སྤྱན་རས་གཟིགས།

（བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱི་ནང་ཚན་ཞིག་）སངས་རྒྱས་ཆོས་ལུགས་ཀྱི་ཡི་དམ་གྱི་ལྷ་ངོ་བོ་ཕྱོགས་བཅུའི་རྒྱལ་བ་ཐམས་ཅད་ཀྱི་སྙིང་རྗེའི་རང་གཟུགས་ཡིན་པ་། རྣམ་པ་ལོངས་སྤྱོད་རྫོགས་པའི་སྐུར་རོལ་བ་སྐུ་མདོག་དཀར་པོ་ཞལ་གཅིག་དང་། ཕྱག་བཞི་ལྡན་། སྤྱི་བོར་རིགས་ལྡན་བདག་པོ་རྒྱལ་བ་འོད་དཔག་མེད་པའི་དབུས་བརྒྱན་པ་ཞིག་ཏུ་ཡོད་པ་ནི་《སྒྲུབ་ཐབས་རིན་འབྱུང་བརྒྱ་རྩ་》དང་། 《སྒྲུབ་ཐབས་རྒྱ་མཚོའི་》ནང་དུ་གསལ་།།།
༼དུང་དཀར་ཚིག་མཛོད་ཆེན་མོ་༽ལས་བཏུས།