རིན་ཆེན་བདུན།

གཤམ་དུ་རིན་ཆེན་སྣ་བདུན་ཞེས་པར་གཟིགས།དུང་དཀར་ཚིག་མཛོད་ཆེན་མོ་༽ལས་བཏུས།
རིན་ཆེན་བདུན་ཞེས་པ་ནི་འཁོར་ལོས་བསྒྱུར་བའི་རྒྱལ་པོའི་རིན་པོ་ཆེ་སྣ་བདུན་ཏེ། འཁོར་ལོ་རིན་པོ་ཆེ་དང་། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་ཆེ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ་བཅས་སོ། །མདོ་སྡུད་པའི་འགྲེལ་པར་"འཁོར་ལོ་ལ་སོགས་པའི་རིན་ཆེན་སྣ་བདུན་པོ"ཞེས་གསུངས་པ་དེ་ཡིན། དེ་ཡང་མཆོད་རྟེན་གྱི་རྒྱུ་ཆ་ལས་སྐྱེས་པའི་སྐབས་སུ་རིན་ཆེན་སྣ་བདུན་གྱིས་བརྩིགས་པའི་མཆོད་རྟེན་ལ་མཆོད་པ་ཕུལ་བའི་ལུང་གི་གོ་སྐབས་སུ་འཁོད་པ་ཡིན།

མཆོད་རྟེན་གྱི་རྒྱུ་ཆ།

མཆོད་རྟེན་གྱི་རྒྱུ་ཆར་གྱུར་པའི་རིན་ཆེན་བདུན་ནི། བཻཌཱུཪྻ་དང་། མུ་ཏིག་དམར་པོ་དང་། མུ་ས་ལ་གརྦྷ་དང་། ཨསྨ་གརྦྷ་དང་། ཤེལ་དང་། གསེར་དང་། དངུལ་བཅས་ཏེ་རིན་ཆེན་སྣ་བདུན་ལས་བྱས་པའི་མཆོད་རྟེན་ཡིན། འཇུ་མི་ཕམ་གྱིས་"བཻཌཱུཪྻ་དང་མུ་ཏིག་དམར་པོ་དང་མུ་ས་ལ་གརྦྷ་དང་ཨསྨ་གརྦྷ་དང་ཤེལ་དང་གསེར་དང་། དངུལ་ལྟ་བུའི་རིན་ཆེན་བདུན་ལས་བྱས་ཤིང་དེ་ལ་མཆོད་པར་བྱེད་ལ།" ཞེས་གསུངས།

འཁོར་ལོས་བསྒྱུར་བའི་རྒྱལ་པོའི་དཔེ།

འཁོར་ལོས་བསྒྱུར་བའི་རྒྱལ་པོས་ཕྱོགས་སུ་འགྲོ་བའི་སྐབས་སུ། "ལམ་གང་ནས་རྒྱལ་པོ་རྟག་ཏུ་འགྲོ་བའི་ལམ་དེ་ཉིད་ནས་ནི་འཁོར་ལོ་རིན་པོ་ཆེ་ལ་སོགས་པའི་རིན་ཆེན་བདུན་དང་། དམག་གི་དཔུང་ཚོགས་ཀུན་ཀྱང་འགྲོ་བར་འགྱུར་རོ། །"དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འགྲོ་བའི་ལམ་དེ་ཉིད་ལས་ཕ་རོལ་ཏུ་ཕྱིན་པ་ལྔ་དང་བྱང་ཆུབ་ཀྱི་ཡོན་ཏན་ཐམས་ཅད་འགྲོ་བར་འགྱུར་བ་ལྟར། "རྒྱུའི་དུས་ཀྱི་ཕ་རོལ་ཏུ་ཕྱིན་པ་ལྔ་དང་འབྲས་བུའི་དུས་ན་བྱང་ཆུབ་གསུམ་གྱི་ཡོན་ཏན་ཇི་སྙེད་ཡོད་པ། དེ་དག་ཀུན་ཀྱང་འཁོར་གསུམ་དུ་མི་རྟོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལས་སྐྱེ་བར་འགྱུར་རོ། །"

མཆོད་པའི་ཕན་ཡོན།

བདེ་བར་གཤེགས་པའི་རིང་བསྲེལ་སྙིང་པོ་ཅན་གྱི་མཆོད་རྟེན་རིན་ཆེན་བདུན་ལས་བྱས་ཏེ་མཆོད་པ་ཕུལ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་ལ་མཆོད་པ་ཕུལ་བ་གཉིས་ཀྱི་བསོད་ནམས་ཀྱི་ཁྱད་པར་ལ། "གདྒཱའི་ཀླུང་གི་བྱེ་མ་སྙེད་ཀྱིས་བྱེ་བ་ཕྲག་སྟོང་གི་ཞིང་ཀུན་བཀང་སྟེ། དེ་ལྟར་ཡོངས་སུ་བརྟག་པ་སྟེ་དབྱེ་བ་ཡོངས་སུ་བཟུང་བའི་ཞིང་རྣམས་གྲངས་བྱེ་བ་མཐའ་ཡས་པ་ན། སེམས་ཅན་ཇི་སྙེད་འཁོར་བ་དེ་དག་ཐམས་ཅད་ཀྱིས་ལས་གཞན་མི་བྱེད་པར་ལྷའི་མེ་ཏོག་དང་བདུག་སྤོས་རབ་མཆོག་དང་དྲིའི་བྱུགས་པས། སྔ་དྲོ་གུང་ཕྱི་དྲོའི་དུས་གསུམ་དུ་ལན་གཅིག་ཙམ་མ་ཡིན་པར་བསྐལ་པ་འམ། དེ་བས་ཀྱང་ལྷག་པར་མཆོད་རྟེན་དེ་རྣམས་ལ་གུས་པས་མཆོད་ན་བསོད་ནམས་ཆེ་མོད། དེ་ལས་ཀྱང་བྱང་སེམས་གང་ཞིག་ཤེར་ཕྱིན་གང་ལས་རྣམ་འདྲེན་སྟོབས་བཅུ་དང་ལྡན་པའི་སངས་རྒྱས་འབྱུང་བར་འགྱུར་བ། བདེ་བར་གཤེགས་པའི་ཡུམ་འདི་གླེགས་བམ་ལ་བྲིས་ཏེ་ཚིག་དོན་ཡིད་ལ་འཆང་ཞིང་མེ་ཏོག་དང་བྱུགས་པས་བསྟི་སྟང་བཀུར་སྟི་བྱེད་པར་གྱུར་ན། སྔར་བཤད་པ་ལྟ་བུའི་མཆོད་རྟེན་བྱས་ཤིང་མཆོད་པའི་བསོད་ནམས་ཀྱིས་ནི། བསོད་ནམས་འདིའི་ཆར་ཡང་མི་ཕོད་ན་མཉམ་པ་ག་ལ་འོང་"ཞེས་གསུངས།