སྨན་བླ་སྐྱབས།

ཡོང་ཁུངས་Wikipedia
Jump to navigation Jump to search

མདོ་སྨད་པ་སྨན་བླ་སྐྱབས། སྨྱུག་མིང་ལ་འབར་རྡེའུ་དང་གངས་བུ་དགའ་སྐྱེད་སོགས་བྱ།

File:Manlagyap02.jpg
འབར་རྡེའུ།

མི་ཚེའི་ལོ་རྒྱུས།[རྩོམ་སྒྲིག]

སྨན་བླ་སྐྱབས། ངའི་སྐྱེས་མིང་ལ་སྨན་བླ་སྐྱབས་དང་། སྨྱུག་མིང་ལ་གངས་བུ་དགའ་སྐྱེད་དམ་འབར་རྡེའུ་ཟེར་གྱི་ཡོད། འབར་རྡེའུ་ནི་ང་རང་ཆུང་དུས་ཀྱི་གཅེས་མིང་ཡང་ཡིན། ང་ཨ་མདོ་མང་འབའ་བྱ་གསུམ་གྱི་ཡ་གྱལ་མང་ར་ཡི་འཇག་རི་སུམ་མདོའི་འབྲོག་ཁྱིམ་ཕལ་པ་ཞིག་ཏུ་སྐྱེས་ཤིང། སྔ་གཞུག་ཏུ་མཚོ་ལྷོ་མི་རིགས་དགེ་སློབ་དང་། ཧྲང་ཧེ་ཟློས་གར་སློབ་གླིང་། མཚོ་སྔོན་དགེ་འོས་སློབ་ཆེན་བཅས་འགྲིམས། གློག་བརྙན་སྐད་སྦྱོར་པ་དང་། འཁྲབ་འཁྲིད་པ། འཁྲབ་གཞུང་རྩོམ་པ་པོ། གར་སྟེགས་འཁྲབ་སྟོན་པ་དང་མདོ་འཛིན་པ། སྒྲ་བརྙན་རྩོམ་སྒྲིག་པ་སོགས་ཀྱི་ལས་ཀ་གཉེར་མྱོང་ཡོད། དུས་རབས་སྔོན་མའི་ལོ་རབས་བརྒྱད་བཅུ་པ་ནས་བཟུང་སྟེ་ད་ལྟའི་བར་དུ། སྒྲུང་གཏམ་ཁ་ཤས་དང་། ལྷུག་རྩོམ་དང་འབོལ་རྩོམ་བཅུ་གྲངས། སྙན་རྩོམ་བརྒྱ་ལྷག ཁ་ཤགས་སུམ་ཅུ་ཙམ། གར་ཆུང་ངམ་བཞད་གད་ཟློས་གར་འདུ་བའི་འཁྲབ་གཞུང་སུམ་ཅུ་ལྷག སྒྲ་སྙན་རྡུང་ལེན་གྱི་གླུ་ཚིག་བརྒྱ་གྲངས་དང་གླུ་དབྱངས་ཀྱི་གཞས་ཚིག་ལྔ་བཅུ་ལྷག ཁ་ཤགས་དང་གར་ཆུང་སོགས་ཆེད་བསྒྲིགས་སྒྲ་ཐག་གམ་འོད་འཁོར་བཅུ་གཅིག་ཙམ། སྙན་ངག་གི་དེབ་ཆུང་གཅིག་བཅས་པར་སྐྲུན་འགྲེམ་སྤེལ་བྱས་ཡོད་ལ། དེ་མིན་རླུང་འཕྲིན་ལས་འཁྲབ་བརྗོད་བརྩམས་ཆོས་དྲུག་ཅུ་ལྷག་དང་། གློག་བརྙན་འཕྲིན་བོད་འགྱུར་མ་སྟོང་ཕྲག་ལ་ཉེ་བ། རྩོམ་སྒྲིག་བྱས་པའི་སྒྲ་བརྙན་ཐག་དང་འོད་འཁོར་སྐོར་གཅིག་བཅས་ནི་ལྟོ་རྒྱབ་ཀྱི་དོན་དུ་མ་ལས་ན་མི་ཆོག་པའི་གཞུང་ལས་སུ་གཏོགས། གཞུང་ལས་ཀྱི་ཞོར་དུ་ད་ལྟ་ད་དུང་སྙན་ངག་དང་འབོལ་རྩོམ། བཞད་གད་ཟློས་གར། གཞས་ཚིག་བཅས་གསར་རྩོམ་གྱི་རྒྱུན་སྐྱོང་གིན་པའི་ཁུལ་ཡིན། འོ། རེད། ང་གནས་སྐབས་སུ་མཚོ་སྔོན་མི་རིགས་གློག་བརྙན་འཕྲིན་སྒྱུར་སྐྲུན་ལྟེ་གནས་སུ་གློག་བརྙན་འཕྲིན་བོད་འགྱུར་མ་དག་བཤེར་གྱི་ལས་སྒོ་ན་ཡོད།

བརྩམས་ཆོས།[རྩོམ་སྒྲིག]

༼རུ་སྡེ་ཁྲ་མོ༽དང་༼གེ་སར་རྟ་རྫི༽༼འཚོལ།༽སོགས་ཁ་ཤགས་ཀྱི་སྐོར་དང་༼གསེར་མདོག་གི་ཕ་ས།༽ཞེས་པའི་བཞད་གར། ༼བྲག་རིའི་སྲས་མོ༽ཞེས་པའི་སྙན་དེབ། ༼རི་བོང་བློ་ལྡན།༽ཞེས་པའི་གཏམ་རྒྱུད། ༼ཅང་ཤེས་རྟ་བཤད།༽ཅེས་པའི་བཤད་པའི་སྐོར་སོགས་ཡོད། ད་ལྟ་མཚོ་སྔོན་་མི་རིགས་གློག་བརྙན་འཕྲིན་བསྒྱུར་བསྐྲུན་ལྟེ་གནས་སུ་འཁྲབ་ཁྲིད་པའི་ལས་ཀ་གཉེར་བཞིན་ཡོད།

འབྲེལ་ཡོད་སྦྲེལ་ལམ།[རྩོམ་སྒྲིག]

  • འབར་རྡེའུ་ཟིན་བྲིས། http://www.tibetabc.cn/blog/user1/bardey/index.htmlསྨན་བླ་སྐྱབས (གངས་བུ་དགའ་སྐྱེད། འབར་རྡེའུ)ནི་ སྤྱི་ལོ་༡༩༦༣ལོར་ཨ་མདོ་མང་རའི་སྟོད་རྒྱུད་ཀྱི་འབྲོག་ཁྱིམ་ཕལ་བ་ཞིག་ཏུ་ སྐྱེས། སྔ་ཕྱིར་མཚོ་ལྷོ་མི་རིགས་དགེ་འོས་སློབ་གྲྭ་དང་ཧྲང་ཧའེ་ཟློས་གར་སློབ་གླིང༌། མཚོ་སྔོན་དགེ་འོས་སློབ་ཆེན་སོགས་འགྲིམས་ལ་གློག་བརྙན་སྐད་སྦྱོར་བ་དང༌། འཁྲབ་ཁྲིད་པ། འཁྲབ་གཞུང་རྩོམ་པ་པོ། སྒྲ་བརྙན་རྩོམ་སྒྲིག་པ་བཅས་ཀྱི་ལས་ཀར་ཞུགས་མྱོང། དགྱ་གཞུང་ཟློས་གར་པའི་མཐུན་ཚོགས། མཚོ་སྔོན་ཡན་ལག་ཚོགས་པའི་ཁོངས་མི།

དགྱ་ནག་གི་རིམ་པ་གཉིས་པའི་འཁྲབ་གཞུང་རྩོམ་པ་པོ་བཅས་ཡིན་པར་མ་ཟད། དགྱ་གཞུང་སྒྱུ་རྩལ་པའི་མིང་མཛོད་ཆེན་མོ། དགྱ་གཞུང་རིག་གནས་སྒྱུ་རྩལ་པའི་མིང་མཛོད་ཆེན་མོ་སོགས་སུ་ཁོང་གི་མིང་བཀོད་ཡོད།

 སྤྱི་ ལོ་༡༩༨༢ལོ་ནས་བཟུང་གསར་རྩོམ་གྱི་ལས་སུ་ཞུགས་ཤིང༌། ད་ལྟའི་བར་དུ་སྙན་ངག་དང་སྒྲུང་གཏམ། ལྷུག་རྩོམ། ཁ་ཤགས། གར་ཆུང༌། གླུ་ཚིག་སོགས་ཡིག་ཐོག་བརྩམས་ཆོས་༣༦༠ལྷག་སྤེལ། དེ་མིན་བརྙན་འཕྲིན་དང་རྒྱང་སྒྲོག་ཟློས་གར་གྱིས་མཚོན་པའི་ངག་ཐོག་བརྩམས་ཆོས་ ཀྱང་འབོར་ཆེན་ཞིག་ཡོད། 《རྨ་བྱའི་སྲས་མོ།》སོགས་ཁོས་སྐད་སྦྱར་བའམ་འཁྲབ་ཁྲིད་གནང་བའི་བོད་སྐད་གློག་བརྙན་དྲུག་ལ་སོ་སོར་རྒྱལ་ཁབ་རིམ་པའང་ཞིང་ཆེན་རིམ་པའི་བྱ་དགའ་ཐོབ།

 སྒྲུང་གཏམ་《སྐྱོ་གར》དང༌། སྙན་ངག་ལྷུག་མ་《སྒྱུ་རྩལ་གྱི་དད་ལྡན》སྙན་རྩོམ《ན་ཟླ་ཚོ། གླུ་ཞིག་ལོངས་དང》དང《པ་སངས་ལགས》དགྱ་ཡིག་གིས་བྲིས་པའི་འཁྲབ་གཞུང་《སང་ཉིན་གྱི་གཏམ་རྒྱུད》གླུ་ཚིག《པཎ་ཆེན་ལགས།》སོགས་ནི་《ཕྱོགས་བསྒྲིགས་》དཔེ་དེབ་དག་ཏུ་བདམས་པར་མ་ཟད། ལ་ལར་ཞིང་ཆེན་རིམ་པའི་བྱ་དགའ་ཐོབ་པ་དང་ཁ་ཤས་ཞིང་ལྗོངས་ལྔའི་སློབ་གྲྭ་ཆེན་མོ་རྩོམ་རིག་བསླབ་གཞིར་བདམས།

  སྙན་ངག་ཆེད་བསྒྲིགས་དཔེ་དེབ་《བྲག་རིའི་སྲས་མོ》དང༌། དེ་མིན《སྒྱུ་རྩལ་པ》དང་《འཚོལ》《ལྷ་སར་འགྲོ》《རུ་སྡེ་ཁྲ་མོ》《རི་བོང་བློ་ལྡན》《ཅང་ཤེས་རྟ་བཤད.》སོགས་བརྩམས་ཆོས་ཆེད་བསྒྲིགས་སྒྲ་ཐག་པར་སྐྲུན་བྱས་ཡོད།

  ད་ལྟ། ཁོས་ནུབ་མཚོ་མི་རིགས་སྒྲ་བརྙན་པར་སྐྲུན་ཁང་གི་རྩོམ་སྒྲིག་པ་དང༌། མཚོ་སྔོན་མི་རིགས་བརྙན་འཕྲིན་སྒྱུར་སྐྲུན་ལྟེ་གནས་ཀྱི་སྐད་སྦྱོར་འཁྲབ་ཁྲིད་ པ། དུང་དཀར་གཞས་གཏམ་སྒྱུ་རྩལ་ཚོགས་པའི་འཁྲབ་གཞུང་རྩོམ་པ་པོ་བཅས་ཀྱི་ལས་ཀ་གཅིག་ ལྕོགས་སུ་གཉེར།