འབྲུ་འགྲེལ་འཕྲུལ་ལྡེའི་གསལ་འགྲེལ།
མཚན་ཆ་ཚང་།
[རྩོམ་སྒྲིག]འབྲུ་འགྲེལ་འཕྲུལ་ལྡེའི་གསལ་འགྲེལ་ཐུ་མིའི་དགོངས་གནད་གསལ་བའི་མེ་ལོང་།
རྩོམ་སྒྲིག་པ།
[རྩོམ་སྒྲིག]སི་ཁྲོན་ཞིང་ཆེན་བོད་ཡིག་སློབ་གྲྭའི་སློབ་དེབ་རྩོམ་སྒྲིག་ཚོ་ཆུང་གི་མི་ཉག་བུ་ཕྲུག་དང་གནས་བརྟན་ཚེ་རིང་གཉིས།
ནང་དོན།
[རྩོམ་སྒྲིག]དེབ་འདི་ནི་རྒྱལ་སྲས་གཞན་ཕན་མཐའ་ཡས་ཀྱིས་མཛད་པའི་སུམ་རྟགས་ཀྱི་འགྲེལ་པ་འབྲུ་འགྲེལ་འཕྲུལ་གྱི་ལྡེ་མིག་ཅེས་པ་ལ་བརྟེན་ནས་སློབ་དེབ་ཏུ་བསྒྲིགས་པ་ཞིག་རེད། དེར་རྒྱལ་སྲས་གཞན་ཕན་མཐའ་ཡས་ཀྱི་ལོ་རྒྱུས་མདོར་བསྡུས་དང་། སུམ་རྟགས་གཞུང་གཉིས་ཀྱི་དོན་ཚང་བར་ཡོད་པར་མ་ཟད། མཇུག་གི་ཟུར་བཀོལ་རེའུ་མིག་ཏུ་ཚན་པ་ བཅུ་གཅིག་གི་སྒོ་ནས་བྱ་ཚིག་རྣམས་རིགས་བསྡུས་གནང་འདུག ཐུ་མིའི་གསུང་དངོས་ལ་བསྟུན་ནས་དུས་གསུམ་སྤྱི་བྱེ་བྲག་མཉམ་པའི་ དབྱེ་བ་ཕྱེ་ནས་རེའུ་མིག་བཀོད་ཅིང་། སུམ་རྟགས་ཀྱི་རྩ་གཞུང་མ་བསྐྱུར་བའི་ཁར་དེང་ལུགས་སློབ་ཚན་དུ་བཀར་ནས་བཀོད་ཡོད་པས་ཁྱད་ཆོས་ཆེན་པོ་མངོན།
དཔེ་སྐྲུན།
[རྩོམ་སྒྲིག]སྤྱི་ལོ༡༩༩༧ ཟླ༤ པར་པེ་ཅིན་དུ་མི་རིགས་དཔེ་སྐྲུན་ཁང་ནས་པར་དུ་བསྐྲུན།