ཨ་ཙ་ར་གླང་ཁྲིད

ཨ་ཙ་ར་གླང་ཁྲིད་ཀྱི་ཨ་ཙ་ར་ནི་དཔལ་མགོན་བྲམ་གཟུགས་དང་། གླང་ཆེན་ནི་ཚོགས་བདག་གླང་སྣའི་མཚོན་བྱེད་ཡིན། གླང་པོས་ནོར་གཞོང་ངམ་ནོར་བུ་མེ་འབར་བ་བཏེགས་པ་བཅས་སྒོའི་ནང་ལྡེབས་སུ་ཁ་ནང་ལ་ཕྱོགས་ཏེ་བྲིས་པས་ལོངས་སྤྱོད་ཕུན་སུམ་ཚོགས་པ་འབྱུང་བའི་རྟེན་འབྲེལ་མཚོན་པ་དང་། མཆོག་དང་ཐུན་མོང་གི་འདོད་པའི་དངོས་གྲུབ་ཐམས་ཅད་རྩོལ་མེད་དུ་འབྱུང་བའི་རྟེན་འབྲེལ་སྒོ་ཀུན་ནས་མཚོན་པ་ཡིན་པར་བཤད་ཀྱང་བཤད་སྟངས་འདི་དག་མིན་དཔྱད་བྱའི་གནས་སོ།