་ཅིགཔོ་སྦེ་ ཕྱག་ལྟག་ཁར་འཛིན་བཏབ་ཞིན་ན་ སྐེ་རགས་བཅིངས། ཁོད་སྨད་ལུ་ གོ་གི་སྡེབ་བྱ་བཟུམ་སྦེ་བཟོ་སྟེ་གྱོན་སྲོལ་ཡོད་མི་དེ་ དཔའ་རྩལ་གྱི་གྱོན་ཆས་དང་དབྱེ་བ་ཆེནམོ་ཅིག་མེདཔ་ཨིན་པས། དང་ཕུགས་ ཨམ་སྲུ་ཚུ་གིས་ ཟོང་བུབ་གཉིས་སྐེད་པ་ལས་བལྟབས་ཏེ་ ཕྱག་ལྟག་གཡས་གཡོན་གཉིས་ལས་ རྐང་མའི་ཚིག་ཏོ་ཚུན་བཏང་། བྱང་ཁོག་དང་རྒྱབ་གཞུང་ལས་ ཟོང་མཐའ་གཉིས་གཅིག་ཁར་བཙེམས་ཏེ་ མཆན་གློ་འོག་ལས་སྒྲོ་འཐག་བཏབ་སྟེ་ གྱོན་སྲོལ་ཡོདཔ་མ་ཚད་ རས་ཆ་གུ་ མེ་ཏོག་གི་ཁྲ་ལྷམ་པ་མ་འདྲཝ་སྦེ་བཙུགས་ཏེ་འཐག་སྲོལ་ཡོད་མི་འདི་ རྡིག་རྡིགམ་སྦེ་བརྩིཝ་ཨིན་པས། ད་རུང་ཤུལ་ལས་རིམ་གྱིས་འབད་ ཨམ་སྲུའི་གྱོན་ཆས་དེ་ཡང་ རྒྱུ་ཆས་མ་འདྲཝ་གྱིས་འཐག་སྟེ་ དཀྱི་ར་དཀྱིས་སྲོལ་དར་ཁྱབ་སོང་ཡོད་རུང་ ད་རིས་ནངས་པ་དུས་ཀྱི་འགྱུར་བ་དང་འཁྲིལ་ཏེ་ དཀྱི་རའི་བཟོ་བཀོད་དུམ་གྲ་རེ་ འགྱུར་བཅོས་འབད་མི་དེ་ལུ་ དག་སྣང་བསྐྱེད་དེ་ལག་ལེན་འཐབ་མི་དེ་བ་འདི་ སྔོན་མ་གི་བཟོ་བཀོད་དང་ལྡན་པའི་དཀྱི་ར་འདི་ལུ་ བརྩི་མཐོང་བསྐྱེད་དགོཔ་དེ་ གལ་ཆེ་བས་ཟེར་ཞུ་ནི་ཨིན།
ཀ༽གོ་དང་དཀྱི་ར་དར་ཚུལ།
༉ ཧེ་མ་ཕོ་རྒྱའི་རིགས་ཁོད་སྟོད་ལས་ ད་རེས་ཨམ་སྲུའི་དཀྱི་ར་བཟུམ་སྦེ་ ཕྱག་ལྟག་ཁར་འཛིན་བཏབ་ཞིན་ན་ སྐེད་རགས་བསྡམས་ཏེ་ཁོད་སྨད་ལས་ ད་ལྟོ་་བཟུམ་སྦེ་སྡེབ་བྱ་བཟོ་སྟེ་ གྱོན་སྲོལ་བྱུང་ནུག ། ༼གདུང་ནག་ཁ་ཐུག་གི་གཡུས་ཚན་དང་ སྤུ་ན་སྒྲོམ་མཆོད་སྐབས་ལུ་དང་ ཕུག་གི་དཔའ་རྩལཔ་ཚུ་གིས་གྱོན་ཆས་སྒྲིག་ཐངས་སྟོན་སྲོལ་ཡོད་མི་དང་འདྲ།༽ དེ་ལས་ཨམ་སྲུའི་རིགས་ཟོང་གི་ཁ་འཇགས་བྱང་ཐག་གཉིས་པོ་ སྐེདཔ་ལས་བལྟབས་སྟེ་ ཕྱག་ལྟག་གཡས་གཡོན་གཉིས་ལས་ མར་མཐའ་འཇགས་ཕྱི་ཁར་བལྟ་སྟེ་ རྐངམ་ཚིགས་ཏོ་ཚུན་ རིངམོ་སྦེ་བཏང་་ཞིན་ན་ བྱང་ཁོག་དང་རྒྱབ་གཞུང་ལས་ མཐའམ་གཉིས་ཀུ་གཅིག་ཁར་སྦྲགས་བཙེམས་ཏེ་ མཆན་འོག་གཉིས་ལས་སྒྲོག་ཐག་བསྡམས་ཏེ་ གྱོན་སྲོལ་བྱུང་ནུག ། འདི་མ་ཚད་རས་ཆས་ཚུ་གུ་བཀོད་རིས་མེ་ཏོག་གི་ཁྲ་ ལེ་ཤ་བཙུགས་སྲོལ་ཡང་འདུག རིམ་པ་བཞིན་དུ་དེང་སང་གི་ རྒྱ་ཕྱིང་དང་གོས་ཆེན་ཚུན་ཚོད་ རིམ་པ་བརྒྱུད་དེ་ ད་རེས་ཀྱི་དུས་ཚུན་ཚོད་ལྷོད་ནུག །
གཙོ་བོ་རང་རྒྱལ་ཁབ་འདི་ནང་ལུ་ དུས་ཀྱི་འགྱུར་བ་དང་བསྟུན་ཏེ་ མི་འདི་ཚུ་གི་མནོ་བསམ་བཏང་ཐངས་ལས་འབད་རུང་ རིག་རྩལ་ལས་འབད་རུང་ ཉིནམ་གཅིག་བ་ཉིནམ་གཅིག་ ཡར་རྒྱས་གོང་ཕེལ་འགྱོ་མི་ལུ་བརྟེན་ཏེ་ གཟུགས་ཁར་ལུ་གྱོན་ནི་གི་གོ་ལ་འདི་ཚུ་ཡང་ གནས་སྟངས་་དང་བསྟུན་ཏེ་ བསྒྱུར་བ་འགྱོཝ་ཨིན་པས།
ཁ༽ གོ་དང་དཀྱི་རའི་གོ་དོན་བརྡ་བཤད་སྐོར།
དང་པ་གོ་གི་གོ་དོན་བརྡ་བཤད། གོ་ལུ་མ་གསུམ་ཡོད་མི་འདི།
གཞི།༽ དཀོན་མཆོག་གསུམ་ལུ་དད་པ་དང་ ལས་རྒྱུ་འབྲས་ལུ་ཡིད་ཆེས་ཡོད་པའི་བརྡ་མཚོན།
ལམ།༽ ལུགས་གཉིས་ཀྱི་ཆབ་སྲིད་ལུ་དད་མོས་ཡོད་པའི་བརྡ་མཚོན།
འབྲས་བུ།༽ གནས་སྐབས་དང་མཐར་ཐུག་ཕན་བདེའི་བརྡ་མཚོན།
ཁ༽ གོ་ལུ་ལག་རྒྱན་གཉིས་ཡོད་མི་འདི། ཆོས་སྲིད་ཀྱི་བྱ་བ་ག་ར་ཐབས་དང་ཤེས་རབ་ཟུང་འབྲེལ་གྱི་སྒོ་ནས་སྒྲུབ་པའི་བརྡ་ཨིན།
ག༽ གོ་ལ་ཕྱི་ཤབས་དང་ནང་ཤབས་ཡོད་མི་འདི་་་་་་་་་་་ཕྱི་དགྲ་ཐབས་ཀྱིས་བཏུལ་ཤིང་ནང་གཉེན་བྱམས་པས་སྐྱོང་བའི་བརྡ།
ང་༽ འཇའ་གཅིག་གིས་སྐོར་མི་འདི་་་་་་་་་འབྲུག་མི་ག་ར་གི་རྒྱུད་ལུ་ཚད་མེད་བཞིའི་ལྟ་བ་གཅིག་གིས་ཁྱབ་པའི་བརྡ་ཨིན། མཐུན་ལམ་དམ་ཚིག་གཅིག་གིས་ཁྱབ་པའི་བརྡ་ཨིན།
ཚད་མེད་བཞི་ནི་་་་་་་་་་་་་་་་་བྱམས་པ་ཚད་མེད། སྙིང་རྗེ་ཚད་མེད། དགའ་བ་ཚད་མེད། བཏང་སྙོམས་ཚད་མེད།
ཅ༽ ཟུར་ཚིག་དྲུག་ཡོད་མི་འདི་་་་་ ཕ་རོལ་ཏུ་ཕྱིན་པ་དྲུག་ལུ་རྗེས་སུ་འཇུག་པའི་བརྡ་དང་།མི་བོ་གདུང་དྲུག་གི་བུ་བརྒྱུད་དར་ཞིང་རྒྱས་པའི་རྟགས་ཨིན།
༼འབྲི་གུང་སྐྱ་རའི་གདུང་། སྟག་ལུང་ག་ཟིའི་གདུང་། ས་སྐྱ་འཁོན་གྱི་གདུང་། འོད་གསལ་ལྷའི་གདུང་། ཆོས་རྒྱས་བྱའི་གདུང་། སྡེ་གདོང་གོང་མའི་གདུང་།༽
ཇ༽ སྒྲོག་ཐག་གཉིས་ཀྱིས་བསྡམས་མི་འདི་་་་་་དམ་ཚིག་དར་གྱི་མདུད་ཕོད་བཟུམ་དམ་པོར་གནས་པའི་བརྡ་ཨིན།
ཉ༽ གོང་སློག་དགོ་མི་འདི་་་་་་་་ཕོའི་དཔའ་རྩལ་ཕྱི་ཁར་ངོམས་པའི་བརྡ་དང་གོ་གནས་ཀྱི་དབྱེ་བ་སྟོནམ་ཨིན།
ཏ༽ ལག་རྒྱན་སློག་དགོ་མི་འདི་་་་་་ནང་གི་ལྷག་བསམ་དཀརཔོ་ཕྱི་ཁར་ངོམས་པའི་བརྡ་དང་གོ་གནས་ཀྱི་དབྱེ་བ་སྟོནམ་ཨིན།
ཐ༽ རྒྱབ་ལུ་སྡེབ་བྱ་གཉིས་ཡོད་མི་འདི་་་་་ཆོས་དང་སྲིད་ཀྱི་བྱ་བ་ག་་ཅི་རང་ཨིན་རུང་ཉེ་རིང་མེད་པར་ཟུང་དུ་འབྲེལ་བའི་བརྡ་སྟོནམ་ཨིན།
ད༽ སྐེ་རགས་བཅིངས་མི་འདི་་་་་་་རྒྱལ་ཁབ་ཀྱི་མི་རིགས་ཚུ་དམ་ཚིག་གཅིག་གི་སྒོ་ནས་དམ་པོར་གནས་པའི་བརྡ་ཨིན།
ན༽མ་དང་ཟུར་ཚིག་འདི་ཚུ་གོང་གཅིག་གི་འོག་ལུ་བསྡུ་མི་འདི་་་་་འབྲུག་མི་ཡོངས་དཔལ་ལྡན་འབྲུག་པའི་ཆོས་སྲིད་ཀྱི་ཁྲིམས་ལུགས་གཅིག་གི་འོག་ལུ་གནས་པའི་བརྡ་དང་། རྒྱལ་ཁབ་ཀྱི་འབངས་གཞུང་གེ་ར་ཆོས་སྲིད་གཉིས་ཀྱི་བདག་ཉིད་མངའ་བདག་རྒྱལ་པོ་གཅིག་གི་འོག་ལུ་བསྡུ་བའི་བརྡ་ཨིན།
པ༽མདུན་ཕྱོགས་གཉིས་བརྩེགས་ཡོད་མི་འདི་་་་་གཟུགས་ཀྱི་རྒྱབ་ཕྱོགས་ལས་མདུན་ཕྱོགས་ཉེན་ཁ་ཆེ་བའི་ཉེན་སྲུང་དང་གྲང་བའི་གནོད་པ་སྐྱོབ་པའི་བརྡ་ཨིན།
ཕ༽ གོ་གི་མཐའམ་ཡར་འཐུ་སུ་ཅིག་སྦེ་གྱོན་མི་འདི་་་་་་་བྱ་དཀའ་བའི་ལཱ་ཚུ་མང་ཆེ་བ་ཕོ་རྒྱ་གིས་འབད་བའི་བརྡ། འདི་ཡང་ལཱ་འབད་བའི་སྐབས་སུ་བདེ་ཏོག་ཏོ་འོང་ནིའི་དོན་ལུ་ཨིན་པས།
གཉིས་པ་ དཀྱི་རའི་གོ་དོན་བརྡ་བཤད།
ཀ༽ རལ་པ་ཡོད་མི་འདི་་་་་་་་་་་་་་་་་བུམོ་ཚུ་ཤེས་རབ་ལྷག་པའི་བརྡ།
ཁ༽ཀོ་མ་གཉིས་དང་རྒྱབ་ཐག་ཡོད་མི་འདི་་་་་་་་་་་་་་་་་་ནང་ཁྱིམ་འཛིན་སྐྱོང་གི་བྱ་བ་ག་ཅི་རང་འབད་རུང་ཉེ་རིང་མེད་པར་སྐྱོང་བཞག་འབད་བའི་དོན་དང་ལེགས་ཕྱོགས་མ་ལུས་པའི་གཞི་བཟུང་བའི་བརྡ།
ག༽ ཕྱི་ཁ་ལས་སྟོད་གོ་གཡོག་མི་འདི་་་་་་་་་་་་་་ཁྲེལ་དང་ངོ་ཚ་བག་ཡོད་གསུམ་གྱིས་གཡོག་པའི་བརྡ།
ང་༽ དཀྱི་རས་ཀྱི་མཐའམ་རྐང་ཚིགས་མི་མཐོང་ཙམ་དུ་དམའ་བར་གྱོན་མི་འདི་་་་་་་་་མཛེས་ཆོས་དང་འབྲེལ་བའི་གུས་བཀུར་ཡོད་པའི་བརྡ།
ཅ༽ འོན་འཇུའི་གོང་དང་ལག་རྒྱན་ཕྱི་ཁར་སློག་མི་འདི་་་་་་་་་་་་་་་་་་་་་་་་་བྱམས་སེམས་ཀྱིས་གཞན་རྣམས་སྐྱོང་བའི་བརྡ།
ཆ༽ ཁ་འཇགས་གཉིས་ཡོད་མི་འདི་་་་་་་་་་་་་་་་་་་་་་་་་ཐབས་ཤེས་ཟུང་འབྲེལ་གྱི་ཁྱད་ཆོས་ཚང་བའི་བརྡ།
ཉ༽ རྒྱབ་བལྟབ་གཉིས་བརྩེགས་དང་མདུན་བལྟབ་གསུམ་བརྩེགས་ཡོད་མི་དང་། སྐེ་རགས། མ་གསུམ་གྱི་གོ་དོན་འདི་ཚུ་གོང་གི་གོ་གི་སྐབས་དང་འདྲ།
སྤྱིར་བཏང་གོ་གནས་དང་འབྲེལ་བའི་བཀབ་ནེའི་ཐོབ་ལམ།
མངའ་བདག་རྒྱལ་པོའི་ན་བཟའ། ཚོས་གཞི་སེརཔོ། རྒྱ་ཚད་མཐོ་དྲུག་དང་ལག་གང། དཀྱུས་ཚད་མཐོ་ཉེར་གཅིག་རཔལ་མེད་པ། སྤྱི་ལོ་༡༦༥༡ ལུ་ཞབས་དྲུང་རིན་པོ་ཆེ་གིས་སྡེ་སྲིད་དང་པ་དབུ་མཛད་བསྟན་འཛིན་འབྲུག་རྒྱས་བསྐོས་ གནང་པའི་སྐབས་ན་བཟའ་སེརཔོ་མདུན་བཀལ་བདུན་ལྟབ་མཛད་གནང་ནུག དེ་ལས་ཚུར་སྡེ་སྲིད་རིམ་བྱོན་ཚུ་དང་། འདི་ལས་དཔེ་དྲངས་ཏེ་སྲིད་ཀྱི་བདག་པོ་རྒྱལཔོ་རིམ་བྱོན་ཚུ་གིས་ ཡང་ཉམས་ཆག་མེད་པར་ཕྱག་ལེན་གནང་སྟེ་ཡོདཔ་ཨིན། ཕྱག་ལྟག་གཡོན་ལུ་མདུན་བཀལ་སྤྱ་མཐོ་གང་ཙམ་གྱི་ཚད་ཁར་བལྟབ་མཚམས་སྙོམས་ཏང་ཏ་་ཆོས་ཀྱི་གླེགས་བམ་གྱི་སོ་ཅོག་འཐདཔ་སྦེ་བདུན་བལྟབ་དང་། དཔྱ་གསུམ་སྐུའི་ཕྱག་གཡོན་ཧོངས་ལས་སྐུ་རྒྱབ་ བསྐོར་ཏེ་ཕྱག་ཤེད་ཀྱི་ཐད་ཁ་ལས་དཀྱིས་ཏེ་བཞེསཔ་ཨིན།
ཀྲོང་གསར་དཔོན་སློབ་ཀྱི་ན་བཟའ། ཚོས་གཞི་ལུང་སེར།རྒྱ་ཚད་མཐོ་དྲུག་དང་ལག་གང།དཀྱུས་ཚད་མཐོ་ཉེར་གཅིག་རལཔ་མེད་པ། ཧེ་མ་སྤྱི་བླ་རྣམ་གསུམ་གྱི་ན་བཟའི་ཚོས་གཞི་འདི་སློབ་དཔོན་བཞིའི་སྒྲིག་གི་ན་བཟའ་དང་རིགས་འགྲེས་ཏེ་ཚོས་གཞི་ལི་ཝང་ཨིན་རུང།སྤྱི་བླའི་གོ་གནས་འདི་བརྒྱུད་འཛིན་གྱི་རྒྱལ་སྲས་ཀྱིས་མཛདཔ་ལས་སྤྱི་ ལོ་༡༩༧༡ ལུ་འབྲུག་རྒྱལ་གསུམ་པ་གིས་རྒྱས་སྲས་འཇིགས་མེད་སེང་གེ་དབང་ཕྱུག་ཀྲོང་གསར་དཔོན་ སློབ་ཀྱི་བདག་འགན་མངའ་གསོལ་གནངམ་ད་ན་བཟའི་ཚོསགཞི་སེརཔོ་ཡང་མེནམ་ལི་ཝང་ཡང་མེན་པའི་སེརཔོ་ངོ་མ་ལས་ལི་ཝང་གི་ཁ་ཙམ་དང་ལི་ཝང་ངོ་མ་ལས་སེར་ཁ་མཚམས་ཅིག་སྦེ་ལུང་སེར་མའི་ཚོས་ མདོག་བཟོ་གནང་ནུག དེ་ལས་ཚུར་དཔོན་སློབ་ཀྱི་ན་བཟའ་ལུང་སེར་མའི་ལམ་སྲོལ་དར་ཡོདཔ་ཨིན།
སྐུ་འཁོར་གྱི་ན་བཟའ། ཚོས་གཞི་ལི་ཝང་ཁ་གནག་སུ་ཅིག༼བཙོད་ཁམས༽རྒྱ་ཚད་མཐོ་དྲུག་དང་ལག་གང།དཀྱུས་ཚད་མཐོ་ ཉེར་གཅིག་རལཔ་མེད་པ། མི་དབང་རྒྱལ་སྲས་ཚུ་གི་ན་བཟའ་དེ་སྐུ་ན་ཆུང་ཀུའི་བསྒང་སྐུ་ཡོན་བཞེས་པའི་སྐབས་སུ་བཀབ་ནེ་ དཀརཔོ་དང་ཡང་ན་སྨན་རྩེ་བཀབ་ནེ་བཞེསཔ་ཨིན།སྨན་རྩེ་བཀབ་ནེ་འདི་ཕྱག་སྒརཔ་རྡིག་ཤོསམ་གིས་ བཞེསཔ་ལས་ཧེ་མ་རྒྱལ་སྲས་ཚུ་ཡབ་རྒྱལ་པོའི་སྒོ་ཁར་ཕྱག་སྒརཔ་དམངས་ཀྱི་འགུབ་བདག་སྦེ་ཕྱག་ འགན་བཞེསཔ་ལས་བརྟེན་ཏེ་ཨིན། རྒྱལ་པོའི་སྲས་ཚུ་དགུང་ལོ་༡༨བཞེས་ཞིནམ་ལས་གཞུང་གཡོག་ནང་ཕྱག་འགན་བཞེས་མི་ཚུ་ཕྱག་འགན་གྱི་གནས་རིམ་དང་བསྟུན་པའི་ན་བཟའ་བཞེསཔ་ཨིན་རུང་སྤྱིར་བཏང་རྒྱལ་སྲས་ཀྱི་ཁྱད་དབང་དང་ བསྟུནམ་ད་དམིགས་བསལ་སྐུ་འཁོར་གྱི་ན་བཟའ་ཚོས་གཞི་ལི་ཝང་ཁ་ནག་སུ་ཅིག འདི་ཡང་སྤྱི་ལོ་༢༠༠༧་སྤྱི་ཟླ་༨་པའི་སྤྱི་ཚེས་༢༧་ལུ་མི་དབང་མངའ་ཞབས་ལས་རྒྱལ་སྲས་དྲགོས་འཇིགས་རྒྱལ་ཨྱོན་དབང་ཕྱུག་ལུ་ན་བཟའ་བཙོད་ཁམས་གནང་མི་ལས་རིམ་བཟུང་སྟེ་དར་ཁྱབ་བྱུང་ཡོདཔ་ཨིན།
བློན་པོའི་ན་བཟའི་སྐོར། ཚོས་གཞི་ ལི་་ཝང་། རྒྱ་ཚད་ མཐོ་དྲུག་དང་ལག་གང་། དཀྱུས་ཚད་མཐོ་ཉེར་གཅིག་རལཔ་མེད་པ། ཧེ་མ་དུས་རབས་༡༧་པའི་ནང་གྲྭ་ཚང་གི་སློབ་དཔོན་བཞིའི་ན་བཟའ་ལས་རྟ་དྲངས་ཏེ་མཛད་གནང་མི་སྤྱི་བླ་རྣམ་གསུམ་གྱི་ན་བཟའ་ལི་ཝང་འདི་སྤྱི་ལོ་༡༩༦༨ལུ་མི་དབང་འབྲུག་རྒྱལ་གསུམ་པ་མཆོག་གིས་ལྷན་རྒྱས་གཞུང་ཚོགས་འགོ་དང་པ་བཙུགསཔ་ད་འབྲུག་གཞུང་གི་བློན་པོ་ལྷན་རྒྱས་ཚུ་གི་བཀབ་ནེ་སྦེ་གནང་ནུག ལྷན་རྒྱས་འོགམ། ཚོས་གཞི་ལུང་དམར། རྒྱ་ཚད་་མཐོ་ལྔ་དང་ལག་གང་། དཀྱུས་མཐོ་ཉེར་གཅིག་རལཔ་མེད་པ། ལྷན་རྒྱས་འོགམ་ཟེར་གཉིས་སྐལ་མའི་ལྟག་ལས་དང་བློན་པོའི་འོག་ལས་སྦེ་སྤྱི་ལོ་༡༩༦༩ ལུ་མི་དབང་ འབྲུག་རྒྱལ་གསུམ་པ་མཆོག་གིས་དོན་གྲུབ་ཕུན་ཚོགས་ཟེར་མི་འདི་ནང་སྲིད་བློན་པོ་འོགམ་དང་། སངས་རྒྱས་བསྟན་འཛིན་འདི་རྒྱལ་པོའི་གཟིམ་དཔོན་དང་། ཤིང་མཁར་བླམ་འདི་ཚོགས་དཔོན་སྦེ་བློན་པོ་འོགམ་གསུམ་བསྐོ་བཞག་མཛད་གནང་ནུག བཀབ་ནེ་གི་ཚོས་གཞི་ཡང་བློན་པོ་དང་འདྲ་བ། བཞེས་ལུགས་གཉིས་སྐལམ་དང་འདྲ་བར་མཛད་གནང་ནུག བཞེས་ལུགས-མདུན་བཀལ་བལྟབ་མི་ཆོག་རྩེ་བཏོན་ཏེ་བལྟབ་མཚམས་ཕྱག་བལྟབ་གཡོན་པའི་གུ་བཀལ་ཏེ་བཀབ་ནི་དང་། བཀབ་ནེའི་སོ་འདི་གོ་གི་སོ་ཁ་ལས་མར་ལག་གང་ཙམ་མར་བཏང་ནི་དང་དཔའ་རྟགས་ཀྱི་རྩ་ཕྱི་ཁར་ཐོནམ་སྦེ་བཀབ་དགོ
དཔོན་གཉིས་སྐལ་མའི་ན་བཟའ། ཚོས་གཞི་དམརཔོ། རྒྱ་ཚད་མཐོ་ལྔ་དང་ལག་གང་། དཀྱུས་མཐོ་ཉེར་གཅིག་རལཔ་མེད་པ། གཉིས་སྐལམ་ཟེར་སླབ་དགོ་མི་འདི་ ཧེ་མ་འབད་བ་ཅིན་ཁོང་ཚུ་ཆིབས་ཞོན་པའི་དཔོན་ཁག་གི་སྐལཝ་ གཉིས་བརྩེགས་ཐོབ་ལམ་ཡོདཔ་ལས་བརྟེན་ཨིན་པས། བཞེས་ལུགས- ལྷན་རྒྱས་འོགམ་དང་འདྲ་རུང་བཀབ་ནེའི་སོ་འདི་གོ་གི་སོ་དང་འདྲན་འདྲ་བཏང་དགོཔ་ཨིན། ཧེ་མ་སྡེ་སྲིད་ཀྱི་དབུ་ཁྲིད་འོག་ལུ་ཡོད་པའི་གཞུང་ལྷན་རྒྱས་དགུའི་ནང་ལས་གོང་གཟིམ། གཞུང་མགྲོན་གཉེར། ཤར་ཝང་སྤར་གྱི་རྫོང་དཔོན་གསུམ་འདི་གཉིས་སྐལམ་གོང་མའི་གོ་གནས་ཨིནམ་ལས་བཀབ་ནེ་གི་ཚོས་གཞི་ཡང་བཙོད་ཁམས་བཞེས་སྲོལ་ཡོདཔ་དང་།གཞན་གསོལ་དཔོན། དར་དཔོན། གཟིམ་དཔོན་ནངམ།རྫོང་གཞི་གཞན་གྱི་རྫོང་དཔོན་ཚུ་གཉིས་སྐལམ་ཟེར་བཀབ་ནེ་གི་ཚོས་གཞི་དམརཔོ་བཞེས་སྲོལ་འདུག །འབྲུག་རྒྱལ་བཞི་པའི་སྐབས་ལས་ཞི་གཡོགཔ་EX3ཡན་ཆད་ཀྱི་བཀབ་ནེ་དམརཔོ་གནང་ནིའི་འོས་འབབ་ཚད་གཞིའི་གྲངས་སུ་ཚུདཔ་ཨིན་རུང་གཉིས་སྐལ་མའི་གོ་གནས་འདི་འབྲུག་རྒྱལ་པོའི་ཞབས་ལས་འོས་འབབ་གཟིགས་ཏེ་སོ་སོའི་ལཱ་ཤུལ་གྱི་གྲུབ་འབྲས། ཁྱད་འཕགས་ཀྱི་ཤེས་ཚད། ངལ་རངས་ཀྱི་ཐུགས་ གཏད། ལྕོགས་གྲུབ་ཀྱི་ངོས་འཛིན་དང་གཅིག་ཁར་འབྲུག་རྒྱལཔོ་མཆོག་གིས་དམིགས་བསལ་ཐུགས་ བརྩེའི་ཁྱད་དབང་གི་ཐོག་ལས་གནངམ་མ་གཏོགས་EX3ཡན་ཆད་ཀྱི་འགོ་དཔོན་ག་ར་ལུ་ཐོབ་ལམ་ མེདཔ་ཨིན།
ཆེད་བསྟོད་ཅན་གྱི་འཐུས་མི། ཚོས་གཞི་ཧོནམ། རྒྱ་ཚད་མཐོ་ལྔ་དང་ལག་གང་། དཀྱུས་མཐོ་ཉེར་གཅིག་རལཔ་མེད་པ། བཞེས་ལུགས་ གཉིས་སྐལམ་དང་འདྲ། འབུ་རས་ཧོནམ་འདི་འབྲུག་རྒྱལཔོ་རིམ་བྱོན་གྱིས་སྒྲིག་ཡངས་ཀྱི་སྐབས་སུ་བཞེས་སྲོལ་ཡོདཔ་ཨིན་རུང་སྤྱི་ལོ་༡༩༦༥ ལུ་མི་དབང་འབྲུག་རྒྱལ་གསུམ་པ་མཆོག་གིས་མི་སེར་གྱི་བཙག་འཐུ་ལས་གྲུབ་པའི་བློ་གྲོས་ཚོགས་སྡེའི་འཐུས་དཔོན་སྐུ་ཚབ་ཚུ་གི་བཀབ་ནེ་ལུ་སྲོལ་བཏོད་གནང་ནུག འདི་ལུ་རྟ་དྲངས་ཏེ་སྤྱི་ལོ་༢༠༠༨ ལས་དམངས་གཙོ་བོའི་གཞུང་འགོ་བཙུག་པའི་སྐབས་བཀབ་ནེ་ཧོནམ་འདི་མི་སེར་གྱི་འདེམས་ཁོངས་སོ་སོ་ལས་བཙག་འཐུ་སྒྲུབ་ཡོད་པའི་ཆེད་བསྟོད་ཅན་གྱི་འཐུས་མི་གི་བཀབ་ནེ་སྦེ་སྲོལ་བཙུག་གནང་ནུག འབུ་རས་ཧོནམ་འདི་གནམ་ཧོནམ་དང་རྒྱ་མཚོ་ཧོནམ་གི་དཔེ་ལས་རྟ་དྲངས་ཏེ་སྤྱི་ཚོགས་དང་མི་མང་གི་བརྡ་མཚོན་ལུ་ལག་ལེན་འཐབ་ཨིན།
དྲང་དཔོན་གྱི་བཀབ་ནེ། ཚོས་གཞི་ལྕང་ཁ་༼གཡུ་མདོག་ཅནམ༽ རྒྱ་ཚད་མཐོ་ལྔ་དང་ལག་གང་། དཀྱུས་མཐོ་ཉེར་གཅིག་རལཔ་མེད་པ། དྲང་ཁྲིམས་ལྷན་སྡེའི་ནང་ ཁྲིམས་ཀྱི་རང་དབང་སོ་སོར་ཡོད་པའི་ངོས་འཛིན་གྱི་དོན་ལུ་མི་དབང་འབྲུག་རྒྱལ་བཞི་པ་མཆོག་གི་དགོངས་གྲོལ་དང་འཁྲིལ་ཏེ་སྤྱི་ལོ་༢༠༠༥ལས་དྲང་ཁྲིམས་ལས་གཡོག་བཅའ་ཁྲིམས་དང་བསྟུན་དྲང་དཔོན་ཚུ་གི་བཀབ་ནེ་གཡུ་མདོག་ཅནམ་བཞེས་སྲོལ་བྱུང་ནུག ད་རེས་རྩ་ཁྲིམས་ཅན་གྱི་གོ་གནས་འཆང་མི་མངོན་མཐོ་ཁྲིམས་འདུན་གྱི་དྲང་དཔོན་དང་ཆེ་མཐོའི་ཁྲིམས་འདུན་གྱི་དྲང་དཔོན་ཚུ་ཡང་བཀབ་ནེ་ལྕང་ཁ་འདི་བཞེསཔ་ཨིན། བཞེས་ལུགས་གཉིས་སྐལམ་དང་འདྲ།
རྫོང་བདག་གི་བཀབ་ནེ། ཚོས་གཞི་དམར་པོའི་བར་ལས་དཀརཔོ་ལག་གང་།རྒྱ་ཚད་མཐོ་ལྔ་དང་ལག་གང་།དཀྱུས་མཐོ་ཉེར་གཅིག་རལཔ་མེད་པ། རྫོང་ཁག་ནང་ལུ་གཞུང་གི་སྐུ་ཚབ་ངོ་མ་གཅིག་སྦེ་ཕྱག་འགན་འབག་མི་རྫོང་བདག་འདི་ཚུ་ལུ་ མི་དབང་འབྲུག་རྒྱལ་བཞི་པ་མཆོག་གི་དགོངས་གྲོལ་དང་འཁྲིལ་ཏེ་སྤྱི་ལོ་༢༠༠༦ལུ་བཀབ་ནེ་རལཔ་མེདཔ། དམརཔོའི་བར་ལས་དཀརཔོ་ལག་གང་རེ་འབད་མི་བཟོ་གནང་ནུགབཞེས་ལུགས་གཉིས་སྐལམ་དང་འདྲ།
རྫོང་རབ་ཀྱི་བཀབ་ནེའི་སྐོར། ཚོས་གཞི་དཀརཔོའི་སྦུག་ལུ་དམརཔོ་ལག་གང་། རྒྱ་ཚད་མཐོ་གསུམ་དང་ལག་གང་། དཀྱུས་རལཔ་བཅས་མཐོ་ཉེར་གཅིག ཧེ་མ་འབད་བ་ཅིན་ཆིབས་ཞོནམ་ཟེར་སྒོ་རཔ། རྩ་གཉེར། ཤ་གཉེར་ཚུ་དང་དྲུང་པ་སྐུ་ཚབ་འདི་ཚུ་མང་ཤོས་རང་འགོ་དཔོན་གྱི་ཐོབ་ལམ་རྐྱང་སྐལ་ཐོབ་མི་ཚུ་ཨིན་པས། ཨིན་རུང་སྤྱི་ལོ་༡༩༦༣ ལུ་ཁྱུང་གསེབ་རིག་འཛིན་ཐིམ་ཕུག་གཉེར་ཆེན་རབ་འབྱམས་འགོ་དང་པ་བཀལཝ་ད་མི་དབང་འབྲུག་རྒྱལ་གསུམ་པ་མཆོག་གིས་ཞབས་ལས་བཀའ་གནང་སྟེ་བཀབ་ནེ་དཀརཔོ་རལཔ་ཡོད་མི་སྦུག་ལས་དམརཔོ་ལག་གང་དང་། མཐའམ་གཉིས་ལས་དམརཔོ་ལག་གང་རེ་འབད་མི་གསུམ་བཙུགས་ཏེ་རབ་འབྱམས་ཀྱི་བཀབ་ནེ་བཟོ་གནང་ནུག དེ་ལས་ཚུར་རྫོང་རབ། དྲང་དཔོན་རབ་འབྱམས་དང་དྲུང་པ་ཚུ་གི་བཀབ་ནེ་སྦེ་བཀབ་སྲོལ་དར་ནུག
དྲང་རབ་ཀྱི་བཀབ་ནེའི་སྐོར། ཚོས་གཞི་དཀརཔོའི་སྦུག་ལུ་ལྕང་ཁ་ལག་གང་། རྒྱ་ཚད་མཐོ་གསུམ་དང་ལག་གང་། དཀྱུས་རལཔ་བཅས་མཐོ་ཉེར་གཅིག ཧེ་མ་རྫོང་རབ་ཚུ་དང་འདྲ་རུང་ཤུལ་ལས་སྤྱི་ལོ་༢༠༠༥་ལས་འགོ་བཙུག་སྟེ་དྲང་རབ་དང་དྲུང་པ་འདི་ཚུ་གི་བཀབ་ནེ་ཚུ་རྫོང་རབ་ཀྱི་བཀབ་ནེ་དང་རིགས་འགྲེས་ཏེ་བཀབ་ནེ་སྦུག་དང་མཐའམ་དམརཔོ་གི་ཚབ་ལུ་ལྕང་ཁ་གཡུ་མདོག་ཅནམ་བཙུག་སྟེ་ལག་ལེན་འཐབ་སྲོལ་བྱུང་ནུག བཞེས་ལུགས-གཡས་ཧོངས་ཀྱི་བཀབ་ནེའི་སོ་འདི་གོ་གི་སོ་ཁ་ལས་ལག་གང་ཙམ་ཡར་འཐུ་སྟེ་བཀབ་དགོ
རྒཔོ་གི་བཀབ་ནེ། ཚོས་གཞི་ཁ་དམར། རྒྱ་ཚད་མཐོ་བཞི། དཀྱུས་རལཔ་བཅས་མཐོ་ཉེར་གཅིག རྒཔོ་ཟེར་རྒེད་འོག་གཅིག་གི་མི་སྡེའི་འཛིན་སྐྱོང་འཐབ་མི། རྒཔོ་ཟེར་བའི་ཚིག་འདི་ཡང་སྒརཔ་ལས་འགྱུར་བ་སོང་སོངམ་ཅིག་ཨིན། བཞེས་ལུགས་-ཆིབས་ཞོནམ་དང་འདྲ། ཧེ་མ་འབད་བ་ཅིན་རྟོགས་ལྡན་སྒརཔ་ཟེར་ཞབས་དྲུང་རིན་པོ་ཆེ་གིས་བྱིན་གྱིས་བརླབས་ཏེ་གནང་བའི་སྔགས་པའི་ཆས་ ནང་ན་གོས་དང་ཕྱི་ལས་སྨད་གཡོག་དཀརཔོ། བཀབ་ནེ་ཁ་དམར། བརྡ་ལན་འབད་ནི་གི་དོན་ལས་སྐེད་པར་རྐང་དུང་བཙུགས་ཏེ་འགྱོ་སྲོལ་སྡོད་ནུག ཤུལ་ལས་རྒཔོ་ཚུ་གི་བཀབ་ནེ་ཡང་ཧེ་མ་རྟོགས་ལྡན་སྒརཔ་ཚུ་གིས་བཞེས་མི་བཀབ་ནེ་ཁ་དམར་ སྦུག་དམརཔོ་མཐའམ་གཉིས་དམརཔོ་རལཔ་ཡོད་མི་འདི་ལག་ལེན་འཐབ་ནུག།
སྤྱིར་བཏང་གི་བཀབ་ནེ། ཚོས་གཞི་དཀརཔོ། རྒྱ་ཚད་མཐོ་གསུམ་དང་ལག་གང་། དཀྱུས་རལཔ་བཅས་མཐོ་ཉེར་གཅིག བཀབ་ལུགས- ཆིབས་ཞོནམ་དང་འདྲ།
དྲན་གསོ། ཕོ་སྐྱེས་ཚུ་གིས་མདུན་བཀལ་མར་ཕབ་མི་འདི་དང་ཨམ་སྲུ་ཚུ་གིས་རག་ཅུང་དཔུང་གཡས་གཡོན་ལས་བསྐོར་ཏེ་བཀབ་མི་གཉིས་གུས་བཀུར་ཞུ་བའི་དོན་དང་མདུན་བཀལ་ཡར་བཀལ་མི་དང་རག་ཅུང་གཉིས་བལྟབ་རྐྱབ་སྟེ་ཕྱག་ལྟག་གཡོན་པ་བཀལ་ཏེ་རལཔ་གདོང་ཁར་སྟོན་ཏེ་འགྱོ་དགོ་མི་ཚུ་ཅོག་ར་འཐདཔ་ཨིན།
རྒྱལ་ཡོངས་ཀྱི་ཤིང་། ཙན་དན།
ང་བཅས་ར་འབྲུག༌རྒྱལ༌ཁབ་ཀྱི་ ནགས་ཚལ་ཚུ་ནང་ཤིང་རིགས་ལེ་ཤ་ཡོདཔ༌ལས༌ སྤྱིར་གཏང་ནགས༌ཚལ༌ནང༌ལུ༌ ཤིང༌རིགས༌མ༌འདྲཝ༌ལེ༌ཤ༌ཡོད༌པའི༌ནང༌ལས༌ ཙན༌དན༌ཤིང༌འདི་ སྔོན༌གོང༌གི༌ལོ༌རྒྱུས༌དང༌འབྲེལ༌བའི༌གཏམ་རྒྱུས༌ཡ༌མཚན༌ཆེ༌ཏོག༌ཏོ༌སྦེ༌ཡོདཔ༌ཨིན༌མས། འབྲུག་རྒྱལ་ཁབ་ནང་ལུ་ཡོད་པའི་ ཙན་དན་ཤིང་ཚུ་ འགོ་ཐོག་དང་པ་ དུས་རབས་བརྒྱད་པའི་ནང་ཨོ་རྒྱན་གུ་རུ་རིན་པོ་ཆེ་ འབྲུག་ལུ་བྱོན་པའི་སྐབས་ ཕྱག་འཁར་སྦེ་བསྣམ་འབྱོན་བྱོནམ་ཨིནམ་སྦེ་བཤདཔ་ཨིནམ་དང་ འདི་བཟུམ་སྦེ་ཡ་མཚན་ཅན་གྱི་ཤིང་འདི་ ནང་པའི་ཆོས་དང་འབྲེལ་བ་ཡོད་པའི་ལོ་རྒྱུས་ཚུ་ སྔོན་གྱི་ཆགས་རབས་ཚུ་ནང་འཐོན་ནི་ཡོདཔ་ཨིན། རྒྱལ་རབས་ཅན་གྱི་ཤིང་ཆེན་ཙན་དན་འདི་ སྤྱི་ལོ་ ༡༩༧༡ གི་ལོ་ལུ་ འབྲུག་རྒྱལ་ཁབ་འདི་ འཛམ་གླིང་སྤྱི་ཚོགས་ཀྱི་འཐུས་མི་སྦེ་འཛུལ་ཞུགས་འབད་དེ་ རྒྱལ་ཡོངས་ཀྱི་ངོ་རྟགས་ གྱོན་ཆས་དང་ཁ་སྐད་ ཤིང་དང་སེམས་ཅན་ཚུ་ ངོས་འཛིན་འབད་བའི་སྐབས་ ཙན་དན་འདི་འབྲུག་རྒྱལ་ཡོངས་ཀྱི་ཤིང་སྦེ་ངོས་འཛིན་གནང་ནུག། དེ་འབདཝ་ལས་ ཤིང་འདི་ཆོས་དང་ལམ་སྲོལ་གཉིས་ཆ་ར་དང་འབྲེལ་བ་སྦོམ་སྦེ་རང་ཡོདཔ་ཨིན། འབྲུག་ལུ་ཙན་དན་ཤིང་འདི་ལེ་ཤ་སྦེ་མེདཔ་དང་ ཨ་རྩི་རེ་ཡོད་མི་ཚུ་ཡང་ ཉམས་འགྱོ་བ་ཅིན་ མཐའ་འཁོར་མར་ཉམས་ནི་དང་ ས་རུད་དང་ཆ་རུད་ཚུ་འཐོན་ནིའི་ཉེན་ཁ་སྦོམ་ཡོདཔ་ལས་ གཞུང་གི་ཁ་ཐུག་ལས་འདི་ཚུ་ག་དེ་དྲག་དྲག་ སྲུང་སྐྱོབས་འབད་ནིའི་དོན་ལུ་ འབྲུག་ས་ནམ་དང་ནགས་ཚལ་ལྷན་ཁག་འོག་གི་ མི་སྡེ་ནགས་ཚལ་སྡེ་ཚན་དང་ ཨོ་རྒྱན་དབང་ཕྱུགས་མཐའ་འཁོར་ཉམས་སྲུང་སློབ་སྦྱོང་སྤེལ་ཁང་གཉིས་མཉམ་འབྲེལ་གྱི་ཐོག་ལས་ ཞིབ༌འཚོལ༌ཚུ༌འབད༌དེ༌ཡོདཔ༌ཨིན། སྤྱིར་གཏང་མི་ཚུ་གིས་ ཙན་དན་ཤིང་གི་དབྱེ་བ་ཚུ་གི་སྐོར་ལས་ གནམ་མེད་ས་མེད་མ་ཤེསཔ་ཨིན་རུང་ འདི་གི་སྐོལ་ལས་ ཞིབ་འཚོལ་འབད་བའི་སྐབས་ ཤིང་འདི་གི་དབྱེ་བ་ཚུ༌ཕྱེ༌དེ༌ ཡོདཔ་ཨིན། ཙན༌དན༌ཤིང༌གི༌ནགས༌ཚལ༌ཚུ༌མང༌ཤོས༌གཅིག༌རང༌ ཤིང༌ཚུ༌ཚད༌ལས༌བརྒལ༌བཏོག༌མི༌དང༌ ནགས༌ཚལ༌མེ༌རྐྱེན༌ གཡུས༌སྒོ༌ཚུ༌ནང༌འབད༌བ༌ཅིན༌གོ་ནོར༌སེམས༌ཅན༌ཚུ་ ནགས༌ཚལ༌ནང་ག་དགའཝ་སྦེ་བཏང་བཞག་མི་ལས་བརྟེན་ རྩ་མེད་ཐལ་ནིའི་ཉེན་ཁ་ཡོདཔ་ཨིན། རྒྱལ་རབས་དང་ལྡན་པའི་ཙན་དན་ཤིང་འདི་ སྤུས༌ཚད༌ལེགས༌ཤོམ༌ཡོདཔ༌དང༌ རིང༌ཚད༌འདྲ༌མཉམ༌སྦེ༌ཡོདཔ༌ལས༌ ལྷ་ཁང་དགོན་སྡེ་དང་རྫོང་གཞི་ཚུ་བཞེངས་པའི་སྐབས་ལག་ལེན་འཐབ༌དོ༌ཡོདཔ༌ཨིནམ༌དང༌ གཞན༌ཡང༌མཆོད༌བཤམ༌དང༌མཆོད་ཁྲི༌དེ༌ལས་སྤོས༌ཚུ༌བཟོ༌བཏུབ༌པའི༌དགོས༌མཁོས༌ལེ༌ཤ༌རང༌ཡོད། དེ༌མ༌ཚད༌ཙན༌དན༌ཤིང༌འདི༌བདག༌འཛིན༌ལེགས༌ཤོམ༌སྦེ༌འཐབ༌པ༌ཅིན༌ ང༌བཅས༌ར༌འབྲུག༌རྒྱལ༌ཁབ༌ཀྱི༌རང༌བཞིན༌གནས༌སྟངས༌མཛེས༌ཆ༌དང༌ལྡན༌སྦེ༌བཞག༌ཚུགས༌པའི༌ཕན༌ཐོགས༌ལེ༌ཤ༌ཡོདཔ༌ལས༌ མི༌མང༌ག༌ར༌གིས༌ནང༌པའི༌ཆོས༌དང༌འབྲེལ༌བ༌ཡོད༌པའིི་ཤིང༌ཆེན༌འདི༌ རབས༌ཆད༌མ༌བཅུག༌པ༌རྒྱུན༌སྐྱོང༌འབད༌དེ༌བཞག༌དགོཔ༌འདི༌གནམ༌མེད༌ས༌མེད༌ཁག༌ཆེ༌ཏོག༌ཏོ༌ཨིན༌མས༌ཟེར༌ཞུ༌ནི༌ཨིན།
རྒྱལ་ཡོངས་ཀྱི་མེ་ཏོག ཚེར་སྔོན་མེ་ཏོག
རྒྱལ་ཡོངས་ཀྱི་སེམས་ཅན། འབྲོང་གྱིམ་ཙེ།
རྒྱལ་ཡོངས་ཀྱི་བྱ། བྱ་ཨོ་རོག
རྒྱལ་ཡོངས་ཀྱི་རྒྱལ་གླུ། རྒྱལ་པོའི་བརྟན་བཞུགས།
ས་སྐྱོང་དབང་ཕྱུག་ཆེན་པོ་ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་ གནམ་ལོ་ཆུ་འབྲུག་ སྤྱི་ལོ་༡༩༥༢ ལོ་ལུ་ རྒྱལ་པོའི་གསེར་ཁྲི་སྟེང་མངའ་གསོལ་ཞུས། སྤྱི་ལོ་༡༩༥༣ ལས་ བདེ་ཆེན་ཆོས་གླིང་ན་ལུ་ཕོ་བྲང་བཞེངས། ཐིམ་ཕུ་ལུ་རྒྱལ་ས་ལྟེ་བའི་ཕྱག་ལཱ་ཚུ་འགོ་བཙུགས་པའི་དུས་སྐབས་སུ་ རྒྱལ་མགྲོན་འཕྲིན་ལས་རྡོ་རྗེ་མཆོག་གིས་ ཡར་སྟོད་ལས་རྒྱ་ནག་གི་རྒྱལ་ཁབ་ སྨད་ལས་རྒྱ་གར་གི་རྒྱལ་ཁབ་ རྒྱལ་ཁབ་གཞན་དང་གཞན་ག་ར་ལུ་ རྒྱལ་ཁབ་རང་རང་སོ་སོའི་རྒྱལ་ལུགས་འདུག ། ང་བཅས་འབྲུག་ལུ་ སྡེ་སྲིད་ཁྲི་རབས་ལེ་ཤ་བྱོན་ཡོད་རུང་ རྒྱལ་པོའི་བརྟན་བཞུགས་མིན་འདུག་ཟེར་བའི་གྲོས་འཆར་ཚུ་ཡང་ཡང་གནང་ཡོདཔ་ལས། མཐའ་མ་ཐུགས་ཐག་བཅད་གནང་སྟེ་ ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་ལུ་ཞུཝ་ད་ འདི་རྒྱལ་ཁབ་ལུ་དགོཔ་ངེས་བརྟན་ཨིནམ་ལས་ ཚིག་འདི་ཕལ་སྐད་སྦེ་ མི་སེར་མི་ནགཔ་ཀུན་གྱིས་ཧ་གོ་ཚུགསཔ་སྦེ་ བརྩམས་དགོས་པའི་བཀའ་གནང་ནུག །
དེ་བསྒང་ཤེས་བྱའི་གནས་ཀུན་ལ་མཁས་དང་གྲུབ་པའི་སློབ་དཔོན་ སྒྲ་སློབ་ཐུབ་བསྟན་ནོར་བུ་མཆོག་ ཡོངས་གྲགས་ལུ་སྒྲ་སློབ་རྣམ་རྒྱལ་ཟེར་ཡང་ཞུཝ་ཨིན་མས། སྒྲ་སློབ་མཆོག་ལུ་ རྒྱལ་པོའི་བརྟན་བཞུགས་གི་རྩ་ཚིག་ གསར་རྩོམ་མཛད་དགོས་པའི་སྐུལ་མ་ལྷོདཔ་དང་འདྲེས་ཏེ་ དང་པོ་ཚིག་རྐང་བཅུ་གཉིས་ཀྱི་སྒོ་ལས་ བརྟན་བཞུགས་གསར་རྩོམ་མཛད་གནང་ནུག ། དེ་ཡང་།
ལྷོ་ཙན་དན་བཀོད་པའི་རྒྱལ་ཁབ་ནང་།།
ལུགས་གཉིས་ཀྱི་བསྟན་པ་སྐྱོང་བའི་མགོན།།
འབྲུག་རྒྱལ་པོ་མངའ་བདག་རིན་པོ་ཆེ།།
སྐུ་འགྱུར་མེད་ཞབས་པད་བརྟན་པར་ཤོག །
ཐུགས་དགོངས་པའི་ཤེས་རབ་འཕེལ་འཕེལ་ནས།།
ལུགས་ཆོས་སྲིད་འཕྲིན་ལས་གོང་དུ་འཕེལ།།
དཔལ་མངའ་ཐང་དགུང་དང་མཉམ་ནས་ཀྱང་།།
འབངས་མི་སེར་དར་ཞིང་རྒྱས་པར་ཤོག །
དཔོན་ཆོས་རྗེ་འབྲུག་པའི་རྒྱལ་ཁབ་འདིར།།
ཆོས་སངས་རྒྱས་བསྟན་པ་རྒྱས་རྒྱས་ནས།།
ནད་མུ་གེ་འཁྲུགས་རྩོད་དབྱིངས་སུ་ཡལ།།
བདེ་སྐྱིད་ཀྱི་ཉི་མ་ཤར་བར་ཤོག །
ཟེར་བའི་ཚིགས་བཅད་དེ་ཨིན། ཚིག་རྐང་འདི་དུམ་གྲ་མང་སོང་བ་ལས་ མི་རང་གར་གྱི་བསམ་འཆར། བརྙན་ཐུང་ཅིག་ན་ མཁན་རྟ་མགྲིན་སྲིད་ཐུབ་མཆོག་གིས། ས་སྐྱོང་དབང་ཕྱུག་ཆེན་པོ་འདི་ཚུ་ གནམ་མེད་ས་མེད་ཀྱི་རིག་རྩལ་ཆེཝ་ལས་ ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་ ཁོ་ར་ལས་གཙོས་པའི་ ཚོགས་ཆུང་ཅིག་བཟོ་ཐོག་ལས་ འཕྲི་སྣོན་སྲེ་གསུམ་གྱི་སྒོ་ལས་མཐའ་མེད་མཐའ་དཔྱོད་གྲུབ་འབྲས་འདི་ ཚིག་རྐང་དྲུག་ལུ་ ཁོ་ར་གིས་གཏན་ཕེབས་གནང་ནུག་ཟེར་གསུངས་ས་མཇལ་ཡི་ལགས། ད་རེས་མི་སེར་ཆེ་འབྲིང་ཆུང་གསུམ་ཀུན་གྱི་སྤྱན་ལམ་དུ་སྣང་སྲོལ་ཡོད་པའི་རྒྱལ་པོའི་བརྟན་བཞུགས་འདི་འབད་བ་ཅིན།
འབྲུག་ཙན་དན་བཀོད་པའི་རྒྱལ་ཁབ་ནང་།།
དཔལ་ལུགས་གཉིས་བསྟན་སྲིད་སྐྱོང་བའི་མགོན།།
འབྲུག་རྒྱལ་པོ་མངའ་བདག་རིན་པོ་ཆེ།།
སྐུ་འགྱུར་མེད་བརྟན་ཅིང་ཆབ་སྲིད་འཕེལ།།
ཆོས་སངས་རྒྱས་བསྟན་པ་དར་ཤིང་རྒྱས།།
འབངས་བདེ་སྐྱིད་ཉི་མ་ཤར་བར་ཤོག།
ཟེར་མི་དེ་ཨིན། དེ་ལས་གདངས་བཟུམ་ཅི་འབད་བ་ཅིན་ ཐིམ་ཕུ་གཟིམ་དཔོན་ཇོའུ་ཅུ་མཆོག་གིས་ ཞིང་གཤེགས་པ་དམ་པ་འབྲུག་རྒྱལ་གསུམ་པ་མཆོག་ལུ་སྙན་འབུལ་ཞུ་སྟེ། ཁྲི་མཉམ་པ་མེད་པ་པདྨའི་ཁྲི། །ཟེར་བའི་གཞུང་སྒྲའི་གདངས་དབྱངས་ལུ་གཞི་བཞག་སྟེ་ དེ་བསྒང་རྒྱལ་སྲིད་བསྟན་འཛིན་རབ་རྒྱས་མཆོག་ སྡེ་སྲིད་ཁྲི་རབས་བཞི་པའི་གསེར་ཁྲི་མངའ་སྲོལ་ཞུས་སྐབས་ཀྱི་གདངས་དབྱངས་ཅིག་འབདཝ་ལས་ དེ་གུ་འགབ་པ་ཅིན་ རྟེན་འབྲེལ་ཡང་ལེགས་པས། ཡུན་དུ་ཡང་དེ་གིས་བརྟན་ནི་ཨིན་སྦེ། རྒྱལ་སྲས་བསྟན་འཛིན་རབ་རྒྱས་ཟེར་བའི་སྐྱེས་བུ་འདི་ ཨུ་རྒྱན་མཧཱ་གུ་རུ་སྐུ་དངོས་ཨིནམ་ལས་ ཁོ་ལུ་འཕུལ་ཡོད་པའི་གདངས་ལུ་འགབ་པ་ཅིན་ག་དེ་སྦེ་འཚམ་ག་ཟེར་བའི་སྙན་འབུལ་ཞུ་བའི་ཚེ། དེ་གནམ་མེད་ས་མེད་ལེགས་ཤོམ་ཨིན་མས་ཟེར་བཀའ་གྲོལ་ཏེ་ གདངས་འདི་་སྙན་ཆའི་ཐོག་ཏུ་འབད་བ་ཅིན་ དྲག་ཤོས་ཨ་ཁུ་བཀྲོངས་མི་མཆོག་གིས་བཟོ་གནང་སྟེ་ རྒྱལ་ཁབ་ཀྱི་རྒྱལ་པོའི་བརྟན་བཞུགས་ཅི་སྦེ་ཆ་འཇོག་བསྒྲུབས་ནུག །
རྒྱལ་བརྒྱུད་རིམ་བྱོན་གྱི་གཙུག་རྒྱན། བསྔམས་ཤིང་བརྗིད་ལ་བྱིན་རླབས་ཀྱི་གཟི་བྱིན་འབར་བའི་དབུ་ཞྭ་བྱ་རོག་གདོང་ཅན་བཅས་ཨིན།
དབུ་ཞྭ་བྱ་རོག་གདོང་ཅན་གྱི་བརྡ་དོན་འགྲེལ་བཤད་མདོར་ཙམ་ཞུ་ན། ༡༽ སྤྱིར་བཏང་བྱ་རོག་འདི་གི་ སྤུ་མདོག་ནགཔོ་ཨིན་རུང་ དབུ་ཞྭ་འདི་གི་མདོག་མཐིང་ནག་གམ་ ལྗང་ནག་ཡོད་མི་འདི་ རང་བཞིན་གྱི་ལྗོན་ཤིང་དང་ སྔོ་ཚལ་མཛེས་པའི་ནོར་གྱིས་ཕྱུག་པའི་ འབྲུག་རྒྱལ་ཁབ་འདི་ དཔལ་ཡེ་ཤེས་མགོན་པོའི་གདུལ་ཞིང་ཐུན་མོང་མ་ཡིན་པ་འདི་ བྱང་ཆུབ་སེམས་དཔའི་སྤྲུལ་པ་ ཆོས་རྒྱལ་རིམ་བྱོན་གྱིས་ སྐྱོང་བའི་བརྡ་ཨིན།
༢༽ དབུ་ཞྭ་ལུ་སྤྱན་གསུམ་ཡོད་མི་དེ་ དད་པ་དང་དམ་ཚིག་ལྡན་པའི་མི་དེ་ཚུ་ལུ་ ཡེ་ཤེས་པའི་ལྷ་ཚུ་གིས་ ཉིན་མཚན་དུས་དྲུག་ཡོལ་བ་མེད་པར་གཟིགས་ཏེ་ སྲུང་སྐྱོབས་མཛད་གནངམ་བཞིན་དུ་ འབྲུག་བརྒྱུད་འཛིན་རྒྱལ་པོ་ཚུ་གིས་ཡང་ དད་འབངས་ཚུ་ལུ་ ཐུགས་བརྩེ་བ་ཆེན་པོ་གིས་ དུས་རྒྱུན་དུ་གཟིགས་པའི་བརྡ་ཨིན།
༣༽ དབུ་ཞྭ་ལུ་ བྱ་ཁྱུང་གི་གཟུགས་བརྙན་གྱི་རི་མོ་ཡོད་མི་འདི་ སངས་རྒྱས་ཀྱི་ཐུགས་ཀྱི་སྤྲུལ་པ་ བྱ་ཁྱུང་འདི་གིས་ ཀླུ་གདུག་པ་ཅན་དེ་ཚུ་བཏུལ་ཏེ་ འཇིག་རྟེན་གྱི་ཁམས་ བདེ་བར་བཀོད་གནངམ་བཞིན་དུ་ འབྲུག་རྒྱལ་པོ་རིམ་བྱོན་ཚུ་གིས་ཡང་ འབངས་མི་སེར་ཚུ་ ཞི་རྒྱས་དབང་དྲག་གི་ ཕྲིན་ལས་བཞིའི་སྒོ་ནས་ བདེ་བར་སྐྱོང་བའི་བརྡ་ཨིན།
༤༽ བྱ་རོག་གི་མགུ་ཏོག་ལུ་ གཙུག་ཕུད་མེད་དེ་འབད་རུང་ ཉི་མ་དང་ཟླཝ་གསེར་གྱི་ཏོག་བཅས་ གཙུག་ཕུད་ཡོད་མི་དེ་ འབྲུག་རྒྱལ་པོ་རིམ་བྱོན་གྱིས་ ཆོས་སྲིད་ལུགས་གཉིས་ཀྱི་ དཔལ་བཟང་པོ་ ཉི་ཟླའི་སྣང་བ་བཞིན་དུ་ ཕྱོགས་མཐར་སྤེལ་བའི་བརྡ་དང་ཡང་ན་ འབྲུག་རྒྱལ་ཁབ་ནང་ལུ་ ཆོས་སྲིད་ལུགས་གཉིས་ཟུང་འབྲེལ་སྐྱོང་བའི་བརྡ་ཨིན། གསེར་གྱི་ཏོག་ཡོད་མི་དེ་ སྲིད་ཞི་ལེགས་ཚོགས་ཀྱི་ དཔལ་ཕུན་སུམ་ཚོགསཔ་ག་ར་འབྱུང་སའི་གཞི་ སངས་རྒྱས་ཀྱི་བསྟན་པ་གཅིག་ལུ་ རག་ལསཔ་བཞིན་དུ་ འབྲུག་རྒྱལ་ཁབ་འདི་ནང་གི་ འབངས་མི་སེར་ཚུ་གི་སྐྱིད་སྡུག་ཞུ་སར་ འབྲུག་རྒྱལ་པོའི་གཅིག་ལུ་ གཏད་པའི་བརྡ་དང་ འབྲུག་རྒྱལ་བརྒྱུད་འཛིན་པའི་རིང་ལུགས་འདི་ གོང་དུ་བཀུར་ཏེ་ འགྱུར་བ་མེད་པར་བསྟེན་པའི་བརྡ་ཨིན།
༥༽ དབུ་ཞྭའི་བྱ་རོག་གི་ཁ་བརྒྱངས་ཏེ་ཡོད་མི་དེ་ དཔལ་ཡེ་ཤེས་མགོན་པོའི་སྡོང་གྲོགས་ལུ་བརྟེན་ཏེ་ རང་དབང་རང་བཙན་གྱི་འབྲུག་རྒྱལ་ཁབ་ཀྱི་ གཏམ་སྙན་གྲགས་དང་ རྒྱལ་ཁབ་འདི་གི་ འབངས་མི་སེར་གྱི་ བདེ་ཐབས་ཁོ་ན་ལུ་བརྩོན་མི་ ཐུགས་བསྐྱེད་དང་མཛད་བྱ་བཀྲ་བའི་ འབྲུག་བརྒྱུད་འཛིན་གྱི་རྒྱལ་པོ་རིམ་བྱོན་ཚུ་གི་ མཚན་བཟང་པོའི་སྙན་གྲགས་དེ་ འཛམ་གླིང་རྒྱལ་ཡོངས་ནང་ཁྱབ་ནིའི་བརྡ་མཚན་ཨིན།
དབུ་ཞྭ་བྱ་རོག་གདོང་ཅན་གྱི་ འབྱུང་ཁུངས་དེ་ ཀྲོང་གསར་དཔོན་སློབ་འཇིགས་མེད་རྣམ་རྒྱལ་གྱིས་ དཔོན་སློབ་ཟུར་པ་ ཨྱོན་ཕུན་ཚོགས་ཀྱི་སྲསམོ་པདྨ་ཆོས་སྐྱིད་དེ་ ལྕམ་སྦེ་བཞེས་ཏེ་བཞུགས་ཡོད་རུང་ ཆོས་རྩེ་དཔོན་སློབ་དེ་ འབྲུག་ཤར་ཕྱོགས་ཀྱི་ འབངས་མི་སེར་ཡོངས་ཀྱི་ སྤྱི་བླ་ཨིནམ་ལས་ སྔོན་མ་ཆོས་རྒྱལ་མི་འགྱུར་བརྟན་པ་ལ་སོགས་པ་ཚུ་ ག་ར་རྟེན་རབ་འབྱུང་ཨིནམ་ལས་ འཇིགས་མེད་རྣམ་རྒྱལ་གྱིས་ ཁོ་ཡང་ཨམ་སྲུ་དེ་བཀོ་བཞག་སྟེ་ རབ་བྱུང་འབད་བཞུགས་པ་ཅིན་ གང་འཚམས་ཟེར་ཞུཝ་ད། སྐྱབས་རྗེ་བྱང་ཆུབ་བརྩོན་འགྲུས་ཀྱིས་ ཨམ་སྲུ་འདི་ ལས་སྨོན་མཐུན་པའི་གྲོགས་ཨིནམ་ལས་ བཀོ་མ་བཞག་ སྲས་ལེགས་ཤོམ་ཅིག་ འཁྲུངས་ཞིནམ་ལས་ འབྲུག་རྒྱལ་ཁབ་ལུ་ཕན་ཐོགས་འོང་ཟེར་ གསུངས་པའི་ཁར་ མ་གཞི་ཞབས་བརྟན་འདི་ སློབ་མ་གིས་བླམ་ལུ་ཕུལཝ་ཨིན་རུང་ ད་རེས་མཆོད་གནས་ཀྱིས་ སྦྱིན་བདག་ལུ་ཕུལ་དགོས་ཟེར་གསུངས་ཏེ་ འཇིགས་བྱེད་ལུ་བརྟེན་པའི་བྱད་གྲོལ་དང་ བརྟན་བཞུགས་ཕུལ་གནངམ་མ་ཚད་ མགོན་པོ་བྱང་བདུད་དང་ ལས་མགོན་བྱ་རོག་གདོང་ཅན་ དབྱེ་བ་མེད་པའི་དགྲ་ལྷའི་རྟེན་འཛུགས་བཙུགས་སྦེ་ བྱ་རོག་གི་དབུ་ཞྭ་དེ་ བྱིན་གྱིས་བརླབས་གནང་ནུག ཤུལ་ལས་ཕྱོགས་གཞན་གྱི་མི་གཅིག་ ཞབས་སར་ལྷོད་འོང་ དེ་བདག་འཛིན་འབད་དེ་བཞག་པ་ཅིན་ ཁྱོད་ར་ལུ་ཕན་སྦོམ་ཐོགས་ཟེར་ མ་འོངས་ལུང་བསྟན་ཡང་གསུངས་གནང་ནུག
ཤུལ་ལས་ ཤར་ཕྱོགས་གདུང་བསམ་ཕྱོགས་ལུ་ ཆོས་རྩེའི་དཔོན་སློབ་འཇིགས་མེད་རྣམ་རྒྱལ་དང་ བྱ་དཀར་དཔོན་སློབ་བརྩོན་འགྲུས་རྒྱལ་མཚན་ བླ་མའི་གཟིམ་དཔོན་ བསོད་ནམས་དོན་གྲུབ་གསུམ་གྱིས་ དམག་ཁྱིད་དེ་བྱོན་པའི་བསྒང་ དཔོན་སློབ་འཇིགས་མེད་རྣམ་རྒྱལ་གྱིས་ དབུ་ཞྭ་བྱ་རོག་གདོང་ཅན་དེ་བཞེས་ཏེ་ ཆོས་རྩེ་ཟེར་ཀྲོང་གསར་རྫོང་ནང་གི་ ལྷ་ཁང་དང་མགོན་ཁང་ཡོད་ཚད་ཅིགཔ་ལུ་ གསོལ་ཁ་དང་སྙན་དར་ཕུལ་སྦེ་བྱོན་པའི་སྐབས་ འཇིགས་མེད་རྣམ་རྒྱལ་གྱིས་ རྩིས་པའི་སློབ་དཔོན་དང་འབྲེལ་ སྲུང་འཁོར་པ་འཁྱིད་དེ་བྱོནམ་ད་ ལམ་བར་ན་ཡང་ལྷ་ཁང་ཡོད་ཚད་ཅིགཔོ་ལུ་ ཕྱག་དང་མཆོད་པ་སྙན་དར་ཕུལ་སྦེ་ ལས་མགོན་བྱ་རོག་གདོང་ཅན་དང་ མགོན་པོ་བྱང་བདུད་ཀྱི་གསོལ་ཁ་ མ་ཆད་པར་ཕུལ་ཏེ་ གདུང་བསམ་ཁ་ལུ་འཕེབས་ནུག
བླམ་བྱང་ཆུབ་བརྩོན་འགྲུས་ཀྱིས་ ལུང་བསྟན་གནང་མི་ པ་ཆ་ར་ཛཱ་ཟེར་མི་དེ་ ཕྱི་གླིང་པའི་དམག་མིའི་ཁྲིམས་འོག་ལས་བྱོག་ཐལ་ཏེ་ རྐང་འཁྱམས་འོང་མི་དེ་ཡང་ ཕྱག་ཞུ་སྟེ་ཡོད་མི་དེ་གིས་ ཕྱི་གླིང་པའི་དམག་དཔོན་ སྦོམ་ཤོས་དེ་ ངོ་སྦྲགས་བྱིནམ་བཞིན་དུ་ སྲུང་འཁོར་པ་གིས་སྐྱབས་རྗེ་བྱང་ཆུབ་བརྩོན་འགྲུས་ཀྱིས་གནང་མི་ དགྲ་ལྷ་མགོན་པོ་བྱང་བདུད་དང་ ལས་མགོན་བྱ་རོག་གདོང་ཅན་གྱི་གསོལ་ཁ་གནང་བའི་ བསྐུལ་ཚིག་དང་བསྟུན་ཏེ་ ཆོས་རྩེ་དཔོན་སློབ་ འཇིགས་མེད་རྣམ་རྒྱལ་གྱིས་བསྟན་པ་དང་འགྲོ་བ་སེམས་ཅན་གྱི་དོན་ལུ་ ཐུགས་སྨོན་གང་ཟབ་ཀྱི་དམིགས་པ་རྩེ་གཅིག་ཁར་བསྐྱེད་ཐོག་ མེ་མདའ་རྐྱབ་པའི་བསྒང་ ལྷ་སྲུང་གི་བདེན་པའི་མཐུ་ལས་ དམག་དཔོན་དེ་བསད་དེ་ འཇིགས་མེད་རྣམ་རྒྱལ་གྱིས་རྒྱལ་ཁ་ཐོབ་ནུག
རྟེན་འབྲེལ་འདི་གིས་འབད་ ད་རེས་འབྲུག་བརྒྱུད་འཛིན་གྱི་རྒྱལ་པོ་རིམ་བྱོན་ཚུ་གིས་ བྱ་རོག་གདོང་ཅན་གྱི་དབུ་ཞྭ་དེ་ བཞེས་དགོས་པའི་ཁུངས་འདི་ལས་བརྟེན་ཨིན་པས།
རྒྱབ་བརྟེན་འབྲུག་གི་རྒྱལ་རབས།
རྒྱལ་དར།[རྩོམ་སྒྲིག]
ང་བཅས་འབྲུག་རྒྱལ་ཁབ་ཀྱི་རྒྱལ་དར་འདི་ ཧེ་མ་ཡོད་པའི་ལོ་རྒྱུས་མིན་འདུག ། འདི་ང་བཅས་དུས་རབས་ཉི་ཤུ་པའི་ནང་གི་བསྒྱུར་བ་ཅིག་ཨིན། དུས་རབས་ཉི་ཤུ་པའི་ནང་ ཡར་སྟོད་ལས་རྒྱ་ནག་གི་རྒྱལ་ཁབ་ འདི་ཡང་འགྱུར་བ་ཆགས། སྨད་ལས་རྒྱ་གར་གི་རྒྱལ་ཁབ་ འདི་ཡང་འགྱུར་བ་ཆགས། རྒྱལ་ཁབ་རང་རང་སོ་སོའི་རྒྱལ་ལུགས་ རྒྱལ་དར་ རྒྱལ་རྟགས་ཚུ་ བཟོ་ཞིནམ་ལས་ ཁོང་སྟོབས་ཅན་གཉིས་ཀྱི་སྦུག་ལུ་ ང་བཅས་ནཱ་ཡང་ ཅོག་ཅིགཔ་སྦེ་བསྒྱུར་བ་བཏང་དགོཔ་བྱུང་ནུག །
དེ་ཡང་ས་སྐྱོང་དབང་ཕྱུག་ཆེན་པོ་ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་གི་བཀའ་ལྟར་དུ་ དང་པ་རང་ནང་པའི་རིག་པའི་གནས་ལྔ་ལུ་མཁས་ཤོས་ ད་ལི་ན་སློབ་དཔོན་རྣམ་རྒྱལ་མཆོག་དང་ དྲག་ཤོས་ཤིང་ཁ་བླམ་ དྲག་ཤོས་ཨ་ཁུ་བཀྲོང་མི་ ཁོང་ཕུལ་དུ་ཕྱིན་པའི་མཁས་པ་ལེ་ཤ་ཅིག་ ཕྲི་སྣོན་སྲེ་གསུམ་གྱི་སྒོ་ལས་ རྒྱལ་ལུགས་འདི་བརྩམས་གནང་ནུག ། མཐའ་མེད་མཐའ་དཔྱོད་གྲུབ་འབྲས་འདི་ ཚིགས་རྐང་དྲུག་ལུ་ ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་ ཁོ་ར་གིས་གཏན་ཕེབས་གནང་ནུག ། ཚིགས་བཅད་འདི་འབད་བ་ཅིན་་་
འབྲུག་ཙན་དན་བཀོད་པའི་རྒྱལ་ཁབ་ནང་།།
དཔལ་ལུགས་གཉིས་བསྟན་སྲིད་སྐྱོང་བའི་མགོན།།
འབྲུག་རྒྱལ་པོ་མངའ་བདག་རིན་པོ་ཆེ།།
སྐུ་འགྱུར་མེད་བརྟན་ཅིང་ཆབ་སྲིད་འཕེལ།།
ཆོས་སངས་རྒྱས་བསྟན་པ་དར་ཞིང་རྒྱས།།
འབངས་བདེ་སྐྱིད་ཉི་མ་ཤར་བར་ཤོག།
རྒྱལ་ལུགས་གཏན་ཕེབས་གནང་ཚརཝ་ཅིན་ རྒྱལ་ལུགས་འདི་གིས་མཚོན་པའི་ རྒྱལ་དར་ཡང་བཟོ་དགོཔ་ལས་ རྒྱལ་དར་འདི་རྒྱལ་ཡུམ་སྐལ་བཟང་མཆོག་གི་སྐུ་མཆེད་ ཨ་ནུ་ལྷ་རྒྱལ་གྱིས་བཟོ་གནང་གནངམ་ཨིན་ཟེར་སླབ་སྲོལ་འདུག ། འདི་ཡང་ག་དེ་འབད་བཟོ་ནུག་དགོ་ཟེར་བ་ཅིན་ ཚོན་མདོག་སེར་པོ་ ཚོན་མདོག་དམར་པོ་ སྦུག་ན་འབྲུག་དཀར་པོ་གཅིག ། མཚོན་སྲོལ་འབད་བ་ཅིན་ སེར་པོ་འདི་གིས་འབྲུག་རྒྱལ་པོ་མཚོན། དམར་པོ་འདི་ བླམ་ཆོསཔ་ཚུ་མཚོན། འབྲུག་འདི་མི་སེར་ཚུ་མཚོན་སྦེ་ དཔེར་ན་འབྲུག་རྒྱལ་པོ་མངའ་བདག་རིན་པོ་ཆེ། །སྐུ་འགྱུར་མེད་བརྟན་ཅིང་ཆབ་སྲིད་འཕེལ། །ཟེར་མི་འདི་ སེར་པོ་འདི་གིས་མཚོན་ ཆོས་སངས་རྒྱས་བསྟན་པ་དར་ཞིང་རྒྱས།། ཟེར་མི་འདི་ ཚོན་མདོག་དམར་པོ་འདི་གིས་མཚོན་ འབངས་བདེ་སྐྱིད་ཉི་མ་ཤར་བར་ཤོག། ཟེར་མི་འདི་ འབྲུག་དཀར་པོ་འདི་གིས་མཚོན། འབྲུག་འདི་སྐད་གྲགས་ཆེ་དྲགས། འབྲུག་དཀར་པོ་འདི་ ནད་དང་མུ་གེ་ཞི་བ། འབྲུག་གི་ལག་པ་ནོརབུ་འཆང་མི་འདི་ འབྲུག་རྒྱལ་ཁབ་འདི་འབྱོར་ལྡན་ཕྱུགཔོ་འཆང་ནི་ནོར་བུ་ཨིན།
ཧེ་མ་འབད་བ་ཅིན་ རྒྱལ་དར་འདི་གྲུ་བཞི་སྦེ་བཟོ་བཟོཝ་མས་ དེ་ལས་རྒྱལ་ཁབ་གཞན་མི་ཆ་ཁྱབ་ག་ར་ རིངམོ་སྦེ་ཡོདཔ་ད་ལུ་ འདི་གུ་དཔེ་བླངས་ཏེ་རིངམོ་སྦེ་བཟོ་གནང་ནུག ། དེ་ལས་ཚོན་མདོག་དམརཔོ་འདི་ཡང་ ལི་ཝང་ལུ་བཟོ་གནང་ཞིན་ན་ སེརཔོ་འདི་འབྲུག་རྒྱལ་པོ་དང་ ལི་ཝང་འདི་བློན་པོ་ལུ་མཚོན། ཆོས་ཕྱོགས་ལས་ སེརཔོ་འདི་རྗེ་མཁན་པོ་དང་ ལི་ཝང་འདི་བླ་སློབ་ལུ་མཚོན། དེ་ལས་འབྲུག་དཀརཔོ་འདི་ མི་སེར་བུ་དང་བུ་མོ་ཚུ་ལུ་མཚོནམ་ཨིནམ་སྦེ།
ས་སྐྱོང་དབང་ཕྱུག་ཆེན་པོ་ཞིང་གཤེགས་དམ་པ་འབྲུག་རྒྱལ་གསུམ་པ་མཆོག་གི་སྐབས་ལུ་ དམག་སྡེ་དང་ སློབ་གྲྭ་གསརཔ་ལེ་ཤ་ཅིག་བཙུགས་ཞིནམ་ལས་ ཡར་རྒྱ་ནག་ལུ་འབད་རུང་ མར་རྒྱ་གར་ལུ་འབད་རུང་ དམག་གྱལ་ཐིག་རེ་བསྒྲིགས་པ་ཅིན་ དང་པ་རྒྱལ་ལུགས་འདི་བཏང་ རྒྱལ་དར་འདི་འཕྱར་ མི་ཚུ་གིས་གུས་ཞབས་འབད། དེ་བཟུམ་འབད་རང་ང་བཅས་འབྲུག་རྒྱལ་ཁབ་ནང་ལུ་ཡང་ རྒྱལ་ཁབ་ཀྱི་མཛད་རིམ་ ག་ཅི་འབད་རུང་ རྒྱལ་ལུགས་འདི་བཏང་ རྒྱལ་དར་འདི་འཕྱརཝ་ད་ རྒྱལ་ཁབ་ཀྱི་འགོ་ཁྲིདཔ་ རྒྱལ་ཁབ་ རྒྱལ་ཁབ་ཀྱི་ལམ་སྲོལ་ འདི་ཚུ་ག་ར་ལུ་ཤ་ཞེན་བསྐྱེད་དགོཔ་ཁག་ཆེ་བས།
དུས་ནམ་ར་འབད་རུང་ རྒྱལ་དར་རལ་རལཝ་འཕྱར་ནི་དང་ ད་རུང་མར་ལས་ཤིང་འབྲས་བསྡམ་ནི་བཟུམ་སྦེ་བཟོ་བ་ཅིན་ མི་འདི་བསོད་ནམས་ར་ཟད་ཚརཝ་ཨིན། རྩ་ཁྲིམས་ནང་ལུ་ཡང་ རྒྱལ་དར་འདི་ས་གཙང་བཞག་དགོ་ རལ་རལཝ་མི་བཏུབ་ གུས་ཞབས་འབད་དགོ་ཟེར་གསུང་ཡོད་དོ་བཟུམ་སྦེ་མཛད་པ་ཅིན་ བུ་དང་བུ་མོ་རེ་རེ་ཞིན་དུ་བསོད་ནམས་ཡར་རྒྱས་འགྱོ་འོང་། རྒྱལ་དར་འདི་ལུ་ འ་ནཱིམ་ཅིག་གནོདཔ་ཅན་དང་ མེདཔ་བཏང་པ་ཅིན་ བསོད་ནམས་ཡང་དམའ་བཀྲག་འགྱོ་འོང་། དེ་འབདཝ་ལས་ རྒྱལ་དར་འདི་འཕྱར་བའི་སྐབས་ ང་གིས་ངེ་གི་རྒྱལ་ཁབ་ཀྱི་འགོ་ཁྲིདཔ་འདི་ལུ་ གུས་བཀུར་འབད་དགོ ། ངེ་གི་ཆོས་འདི་ལུ་གུས་བཀུར་འབད་དགོ ། ངེ་གི་ཆ་རོགས་འབྲུག་དཀརཔོ་འདི་ལུ་གུས་བཀུར་འབད་དགོ་ཟེར་བསམ་དགོཔ་ཨིན། དེ་སྦེ་འབད་ཡར་སོང་པ་ཅིན་ འབྲུག་རྒྱལ་པོ་ བློན་པོ་ བླ་ཆོསཔ་ མི་སེར་ག་ར་ སེམས་ལུ་འབབ་འོང་ཟེར་ཞུ་ཨིན།
མིང་ཐོགས་ཚུལ།[རྩོམ་སྒྲིག]
ཐོག་མར་ཕྱི་ལོ་དུས་རབས ༡༧ པའི་ནང་ཞབས་དྲུང་ངག་དབང་རྣམ་རྒྱལ་མཆོག་གིས་ལྷོ་མོན་ནམ་ལྷོ་མོན་ཁ་བཞི་གྲགས་པའི་ཡུལ་སྡེ་དེ་ཡུག་གཅིག་ཏུ་སྦྲེལ་རྗེས་འབྲུག་ཡུལ་ཞེས་ཐོགས།
རྒྱལ་རབས་རིམ་བྱོན།[རྩོམ་སྒྲིག]
.jpg)
འབྲུག་རྒྱལ་དང་པོ། ཨོ་རྒྱན་དབང་ཕྱུག་གིས་ཕྱི་ལོ། ༡༩༠༧ ནས་ ༡༩༢༦ བར་རྒྱལ་སྲིད་བསྐྱངས། འབྲུག་རྒྱལ་གཉིས་པ། འཇིགས་མེད་དབང་ཕྱུག་གིས་ཕྱི་ལོ། ༡༩༢༦ ནས་༡༩༥༢ བར་རྒྱལ་སྲིད་བསྐྱངས། འབྲུག་རྒྱལ་གསུམ་པ། འཇིགས་མེད་རྡོ་རྗེ་དབང་ཕྱུག་གིས་ཕྱི་ལོ། ༡༩༥༢ ནས་ ༡༩༧༢ བར་རྒྱལ་སྲིད་བསྐྱངས། འབྲུག་རྒྱལ་བཞི་པ། འཇིགས་སེངྒེ་དབང་ཕྱུག་གིས་ཕྱི་ལོ། ༡༩༧༢ ནས་ ༢༠༠༦ བར་རྒྱལ་སྲིད་བསྐྱངས། འབྲུག་རྒྱལ་ལྔ་པ། འཇིགས་མེད་གེ་སར་རྣམ་རྒྱལ་དབང་ཕྱུག་གིས་ཕྱི་ལོ། ༢༠༠༦ ནས་རྒྱལ་སྲིད་ཀྱི་འགན་བཞེས།
སྐད་ཡིག[རྩོམ་སྒྲིག]
སྐད་ཡིག་ནི་རྫོང་ཁ་ཨིན། རྫོང་ཁ་ཟེར་སླབ་དགོ་མི་རྒྱུ་མཚན་ནི། ཧེ་མ་དཔོན་གྱི་སྒོ་ཁ་དང་དམག་སྡེའི་དྲག་གྲས། ཤེས་ཡོན་ཅན་གྱི་མི་བརྒྱུད། གཞུང་སྐྱོང་དང་བདག་སྐྱོང་ཚུ་གི་ རྫོང་རེ་རེ་བཞིན་དུ་ནང་ལུ་ ཁ་སྐད་གཙོ་བོ་ཅིག་སྦེ་ ལག་ལེན་འཐབ་པ་ལས་བརྟེན་ཏེ་ རྫོང་ཁ་ཟེར་བཏགས་གནང་གནངམ་ཨིན་པས
མི་འབོར།[རྩོམ་སྒྲིག]
མི་འབོར་ ༧༤༡་༨༢༢
རྒྱལ་ས།[རྩོམ་སྒྲིག]
ཐིམ་ཕུ།
རྫོང་ཁག[རྩོམ་སྒྲིག]
རྫོང་ཁག་ཉི་ཤུ་ནི། ༡ མགར་ས་དང་། ༢ སྤུ་ན་ཁ། ༣ ཐིམ་ཕུ། ༤ སྤ་རོ། ༥ ཧཱ། ༦ བསམ་རྩེ། ༧ ཆུ་ཁ། ༨ དར་དཀར་ནང་། ༩ དབང་འདུས་ཕོ་བྲང་། ༡༠ རྩི་རང་། ༡༡ ཀྲོང་གསར། ༡༢ གསར་སྤང་། ༡༣ བུམ་ཐང་། ༡༤ གཞལ་སྒང་། ༡༥ ལྷུན་རྩེ། ༡༦ མོང་སྒར། ༡༧ བཀྲིས་གཡང་རྩེ། ༡༨ པདྨ་དགའ་ཚལ། ༡༩ བཀྲིས་སྒང་། ༢༠ བསམ་གྲུབ་ལྗོངས་མཁར་བཅས་ཡིན།
ས་ཁོངས།[རྩོམ་སྒྲིག]
ལོ་རྒྱུས།[རྩོམ་སྒྲིག]
དེ་ཡང་དུས་རབས་དགུ་བའི་གོང་དུ་བྱུང་བའི་འབྲུག་ཡུལ་གྱི་གནས་ཚུལ་རྣམས་གསལ་བོ་ཤེས་རྟོགས་བྱུང་མེད་པ་དང་། དེའི་རྗེས་སུ། བོད་དུ་བླ་མ་ཆེ་ཁག་དང་ཆོས་ལ་དད་པ་ཡོད་མཁན་མང་བོ་དམར་གསོད་དུ་བཏང་བའི་དྲག་པོའི་ཟིང་ཆ་བྱུང་བའི་སྐབས་སུ་བོད་ཀྱི་གྲྭ་བ་མང་བོ་འབྲུག་ཏུ་བྲོས་བྱོལ་དུ་བསླེབས་ཤིང་། གནས་དེར་གཞིས་ཆགས་ནས་བོད་ཀྱི་སངས་རྒྱས་ཆོས་ལུགས་དར་སྤེལ་བྱུང་བ་ལ་བརྟེན་ནས་ལོ་རྒྱུས་ཀྱི་འཕེལ་ཁ་ཇེ་རྒྱས་སུ་ཕྱིན་པ་རེད། དུས་རབས་༡༢་བའི་ནང་དུ་འབྲུག་ཏུ་འབྲུག་པ་བཀའ་བརྒྱུད་དར་སྤེལ་བྱུང་བ་དང་། དེ་ནས་འབྲུག་གི་ཆབ་སྲིད་ཀྱི་ལོ་རྒྱུས་རྣམས་བོད་ཀྱི་ཆོས་བརྒྱུད་ཀྱི་ལམ་ལུགས་རྨང་གཞིར་བཟུང་བའི་སྟེང་ནས་གོང་འཕེལ་དུ་བྱུང་བ་དང་། འབྲུག་ཡུལ་ནི། ཡུན་རིང་གི་ལོ་རྒྱུས་ཀྱི་བརྒྱུད་རིམ་སྣ་མང་ལ་བརྟེན་ནས་རིམ་བཞིན་རང་བཙན་གཙང་མའི་རྒྱལ་ཁབ་ཅིག་གི་ངོ་བོར་གནས་ཐུབ་པར་གྱུར་ཡོད། དུས་རབས་བདུན་པའི་དཀྱིལ་ནས་དུས་རབས་དགུ་བའི་བར་དུ་བོད་ཀྱི་རྒྱལ་རབས་ཀྱི་སྲིད་དབང་གི་འོག་ཏུ་གནས་ཡོད་པར་བཤད་པ་དང་། དེའི་རྗེས་སུ། འབྲུག་ཡུལ་དུ་གཅིག་གྱུར་གྱི་དབང་བསྒྱུར་མེད་པར་ས་གནས་ཁག་ཁ་འཐོར་དུ་གནས་པའི་ཡུལ་གྱི་དཔོན་པོ་བྱུང་བ་དང་། སྤྱི་ལོ་༡༦༡༦་ལོའི་ནང་དུ། བོད་ཀྱི་གཙང་སྟོད་ནས་ཡིན་པའི་བླ་མ་ཞབས་དྲུང་ངག་དབང་རྣམ་རྒྱལ་མཆོག་འབྲུག་ཡུལ་དུ་ཕེབས་ནས། ཁོང་གིས་འབྲུག་ཡུལ་ནི་གཅིག་གྱུར་གྱི་ཡུལ་གྲུ་ཞིག་ཏུ་བཟོས་ཤིང་། འབྲུག་པའི་རིག་གཞུང་གི་ངོ་བོ་སོགས་བོད་ཀྱི་ཤེས་རིག་གི་ཁྱད་ཆོས་ལས་ཁ་བྲལ་དུ་གནས་པར་འབད་བརྩོན་གནང་བ་རེད། ཞབས་དྲུང་ངག་དབང་རྣམ་རྒྱལ་མཆོག་ནི་བོད་ཀྱི་གཙང་རྭ་ལུང་དགོན་པ་ནས་ཡིན་པ་དང་འབྲུག་པ་བཀའ་བརྒྱུད་ཀྱི་སྲོལ་འཛིན་མཁན་འབྲུག་པ་མི་ཕམ་བསྟན་པའི་ཉི་མ་དང་སྡེ་བ་སྐྱིད་ཤོད་པའི་སྲས་མོ་བསོད་ནམས་དཔལ་གྱི་བུ་ཁྲིད་གཉིས་ཀྱི་སྲས་ཡིན། གཞོན་དུས་ཁོང་ནི་རྒྱལ་དབང་འབྲུག་ཆེན་གྱི་ཡང་སྲིད་ལ་ངོས་འཛིན་མཛད་དེ། གཙང་རྭ་ལུང་དགོན་པར་ཁྲི་འདོན་གནང་ནའང་འབྲུག་ཆེན་པདྨ་དཀར་བོའི་རྗེས་འབྲངས་པ་ལྷ་རྩེ་ངག་དབང་བཟང་བོ་སོགས་ཀྱིས་ངོས་ལེན་མ་གནང་པ་དང་། ཡིན་ཡང་། ཁོང་གིས་འབྲུག་པ་བཀའ་བརྒྱུད་ཀྱི་མ་དགོན་རྭ་ལུང་དུ་མུ་མཐུད་དུ་རྒྱུན་བཞུགས་དང་ཁྲི་འཛིན་གནང་བ་ལ་གཞན་གྱིས་དབྱེན་སྦྱོར་སྣ་མང་བརྩམས་པ་དང་། བོད་ཀྱི་གཙང་པ་སྡེ་སྲིད་ལགས་ཀྱིས་ཞབས་དྲུང་ངག་དབང་རྣམ་རྒྱལ་མཆོག་འཛིན་བཟུང་བྱེད་པར་གྲ་སྒྲིག་བྱས་པ་ལ་བརྟེན་ནས། སྤྱི་ལོ་༡༦༡༦་ལོར་ཁོང་བོད་ནས་ཕྱོགས་ཐོན་མཛད་དེ་འབྲུག་ཏུ་ཕེབས་པ་དང་དེའི་ནུབ་ཕྱོགས་ཀྱི་ས་གནས་ཁག་ཏུ་རྟེན་གཞི་བྱས་ནས་རྒྱུན་བཞུགས་གནང་བར་མ་ཟད། ཐིམ་པུ་ལུང་གཞོངས་ཀྱི་སྟོད་ཕྱོགས་སུ། སྤྱི་ལོ་༡༦༢༠་ལོར་འབྲུག་པ་བཀའ་བརྒྱུད་ཀྱི་ལྩགས་རི་དགོན་པ་ཕྱག་འདེབས་མཛད་ཅིང་། འབྲུག་ཡུལ་དུ་འབྲུག་པ་བཀའ་བརྒྱུད་ཀྱི་ཆོས་རྒྱུན་རིམ་བཞིན་གསར་བཏོད་གནང་བ་རེད། ད་དུང་སྤྱི་ལོ་༡༦༢༩་ལོར་ཞབས་དྲུང་ངག་དབང་རྣམ་རྒྱལ་གྱིས་འབྲུག་གི་ཐིམ་པུ་ཕྱོགས་སུ་སེམས་རྟོགས་ཁ་རྫོང་སྟེ་སྲིད་འཛིན་གྱི་ལྟེ་བ་གསར་འཛུགས་གནང་ཞིང་། དུས་རབས་༡༢་ནས་འབྲུག་གི་ནང་དུ་དར་ཁྱབ་བྱུང་བའི་ལྷ་པ་བཀའ་བརྒྱུད་དང་རྙིང་མ་ཆོས་བརྒྱུད་བཅས་ཀྱིས་བདག་འཛིན་བྱས་པའི་ས་ཆ་ཁ་ཤས་ཤིག་ལ་དབང་བསྒྱུར་མཛད་ཅིང་། དེ་ནས་རིམ་གྱིས་འབྲུག་གི་ས་ཁུལ་ཡོངས་སུ་ལས་འགུལ་སྣ་མང་གཅིག་རྗེས་གཉིས་མཐུད་དུ་སྤེལ་བ་ལ་བརྟེན་ནས། འབྲུག་ཡོངས་རྫོགས་གཅིག་གྱུར་གྱི་དབང་བསྒྱུར་མཛད་པའི་ཐབས་བྱུས་བཤམས་པ་རེད། འབྲུག་གི་ཁྲིམས་ཀྱི་བཅའ་ཡིག་ཆེན་མོ་བཟོས་ཤིང་། བོད་ཀྱི་སྡེ་བ་གཞུང་གི་སྲིད་ཀྱི་དབང་བསྒྱུར་ལས་ལོགས་སུ་བགར་བ་དང་། ཞབས་དྲུང་ཞེས་པའི་མིང་གི་གོ་གནས་སོགས་བཟུང་སྟེ་འབྲུག་གི་དགོན་སྡེ་དང་མི་སྡེ་ཁག་གི་སྲིད་ཀྱི་འཛིན་སྐྱོང་གི་ལམ་ལུགས་གསར་དུ་བཏོད་ཡོད། དེ་ནས་སྤྱི་ལོ་༡༦༥༡་ལོར་ཞབས་དྲུང་ངག་དབང་རྣམ་རྒྱལ་ནི་ སྐུ་འདས་གྲོངས་སུ་ཕྱིན་པ་རེད། དེའི་རྗེས་སུ་སྲིད་ཀྱི་དབང་ཆ་མཐའ་དག་སྡེ་སྲིད་དང་། ཆོས་ཀྱི་དབང་ཆ་ནི་རྗེ་མཁན་པོས་མཇུག་སྐྱོང་གནང་བ་དང་། ཁོང་སྐུ་འདས་གྲོངས་སུ་ཕྱིན་པའི་གནས་ཚུལ་ནི་ས་གནས་དཔོན་སློབ་རྣམས་ཀྱིས་ལོ་ངོ་༥༤་རིང་དུ་གསང་རྒྱ་མཛད་དེ་མུ་མཐུད་དུ་ཁོང་གི་ལས་དོན་རྣམས་རྒྱུན་འཛིན་གནང་པ་རེད། ད་ལྟའང་འབྲུག་ཏུ་ཞབས་དྲུང་ངག་དབང་རྣམ་རྒྱལ་མཆོག་འདས་གྲོངས་སུ་ཕྱིན་པའི་ཉིན་མོ་དེ་འབྲུག་རྒྱལ་ཡོངས་ཀྱི་གུང་གསེང་ཞིག་ལྟར་དུ་བོད་ལུགས་ཀྱི་ཟླ་གསུམ་པའི་ཚེས་བཅུ་ལ་སྲུང་བརྩི་ཞུ་བཞིན་པ་རེད། དེ་ནས་རིམ་གྱིས་འབྲུག་གི་ས་གནས་ཁག་ཏུ་ལོ་ངོ་ཉིས་བརྒྱའི་རིང་དུ་མི་དམངས་ནང་ཁུལ་ལ་སྲིད་དབང་རྩོད་ལེན་དང་འཐབ་འཛིང་ནང་འཁྲུག་གི་རྒྱུན་མ་ཆད་པར་བསྟུད་མར་བྱུང་བ་ཁག་བརྒྱུད་ནས། སྤྱི་ལོ་༡༩༠༧་ལོར་འབྲུག་རྒྱལ་དང་པོ་ཨོ་རྒྱན་དབང་ཕྱུག་གིས་འབྲུག་གི་སྲིད་དབང་མཐའ་དག་གཅིག་ཏུ་བསྒྲིལ་བ་རེད།། ཨོ་རྒྱན་དབང་ཕྱུག་ནི་སྤྱི་ལོ་༡༨༦༢་ལོར་ཀྲོང་གསར་རྫོང་གི་དཔོན་སློབ་ཀྱི་གོ་གནས་འཛིན་པའི་འཇིགས་མེད་རྣམ་རྒྱལ་དང་ཨ་ཞེ་པད་མ་ཆོས་སྐྱིད་གཉིས་སུ་འཁྲུངས་པ་དང་། ཡབ་དམ་པའི་དཔོན་སློབ་ཀྱི་གོ་གནས་རྒྱུན་འཛིན་དང་ཆབ་སྲིད་ཀྱི་དགྲ་བོ་རྣམས་ཕམ་པར་མཛད་པ་ལ་བརྟེན་ནས། འབྲུག་གི་རྒྱལ་ས་རྙིང་བ་སྤུ་ན་ཁའི་མི་དམངས་ཀྱིས་ཁོང་ནི་འབྲུག་གི་རྒྱལ་བོར་བདམས་པ་དང་། སྤྱི་ལོ་༡༩༠༧་ལོའི་ཟླ་༡༢་པའི་ཚེས་༡༧་ཉིན་ལ་འབྲུག་གི་རྒྱལ་བོའི་དབུ་ཞྭ་ལེགས་པར་བསྣམས་ཡོད་པ་རེད། སྤུ་ན་ཁ་ནི་འབྲུག་ཡུལ་ལ་རྫོང་ཁག་ཉི་ཤུ་ཡོད་པའི་ནང་གི་གཅིག་ཡིན་པ་དང་། དེ་ནི་སྤྱི་ལོ་༡༩༥༥་ལོའི་བར་དུ་འབྲུག་རྒྱལ་ཁབ་ཀྱི་རྒྱལ་ས་དང་སྲིད་འཛིན་གྱི་ས་གནས་ཤིག་ཏུ་གྱུར་ཡོད། དེའི་རྗེས་སུ་རྒྱལ་ས་ཐིམ་པུ་ལ་གནས་སྤོར་གནང་ཡོད། སྤྱི་ལོ་༡༩༡༠་ལོའི་ནང་དུ་ཁོང་གིས་ཨིན་ཇི་དང་མཉམ་དུ་སྤུ་ན་ཁའི་ཆིངས་ཡིག་བཞག་ནས་ཨིན་ཇིའི་རྒྱ་གར་གཞུང་གིས་འབྲུག་རྒྱལ་ཁབ་ཀྱི་ནང་སྲིད་ལ་ཐེ་གཏོགས་མི་བྱེད་པར་བཟོས་པ་རེད། སྤྱི་ལོ་༡༩༢༦་ལོར་ཨོ་རྒྱན་དབང་ཕྱུག་སྐུ་གྲོངས་པའི་རྗེས་སུ། ཁོང་གི་སྲས་འབྲུག་རྒྱལ་གཉིས་པ་འཇིགས་མེད་དབང་ཕྱུག་གིས་རྒྱལ་བོའི་རྒྱུན་འཛིན་གནང་ནས་སྲིད་ཀྱི་གོ་གནས་བཟུང་བ་རེད། སྤྱི་ལོ་༡༩༤༧་ལོར་རྒྱ་གར་རང་བཙན་ཐོབ་པའི་སྐབས་སུ། རྒྱ་གར་གྱི་གཞུང་གསར་བས་འབྲུག་ནི་རང་བཙན་རྒྱལ་ཁབ་ཅིག་ཡིན་པར་ངོས་འཛིན་གནང་ཡོད། ལོ་དེར་རྒྱ་གར་དང་འབྲུག་གཉིས་ཀྱིས་ཞི་བདེ་དང་མཛའ་མཐུན་གྱི་ཆིངས་ཡིག་ལ་མཚན་རྟགས་བཀོད་པ་དང་། རྒྱ་གར་གྱི་ཕྱི་འབྲེལ་སྲིད་བྱུས་ཀྱི་ནང་དུ་རྒྱ་གར་གྱིས་འབྲུག་ལ་བཀོད་འདོམས་བྱེད་པ་ལས་འབྲུག་གི་ནང་སྲིད་ལ་ཐེ་བྱུས་མི་བྱེད་པར་འགན་ལེན་བྱས་ཡོད། སྤྱི་ལོ་༡༩༥༢་ལོར་ཁོང་གི་སྲས་འབྲུག་རྒྱལ་གསུམ་པ་འཇིགས་མེད་རྡོ་རྗེ་དབང་ཕྱུག་གིས་རྒྱལ་བོའི་གོ་གནས་བཞེས་པ་དང་། དེ་ནས་འབྲུག་རྒྱལ་ཁབ་རིམ་བཞིན་ཡར་རྒྱས་ཀྱི་རྣམ་པ་བྱུང་ཞིང་། སྤྱི་ལོ་༡༩༧༡་ལོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་མིའི་ཁོངས་སུ་ཚུད་ཡོད། ཁོང་གིས་འབྲུག་ཏུ་རྒྱལ་ཡོངས་གྲོས་ཚོགས་དང་རྒྱལ་བོའི་དམག་དཔུང་དང་མཐོ་རིམ་ཁྲིམས་ཁང་སོགས་བཙུགས་ནས་དེང་རབས་སུ་ཕྱོགས་སུ་བསྐྱོད་པའི་འགོ་བརྩམས་ཡོད། སྤྱི་ལོ་༡༩༧༢་ལོར་རྒྱལ་བོ་འཇིགས་མེད་རྡོ་རྗེ་དབང་ཕྱུག་གློ་བུར་དུ་འདས་གྲོངས་སུ་ཕྱིན་པའི་རྗེས་སུ། ཁོང་གི་སྲས་འབྲུག་རྒྱལ་བཞི་བ་འཇིགས་མེད་སེང་གེ་དབང་ཕྱུག་ལགས་དགུང་ལོ་བཅུ་བདུན་སྟེང་རྒྱལ་བོའི་ཁྲི་ལ་འཁོད་ཅིང་། སྤྱི་ལོ་༡༩༧༤་ལོའི་ཟླ་༦་ཚེས་༢་ཉིན་ལ་འབྲུག་རྒྱལ་བོའི་དབུ་ཞྭ་གསོལ་བ་རེད། ཁོང་ནི་འཛམ་གླིང་འདིའི་ནང་གི་རྒྱལ་བོ་གཞོན་ཤོས་དེ་ཆགས་པ་དང་། འབྲུག་དང་། རྒྱ་གར། ཨིན་ཇི། ཨ་རི་སོགས་ཀྱི་མཐོ་སློབ་ཁག་ཏུ་དེང་རབས་ཀྱི་ཤེས་ཡོན་སྣ་མང་ལ་སློབ་སྦྱོང་བྱས་མྱོང་བའི་མི་སྣ་ཞིག་ཡིན་པས། རྒྱལ་སྤྱིའི་གནས་ཚུལ་ལ་ཤེས་རྟོགས་ཟབ་པ་དང་འབྲུག་ཏུ་དེང་གི་ཤེས་ཡོན་སློབ་གསོ་དང་། ཆབ་སྲིད་འཛིན་སྐྱོང་། ཡུལ་སྐོར་ལྗོངས་རྒྱུ། དཔལ་འབྱོར་བཅོས་བསྒྱུར། རྒྱལ་ཡོངས་བདེ་སྐྱིད། དམངས་གཙོའི་ལྟ་གྲུབ་ལ་སོགས་གོང་འཕེལ་དང་ཡར་རྒྱས་སུ་བཏང་བའི་རླབས་ཆེན་གྱི་མཛད་རྗེས་ཡོད་པ་ཞིག་ཡིན། འབྲུག་ཏུ་ཞབས་དྲུང་ངག་དབང་རྣམ་རྒྱལ་མཆོག་གི་ཡང་སྲིད་ཀྱི་སྐོར་ལ་སྐུ་གསུང་ཐུགས་ཀྱི་སྤྲུལ་བ་སོགས་རྩོད་རྙོག་སྣ་མང་གི་ཁྲོད་དུ་འབྲུག་སྡེ་སྲིད་དང་། རྗེ་མཁན་པོ། དཔོན་སློབ་གསུམ་གྱིས་ངོས་འཛིན་སྟངས་མི་འདྲ་བ་མང་བོ་རིམ་པར་བྱོན་པ་དང་འབྲུག་གཞུང་གིས་ཁོང་གི་སྤྲུལ་སྐུ་ལ་བཀག་སྡོམ་གྱི་བྱེད་ཐབས་ཀྱང་མཛད་པ་རེད། གཞན་ཡང་། རྒྱ་གར་གྱི་མོན་རྟ་དབང་དགོན་པ་དང་། བོད་སོགས་སུའང་ཁོང་གི་ཡང་སྲིད་བྱུང་ཡོད་པ་སྟེ། དེང་སང་ཨི་ཏ་ལིར་བཞུགས་པའི་བོད་རིགས་མཁས་དབང་ནམ་མཁའི་ནོར་བུ་ཡང་ཞབས་དྲུང་ངག་དབང་རྣམ་རྒྱལ་གྱི་ཡང་སྲིད་ཡིན་པར་བཤད་དོ། ། ད་དུང་དེང་སང་འབྲུག་ཏུ་ཞབས་དྲུང་ངག་དབང་རྣམ་རྒྱལ་གྱི་སྤྲུལ་སྐུ་ལ་ངོས་འཛིན་གནང་བའི་ཕྲུ་གུ་ལོ་ཆུང་ཆུང་ཞིག་ཡོད་པ་སྤྱི་ལོ་༢༠༠༥་ལོ་ནས་བཟུང་ཕ་མ་དང་མཉམ་དུ་བཟང་བཙོན་དུ་བཞག་ཡོད་པར་བཤད་པ་རེད། སྤྱི་ལོ་༢༠༠༦་ལོའི་ཟླ་༡༢་བའི་ཚེས་༡༤་ཉིན་དུ་འབྲུག་རྒྱལ་བཞི་བ་འཇིགས་མེད་སེང་གེ་དབང་ཕྱུག་གིས་རྒྱལ་བོའི་སྲིད་དབང་གི་གོ་གནས་ལས་དགོངས་པ་ཞུས་ནས། སྲས་འབྲུག་རྒྱལ་ལྔ་བ་འཇིགས་མེད་གེ་སར་རྣམ་རྒྱལ་དབང་ཕྱུག་རྒྱལ་ཚབ་ཏུ་བསྐོ་བཞག་གནང་བ་རེད། སྤྱི་ལོ་༢༠༠༨་ལོའི་ཟླ་༡༡་པའི་ཚེས་༦་ཉིན་དུ་འབྲུག་གི་གནའ་བོའི་གྲོང་ཁྱེར་རྙིང་བ་སྤུ་ན་ཁ་རུ་གཞུང་འབྲེལ་གྱི་མཛད་སྒོ་རྒྱ་ཆེན་པོ་ཞིག་གི་སྟེང་དུ་སྲས་འཇིགས་མེད་གེ་སར་རྣམ་རྒྱལ་དབང་ཕྱུག་ལ་རྒྱལ་བོའི་དབུ་ཞྭ་དེ་གསོལ་བ་རེད། སྐབས་དེར་རྒྱ་གར་གྱི་སྲིད་འཛིན་དང་ཕྱི་སྲིད་བློན་ཆེན་ཐེ་བའི་ཕྱི་རྒྱལ་གྱི་སྐུ་མགྲོན་མང་བོ་མཉམ་ཞུགས་གནང་ཡོད། སྲས་འཇིགས་མེད་གེ་སར་ནི་འབྲུག་རྒྱལ་བཞི་བ་འཇིགས་མེད་སེང་གེ་དབང་ཕྱུག་ལ་བཙུན་མོ་བཞི་ཡོད་པའི་ནང་གི་གསུམ་པ་ཨ་ཤེ་ཚེ་རིང་གཡང་སྒྲོན་གྱི་སྲས་རྒན་པ་ཡིན། ཁོང་གིས་ཆུང་དུས་འབྲུག་ཏུ་དབྱངས་ཅན་ཕུ་འབྲིང་རིམ་སློབ་གྲྭར་སློབ་སྦྱོང་བྱས་པ་དང་། དེ་ནས་རིམ་བཞིན་ཨ་རི་ནང་དུ་མཐོ་སློབ་ཁག་ཁ་ཤས་ལ་འགྲིམས་པའི་རྗེས་སུ་ཨིན་ཇིའི་ཨོ་ཁུ་སི་ཕོར་ཏྲི་སློབ་ཆེན་དུ་ཕྱི་ཕྱོགས་ཀྱི་ཞབས་ཞུ་སྒྲིག་གཞི་དང་རྒྱལ་སྤྱིའི་འབྲེལ་ལམ་སྐོར་ལ་སློབ་གཉེར་བྱས་ནས་སློབ་ཐོན་ཕྱིན་པ་རེད། སྤྱི་ལོ་༢༠༡༡་ལོའི་ཟླ་༥་བའི་ཚེས་༢༠་ཉིན་དུ་རྒྱལ་བོ་འཇིགས་མེད་གེ་སར་གྱིས་རྒྱལ་ཡོངས་གྲོས་ཚོགས་ཀྱི་ཚོགས་དུས་བདུན་པའི་སྒོ་འབྱེད་མཛད་སྒོ་གནང་བའི་སྐབས་སུ། ཁོང་ནི་སྤྱི་ལོ་༢༠༡༡་ལོའི་ཟླ་༡༠་བའི་ཚེས་༡༣་ཉིན་དུ་སྤུ་ན་ཁ་གྲོང་ཁྱེར་དུ་རང་ལོ་ཉེར་གཅིག་ཡིན་པའི་འབྲུག་གི་མི་སེར་དཀྱུས་མ་རྗེ་བཙུན་པདྨ་ལགས་ལ་འཁྲུངས་ས་བསྐྱོན་རྒྱུ་ཡིན་པར་གསལ་བསྒྲགས་བསྐྱངས་པ་རེད། དེ་ལྟར་དུ་ཉིན་དེར་འབྲུག་གི་ཆུ་བོ་ཕོ་ཆུ་དང་མོ་ཆུ་ཟེར་བ་གཉིས་འཛོམས་སའི་གནས་ཏེ་པུ་ན་ཁ་རྫོང་དུ་མཛེས་སྡུག་གི་ཡོན་ཏན་ཡོངས་སུ་རྫོགས་པའི་རྗེ་བཙུན་པད་མ་མཆོག་འབྲུག་གི་སྲོལ་རྒྱུན་ཆོས་ལུགས་ཀྱི་དགའ་སྟོན་རྟེན་འབྲེལ་གྱི་མཛད་སྒོ་རྒྱ་ཆེན་པོ་ཞིག་དང་མཉམ་དུ་རྒྱལ་བོའི་ཁབ་ཏུ་བཞེས་ཡོད་པ་རེད།
རྫོང་ཁག[རྩོམ་སྒྲིག]
ཨེ་ཤེ་ཡའི་གླིང་གི་རྒྱལ་ཁབ། |
|---|
ཉི་ཧོང་། · ཨ་ཧྥུའུ་གན་སི་ཐན། · ཨར་མེ་ནི་ཡ། · ཨ་ཟེ་རྦཡི་ཇན།1 · བྷཧ་རཡིན། · བྷང་ལ་རྡེ་ཤུ། · འབྲུག་ཡུལ། · བྷི་རུ་ནི། · བྷར་མ། · ཁམ་པོ་ཛ། · སིབ་རུས། · ཇིཨོར་ཇི་ཡ།1 · རྒྱ་གར། · ཨི་ཌོ་ནེ་ཤི་ཡ།3 · ཏ་ཟིག · ཡི་ལའ་ཁོ། · ཨི་སི་ར་ཨེལ། · རྗོར་ཌན། · ཀཟ་ཀ་སྟན།1 · བྱང་ཀོ་རི་ཡ། · ལྷོ་ཀོ་རི་ཡ། · ཁུ་ཝི་ཐི། · ཀི་རྒི་ཟ་སྟན། · ལའོ་སུ། · ལེ་པ་ནོན། · མ་ལ་ཤི་ཡ། · མལ་དིཝེསུ། · མོང་གོལ། · བལ་ཡུལ། · ཨོ་མན། · པ་ཀི་སི་སྟན། · ཧྥི་ལི་པིན། · ཁ་ཏར། · ཨུ་རུ་སུ།1 · སའུ་དི་ཨ་ར་པི་ཡ། · སེང་ག་ཕོར། · ཤྲཱི་ལངྐ། · སི་རི་ཡ། · ཐ་ཇི་ཁེ་སི་ཏན། · ཐའེ་ལེན། · ཤར་ཏིམོར།3 · ཏུར་ཀི1 · ཏུརཀ་མེ་ནི་སྟན། · ཡི་ནེ་ཁྲེ་ཀྲི་ཨ་རབ་ཨེ་མེ་རེ་ཁྲི། · ཨུ་ཟ་བེ་ཀི་སྟན། · ཝིཏི་ནམ། · ཡེ་མེན།2 |