འདས་ལོ་དང་བོད་རྒྱལ་ལོའི་བརྩི་སྟངས་

འདས་ལོ་དང་བོད་རྒྱལ་ལོའི་བརྩི་སྟངས། འདས་ལོ་ཞེས་པ་སྐབས་འདིར་སངས་རྒྱས་ ཀྱི་འདས་ལོ་ལ་གོ་ཞིང་དེར་ལུགས་མི་མཐུན་པ་ཧ་ཅང་མང་བོ་ཞིག་ཡོད།གཞན་པའི་འདས་ ལོ་དག་ཡིག་ཚོགས་ལ་འཇིགས་ནས་ངོ་སྤྲོད་བྱ་རྒྱུ་མིན་པས་གཞན་ལས་ཤེས་པར་བྱ།འདིར་ དེ་དག་ལས་དེང་སང་འཛམ་གླིང་ཡོངས་ལ་རྒྱུགས་ཆེ་བའི་གནས་བརྟན་སྡེ་བའི་ལུགས་སམ་ ཁ་ཆེ་པཎ་ཆེན་ཤཱཀྱ་ཤྲཱིའི་ལུགས་ལྟར་ན་སངས་རྒྱས་ཀྱི་འདས་ལོ་ནི་སྤྱི་ལོའི་ སྔོན་གྱི་ལོ་ ༥༤༤བ་ཡིན།དེས་ན་རང་རེའི་ལོ་རྒྱུས་ཡིག་ཆ་དེབ་ཐེར་དཀར་པོ་ལས་སངས་རྒྱས་ཀྱི་ འདས་ལོ་ནི་འདི་ལ་གཏུགས་ཡོད། བོད་ རྒྱལ་ལོ་ནི་སྤྱི་ལོའི་སྔོན་གྱི་ལོ་༡༢༧པ་སྟེ་བོད་རྒྱལ་ཐོག་མ་གཉའ་ཁྲི་བཙན་པོ་ བྱོན་པ་ནས་བཟུང་བརྩིས་པ་ཞིག་ཡིན། ད་སྐབས་ཕྱི་ལོ་༢༠༡༤ལོར། འདས་ལོ་༢༥༥༨དང༌། བོད་རྒྱལ་ལོ་ ༢༡༤༡བཅས་ལ་ཐོན་ཡོད།ད་སྐབས་བོད་ཕྱི་ནང་ཀུན་ན་ལུགས་འདི་བརྩི་བཞིན་པའང་མང་ཙམ་འདུག