རྒྱལ་ཆེན་བཞིའི་རིགས་ཀྱི་ལྷ་

༼མངོན་པ་མཛོད་༽ཀྱི་བཤད་སྲོལ་ལ་གླིང་བཞི་པོའི་དབུས་སུ་རི་ཡི་རྒྱལ་པོ་ལྷུན་པོ་ཞེས་བྱ་བ། ངོས་བཞི་དང་བང་རིམ་བཞི་ཡོད་པ། བང་རིམ་བཞིའི་ཤར་ཕྱོགས་སུ་རྒྱལ་པོ་ཆེན་པོ་ཡུལ་འཁོར་སྲུང། མདོག་དཀར་པོ། པི་ཝམ་འཛིན་པ། ལྷོ་ཕྱོགས་སུ་རྒྱལ་པོ་འཕགས་སྐྱེས་པོ། མདོག་སྔོན་པོ། རལ་གྲི་འཛིན་པ། ནུབ་ཕྱོགས་སུ་རྒྱལ་པོ་སྤྱན་མི་བཟང། མདོག་དམར་པོ། སྦྲུལ་ཞགས་དང་མཆོད་རྟེན་འཛིན་པ། བྱང་ཕྱོགས་སུ་རྒྱལ་པོ་རྣམ་ཐོས་སྲས། མདོག་སེར་པོ། རྒྱལ་མཚན་དང་ནེའུ་ལེ་འཛིན་པ། བཞི་པོ་དེ་དག་རང་རང་གི་འཁོར་མང་པོ་དང་ བཅས་པས་འཇིག་རྟེན་འདིའི་ཕྱོགས་བཞིར་སངས་རྒྱས་ཆོས་ལུགས་སྲུང་སྐྱོབ་བྱེད་པ་ཡིན་ཟེར་སྲོལ་དང། ཞིབ་ཆ་༼མངོན་པ་མཛོད་༽ཀྱི་ལེའུ་གསུམ་པ་འཇིག་རྟེན་གྱི་ཁམས་བཤད་པའི་ཐད་དུ་གཟིགས།