User talk:བཙན་ཚ་དུང་དཀར་ཚེ་རིང་།
༄༅།། བོད་ལ་སྤྲིངས་པ། རྩོམ་པ་པོ། དུང་དཀར་ཚེ་རིང་།
ཁྱོད་ལ་མེད་པ་ཁོག་རྒྱ་ཡིན། ང་ལ་མེད་པ་སེམས་ཆུང་ཡིན། ང་གཉིས་མེད་པ་མཛའ་བརྩེ་ཡིན། ང་ཚོར་མེད་པ་འཆམ་མཐུན་ཡིན།
ཁྱོད་ལ་མེད་པ་སྙིང་སྟོབས་ཡིན། ང་ལ་མེད་པ་བྱ་སྤྱོད་ཡིན། ང་གཉིས་མེད་པ་ལེགས་གྲུབ་ཡིན། ང་ཚོར་མེད་པ་བྱ་གཞག་ཡིན།
ཁྱོད་ལ་མེད་པ་སྐད་གཙང་ཡིན། ང་ལ་མེད་པ་ཡིག་དྭངས་ཡིན། ང་གཉིས་མེད་པ་ལྷག་བསམ་ཡིན། ང་ཚོར་མེད་པ་སྤྱི་སྐད་ཡིན།
ཁྱོད་ལ་མེད་པ་ཤེས་བྱ་ཡིན། ང་ལ་མེད་པ་ལག་རྩལ་ཡིན། ང་གཉིས་མེད་པ་ཡར་བརྩོན་ཡིན། ང་ཚོར་མེད་པ་འཇོན་ཐང་ཡིན།
ཁྱོད་ལ་མེད་པ་གཞུང་དྲངས་ཡིན། ང་ལ་མེད་པ་ཡ་རབས་ཡིན། ང་གཉིས་མེད་པ་སྤྱོད་བཟང་ཡིན། ང་ཚོར་མེད་པ་རྒྱུན་འཛིན་ཡིན།
ཁྱོད་ལ་མེད་པ་བྱང་ཚད་ཡིན། ང་ལ་མེད་པ་ཆུ་ཚད་ཡིན། ང་གཉིས་མེད་པ་ཚད་གཞི་ཡིན། ང་ཚོར་མེད་པ་ཚད་འཛིན་ཡིན།
ཁྱོད་ལ་མེད་པ་འགན་འཁྲི་ཡིན། ང་ལ་མེད་པ་འདུ་ཤེས་ཡིན། ང་གཉིས་མེད་པ་མཉམ་བློ་ཡིན། ང་ཚོར་མེད་པ་རིགས་ཞེན་ཡིན།
ཁྱོད་ལ་མེད་པ་ལེགས་སྐྱེས་ཡིན། ང་ལ་མེད་པ་སྲི་ཞུ་ཡིན། ང་གཉིས་མེད་པ་ལ་རྒྱ་ཡིན། ང་ཚོར་མེད་པར་ནུས་ཤུགས་ཡིན།
ཁྱོད་ལ་མེད་པ་གསར་གཏོད་ཡིན། ང་ལ་མེད་པ་གསར་བློ་ཡིན། ང་གཉིས་མེད་པ་རིག་གསར་ཡིན། ང་ཚོར་མེད་པ་མདུན་སྐྱོད་ཡིན།
ཁྱོད་ལ་མེད་པ་བརྩེ་སེམས་ཡིན། ང་ལ་མེད་པ་དུང་སེམས་ཡིན། ང་གཉིས་མེད་པ་གཅེས་སེམས་ཡིན། ང་ཚོར་མེད་པ་བྱམས་སེམས་ཡིན།
ང་ཚོར་ཡོད་པ་སྐྱོབ་གསོ་ཡིན། ང་ཚོར་ཡོད་པ་བག་ཕེབས་ཡིན། ང་ཚོར་ཡོད་པ་འཁྲིག་འཛིན་ཡིན། ང་ཚོར་ཡོད་པ་ནང་འཁྲུག་ཡིན།
2015.08.12ཉིན་བྲིས།