སད་ན་ལེགས།

སད་ན་ལེགས་ནི་བོད་ཀྱི་བཙན་པོ་ཞག་རེད། ཁོང་གིས་སྤྱི་ལོ་༧༩༨ནས་༨༡༥བར་དབང་བསྒྱུར་བྱས་པ་རེད།

མི་ཚེ།

ཁྲི་ལྡེ་སྲོང་བཙན་སད་ན་ལེགས་མཇིང་ཡོན་ ཁོང་ནི་བོད་ལུགས་ཤིང་ཕོ་འབྲུག་ལོ་སྟེ་སྤྱི་ལོ 764 ལོར་ཡབ་རྒྱལ་པོ་ཁྲི་སྲོང་ལྡེ་བཙན་དང་། ཡུལ་ཚེ་སྤོང་བཟའ་མེ་ཏོག་སྒྲོན་གཉིས་ཀྱི་སྲས་སུ་སྐུ་འཁྲུངས། བོད་ལུགས་ཤིང་ཕོ་རྟ་ལོ་སྟེ་སྤྱི་ལོ 814 ལོར་སྐུ་གཤེགས། ཁོང་དགུང་ལོ་བཞི་བཅུ་ཞེ་གཅིག་པ་བོད་ལུགས་ཤིང་ཕོ་སྤྲེལ་ལོ་སྟེ་སྤྱི་ལོ 804 ལོར་མི་འཇིགས་གདོང་ལྔའི་ཁྲི་ལ་བཞུགས་ནས་ལོ་ངོ་བཅུ་གཅིག་གི་རིང་དུ་བོད་ཀྱི་རྒྱལ་སྲིད་བསྐྱངས་ཏེ་སྐར་ཆུང་གཙུག་ལག་ཁང་གི་རྡོ་རིང་དང་། དབུར་སྟོད་ཞྭ་ལྷ་ཁང་གི་རྡོ་རིང་། ཀོང་པོ་དེ་མོའི་རྡོ་བརྐོས་ཡི་གེ ཁམས་ཀྱི་བྱམས་མདུན་བྲག་བརྐོས་ཡི་གེ་འཕྱོངས་རྒྱས་བང་སོའི་རྡོ་རིང་སོགས་བཙུགས་པ་དང་། ཡབ་མེས་ཀྱི་ལྷ་ཁང་ཞིག་གསོ་དང་། སྐད་ཆུང་གཙུག་ལག་ཁང་གསར་དུ་བཞེངས་པ་དང་། དམ་པའི་ཆོས་བོད་ཡིག་ཏུ་བསྒྱུར་ཞིང་མིང་དུ་བཏགས་པ་རྣམས་དཀར་ཆག་ཏུ་བྲིས་ཏེ་གཏན་ལ་ཕབ་པའི་སྐོར《སྒྲ་སྦྱོར་བམ་གཉིས》ལས་གསལ་བ་དང་། རྒྱ་བོད་གཉིས་ཀྱི་མཛའ་མཐུན་ཡང་སྔར་ལས་ཇེ་བཟང་དུ་བཏང་བ་བཅས་ཕྱག་རྗེས་བླ་ན་མེད་པ་ཞིག་བཞག་མཛད་དོ། བཙུན་མོ་འབྲོ་བཟའ་ཁྲི་མོ་ལེགས་དང་། མཆིམས་རྒྱལ་བཟའ་ལེགས་མོ་བཙན། རྩོག་རོ་བཟའ་བཙན་རྒྱལ་གསུམ་ཁབ་ཏུ་བཞེས་ཏེ་རིགས་སྲས་ལྔ་ཙམ་འཁྲུངས། དགུང་ལོ་ལྔ་བཅུ་ང་གཅིག་པར་དགོངས་པ་ཆོས་དབྱིངས་སུ་གཤེགས། བང་སོ་ནི་འཕྲུལ་རྒྱལ་སྤྱི་མདུན་དུ་བརྩིགས་པ་དང་། བང་སོའི་མིང་ལ་རྒྱལ་ཆེན་འཕྲུལ་གྱི་རི་བོ་ཞེས་གྲགས་སོ།།

ད་དུང་གཟིགས།

• བཙན་པོ་རིམ་བྱོན་གྱི་མཚན་བྱང་།

ཕྱི་ཕྱོགས་དྲ་མཐུད།

སྔོན་མ། མུ་ནེ་བཙན་པོ།

བོད་ཀྱི་བཙན། ༧༩༨-༨༡༥

རྗེས་ལ། ཁྲི་རལ་པ་ཅན།