སྤྲིན་པ་བརྟག་ཚུལ

འདི་ནི་བོད་ཀྱི་སྐར་རྩིས་ལས་གནའ་རབས་ཀྱི་དུས་བརྟག་གནམ་དཔྱད་རྩིས་བཤད་པའི་སྤྲིན་པ་བརྟག་ཚུལ་ཡིན

སྤྲིན་པ་བརྟག་པ་ནི། ཉི་ཤར་སྤྲིན་པ་མེད་གྱུར་ན། །ཉི་མ་འཆར་བ་མདངས་དང་ལྡན། །ཉི་ནུབ་ནུབ་ཏུ་མདངས་གསལ་ན། །ཕྱི་ཉིན་ནམ་མཁའ་དྭངས་པར་འགྱུར། །རྒྱ་ཐག་བར་སྣང་གཡེང་གྱུར་ན། །རེ་ཞིག་ནམ་མཁའ་དྭངས་པར་འགྱུར། །ཉི་ཤར་ཤར་ཕྱོགས་སྤྲིན་འཕགས་ན། །རླུང་བཅས་ཆར་བ་མྱུར་དུ་འབབ། །རླུང་དལ་ཚ་རླུང་འབྱུང་གྱུར་ན། །སྤྲིན་འཐིབས་འབྲུག་སྒྲ་སྒྲོགས་པར་འགྱུར། །ཤར་རླུང་སྤྲིན་པ་ནུབ་ཏུ་རྒྱུ། །ཆར་བ་དུས་ལས་ཡོལ་མི་འགྱུར། །ཡོས་དུས་ཤར་ལྷོར་སྤྲིན་ཐོན་ན། །སྦྲུལ་གྱི་དུས་སུ་ཆར་བ་ཡོད། །ལྷོ་རིར་སྤྲིན་སྟུག་ཐོན་འགྱུར་ན། །འབྲུག་དུས་རླུང་དང་ཆར་བ་འབྱུང་། །ཉི་ཤར་ཡོས་དུས་སྤྲིན་བྱུང་ན། །ཆར་བ་མེད་ཀྱང་གནམ་འཐིབས་འགྱུར། །རླུང་ཆར་སྤྲིན་པ་མགྱོགས་པར་རྒྱུ། །མི་འགྱངས་རླུང་དང་ཆར་བ་ཆད། །ཐད་ཀའི་སྤྲིན་རླུང་མཉམ་དུ་རྒྱུ། །རླུང་ཆར་དུས་ཚོད་གཞན་དུ་འཕོང་། །ཉི་ནུབ་སྤྲིན་པ་ནག་པོས་བསུས། །རླུང་དང་ཆར་བ་ངེས་པར་འབྱུང་། །རི་བོ་སྤྲིན་པས་ཁེབས་གྱུར་ན། །མཚན་སྦྲེལ་ཆར་བ་འབབ་པར་འགྱུར། །འབྲུག་སྒོའི་ཕྱོགས་ནས་སྤྲིན་པ་ཐོན། །རླུང་བཅས་ཆར་དྲག་འབབ་པར་འགྱུར། །ནུབ་བྱང་སྤྲིན་པ་ནག་པོ་ཐོན། །འབྲུག་སྒྲ་དང་བཅས་ཆར་བ་འབབས། །སྤྲིན་པ་ཉ་ཁྲབ་འདྲ་བ་འབྱུང་། །ཕྱི་ཉིན་རླུང་ཆེན་ལྡང་བར་འགྱུར། །ཉི་མ་ཕྱེད་ཡོལ་དུས་ཙམ་དུ། །སྤྲིན་པ་བསྒྲིགས་པར་གྱུར་པ་ན། །རླུང་འབྱུང་མི་འབྱུང་ངེས་པ་མེད། །དབྱར་དུས་སྤྲིན་པ་དཀྱིལ་དུ་ཐོན། །སྟོན་རླུང་ཁད་ཀྱིས་འབྱུང་བར་འགྱུར། །ནམ་ལངས་ཤར་ཕྱོགས་སྤྲིན་ཐོན་ཀྱང་། །ཆར་མེད་མཚན་མོར་སྤྲིན་པ་དག །ནུབ་ཏུ་རྒྱུ་ཚེ་སྤྲིན་འཁྲུགས་ན། །རླུང་དང་ཆར་བ་མི་ཉུང་འབྱུང་། །རླུང་གིས་ཆར་བ་བདས་གྱུར་ན། །ཆར་བ་ཤིན་ཏུ་ཆེ་བ་འབབས། །སྤྲིན་པ་ཁད་ཀྱིས་ཉམས་གྱུར་ནས། །སྤྲིན་དམར་དང་བཅས་ཉི་མ་ཤར། །མགྲོན་པོ་ཤུལ་རིང་བགྲོད་མི་བྱ། །ཉི་ནུབ་དུས་སུ་སྤྲིན་དམར་བྱུང་། །ཆར་བ་འབབས་སམ་མི་འབབས་པའི། །ཁ་དམར་གདགས་པར་མི་ནུས་སོ། །