ནད་པ་ལམ་འཁྱེར་
བདག་གཞན་སྒྱུ་ལུས་ཀྱི་ཕུང་པོ་འདི།།
ན་ན་ན་སྟེ་ན་བས་དགའ།།
སྔར་བསགས་ཀྱི་ལས་ངན་འཛད་པ་ཡིན།།
ཆོས་སྤྱོད་ཀྱི་བྱ་བ་སྣ་ཚོགས་ཀྱང་།།
སྒྲིབ་གཉིས་སྦྱོང་བའི་ཆེད་དུ་ཡིན།།
ན་བ་མེད་ན་མེད་དེ་དགའ།།
ལུས་སེམས་བདེ་ན་དགེ་སྦྱོར་འཕེལ།།
མི་ལུས་དོན་ཅན་བྱེད་པ་ཡང་།།
སྒོ་གསུམ་དགེ་ལ་སྦྱོར་བ་ཡིན།།
འབྱོར་པ་མེད་ན་མེད་དེ་དགའ།།
སྲུང་བྲལ་གྱི་བྱ་བྲེལ་དེ་ལ་མེད།།
འཐབ་རྩོད་ཀྱི་ཁྲོ་འཁྲུག་ཇི་སྙེད་པ།།
འཛིན་ཆགས་ཀྱི་ནོར་ལས་བྱུང་བར་ངེས།།
འབྱོར་པ་ཡོད་ན་ཡོད་ཏེ་དགའ།།
བསོད་ནམས་ཀྱི་དགེ་ཚོཌ་སྤེལ་བས་ཆོག།
འཕྲལ་ཕུཌ་ཀྱི་ཕན་བདེ་ཇི་སྙེད་པ།།
བསོད་ནམས་ཀྱི་འབྲས་བུ་ཡིན་པར་ངེས།།
མྱུར་ཏུ་ཤི་ན་ཤི་བས་དགའ།།
རྐྱེན་ངན་གྱིས་བར་དུ་མ་ཆོད་ཅིང་།།
འཚམས་སྦྱོར་གྱི་བག་ཆགས་བཟང་འགྲོགས་པས།།
མ་ནོར་གྱི་ལམ་དུ་ཆུད་པར་ངེས།།
ཡུན་དུ་གསོན་ན་གསོན་པས་དགའ།།
ཉམས་མྱོང་གི་ལོ་ཐོག་སྐྱེས་པ་ལ།།
གདམས་ངག་གི་རླན་དྲོད་མ་ཡལ་བར།།
ཡུན་དུ་བསྟེན་པས་སྨིན་པར་འགྱུར།།
གང་ཡིན་ཡང་དགའ་བ་སྒོམས་ཤིག་ཨང་།།
ཅེས་པ་ས་སྐྱར་དགེ་བཤེས་གཅིག་གིས་ནད་ལ་སོཌ་པ་བྱུང་ན་ཇི་ལྟར་བྱེད་དྲིས་པའི་ལན་དུ་ནད་ལ་སོཌ་པ་ལམ་དུ་འཁྱེར་བའི་ཚུལ་འདི།ཆོས་སྨྲ་བའི་བཙུན་པ་ཐོགས་མེད་ཀྱིས་བཀོད་པའོ།། །།