ཨུ་རུ་སུ་རུ་ཡོད་པའི་ནང་པའི་བསྟན་པའི་གྲྭ་ཚང་
དབྱངས་ཅན་གྲྭ་ཚང་ནི་(Ivolginsky datsan )ལྷ་ཁང་བདུན་དང་ནང་བསྟན་སློབ་གྲྭ། གྲྭ་ཤག་ནང་བསྟན་སྒྱུ་རྩལ་གྱི་དངོས་མང་བཤམས་སྟོན་ཁང་། མགྲོན་ཁང་གཅིག་བཅས་ལས་གྲུབ་པ་ཞིག་ཡིན། གྲྭ་ཚང་གི་བཀོད་པ་ཧྲིལ་བོས་སྤྱི་ཆིང་གསུམ་བཟུང་ཡོད་པ་དང་འདིའི་ནང་དུ་ཨུ་རུ་སུའི་ནང་པའི་བསྟན་པ་སྤེལ་མཁན་གཙོ་བོ་མཁན་པོ་བཀྲ་ཤིས་རྡོ་རྗེ་མཆོག་གི་གཟིམ་ཁང་གི་བཀོད་པའང་འདུས་ཡོད། དབྱངས་ཅན་གྲྭ་ཚང་ནི་པས་ཁར་མཚོའི་མཐའ་འཁོར་གྱི་ རི་འདབས་སུ་ཆགས་ཡོད། ཐང་སྟོང་ནས་གྲྭ་ཚང་གི་ཁང་ཀླད་དང་ཁ་དོག་སྣ་ལྔའི་མཆོད་རྟེན་སོགས་ལ་བལྟས་ན་གྲྭ་ཚང་གི་བཀོད་པ་མཛེས་སྡུག་ཡིད་དུ་འོངས་པ་ཞིག་རེད། དགུན་ཁ་སླེབས་པ་ན། གྲྭ་ཚང་གི་བཀོད་པ་སྔར་ལས་བརྗིད་ཆགས་ཤིང་ཉམས་ལྡན་པ་དང་། ཚོན་མདངས་སྣ་ཚོགས་ལྡན་པའི་གྲྭ་ཚང་གི་བཀོད་པ་དུང་ལྟར་དཀར་བའི་ཁ་བས་གཡོགས་པའི་རི་རྒྱུད་ཀྱི་འཁྲིས་ལ་འབྱར་འདུག དབྱངས་ཅན་གྲྭ་ཚང་ནི་ཨུ་རུ་སུའི་ནང་པའི་བསྟན་པའི་ལྟེ་གནས་གཙོ་བོ་ཡིན། དགོན་པའི་བརྗིད་ཆགས་ཤིང་ཉམས་དགའ་བའི་བཀོད་པ་ལས་གཞན་མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ཡང་གནས་འདི་རུ་ཡོད། མཁན་པོ་བཀྲ་ཤིས་རྡོ་རྗེ་མཆོག་ནི་༡༨༥༢ལོར་སྐུ་འཁྲུངས་ཤིང་། དགུང་ལོ་༡༦ནས་བཟུང་པུའུ་ལི་ཡ་ཐེའི་ནང་བསྟན་སློབ་གླིང་ཞིག་ནས་གསོ་རིག་དང་མཚན་ཉིད་རིག་པའི་སྐོར་ལ་སློབ་གཉེར་གནང་། ཁོང་གི་སློབ་གཉེར་བྱས་པའི་ནང་བསྟན་རིག་པའི་ཤེས་བྱ་དང་འགྱུར་བ་མེད་པའི་དད་མོས་སོགས་ཀྱིས་ཁོས་ཧུར་བརྩོན་གྱིས་ནང་པའི་བསྟན་པ་ལ་ཞིབ་འཇུག་བྱེད་པར་སྐུལ་འདེད་བྱས་ཡོད་པར་མ་ཟད། ཁོ་རང་ཨུ་རུ་སུའི་ནང་པའི་བསྟན་པ་སྤེལ་མཁན་གཙོ་བོར་གྱུར། མཁན་པོ་བཀྲ་ཤིས་རྡོ་རྗེ་མཆོག་ཨུ་རུ་སུའི་མིའི་རྒྱུན་དུ་ནང་པའི་བསྟན་པ་སླར་གསོ་བྱེད་མཁན་ལ་བརྩི་བཞིན་ཡོད། ཁོང་གིས་ཐོག་མར་ཧྲེང་པི་ཏེ་པའོ་རུ་ནང་པའི་བསྟན་པའི་དགོན་པ་བཞེངས། འཛམ་གླིང་འཁྲུག་ཆེན་ཐེངས་དང་པོའི་སྐབས་སུ། མཁན་པོ་མཆོག་གིས་མིང་ལ་པུའུ་ལི་ཡ་ཐེ་སྤུན་ཟླ་ཟེར་བའི་ཚོགས་པ་ཞིག་བཙུགས་ལ། ཚོགས་པ་འདིས་བྱ་བ་གཙོ་བོ་ནི་དམག་མིའི་ཟ་མ་དང་སྨན་བཅོས། ཡོང་འབབ་དང་གྱོན་པ་སོགས་ཇེ་ལེགས་སུ་བཏང་བ་བརྒྱུད་ནས་ དམག་དཔུང་གི་སྒྲིག་སྦྱོར་སོགས་ཇེ་རྒྱས་ཇེ་ལེགས་སུ་གཏོང་བ་ཞིག་ཡིན། དུས་སྐབས་འདིའི་རིང་ལ་མཁན་པོ་བཀྲ་ཤིས་རྡོ་རྗེ་མཆོག་གིས་རྨས་མར་སྲོག་སྐྱོབ་སྨན་བཅོས་དང་། སྨན་ཁང་བཙུགས་པའི་རྐྱེན་གྱིས་ཁོང་ལ་ཧྲེང་ཨན་ན་བྱ་དགའ་ཐོབ།
མཁན་པོ་མཆོག་དགུང་ལོ་༧༥སྟེང་དགོངས་པ་རྫོགས།ཁོས་དད་ལྡན་མང་ཚོགས་ལ་ཁོ་རང་མི་འགྱངས་བར་དགོངས་པ་རྫོགས་པའི་གནས་ཚུལ་བཤད་པ་དང་། ཁོས་གྲྭ་པ་གཞན་དག་ཀྱང་གདན་འདྲེན་ཞུས་ནས་ཁོ་དང་མཉམ་དུ་དཀྱིལ་ཀྲུང་དུ་བཞུགས་སུ་བཅུག མཐར་ཁོ་རང་ཁྲི་ཐོག་ཏུ་བཞུགས་ཏེ་ཏིང་ངེ་འཛིན་དུ་བཞུགས་ནས་དགོངས་པ་རྫོགས།
མཁན་པོ་མཆོག་གི་ཞལ་ལུང་ལྟར་ཁོའི་སྐུ་གདུང་ཤིང་སྒམ་ནང་དུ་བཞག་ནས་ཉར་ཚགས་དང་དུར་འཇུག་བྱས། ཁོས་ད་དུང་གྲྭ་པ་རྣམས་ལ་ལོ་འགའི་རྗེས་ནས་ཡང་བསྐྱར་ཕྱིར་ལེན་དགོས་པའི་རེ་བ་བཏོན། མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་༡༩༥༥ལོ་དང་༡༩༧༣ལོར་འཛམ་གླིང་དུ་ཡང་བསྐྱར་མངོན། ཁོང་གི་སྐུ་གདུང་ཐེངས་གཉིས་ལ་མཐོང་ཡང་སྔར་བཞིན་ཏིང་ངེ་འཛིན་དུ་བཞུགས་ནས་མི་ཚང་མ་ཧ་ལས་སུ་བཅུག
མཁན་པོ་བཀྲ་ཤིས་རྡོ་རྗེ་མཆོག་དགོངས་པ་རྫོགས་ནས་ལོ་ངོ་༧༥འགོར་རྗེས་ཀྱི་༢༠༠༢ལོར་མི་རྣམས་ཀྱིས་སྔར་བཞིན་དབྱངས་ཅན་གྲྭ་ཚང་ནས་ནས་མཁན་པོའི་སྐུ་གདུང་ལ་མཆོད་མཇལ་བྱེད་ཐུབ་ལ། མཁན་པོ་མཆོག་གི་སྐུ་གདུང་ལ་རུལ་འགོག་བྱེད་ཐབས་བེད་སྤྱོད་བྱས་རྗེས་སྐུ་གདུང་ཆ་ཚང་བའི་ངང་ནས་ཉར་ཚགས་བྱེད་ཐུབ་སོང་བ་དང་། ཚན་རིག་པ་དག་གིས་ཀྱང་འདི་ལ་བསམ་བློ་གཏོང་དཀའ་བའི་གནས་སུ་ལྷུང་ནས་བརྡར་ཤ་གཅོད་མ་ཐུབ་པའི་རྐྱེན་གྱིས་གནས་མཇལ་པ་ཁྲི་སྟོང་མང་པོའང་མཆོད་མཇལ་དུ་ཡོང་བཞིན་འདུག
༢༠༠༤ལོར་རྒྱལ་ཕྲན་མཉམ་འབྲེལ་ལྟེ་གནས་ཀྱི་ཁྲིམས་དཔྱད་སྨན་པས་སྐུ་གདུང་གི་དབུ་སྐྲ་དང་སེན་མོ། སྐྱི་པགས་སོགས་ལ་དབྱེ་ཞིབ་བྱས་པ་བརྒྱུད། མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་གི་གྲུབ་ཆ་དང་ཁོ་རང་དགོངས་པ་རྫོགས་པའི་དུས་ཚོད་༣༦རིང་གི་བེམ་པོའི་གྲུབ་ཆ་ཧ་ཅང་འདྲ་བའི་སྡོམ་ཚིག་ཐོབ། མཐོང་དཀོན་པའི་སྣང་ཚུལ་འདིའི་རིགས་ཀྱི་ཁྲོད་དུ་ནང་པའི་བསྟན་པའི་དད་མོས་ཀྱི་རྗེས་ཤུལ་བཞག་ཡོད་པའི་རྐྱེན་གྱིས་གྲྭ་པ་མང་པོ་དང་ནང་པའི་བསྟན་པའི་རྗེས་འཇུག་པ་རྣམས་ཀྱི་བསམ་པའི་དད་མོས་སྔར་ལས་གཏན་འཇགས་སུ་གྱུར། དབྱངས་ཅན་གྲྭ་ཚང་གི་ནང་པའི་བསྟན་པའི་རྗེས་འཇུག་པ་རྣམས་ཀྱིས་མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ལ་མཆོད་མཇལ་བྱེད་དུས་མིའི་སེམས་ཁམས་གསོ་བར་བྱེད་པའི་ནུས་པ་ངེས་ཅན་ཞིག་ཡོད་པར་ཡིད་ཆེས་བྱེད་བཞིན་ཡོད། ལོ་གཅིག་གི་ནང་དུ་གནས་མཇལ་པ་རྣམས་ལ་ཉིན་བདུན་གྱི་ནང་དུ་མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ལ་མཇལ་བའི་གོ་སྐབས་ཡོད་ལ། འོན་ཀྱང་འདིས་གནས་མཇལ་བ་རྣམས་ཀྱི་རྣམ་དག་གི་དད་པའི་སེམས་བསྐྱེད་ཐུབ་ཀྱིན་མེད་པ་དང་། རྒྱུ་མཚན་དབྱངས་ཅན་གྲྭ་ཚང་ནི་བརྗིད་ཆགས་ཤིང་ཉམས་དགའ་བའི་ཡུལ་ལྗོངས་ཤིག་ཡིན།
དབྱངས་ཅན་གྲྭ་ཚང་གི་བཀོད་པ་རྒྱ་ཆེ་ཞིང་བརྗིད་ཆགས་ཤིང་ཉམས་དགའ་བའི་ལྗང་མདོག་གི་རི་ལུང་ཞིག་དུ་ཆགས་ཡོད་ལ།མིས་བློ་རྩེ་གཅིག་སྒྲིམ་གྱིས་བྲིས་པ་དང་འདྲ་བའི་སྟག་དབྱིབས་རི་མོས་གྲྭ་ཚང་གི་མཐའ་རུ་བསྐོར་ནས་སྲུང་སྐྱོབ་བྱས་ཡོད་པ་དང་འདྲ། གྲྭ་ཚང་ནང་དུ་ཕུན་སུམ་ཚོགས་པའི་ལྡེབས་རིས་དང་སྐུ་འདྲ་སྣ་ཚོགས་ཡོད་པས་ནང་པའི་བསྟན་པ་ལ་སློབ་གཉེར་བྱེད་སའི་གནས་འགངས་ཆེན་ཞིག་ཏུ་གྱུར།
བཞུགས་ཁྲི་སྟེང་གི་མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་གིས་ཕྱོགས་བཞི་མཚམས་བརྒྱད་ནས་ཡོང་བའི་གནས་མཇལ་བ་རྣམས་ལ་མིའི་སེམས་ཁམས་གསོ་བར་བྱེད་པའི་ནུས་པ་དང་མངོན་རྟོགས་ཀྱི་ནུས་ཤུགས་སྦྱིན། གནས་མཇལ་བ་རྣམས་སྐུ་གདུང་ལ་མཇལ་དུས་མཁན་པོ་བཀྲ་ཤིས་རྡོ་རྗེ་མཆོག་གིས་དད་པའི་ནུས་སྟོབས་རང་གི་རྒྱུ་ལ་འབྱོར་བར་ཡིད་ཆེས་བྱེད། དེ་བས། གྲྭ་ཚང་འདིས་གནས་མཇལ་བ་རྣམས་ལ་ཚོར་བ་སྣ་ཚོགས་ཤིག་སྟེར་པའི་བྱེད་ཐབས་སྣ་མང་ཡིན་ལ་རྙོག་འཛིང་ཅན་ཞིག་ཀྱང་ཡིན་ནོ།
གྲྭ་ཚང་ཧྲིལ་བོའི་ལྷིང་འཇགས་ཀྱི་རྣམ་པ་ཞིག་མངོན་ཡོད་ལ།བརྗིད་ཆགས་ཤིང་ཉམས་དགའ་བའི་དགོན་པའི་ཕྱི་ཚུལ་གྱི་བཀོད་པ་དང་ནང་གི་ཆོས་ལུགས་ཀྱི་སྒྲིག་གཞི་སོགས་ཀྱི་
ཕྱོགས་སོ་སོའི་གནས་མཇལ་བ་རྣམས་མཆོད་མཇལ་དུ་ཡོང་སའི་གནས་གལ་ཆེན་ཞིག་ཏུ་གྱུར།
དབྱངས་ཅན་གྲྭ་ཚང་གིས་ལོ་ཧྲིལ་པོར་ཡུལ་སྐོར་ལྗོངས་རྒྱུའི་སྒོ་མོ་ཕྱེ་ནས་ཕྱོགས་བཞིའི་ཡུལ་སྐོར་བ་མང་པོ་ཞིག་གི་ཡིད་དབང་བཀུག མི་སྔར་ལས་མང་པོ་ཞིག་ལ་ནང་པའི་བསྟན་པའི་ལོ་རྒྱུས་དང་དད་མོས། མཉམ་གཞག་གི་ངོ་བོ་དང་ས་གནས་དེ་གའི་གྲོང་གསེབ་ཀྱི་མཛེས་སྡུག་ལྡན་པའི་ལྗོངས་རྒྱུ་དག་གཞན་ལ་ཤེས་སུ་བཅུག