བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་གྲོས་མཐུན་དོན་ཚན་བཅུ་བདུན་

ཡོང་ཁུངས་Wikipedia
Jump to navigation Jump to search
ང་ཕོད·ངག་དབང་འཇིགས་མེད་དང་མའོ་ཙི་ཏུང་།

རྒྱབ་ལྗོངས།[རྩོམ་སྒྲིག]

༡༩༥༠ལོའི་ཟླ་བ་༡༠པའི་ཚེས་༦ཉིན་ཀྲུང་གོ་མི་དམངས་བཅིངས་འགྲོལ་དམག་གིས་ཆབ་མདོའི་དམག་ཐབས་བསླངས་པ་དང་། མི་གྲངས་བརྒྱད་སྟོང་ཙམ་ལས་མེད་པའི་བོད་དམག་ཕམ་པར་བྱས། ཚེས་༡༩ཉིན་བཅིངས་འགྲོལ་དམག་གི་ཆབ་མདོ་ཟུངས། བཅིངས་འགྲོལ་དམག་གིས་མདོ་སྨད་ཕྱག་མཛོད་ང་ཕོད·ངག་དབང་འཇིགས་མེད་ཚུད་པའི་དམག་དཔོན་དང་དམག་མི་༢༦༠༠འཛིན་ཟུངས་བྱས། ༡༩༥༡ལོའི་ཟླ་བ་༤པར་ང་ཕོད·ངག་དབང་འཇིགས་མེད་ཀྱིས་གཙོ་བྱས་པའི་མི་ལྔའི་སྐུ་ཚབས་ཚོགས་པ་པི་ཅིན་དུ་བསྐྱོད། ༡༩༥༡ལོའི་ཟླ་བ་༥པའི་ཚེས་༢༣ཉིན་སྐུ་ཚབས་ཚོགས་པས་བོད་ཀྱི་སྲིད་གཞུང་ལ་སྙན་གསེང་མ་ཞུས་(རྒྱུ་རྐྱེན་མི་གསལ)པའི་ཐོག་ནས《ཀྲུང་དབྱང་མི་དམངས་སྲིད་གཞུང་དང་བོད་ས་གནས་སྲིད་གཞུང་དབར་གྱི་བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་གྲོས་མཐུན་དོན་ཚན་བཅུ་བདུན》ལ་མིང་རྟགས་བཀོད་པ་རེད། ༡༩༥༠ལོའི་ཟླ་བ་༡༠པའི་ནང་ཆབ་མདོའི་ཟིང་འཁྲུག་ལངས། དམག་འཐབ་དུས་ཡུན་ཉིན་༡༨ཙམ་བྱས་ནས་མཐར་བཅིངས་འགྲོལ་དམག་གིས་བོད་དམག་༥༧༠༠ལྷག་ཙམ་བསད་པ་དང་ཆབ་མདོ་བཅིངས་འགྲོལ་བཏང་། དེས་བཅིང་འགྲོལ་དམག་བོད་དུ་བསྐྱོད་པར་ཐོག་མའི་སྒོ་མོ་ལྟ་བུ་ཞིག་ཕྱེ་བ་ཡིན་ཞེས་བརྗོད། གནས་ཚུལ་དེ་༡༩༥༡ལོའི་ཟླ་བ་ལྔ་པའི་ཚེས་༢༧ཉིན་པི་ཅིན་ཀུན་ཁྱབ་རླུང་འཕྲིན་ནས་ཏྰ་ལའི་བླ་མའི་སྙན་ལམ་དུ་ཐོག་མར་ཐོས། ༡༩༥༡ལོའི་ཟླ་བ་༡༠པའི་ཚེས་༢༤ཉིན་ཏྰ་ལའི་བླ་མས་མའོ་ཙི་ཏུང་ལ་གློག་འཕྲིན་བསྐུར་མནང་ནས་གྲོས་མཐུན་དོན་ཚན་བཅུ་བདུན་དང་ལེན་མནང་བའི་ཞལ་བཞེས་མནང་། རྒྱ་གར་དུ་བྲོས་བྱོལ་ལ་ཕེབས་པའི་རྗེས་སུ། ༡༩༥༩ལོའི་ཟླ་བ་༦པའི་ཚེས་༢༠ཉིན་གྲོས་མཐུན་དོན་ཚན་བཅུ་བདུན་ལ་ཞལ་བཞེས་མནང་མེད་པའི་ཁྱབ་བསྒྲགས་མནང་བ་དང་གྲོས་མཐུན་དོན་ཚན་བཅུ་བདུན་ནི་བོད་ས་གནས་སྲིད་གཞུང་དང་བོད་ལྗོངས་མི་དམངས་ཀྱིས་དྲག་ཤུགས་གིས་བཙན་ཤེད་འོག་མིང་རྟགས་བཀོད་པ་ཞིག་རེད་གསུངས།

ནང་དོན།[རྩོམ་སྒྲིག]

དང་པོ།[རྩོམ་སྒྲིག]

  བོད་མི་དམངས་མཐུན་སྒྲིལ་བྱས་ཏེ་ཕྱི་རྒྱལ་བཙན་དབང་རྒྱལ་ཁབ་ཀྱི་བཙན་ཤུགས་བོད་ནས་མཐར་སྐྲོད་གཏོང་དགོས། བོད་མི་དམངས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མེས་པོའི་རྒྱལ་ཁབ་ཁྱིམ་ཚང་ཆེན་པོའི་ནང་ལོག་དགོས། 

གཉིས་པ།[རྩོམ་སྒྲིག]

 མི་དམངས་བཅིངས་འགྲོལ་དམག་བོད་དུ་བསྐྱོད་དེ་རྒྱལ་ཁབ་བརྟན་པོར་སྲུང་རྒྱུ་ལ་བོད་ཀྱི་ས་གནས་སྲིད་གཞུང་ནས་རོགས་རམ་ལྷུར་ལེན་བྱེད་རྒྱུ། 

གསུམ་པ།[རྩོམ་སྒྲིག]

   ཀྲུང་གོ་མི་དམངས་ཆབ་སྲིད་གྲོས་ཚོགས་ཀྱི་ཐུན་མོང་རྩ་འཛིན་གྱི་མི་རིགས་སྲིད་ཇུས་གཞིར་བཟུང་སྟེ་ཀྲུང་དབྱང་མི་དམངས་སྲིད་གཞུང་གི་གཅིག་སྒྲིལ་གྱི་འགོ་ཁྲིད་འོག བོད་ཀྱི་མི་དམངས་ལ་མི་རིགས་ཀྱི་ས་གནས་རང་སྐྱོངས་ལག་ལེན་བྱེད་རྒྱུའི་དབང་ཆ་ཡོད། 

བཞི་པ།[རྩོམ་སྒྲིག]

 བོད་ཀྱི་ཆབ་སྲིད་ལམ་ལུགས་ད་མུས་ལ་ཀྲུང་དབྱང་གིས་བཅོས་བསྒྱུར་མི་བྱེད་པར།  ཏཱ་ལའི་བླ་མའི་སྔར་ཡོད་གོ་གནས་དང་དབང་ཆ་ཡང་ཀྲུང་དབྱང་ནས་བསྒྱུར་བཅོས་མི་བྱེད།  དཔོན་རིགས་མཐོ་དམན་རྣམས་ཀྱང་སྔར་བཞིན་གནས་རྒྱུ། 

ལྔ་པ།[རྩོམ་སྒྲིག]

 པཎ་ཆེན་ཨེར་ཏེ་ནིའི་སྔར་ཡོད་གོ་གནས་དང་དབང་ཆ་རང་འཇགས་གནས་དགོས།   

དྲུག་པ།[རྩོམ་སྒྲིག]

  ཏཱ་ལའི་བླ་མ་དང༌།   པཎ་ཆེན་ཨེར་ཏེ་ནིའི་སྔར་ཡོད་གོ་གནས་དང་དབང་ཞེས་པ་ཏཱ་ལའི་བླ་མ་སྐུ་ཕྲེང་བཅུ་གསུམ་པ་དང༌།  པཎ་ཆེན་ཨེར་ཏེ་ནི་སྐུ་ཕྲེང་དགུ་པ་མཐུན་པོའི་སྐབས་ཀྱི་གོ་གནས་དང་དབང་ཆའོ། 

བདུན་པ།[རྩོམ་སྒྲིག]

 ཀྲུང་གོ་མི་དམངས་ཆབ་སྲིད་གྲོས་ཚོགས་ཀྱི་ཐུན་མོང་རྩ་འཛིན་ནང་ཐག་བཅད་པའི་ཆོས་ལུགས་ལ་དད་པ་རང་མོས་བྱས་ཆོག་པའི་སྲིད་ཇུས་ལག་ལེན་བྱས་ཏེ།  བོད་ཀྱི་མི་དམངས་ཀྱི་ཆོས་ལུགས་ལ་དད་པ་དང༌།   ཡུལ་གོམས་གཤིས་ལུགས་ལ་བརྩི་འཇོག་བྱེད་རྒྱུ་དང༌།  དགོན་པ་གྲྭ་ཚང་གི་ཡོང་སྒོར་ཀྲུང་དབྱང་ནས་བསྒྱུར་བཅོས་མི་བྱེད། 

བརྒྱད་པ།[རྩོམ་སྒྲིག]

  བོད་ཀྱི་དམག་སྒར་རིམ་གྱིས་བཅིངས་འགྲོལ་དམག་ལ་ཚུར་བསྒྱུར་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲུང་དྲག་ཤུགས་ཀྱི་ཆ་ཤས་ཤིག་ཏུ་བསྒྱུར་རྒྱུ།

དགུ་པ།[རྩོམ་སྒྲིག]

བོད་ཀྱི་དངོས་ཡོད་གནས་ཚུལ་གཞིར་བཟུང་སྟེ་རིམ་གྱིས་བོད་རིགས་ཀྱི་སྐད་ཆ་དང༌།  ཡི་གེ་སློབ་གྲྭའི་སློབ་སྦྱོང་བཅས་གོང་འཕེལ་གཏོང་རྒྱུ། 

བཅུ་པ།[རྩོམ་སྒྲིག]

 བོད་ཀྱི་དངོས་ཡོད་གནས་ཚུལ་གཞིར་བཟུང་སྟེ་རིམ་གྱིས་བོད་ཀྱི་སོ་ནམ་དང༌།  ཕྱུགས་ལས།   བཟོ་ལས།   ཚོང་ལས་རྣམས་གོང་འཕེལ་དུ་བཏང་ནས་མི་དམངས་ཀྱི་ལྟོ་གོས་སོགས་ཇེ་ལེགས་

སུ་གཏོང་རྒྱུ། 

བཅུ་གཅིག་པ།[རྩོམ་སྒྲིག]

   བོད་ཀྱི་ལམ་ལུགས་སྣ་ཚོགས་ལེགས་བཅོས་བྱེད་རྒྱུའི་སྐོར་ལ་ཀྲུང་དབྱང་ནས་བཙན་ཤེད་ཀྱིས་མི་བྱེད་པར།  བོད་ས་གནས་སྲིད་གཞུང་རང་ནས་ལེགས་བཅོས་བྱེད་རྒྱུ་དང༌།  མི་དམངས་ཀྱིས་ལེགས་བཅོས་བྱེད་དགོས་ཞུ་དུས།   བོད་ཀྱི་འགོ་བྱེད་རྣམས་དང་གྲོས་བསྡུར་གྱི་ཐབས་ཤེས་ལ་བརྟེན་ནས་ཐག་གཅོད་རྒྱུ།  

བཅུ་གཉིས་པ།[རྩོམ་སྒྲིག]

 སྔར་ཕན་གྱི་བཙན་དབང་རྒྱལ་ཁབ་དང་གོ་མིན་ཏང་ལ་འབྲེལ་བ་བྱེད་པའི་དཔོན་རིགས་ཀྱིས་ཕྱི་རྒྱལ་བཙན་དབང་རྒྱལ་ཁབ་དང་གོ་མིན་ཏང་གི་འབྲེལ་ཐག་མཐར་ཕྱིན་པ་བཅད་དེ།  ད་ཕྱིན་ངོ་ལོག་དང་སྐྱོན་གནོད་མ་བྱས་ན་ལས་ཚན་རང་འཇགས་བྱེད་ཆོག་པར་སྔར་བྱས་ལ་རྩད་གཅོད་མི་བྱེད། 

བཅུ་གསུམ་པ།[རྩོམ་སྒྲིག]

བོད་བསྐྱོད་མི་དམངས་བཅིངས་འགྲོལ་དམག་གིས་གོང་གསལ་དོན་ཚན་རྣམས་ཀྱི་སྲིད་ཇུས་ལ་སྲུང་བརྩི་བྱེད་རྒྱུར་མ་ཟད།  ཉོ་ཚོང་དྲང་འཇོག་གིས་མི་དམངས་ཀྱི་ཁབ་སྐུད་ཙམ་ཡང་གང་བྱུང་ལེན་མི་ཆོག

བཅུ་བཞི་པ།[རྩོམ་སྒྲིག]

 ཀྲུང་དབྱང་མི་དམངས་སྲིད་གཞུང་གིས་བོད་ས་གནས་ཀྱི་ཕྱི་འབྲེལ་ལས་དོན་མཐའ་དག་གཅིག་གྱུར་གྱིས་བྱེད་རྒྱུ་དང༌།  འདྲ་མཉམ་གཉིས་ཕན།   ཕན་ཚུན་གྱི་མངའ་ཁུལ་དང་རང་བཙན་གྱི་དབང་ཆ་ལ་བརྩི་འཇོག་ཐོག་ཉེ་འདབས་རྒྱལ་ཁབ་དང་ཞི་མཐུན་གྱིས་གནས་རྒྱུར་མ་ཟད།  དྲང་འབྲེལ་གྱི་ཚོང་ལས་འཛུགས་རྒྱུ་དང་གོང་འཕེལ་གཏོང་རྒྱུ།  

བཅོ་ལྔ་པ།[རྩོམ་སྒྲིག]

   གྲོས་མཐུན་འདི་ཉིད་ལག་ལེན་བསྟར་བའི་འགན་ལེན་ཕྱིར་ཀྲུང་དབྱང་མི་དམངས་སྲིད་གཞུང་གིས་བོད་དུ་དམག་སྲིད་ཨུ་ཡོན་ལྷན་ཁང་དང་ས་གནས་དམག་སྒར་གྱི་དམག་སྤྱི་ཁང་འཛུགས་རྒྱུ་དང༌།  ཀྲུང་དབྱང་གིས་བཏང་བའི་ལས་བྱེད་མ་ཚད།    བོད་ཁུལ་གྱི་ལས་བྱེད་ཀྱང་གང་མང་རུག་སྟེ་ལས་ཀ་བྱེད་རྒྱུ།  དམག་སྲིད་ཨུ་ཡོན་ལྷན་ཁང་ནང་འགྲོ་མི་རྣམས་བོད་ཀྱི་ས་གནས་སྲིད་གཞུང་དང༌།  ཡུལ་ཕྱོགས་སོ་སོ།  དགོན་པ་གཙོ་ཆེ་བ་བཅས་ནས་རྒྱལ་ཁབ་ལ་ཤ་ཞེན་ཡོད་པ། ཀྲུང་དབྱང་མི་དམངས་སྲིད་གཞུང་ནས་བསྐོས་པའི་འཐུས་མི་དང༌།  གནད་ཡོད་ཀྱི་ཕྱོགས་ཚང་མ་མཉམ་གྲོས་ཐོག་ནས་མིང་ཐོ་ཕུལ་ཏེ་ཀྲུང་དབྱང་མི་དམངས་སྲིད་གཞུང་ལ་བསྐོ་བཞག་གནང་བ་ཞུ་རྒྱུ། 

བཅུ་དྲུག་པ།[རྩོམ་སྒྲིག]

 དམག་སྲིད་ཨུ་ཡོན་ལྷན་ཁང་དང༌།  ས་གནས་དམག་སྤྱི་ཁང༌།   བོད་བསྐྱོད་མི་དམངས་བཅིངས་འགྲོལ་དམག་གི་འགྲོ་སོང་ཀྲུང་དབྱང་མི་དམངས་སྲིད་གཞུང་ནས་གཏོང་རྒྱུ།  བོད་ས་གནས་སྲིད་གཞུང་ནས་མི་དམངས་བཅིངས་འགྲོལ་དམག་ལ་འབྲུ་དང༌།  གཞན་ཡང་ཉེར་མཁོ་སྒྲུབ་རྒྱུ།   སྐྱེལ་འདྲེན་བཅས་ལ་རོགས་རམ་བྱེད་རྒྱུ། 

བཅུ་བདུན་པ།[རྩོམ་སྒྲིག]

 གྲོས་མཐུན་འདི་ཉིད་མིང་རྟགས་བཀོད་འཕྲལ་རྩ་བར་བཟུང་སྟེ་ལག་ལེན་བྱེད་རྒྱུ།

བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་གྲོས་མཐུན་དོན་ཚན་བཅུ་བདུན་ (སྡེ་ཚན) ལ་རྩོམ་སྒྲིག་བྱེད་བཞིན་པ།[རྩོམ་སྒྲིག]

Seventeen-Point Plan Tibetan 0.jpgSeventeen-Point Plan Tibetan 2.jpgSeventeen-Point Plan Tibetan 3.jpgSeventeen-Point Plan Tibetan 4.jpgSeventeen-Point Plan Tibetan 5.jpgSeventeen-Point Plan Tibetan 6.jpgSeventeen-Point Plan Tibetan 7.jpgSeventeen-Point Plan Tibetan 8.jpg
བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་གྲོས་མཐུན་དོན་ཚན་བཅུ་བདུན་ (སྡེ་ཚན) ལ་རྩོམ་སྒྲིག་བྱེད་བཞིན་པ།
Seventeen-Point Plan Chinese 1.jpgSeventeen-Point Plan Chinese 2.jpgSeventeen-Point Plan Chinese 3.jpgSeventeen-Point Plan Chinese 4 2.jpgSeventeen-Point Plan Chinese 5.jpgSeventeen-Point Plan Chinese 6.jpgSeventeen-Point Plan Chinese 7.jpgSeventeen-Point Plan Chinese 8.jpgSeventeen-Point Plan Chinese 9.jpg
བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་གྲོས་མཐུན་དོན་ཚན་བཅུ་བདུན་ (སྡེ་ཚན) ལ་རྩོམ་སྒྲིག་བྱེད་བཞིན་པ།