རྡོ་རྗེ་སེམས་དཔའ།

རྡོ་རྗེ་སེམས་དཔའ​།

རྡོ་རྗེ་སེམས་དཔའ​་ནི་ནང་པ་སངས་རྒྱངས་ཀྱི་ལྷ་གཅིག་རེད། གསང་སྔགས 1 སྡིག་སྒྲིབ་སྦྱོང་བ་ལ་ས་ཕྱོད་ཤིན་ཏུ་ཆེ་བའི་ཡི་དམ་ཞིག ཕྱག་གཡས་རྡོ་རྗེ་སྙིང་གར་གསོར་ཤིང༌། གཡོན་པའི་དྲིལ་བུ་དཀུ་ལ་བརྟེན་པ། ཞབས་གཉིས་སྐྱིལ་མོ་ཀྲུང་གིས་བཞུགས་པ། སྐུ་མདོག་དཀར་གསལ་ཟླ་བའི་མདོག་ཅན། དེ་ལ་ལྷ་ཡབ་རྐྱང་དང༌། ཡུམ་བཅས་གཉིས་ཡོད། 2 རྒྱལ་བ་རྡོ་རྗེ་འཆང་ལའང་འཇུག་པའི་སྐབས་མང་པོ་ཡོད། རྗེའི་གསང་འདུས་བསྐྱེད་རིམ་གྱི་ཟིན་བྲིས་ལས། མདོར་བྱས་སུ། རེག་བྱ་རྡོ་རྗེ་ཉིད་དང་ནི། །རྡོ་རྗེ་སེམས་དཔའ་དང་ལྡན་གནས། །ཞེས་གསུངས་ཤིང་རྡོ་རྗེ་སེམས་དཔའ་ནི་རྡོ་རྗེ་འཆང་ངོ༌། །ཞེས་གསུངས་པ་དང་། མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༡༧བ༤ལས། བླ་མ་རྡོ་རྗེ་སེམས་དཔའ་ལྟར་འགྱིང་བག་ཅན་རྒྱན་ཐམས་ཅད་ཀྱིས་བརྒྱན་ནས་བཞུགས་པ་གསལ་བར་བལྟས་ལ། ཞེས་བླ་མ་རྡོ་རྗེ་འཆང་དུ་བསྒོམ་པར་གསུངས་པས། ཞེས་གསུངས་སོ། །སྒྲ་བཤད་ནི། བདེ་སྟོང་དབྱེར་མེད་ཀྱི་ཡེ་ཤེས་ཀྱི་དཔལ་དང་ལྡན་པའི་ཟུང་འཇུག་ནི་ངེས་དོན་གྱི་རྡོ་རྗེ་དང༌། དེ་ཉིད་གཟུགས་སྐུའི་རྣམ་པར་ཤར་བས་ན་སེམས་དཔའོ། །གཞན་ཡང་། བདེ་མཆོག་རྫོགས་རིམ་དངོས་གྲུབ་སྙེ་མ་༦༡ན༢ལས། འགྲོ་བའི་འདྲེན་མཆོག་རྡོ་རྗེ་སེམས་དཔའ་དེ། །དམིགས་མེད་བརྩེ་བས་ཀུན་ནས་བསྐྱེད་པ་ཡིས། །གདུལ་བྱའི་དབང་པོའི་རིམ་པ་ཇི་བཞིན་དུ། །མདོ་དང་བྱ་བ་སྤྱོད་པ་རྣལ་འབྱོར་དང་། གསང་མཐའ་རྣལ་འབྱོར་བླ་མེད་རྒྱུད་རྣམས་གསུངས། །ཞེས་གསུངས་པ་ལྟར་རོ། །