ཨུཏྤལ་

ཇོ་བོ་རྗེ་ཨ་ཏི་ཤ་སྙེ་ཐང་དུ་བཞུགས་དུས་འབྲོམ་ལ་མེ་ཏོག་གི་སྐོར་ལ་འཕྲོས་པ་འདི་འདྲ་ཞིག་བྱུང་བ་སྡེ། ཇོ་བོས་སྤང་རྒྱན་འདི་ཨུཏྤལའི་རྒྱུ་རུ་འདུག བོད་གྲང་བས་ཁ་མ་ཕྱེ་བར་ལུས། མེ་ཏོག་ཤང་ཤང་ནི་རྒྱ་གར་ལ་མེད། ཡོད་ན་ངས་གསེར་འཇལ་གསུངས། བོད་ལ་སྟོན་ཀ་ཤར་བའི་སྤང་རྒྱན་མེ་ཏོག་མདོག་སྔོ་ནག་སོགས་རིགས་ཁ་ཤས་ཡོད། ཇོ་བོས་མཉེས་པོ་གནང་བའི་མེ་ཏོག་ཤང་ཤང་ནི་ཤང་དྲིལ་མེ་ཏོག་ཡིན་པ་འདྲ། དེ་ནི་སྤང་གཤོངས་དང་། ན་ག་ཡོད་སའི་ཆུ་འགྲམ་ལ་སྡོང་པོ་ཡལ་ག་མེད་པ་འདྲོངས་པོ་འཇམ་སང་དང་མེ་ཏོག་གསེར་གྱི་དྲིལ་བུ་ཁ་སྦུབ་པ་འདྲ་བ་ཞིག་ཡོང་།
༼དུང་དཀར་ཚིག་མཛོད་ཆེན་མོ་༽ལས་བཏུས།