འབའ་རོམ་དགོན།

ཡོང་ཁུངས་Wikipedia
Jump to navigation Jump to search

རྩོམ་པ་པོ། ཁམས་འཛུམ་གྲོལ། འབའ་རོམ་དགོན་ནི་བོད་ལྗོངས་ནག་ཆུ་ཁུལ་གསང་བཞུང་ཞེས་པའི་ས་ཆར་ཆོས་རྗེ་དྭགས་པོ་རིན་པོ་ཆེའི་སློབ་ཆེན་བཀའ་རྒྱུད་ཆེ་བཞིའི་ནང་ཆེན་འགྲོ་མགོན་དར་མ་དབང་ ཕྱུག་གིས་དགུང་ལོ་༣༤བཞེས་པ་རབ་བྱུང་གསུམ་པའི་ལྕགས་འབྲུག་སྤྱི་ལོ༡༡༦༠ལ་འབའ་རོམ་དགོན་ཐོག་མར་ཕྱག་བཏབ། གྲྭ་ཚོགས་བསམ་གྱིས་མི་ཁྱབ་པ་འདུས། འབའ་རོམ་བཀའ་བརྒྱུད་ཀྱི་ཤིང་ རྟའི་ལམ་སྲོལ་ཕྱེས་ཤིང་། སྒྲུབ་བརྒྱུད་ཀྱི་རྒྱལ་བསྟན་འཛིན་སྐྱོང་སྤེལ་གསུམ་མཛད་པ་དང་། དེ་ནས་བཟུང་འབའ་རོམ་བཀའ་བརྒྱུད་ཀྱི་བསྟན་པ་ཕྱོགས་ཀྱི་ཐ་གྲུ་ཀུན་ཏུ་ཁྱབ་པར་གྱུར། དེ་རྗེས་ཁོང་གི་དབོན་རྒྱུད་ཁྲི་འཛིན་རྣམས་ཀྱི་གདན་ས་བསྐྱངས་ཤིང་། ལོ་རྒྱུས་རྒྱས་པ་འབའ་རོམ་དགོན་གྱི་གདན་རབས་སུ་གསལ། ཕྱིས་གདན་ས་ཐོག་འོག་ལ་ཉམས་རྒུད་རིམ་པར་བྱུང་བ་དང་། གདན་ས་འཐོར་ཞིག་བྱུང་ནས་ལོ་མང་པོ་འདས་རྗེས། རིག་གསར་ གྱི་སྔོན་ཙམ་ལ་ཨོ་རྒྱན་གཞན་ཕན་མཐའ་ཡས་ཞེས་པའི་གྲུབ་ཐོབ་ཞིག་གིས་རྫ་རིན་ཆེན་སྤུང་པའི་ཡར་རྒྱབ་ཏུ་འབུམ་པ་དུང་དཀར་ རི་ཁྲོད་ཞེས་པ་ཞིག་ཕྱག་བཏབ་ཤིང་། དགེ་བསྙེན་གྱི་གྲྭ་བ་བཅུ་ཕྲག་ ཁ་ཤས་འདུས་ཤིང་འཛིན་སྐྱོང་མཛད། དེའི་ཡང་སྲིད་མི་ཕམ་རྒྱ་ མཚོའི་འབུམ་པ་དུང་དཀར་རི་ཁྲོད་ཀྱི་གདན་ས་བསྐྱངས། རིག་གསར་གྱི་བཀའ་སྡུག་གི་ལོ་ཟླ་ནག་པོ་ཕར་འདས་རྗེས་སྐྱོ་བྲག་ གསལ་བྱེད་རིན་པོ་ཆེའི་གོང་གི་འབུམ་པ་དུང་དཀར་རི་ཁྲོད་ཕྱིར་ འབའ་རོམ་གྱི་གདན་སར་སྤོས་ནས། འབའ་རོམ་དགོན་གྱི་རྩ་བའི་ གདན་ས་སླར་གསོ་སྐྱར་བཞེངས་ཀྱི་གཙོ་འགན་བཞེས་ཏེ་གདན་ས་ ཉམས་གསོ་མཛད་པས། ད་ལྟ་སྔར་ལྟར་ཉམས་པ་སོར་ཆུད་བྱུང་ ཡོད་པར་མ་ཟད། བསྟན་པ་སྤྱི་དང་ཁྱད་པར་འབའ་རོམ་བཀའ་ བརྒྱུད་ཀྱི་བསྟན་པ་ལུང་རྟོགས་གཉིས་ཀྱི་སྒོ་ནས་འཛིན་སྐྱོང་་་ སྤེལ་གསུམ་མཛད་པ་སྟེ། དགོན་འདིར་ཡོད་པ་དང་། ཕྱོགས་ གཞན་ནས་ཐོས་བསམ་ལ་བརྩོན་བཞིན་པའི་གྲྭ་པ་རབ་ཏུ་བྱུང་་་ བ་བརྒྱ་ལྷག་དང་། ཐོས་བསམ་རྒྱ་མཚོར་བརྩོན་པའི་བཤད་གྲྭ རིམ་གཉིས་ཟབ་མོར་གཞོལ་བའི་སྒྲུབ་གྲྭ་སོགས་འཁོར་ལོ་གཉིས་ ཀྱི་རྒྱལ་བསྟན་འཛིན་བཞིན་པ་ལགས་ཤིང་། གཞན་ཡང་དུས་ མཆོད་ཆེ་ཆུང་སོགས་ལྔ་བདོའི་བསྐལ་ངན་ཞི་བའི་གཉེན་པོ་དང་། བསྟན་དང་འགྲོ་བའི་གསོས་ཆེན་པོར་གྲུབ་པ་ ཉིད་དོ།། ད་ལྟ་འབའ་རོམ་དགོན་གྱི་གདན་ས་འཛིན་སྐྱོང་སྤེལ་གསུམ་ཐད་ གཙོ་འགན་བཞེས་པའི་གོང་གི་སྤྲུལ་སྐུ་གཞན་ཕན་མཐའ་ཡས་ཀྱི་སྐྱེ་ སྲིད་སྤྲུལ་སྐུ་ཉི་མ་རྒྱལ་མཚན་ཞུ་བ་ཁོང་ཡིན་ལ། ཁོང་གིས་ད་ ལྟ་འབའ་རོམ་དགོན་གྱི་གདན་ས་འཛིན་སྐྱོང་སྤེལ་གསུམ་གནང་ བཞིན་ཞབས་པད་བརྟན་བཞིན་པ་ལགས་སོ།། གཞན་ཡང་འདིར་ཆེད་དུ་བརྗོད་དགོས་རྒྱུ་ཞིག་ལ་བསམ་གཏན་ གངས་བ་བཟང་པོའི་རྔམ་བརྗིད། བྲག་དམར་རྫོང་གི་ངོ་མཚར་ རྡོ་སྐྱིལ། རྫ་རིན་ཆེན་སྤུངས་པའི་འཚམས་ཕུག གཞན་ཡང་གདན་ སའི་མཐིལ་ནས་བརྙེད་པའི་གནའ་རྫས་སོགས་ལོ་རྒྱུས་རྒྱུན་རིང་རང་ བཞིན་ཅན་ཡིན་པར་མ་ཟད། ད་ལྟ་རྒྱལ་ཕྱི་ནང་གི་རྟེན་མཇལ་ ཡུལ་སྐོར་སྤྲོ་འཆམས་གྱི་གནས་སུ་ཆགས་བཞིན་ཡོད་པ་སོགས་འཕོ་ འགྱུར་གྱི་གནས་ཚུལ་དང་། དེ་དང་འགྲོགས་པའི་ཉེན་ཁ་གཞན་ ཞིག་ཡོད་པ་ནི། ཉེ་ཆར་འབའ་རོམ་ཁོག་ནི་ཡུལ་སྐོར་ལྗོངས་རྒྱུའི་ གནས་སུ་ཆགས་བཞིན་ཡོད་པའི་སྐབས་དང་བསྟུན་ནས་གཅོལ་ ཆུང་འགའ་ཞིག་གིས་འབའ་རོམ་ཞེས་པའི་མིང་འདི་དོར་ནས་ སྒྲོལ་མ་གྲོགས་རོང་དུ་བཏགས་ཤིང་ལོ་རྒྱུས་རིང་མོ་དང་འབྲེལ་ བའི་མིང་འདི་བཙན་གྱིས་སྒྱུར་བར་བཤད་ལ། རྒྱུ་མཚན་ནི་ཁོ་ ཚོའི་བཤད་པ་ལྟར་ན་འབའ་རོམ་ཞེས་པའི་མིང་འདི་གྲགས་མི་ཆེ་བས། དེ་ལས་སྒྲོལ་མ་གྲོགས་རོང་དུ་བཏགས་ན་མིང་གྲགས་ཆེ་བར་བཤད། དེ་ནི་ཧ་ཅང་སྔོན་འདས་ཀྱི་ལོ་རྒྱུས་དང་དེང་གི་གནས་སྟངས་ལ་མཐོང་ ཐོས་ཀྱི་བློ་གྲོས་དོགས་ཤིང་། གང་བྱུང་དུ་བཤད་པའི་སྐད་ ཆ་ཞིག་སྟེ། འབའ་རོམ་ནི་གནའ་ནས་ད་བར་ཧ་ཅང་གྲགས་ཆེ་ཞིང་ གནས་དང་གང་ཟག་འབྲེལ་བའི་མིང་དོན་མཚུངས་པ་ཞིག་ཡིན་པར་མ་ཟད། ཆེ་ས་ནས་གྲུབ་མཐའ་ཆེན་པོ་ཞིག་གི་མིང་ཡང་རེད་དེ་བཀའ་རྒྱུད་ ཆེ་བཞི་ནང་ཚན་འབའ་རོམ་བཀའ་རྒྱུད་ཞེས་བོད་གངས་ཅན་གྱི་ ཡུལ་དུ་གྲགས་པའི་དབྱར་རྔ་ཕྱོགས་བཅུར་སྒྲོགས་པ་གང་། མ་ མཐོང་མ་ཐོས་བཞིན་དུ་འོལ་ཚོད་ཀྱིས་མིང་སྒྱུར་བར་བྱེད་པ་ནི་ འོས་འཚམས་ཞིག་ཡིན་མིན་དཔྱད་ན་ཤེས། གཞན་ཡང་གངས་ལྗོངས་ གྲུབ་མཐའ་ཆེ་ཁག་ལས་གཙང་ས་སྐྱའང་གྲུབ་མཐའ་དང་། གང་ ཟག གདན་ས་བཅས་ལ་ཐོག་པའི་མིང་ཞིག་སྟེ་དེ་དག་ད་ལྟ་ གྲགས་མི་ ཆེ་བས་ཅིག་གིས་སྒྱུར་དགོས་ཞེས་བཤད་ན་སུས་རྣར་འགྲོའམ། དེ་བཞིན་ འབྲི་གུང་སོགས་དབུས་གཙང་གི་གདན་ས་ ཆེ་ཁག་ཡང་དེ་དང་འདྲ། གཞན་ཡང་འབའ་རོམ་ཞེས་པ་མིང་འདི་གཞན་གང་དུའང་གྲགས་་པ་ མེད་པར་འདོད་པ་ནི་གོ་ཁ་ཕན་གྱི་གནས་ཚུལ་མ་མཐོང་མ་་གོ་བ་ཙམ་ དུ་ཟད་དེ། གང་ལགས་ཞེ་ན་འབའ་རོམ་ཞེས་པའི་ཐ་ སྙད་འདི་བོད་ཀྱི་ཆོས་འབྱུང་དང་། དེབ་ཐེར་ཁག་ལས་ཡོངས་ སུ་གྲགས་ལ། དཔེར་ན། ཆོས་འབྱུང་མཁས་པའི་དགའ་སྟོན་དང། ལྷོ་རོང་ཆོས་འབྱུང་། དེབ་སྔོན། གཞན་ཡང་། འབའ་རོམ་ཆོས་ འབྱུང་། འབའ་རོམ་གསེར་ཕྲེང་སོགས་སུ་གསལ་ལ་འབའ་རོམ་ ཞེས་པའི་མིང་འདི་གྲུབ་མཐའ་དང་། གནས། གང་ཟག་བཅས་ ལ་ཐོག་པའི་ལོ་རྒྱུས་རྒྱུན་རིང་རང་བཞིན་ཅན་ཞིག་ཡིན་པ་མཐོང་ ཐུབ་པར་མ་ཟད། རང་དགར་སྒྱུར་དུ་རུང་བ་ཞིག་ཡིན་མིན་དཔྱོད་ ལྡན་སུས་ཀྱང་གསལ་པོར་རྟོག་ཐུབ། གནས་ཚུལ་འདི་དག་མ་ མཐོང་མ་ཐོས་པར་འོལ་ཚོད་ཀྱིས་བྱིས་པའི་མིང་སྒྱུར་བ་བཞིན་དུ་་་ གང་བྱུང་དུ་སྒྱུར་བཅོས་བྱེད་པ་ནི་མཚང་ཆེའོ། ། འཇུག་ཏུ་ང་ཚོའི་རིག་གཞུང་དང་། ཡུལ་སྲོལ་གོམ་གཤིས་སོགས་ རྒྱུན་འཛིན་བྱེད་དགོས་རིགས་མ་ཉམས་མ་ཆགས་པར་འཛིན་སྐྱོང་ བྱེད་རྒྱུ་གལ་ཆེ་ལ། གང་བྱུང་དུ་སྒྱུར་བཅོས་དང་། འདོར་ལེན་ བྱེད་དུ་རུང་བ་ཞིག་ཡིན་མིན་འཚོལ་རྟོག་བྱེད་དགོས་པར་མ་ཟད། ཧ་ཅང་མཐོང་ཆེན་དང་ཞིབ་འཇུག་བྱེད་དགོས། འདི་དག་ང་ཚོའི་མ་འོངས་རྒྱུད་འཛིན་དུ་གྱུར་པ་དག་གི་ཕྲག་་ ལ་བབ་པའི་འོས་འགན་ཡིན་པ་ཤེས་དགོས་ཤིང་། རྙིང་ཞེན་ཨུ་ཚུགས་ དང་། གསར་ཞེན་གཡམ་རྒྱུག་བྱེད་པའི་ཅོལ་ཆུང་གི་ཟློས་གར་་་ མི་འཁྲབས་པར་མ་འོངས་རང་ཅག་གི་བདེ་སྡུག་ལ་དམིགས་ནས་་ བདེན་འཚོལ་གྱིས་འཛིན་སྐྱོང་དང་རྒྱུད་འཛིན་དར་སྤེལ་གཏོང་བའི་གོམ་ཁ་མི་དལ་བའི་སྐུལ་འདེད་བྱེད་པ་ཡིན་ནོ། །