སོག་པོ་སྟག་ཁྲིད་

འདི་ལ་ཁུངས་བློ་གཏད་རུང་བ་ཞིག་མཐོང་ཐོས་སུ་མ་གྱུར་ཀྱང་། རྒན་རབས་ཀྱི་ངག་རྒྱུན་ཆོས་ཕྱོགས་ཀྱི་བཤད་སྲོལ་ཞིག་ལ། སོག་པོ་སྟག་ཁྲིད་ནི་རིགས་གསུམ་མགོན་པོའི་མཚོན་བྱེད་དུ་སྨྲ་བ་སྟེ། སོག་པོས་སྤྱན་རས་གཟིགས་དང་། སྟག་གིས་འཇམ་དབྱངས། ལྕགས་ཐག་གིས་ཕྱག་རྡོར་མཚོན་པས། རི་མོ་འདི་སྒོ་སྐྱོར་རྩིག་ལྡེབས་སུ་བཞེངས་ནས་ཁ་ཕྱི་ཕྱོགས་སུ་གཏད་ན། གདོན་བགེགས་བར་ཆད་དང་བཀྲ་མི་ཤིས་པའི་ཕྱོགས་ཐམས་ཅད་ཕྱིར་བཟློག་ཅིང་ནང་དུ་བཀྲ་ཤིས་བདེ་ལེགས་འབྱུང་བ་མཚོན་པ་ཡིན།