ཕུར་པ་སྐྱབས།

མཁན་པོ་ཨོ་རྒྱན་རིག་འཛིན་ནས་བྲིས། ༢༠༢༡། ༥། ༡༥།

ཕུར་པ་སྐྱབས། Purba rgyal

ཕུར་པ་སྐྱབས་ (Wylie: phurpa skyabs; (Chinese: 蒲巴甲; pinyin: Pú Bājiǎ) ནི་བོད་རིགས་གློག་བརྙན་འཁྲབ་སྟོན་པ་དང་གཞས་པ་གྲགས་ཅན་ཞིག་ཡིན། ཁོང་སྤྱི་ལོ་ 1985 ཟླ་བ་ 7 ཚེས་ 8 ཉིན་མདོ་སྨད་རྒྱལ་རོང་ཆུ་ཆེན་རྫོང་ཁྲོ་སྐྱབས་བར་མའི་སྡེ་བ་འོ་བཟེ་ཡུལ་ཚོའི་ཞིང་ལས་དུད་ཚང་དཀྱུས་མ་ཞིག་ཏུ་ཕ་དབང་ཕྱུག་དང་མ་དཔལ་སྐྱིད་གཉིས་ཀྱི་བུ་རུ་སྐྱེས།

བྱིས་དུས།

ལོ་ན་དྲུག་ནས་བཟུང་སྤྲོ་སྡེ་ཡུལ་ཚོའི་སློབ་ཆུང་འགྲིམས་པའི་འགོ་བརྩམས་ཏེ་འཛིན་གྲྭ་གསུམ་གྱི་བར་དུ་སྤྲོ་སྡེའི་སློབ་ཆུང་འགྲིམས། འཛིན་གྲྭ་བཞི་པ་ནས་དྲུག་པའི་བར་དུ་འོ་བཟེ་ཤང་ལྟེ་བའི་སློབ་ཆུང་དུ་བསྐྱོད་དེ་འབྲས་བུ་གཡུར་དུ་སྨིན་ནས་རྒྱ་ཡིག་སློབ་ཆུང་མཐར་ཕྱིན་པ་མ་ཟད་གསུམ་བཟང་སློབ་མའི་མཚན་བཟང་ཡང་ཐེངས་མང་པོར་ཐོབ་མྱོང་། ད་དུང་དྲུག་གཅིག་བྱིས་པའི་དུས་ཆེན་སྐབས་སུའང་ཞབས་བྲོ་དང་རྒྱུགས་རྩེད་གླུ་གར་སོགས་འཛིན་གྲྭ་སོ་སོའི་འགྲན་བསྡུར་ཁྲོད་སློབ་མ་རྩེ་ཕུད་ཀྱི་གྲས་ཡིན།[༡]

ཕུགས་བསམ།

ཁོང་ཆུང་དུས་ལོ་ཚོད་ལ་དཔག་པའི་ཕུགས་བསམ་ཡང་རིམ་བཞིན་འགྱུར་བ་ཕྱིན་ཡོད་པ་སྟེ། གཅིག སློབ་ཆུང་སྐབས་རང་གི་ཨ་ཕ་ལྟར་ཁྲོ་སྐྱབས་འོ་བཟེ་ལུང་པའི་ཡུལ་སྲོལ་ལྟར་ལུས་ལ་བོད་གོས་གྱོན། སྐེད་ལ་གྲི་རིང་དྲང་། རྒྱབ་ལ་མེ་མདའ་ཁུར། རྒྱབ་ཏུ་རྟ་དཀར་དཀར་ཞིག་ཁྲིད་ནས་རྔོན་པ་བྱ་འདོད་ཡོད། གཉིས། སློབ་འབྲིང་སྐབས་རང་ཉིད་ཀྱི་ 观音桥中学 ཐུགས་རྗེ་ཆེན་རུ་ཁག་ལ་ལག་རྩེད་སྤོ་ལོ་ (Basketball) རྒྱལ་ཁ་ཐོབ་པས་ཉིན་དེ་ནས་བཟུང་འཛམ་གླིང་ཐོག་སྐད་གྲགས་ཆེ་བའི་མི་སྣ་ཨ་རིའི་རྗོར་ལྡན་ Jorden དང་། རོ་ཌི་མན་ Rodman སོགས་དང་འདྲ་བོ་ཞིག་བྱེད་འདོད་ཀྱི་རེ་བ་བཅངས་མྱོང་། གསུམ་པ། གླུ་བ་གཡུང་དྲུང་དབང་རྒྱལ་ལ་ཡིད་སྨོན་ཤོར་ཏེ་རང་ཉིད་གླུ་བ་ཞིག་བྱེད་འདོད་ཀྱི་རེ་བཟང་དེ་ད་ལྟ་མངོན་གྱུར་བྱུང་ཡོད་ལ་དེ་ལས་ཀྱང་བརྒལ་ཡོད།

སྒྱུ་རྩལ་གྱི་ལམ།

དམིགས་ཡུལ་ཐ་མ་དེ་འགྲུབ་ཆེད་ཨ་ཁུ་རྣམ་རྒྱལ་གྱི་མོ་ལུང་བཞིན་གཟི་ཚ་སྡེ་དགུ་རུ་ཕྱིན། དེར་ངོ་ཤེས་དང་འབྲེལ་བ་མེད་པས་ཟླ་བ་འགའ་ལ་ལས་ཀ་ཡང་མ་རྙེད་པ་དང་། ཐོག་མར་རྙེད་པའི་ལས་ཀ་གཙོ་བོ་ནི་སྐུ་མགྲོན་ལ་འཛིན་བྱང་འཚོང་རྒྱུ། ཞོར་དུ་གར་སྟེགས་ཐོག་ཕྱག་བདར་བྱེད་རྒྱུ། ལུག་ཤ་སྲེག་མ་སོགས་འཚོང་རྒྱུ། སྒོ་སྲུང་། བདེ་འཇགས་སྲུང་དམག་སོགས་བྱས་མཐར་གླུ་གར་ཚོགས་པ་ཞིག་ཏུ་ཞུགས་ཐུབ་ཙམ་བྱུང་། སྐབས་དེར་སྟབས་ལེགས་ལྟས་དབང་གིས་རྒྱ་ནག་གི་འཁྲབ་འཁྲིད་པ་གྲགས་ཅན་ཧོ་ཞོ་ཧ་ 胡雪桦 ཚོགས་པ་དེར་འབྱོར་ཏེ། ཁོང་ཧི་མ་ལ་ཡའི་རྒྱལ་སྲས་ཀྱི་འཁྲབ་སྟོན་པར་བདམས།

ཟླ་འགའི་རིང་«ཧི་མ་ལ་ཡའི་རྒྱལ་སྲས་»ཞེས་པའི་གློག་བརྙན་ལེགས་འགྲུབ་བྱུང་ཞིང་གློག་བརྙན་འདིར་ཨ་རིའི་ལོ་སུ་ཨེང་ཇལས་རྒྱལ་སྤྱི་གློག་བརྙན་དུས་སྟོན་སྐབས་གསུམ་པའི་བྱ་དགའ་ཐོབ། འཁྲབ་ཁྲིད་པ་ཧོ་ཞོ་ཧ་ཡིས་ཁོང་འཁྲབ་སྟོན་སྒྱུ་རྩལ་སོགས་ལེགས་ཀྱང་། རྒྱ་ཡིག་དང་རྒྱ་སྐད་ཀྱི་གནས་ཚད་ཞན་པས་ཧྲང་ཧེའི་སློབ་གྲ་ཆེན་མོ་ཞིག་ལ་ངོ་སྤྲོད་བྱས་པ་བཞིན་སྒོར་ཉིས་ཁྲི་དྲུག་སྟོང་ཨམ་ཕྲག་ནང་བླུགས་ནས་ཧྲང་ཧེ་སློབ་གྲྭར་བསྐྱོད་དེ་ 2011 ལོ་མཐར་ཕྱིན།

སྐབས་དེར་ཡང་བསྐྱར་འཁྲབ་ཁྲིད་པ་ཧོ་ཞོ་ཧ་ཡིས་རོགས་སྐྱོར་འོག་རྒྱལ་ཡོངས་གླུ་གཞས་འགྲན་སྡུར་ཆེན་མོ་“ཕེགས་ཤོག ཕ་བཟང་གི་བུ།Come On! Good Guys!”ཞེས་འཛུལ་ཞུགས་བྱས། ཐོག་མར་ཁྲོང་ཅིན་ 重庆 ལ་མི་སུམ་སྟོང་ཙམ་ལས་བརྒྱ་དང་བརྒྱད་ཅུར་ཚུད་པ་དང་། དེ་ལས་སུམ་ཅུ། སུམ་ཅུ་ལས་བཅུ། དེ་ལས་ལྔ་འདེམས་ཐོན་བྱུང་བའི་ནང་དུའང་ཚུད་ཐུབ་པ་བྱུང་།

དེ་རྗེས་རྒྱལ་ས་པེ་ཅིན་ 北京 དང་། ཧྲང་ཧེ་ 上海 ཤིན་ཡང་ 沈阳 ཧང་ཀྲོའོ། 杭州 ཝུ་ཧན། 武汉 ཁྲོང་ཆིན་ 重庆 སོགས་གྲོང་ཁྱེར་རེ་རེ་ལ་འགྲན་བསྡུར་མི་སྣ་ལྔ་རེ་སྟེ་མི་སྣ་སུམ་ཅུ་ཧྲང་ཧེ་རུ་ལྷན་དུ་འཛོམས་ཤིང་དེ་ནས་སྐད་ཆ་བཤད་སྟངས་དང་། བསམ་བློའི་ཁ་ཕྱོགས། ངག་གི་སྒྱུ་རྩལ་སོགས་འདྲ་མིན་འགྲན་བསྡུར་བྱས་མཐར་མཐའ་མ་ 2006 ཟླ་ 8 ཚེས་ 26 མཚན་མོར་ཆེས་མཐའ་མཇུག་གི་རྒྱལ་ཁའི་གཟེངས་རྟགས་དེ་ཁོང་ལ་ཐོབ། དེ་ནས་བཟུང་ད་བར་གློག་བརྙན་ཉེར་གཅིག་ཙམ་དང་། མུ་འབྲེལ་ཟློག་གར་ཉེར་གཅིག་སྟེ་བསྡོམས་པའི་བཞི་བཅུ་ལྷག་འཁྲབ་ཟིན་ཡོད་ལ་དེང་སྐབས་ཀྱང་འཁྲབ་དང་འཁྲབ་བཞིན་པ་འོག་ཐོ་གཞུང་ལ་གཟིགས།

སྤྱི་ཚོགས་ཞབས་ཞུ།

2006 ལོར“ཕེགས་ཤོག་ཕ་བཟང་གི་བུའི་” (Come on! Good Boy) བྱ་དགའ་ཐོབ་རྗེས་རང་གི་ཕ་ཡུལ་གྱི་སློབ་མ་རྣམས་པ་སྒྲིག་ཆས་ཆ་ལྔ་བརྒྱ་ཞབས་འདེབས་ཕུལ། ལོ་དེའི་ཟླ་བ་བཅུ་གཉིས་པར་“སྐར་མའི་གློག་འོད་ཀྱིས་རེག་པའི་བརྩེ་བ”ཞེས་པར་མཉམ་ཞུགས་བྱས་སྐབས་རང་ལ་ཡོད་པ་དང་གྲོགས་པོ་ས་ནས་གཡར་ཏེ་རྒྱ་སྒོར་ཁྲི་གཅིག་ཕུལ།

2007.1.29 ལ་“གྲགས་སྐར་གླུ་ཚོགས་གསར་པའི་རོགས་སྐྱོར་ཐེངས་དང་པོ་”ཞེས་པར་མཉམ་ཞུགས་ཀྱིས་ལེགས་སྐྱེས་ཕུལ། ལོ་དེའི་ཟླ་བ་གསུམ་པའི་ཚེས་ 11 ལ་“ཐེངས་དང་པོའི་རོགས་སྐྱོར་གླུ་ཚོགས་”ཞེས་མཉམ་ཞུགས་ཀྱིས་ལེགས་སྐྱེས་ཕུལ་ཞིང་ཆེས་གྲགས་ཅན་གྱི་གྲགས་སྐར་ཞེས་པའི་བྱ་དགའ་ཐོབ།

2008 ལ་སི་ཁྲོན་ལུང་དགུའི་ས་ཡོམ་ཆེན་མོའི་སྐབས་རྒྱ་སྒོར་འབུམ་གཅིག་ཞལ་འདེབས་ཕུལ་ཞིང་མ་ཟད་རང་གི་ཕ་ཡུལ་དུ་ལོག་ནས་ཡུལ་དངོས་ལ་རོགས་རམ་བྱས།

2009.2.28 ལ་“གྲགས་སྐར་གླུ་ཚོགས་གསར་པའི་རོགས་སྐྱོར་ཐེངས་དང་པོ་”ཞེས་གྲགས་སྐར་གྱིས་ལོ་འཁོར་ཞབས་ཞུའི་བྱ་དགའ་ཐོབ། ལོ་དེའི་ཟླ་བ་ 8 པའི་ཚེས་ 20 ལ་ཐེ་ཝན་ས་ཡོམ་སྐབས་“རྒྱལ་མཚམས་བརྒལ་བའི་བརྩེ་བའི་དགོང་ཚོགས་”ལ་མཉམ་ཞུགས་ཀྱིས་“སང་ཉིན་ཡག་ཏུ་འགྲོ”ཞེས་པའི་གླུ་གཞས་བཏང་།

2010.4.20 ལ་རྒྱ་ནག་བརྙན་འཕྲིན་ CCTV ནང་ཡུལ་ཤུལ་ས་ཡོམ་སྐབས་ཀྱི་ཆེན་མོའི་བྱེད་སྒོ་“བརྩེ་བའི་ཡུལ་ཤུལ། བརྩེ་བ་མཐའ་མེད།” ཅེས་པར་མཉམ་ཞུགས་བྱས།

2012.8.16 ལ་“ཀྲུང་གོའི་བརྩེ་བའི་ནུས་སྟོབས་ཀྱི་མཛེས་པ་”ཞེས་པར་མཉམ་ཞུགས་བྱས་ཞིང་སྐབས་དེར་གྲགས་སྐར་ཞབས་ཞུའི་གཟེངས་རྟགས་ཐོབ།

2015.4 ནང་བལ་ཡུལ་དུ་ས་ཡོམ་ཆེན་མོ་བྱུང་སྐབས་ལྷ་ས་བརྙན་འཕྲིན་ཁང་གིས་“འཛམ་གླིང་བརྩེ་བས་ཁེང་དུ་འཇུག་”ཞེས་པར་གདན་ཞུས་བྱས་ཏེ་སེམས་གསོ་དང་སྨོན་ལམ་གྱི་བྱེད་སྒོར་ཞུགས།

2016.4 ནང་ལ་དཀར་མཛེས་ཁུལ་དུ་མེ་འགོག་དྲིལ་བསྒྲགས་ཀྱི་དུས་དྲན་ལ་མཉམ་ཞུགས་དང་འཐུས་ཚབ་ཀྱི་ལས་འགན་ཁུར།

སྒེར་གྱི་མི་ཚེ།

ཕུར་པ་སྐྱབས་ནི་སྤུན་མཆེད་ནང་གི་འབྲིང་བ་ཡིན་པ་དང་ལོ་ཁ་ཤས་ལས་ཆེ་བའི་གཅེན་པོ་དང་ལོ་གསུམ་ལས་ཆུང་བའི་ནུ་མོ་ཞིག་ཡོད། 2010 ལོར་ཕ་དབང་ཕྱུག་ཚེ་ལས་འདས་པ་དང་ཕུར་པ་སྐྱབས་ཀྱིས་དེའི་རྗེས་དྲན་མཚོན་པའི་གླུ་གཞས་དྲན་པའི་རྨི་ལམ་ཞེས་པ་ཞིག་བླངས། ཁོང་གི་ཁྱིམ་མི་ཚོས་ནི་རྒྱ་སྐད་མི་ཤེས་པས་ཁོ་རང་ཉིད་གཅིག་པུར་ཁང་པ་གླས་ནས་སྡོད་ཀྱི་ཡོད་པར་བཤད།

སྤྱི་ལོ་ 2018 ལོར་ཕུར་པ་སྐྱབས་ནས་རྒྱ་མོ་འཁྲབ་སྟོན་པ་ལཱིན་ཇཱི་ (Liang Jie) དང་གཉེན་སློང་མཛད་སྒོ་བསྒྲུབ་ཀྱང་། 2021 ལོའི་ཟླ་བ་ལྔ་པར་ཕན་ཚུན་ཁ་བྲལ་བའི་གསལ་བསྒྲགས་བྱས།

གློག་བརྙན།

• (2022) འདྲེ་འདུལ་བ།

• (2022) ཉེན་ཁ་ཆེ་བའི་དུར་ཁང་།
• (2021) རི་ངོས་ཀྱི་དུར་ཁང་།
• (2021) གབ་པའི་འདྲེ་གཏམ་རྒྱུད།
• (2017) ཚང་མ་ངའི་ལྷ་མོ།
• (2016) ཧྲང་ཧེའི་མངའ་བདག
• (2016) དམིགས་ཡུལ་ངོ་མ་མ་བརྗེད།
• (2016) ཐང་སེང་བླ་མ།
• (2015) གཉེན་སྟོན་གྱི་རྨི་ལམ།
• (2014) བརྩེ་དུང་ལྔ་ལ་གྲུབ་འབྲས་ཀླད་ཀོར།
• (2014) ངོ་འབག་གྱོན་པའི་རྔོན་པ།
• (2013) བསྟར་པ་<ཁ་>པའི་ཐོག་རྩེག་བཞི་པ།
• (2013) ངོ་མཚར།
• (2013) ཉེན་ཁ་ཆེ་བའི་མདེའུ།
• (2013) སེམས་ཤོར་བ།
• (2013) བརྩེ་བའི་མེ་ཏོག་གྲོང་ཁྱེར།
• (2012) ཚང་མ་བརྩེ་དུང་གི་ཆེད།
• (2012) ཌོ་ལར་ས་ཡའི་ཆུ་སྲིན།
• (2012) འཕྲུལ་གྱི་རལ་གྲི།
• (2011) ཏིང་ཨན་གྱི་བྱིས་དུས།
• (2010) དར་མདོའི་མཛའ་གླུ།
• (2010) སང་ཉིང་ཡོང་སྲིད་དམ།
• (2010) ཤར་གྱི་ཆར་རླུང་།
• (2006) ཧི་མ་ལ་ཡི་རྒྱལ་སྲས།

མུ་འབྲེལ་བརྙན་འཕྲིན་ཟློས་གར།

• (2025) རུ་དཔོན་གྱིས་གསེར་ལ་ཐུག་པ།  
• (2024) རྒྱལ་ཁབ་ཆེན་པོའི་གྲུ་གཟིངས་ཀྱི་ཕུག་འདུན།
• 2023 ཁྱེད་རང་གང་ཕྱིན་པར་ལྟ། 
• (2023) བུད་མེད་ཀྱི་ལ་རྒྱ་ཞིག
• (2021) ལྔ་པ་ཁུལ་གྱི་ཁྱིམ་མི།
• (2021) སྲས་མོའི་གྱེན་ལོག

• (2019) ལེགས་བཅོས།
• (2019) ཁྲུང་ཨར་གྱི་གཏམ་རྒྱུད།
• (2018) ཁ་གཏད་ནང་གི་ལའིན་ཁྲུང་།
• (2018) འགྱུར་མེད་ཀྱི་དཔའ་རྟུལ།
• (2016) སྤྱང་ཀི་འཛིན་པ།
• (2016) ཁྲག་དྲོད་མོ། (བྱམས་སེམས་ཅན།)
• (2014) གནམ་མཆོག་དཔུང་དམག་དང་པོ།
• (2013) སྟོབས་ཅན་རྒྱལ་ཁབ་ཀྱི་རྨི་ལམ་ནང་གི་གྲུ་གཟིངས།
• (2013) སྐྱེ་ཕྲེང་གསུམ་གྱི་བརྩེ་དུང་།
• (2013) དམར་དམག་སྐུ་སྲུང་སྡེ་ཁག་བཅུ་པ།
• (2013) བོད་ཀྱི་གསང་སྒྲུང་།
• (2013) ས་གཞི་དཀོན་མཆོག་དང་ས་གཞི་རྨོ་མོ།
• (2012) རང་དབང་ཅན་གྱི་ཡུལ་དམག
• (2012) སུའུ་དང་ཐང་རྒྱལ་རབས་ཀྱི་དཔའ་རྟུལ། 1 & 2
• 2012) ཨོ་ལོང་རི་བོའི་ཇག་གཏོར།
• (2011) རིན་ཆེན་མུ་ཏིག
• (2010) ལྷ་ཡུལ་གྱི་འདྲེ་འཛིན་མཁན།
• (2010) བར་སྣང་ལྔ་པའི་དམག་འཁྲུག
• (2009) ནུབ་ཐང་གི་དམག་འཁྲུག

གླུ་གཞས་ཆེད་སྒྲིག

	བོད་མིང་།	ཨིན་མིང་།	རྒྱ་མིང་།	བཏོན་ལོ།	Label
1	བརྩེ་དུང་ཆེས་སྤྱིར་བཏང་བ་ཞིག་རེད།	Love Is So Simple	爱就是那样简单	15 December 2008	Gold Typhoon

གཞས་ཁེར་རྐྱང་།

བོད་མིང་།	ཨིན་མིང་།	རྒྱ་མིང་།	བཏོན་ལོ།	Label	ཟུར་བརྗོད།
ཡི་མང་།	"Yimeng"	忆梦	15 July 2013
ལྷ་ཡི་བརྩེ་བ།	"God's love"	天籁之爱	20 June 2013
ཁྱེད་ལ་གཏན་དུ་དགའ།	"Always Love You"	爱到万年	27 December 2012
ལྷ་ཡུལ་དུ་རྒྱུགས།	"Running Heaven"	奔跑天堂	November 2012
མཛེས་པའི་ཨེ་ནེ་སི་ཡ།	"The Beauty of Amnesia."	失忆的美	February 2012
མཛེས་པའི་རི་བོ་དང་གཙང་པོ།	"Beautiful Mountains and Rivers"	金色山川	December 2007
ང་དང་ཁྱོད་འཛམ་གླིང་ལ་ཡོད།	"The world has you and me"	世界有你有我	August 2007

གློག་བརྙན་དང་མུ་འབྲེལ་ཟློས་གར་གྱི་གཟེངས་རྟགས།

ལོ།	གཟེངས་རྟགས།	ཐོ་གཞུང་།	གྲུབ་འབྲས།	ཟུར་བརྗོད།
2007	3rd Los Angeles International Film Festival ཨ་རི་ལོ་སུ་ཨེང་ཇལ་སུ་རྒྱལ་སྤྱི་གློག་བརྙན་དུས་སྟོན་གསུམ་པ།	Golden Angel Award གསེར་གྱི་ལྷ་ཡི་ཕོ་ཉའི་གཟེངས་རྟགས།	ཐོབ།
2008	6th Monaco International Film Festival མོ་ན་ཁ་རྒྱལ་སྤྱིའི་གློག་བརྙན་དུས་སྟོན་དྲུག་པ།	Best Actor Award འཁྲབ་སྟོན་པ་ལེགས་ཤོས།	ཐོབ།
2011	Film Performance Art Academy Award གློག་བརྙན་འཁྲབ་སྟོན་དང་རྒྱུ་རྩལ་གཟེངས་རྟགས།	Best New Person མི་སྣ་གསར་པ་ལེགས་ཤོས།	ཐོབ།
2013	Beijing International Micro Film Festival Festival པེ་ཅིང་རྒྱལ་སྤྱི་གློག་བརྙན་མིག་རོ་དུས་སྟོན།	Best New Director འཁྲབ་སྟོན་པ་གསར་པ་ལེགས་ཤོས།	ཐོབ།
2019	6th The Actors of China Award Ceremony རྒྱ་ནག་གློག་བརྙབ་འཁྲབ་སྟོན་པའི་གཟེངས་རྟགས།	Best Actor (Emerald category) འཁྲབ་སྟོན་པ་ལེགས་ཤོས། (ཨེ་མེ་རལཌ་ཐོ་གཞུང་ནང་)	འོས་གཞིར་ཚུད།

འཁྲབ་སྟོན་སྣ་ཚོགས།

དུས་ཚོད།	འཁྲབ་སྟོན།	ངོ་སྥྲོད།
2017-08-16	ཀྲུང་གོའི་གློག་བརྙན་སྙན་ཐོ།	ཕུར་པ་སྐྱབས་ཀྱིས་བོད་ཁུལ་དུ་རོགས་སྐྱོར་གཏིང་ཟབ་བྱེད་པར་དོ་སྣང་།
2017-06-12	གྲགས་སྐར་ངོ་སྤྲོད་རྒྱབ་གཉེར།	ཕུར་པ་སྐྱབས་ཀྱིས་ངོ་སྤྲོད་བྱས་པ།
2014	གྲོང་ཁྱེར་ཧྲིལ་པོའི་ཞབས་བྲོ།	ཡུན་ནན་བརྙན་འཕྲིན་ལེ་ཚན།
2013-4-3	འཁྲབ་སྟོན་ཡག་ཤོས།	ཕུར་པ་སྐྱབས་དང་འཁྲབ་སྟོན་པ་གཞན་གཉིས་ལ་འཁྲབ་བྱའི་མི་སྣའི་དཀའ་ཁག
2013-1-28	འཁྲབ་སྟོན་ཡག་ཤོས།	ཕུར་པ་སྐྱབས་ཀྱིས་མིང་གི་གསང་བ་ཐེངས་དང་པོ་བཏོན་པ།
2014-1-11	དུས་ཚིགས་འཁྲབ་སྟོན།	ཧྲན་ཌེན་བརྙན་འཕྲིན་ལེ་ཚན། མ་ཏཱན་ཡུ་རོགས་པ།