མཁའ་འགྲོ་ཏཱ་རེ་ལྷ་མོ་

མཁའ་འགྲོ་ཏཱ་རེ་ལྷ་མོ་ནི་ཁོང་གི་ཁྱོ་ག་རྣམ་སྤྲུལ་འཇིིགས་མེད་ཕུན་ཚོགས་དང་ལྷན་དུ་རིག་གནས་གསར་བརྗེའི་རྗེས་སུ་མགོ་ལོག་ཁུལ་དུ་བསྟན་པ་བསྐྱར་དར་ལ་ཤིན་ཏུ་མཛད་རྗེས་ཆེ་བ་ཞིག་ཡིན། ཁོང་ནི་མགོ་ལོག་ཁུལ་གྱི་གཏེར་སྟོན་ཨ་ཕང་གཏེར་ཆེན་གྱི་སྲས་མོ་ཡིན་ལ། གཞོན་པའི་དུས་ནས་བཟུང་བླ་མ་གྲགས་ཆེན་དུ་མ་ལས་ཐོས་བསམ་མཛད་པ་དང་། རྣམ་སྤྲུལ་རིན་པོ་ཆེ་དང་ལྷན་ཁོང་གི་ཡབ་ཀྱིས་སྤྱི་ལོ་1925ལོར་ཕྱག་འདེབས་མཛད་པའི་པདྨ་རྫོང་གི་རྩིས་མདའ་དགོན་དང་། གསེར་རྟ་རྫོང་གི་སྙན་ལུང་དགོན་པའི་བླ་མ་མཛད། སྤྱི་ལོ་ཆིག་སྟོང་དགུ་བརྒྱའི་ལོ་རབས་བརྒྱད་ཅུ་དང་དགུ་བཅུའི་ནང་ཏཱ་རེ་ལྷ་མོ་དང་རྣམ་སྤྲུལ་རིན་པོ་ཆེ་གཉིས་མགོ་ལོག་དང་ས་ཁུལ་གང་སར་འགྲོ་དོན་དུ་བྱོན་ཅིང་ལྷན་དུ་གཏེར་མང་དུ་བཏོན་ཡོད་ལ་�། བོད་དང་རྒྱ་རིགས་ཀྱི་བུ་སློབ་མང་པོ་ཞིག་ལ་བཀའ་ཆོས་གང་མང་གསུངས་མྱོང་པ་རེད་