Category:ས་སྐྱ་པ་

ས་སྐྱ་བའི་གྲུབ་མཐའི་མིང་བྱུང་ཚུལ། དེ་ཡང་ས་སྐྱ་པ་ཞེས་ཡོངས་སུ་གྲགས་པ་ནི་འཁོན་དཀོན་མཆོག་རྒྱལ་པོ་ནས་བྱུང་བ་ ཡིན་ལ་སྤྱིར་ས་སྐྱ་ཞེས་པ་དེ་ས་མིང་ཡིན་ཞིང་ས་མིང་དགོན་པར་བཏགས་པ་ཞིག་ཡིན་ ཅིང་དགོན་པ་དེ་ཆགས་སའི་ས་ཆའི་ཁ་དོག་ལ་བརྟེན་ནས་དགོན་པའི་མིང་ལ་ས་སྐྱ་ དགོན་པ་ཟེར། འཁོན་དཀོན་མཆོག་རྒྱལ་པོ་ནི་ཐོག་མར་གསང་སྔགས་རྙིང་མ་ལ་མཁས་ པར་སྦྱངས་ཤིང་། ཕྱིས་སུ་གསར་མ་ལ་སྦྱངས། རྒྱ་བོད་ཀྱི་བླ་མ་གྲགས་ཅན་མང་པོར་བསྟེན། དབོན་པོ་རི་གླང་པོ་ཆེ་ཉལ་བ་ལྟ་བུའི་མཁལ་ཁུང་གཡས་པའི་ཐད་དུ་ས་དཀར་ཞིང་སྣུམ་པ་དང་། ཆུ་བོ་གཡས་སུ་འབབ་པ་སོགས་ས་བཟང་བར་གཟིགས་ཏེ་དེར་བོད་རབ་བྱུང་དང་པོའི་ཆུ་གླང་སྤྱི་ལོ་༡༠༧༣ལོར་དགོན་པ་བཏབ་ནས་གནས་གཞི་བཟུང་ཞིང་། འཁོན་གྱི་གདུང་རྒྱུད་ས་ཆེན་ཀུན་དགའ་སྙིང་པོ་སོགས་རིམ་པར་བྱོན་ཏེ་ས་སྐྱ་པའི་གྲུབ་ མཐའ་དར་རྒྱས་བྱུང་ལ་མིང་ལ་ས་སྐྱ་པའི་གྲུབ་མཐའ་ཞེས་ཐོགས་པ་ཡིན། ས་སྐྱའི་ཆོས་ བརྒྱུད་འཛིན་པའི་དགོན་ཕྲན་ཀྱང་ངོར་ཨེ་ཝཾ་ཆོས་སྡེ། གོང་དཀར་རྡོ་རྗེ་གདན། འཕན་པོ་ནྰ་ལེནྡྲ། རྟ་ནག་ཐུབ་བསྟན་རྣམ་རྒྱལ། སྐྱེད་ཚལ་གོང་འོག་གཉན་ཡོད་བྱ་གཤོ ཐུབ་བསྟན་ར་བ་སྨད། རྣམ་རབ་དྭགས་པོ་གྲྭ་ཚང་། བཞད་ཐུབ་བསྟན་ཡང་ཅན། ཆོས་སྐོར་ལྷུན་པོ་ཨ་མདོ་དྷི་དགོན་སོགས་རྒྱ་ཆེར་དར་རོ།