ན་མོ་ལོ་ཀཻ་དེ་ཤྭ་ར་ཡ་

འདི་རྒྱ་གར་སྐད་ཡིན་ཅིང་། བོད་སྐད་དུ་བསྒྱུར་ན་འཇིག་རྟེན་དབང་ཕྱུག་ལ་ཕྱག་འཚལ་ལོ་ཞེས་པའི་དོན་སྟེ། ན་མོ་ནི་གུས་པས་འདུད་པ་དང་ཕྱག་འཚལ་བའི་དོན། ལོ་ཀཻ་ཤྭ་ར་ཡ་ནི་འཇིག་རྟེན་དབང་ཕྱུག་ལ་ཞེས་པའི་དོན་ཡིན། བྱ་ཚིག་སྔོན་དུ་ཡོད་པ་དང་བྱ་ཡུལ་དེའི་རྗེས་སུ་སྦྱར་ནི་རྒྱ་གར་སྐད་ཀྱི་ཁྱད་ཆོས་ཡིན་ཅིང་། འཇིག་རྟེན་དབང་ཕྱུག་ནི་འཕགས་པ་སྤྱན་རས་གཟིགས་ལ་མཚན་གྱི་རྣམ་གྲངས་བརྒྱ་དང་བརྒྱད་ཡོད་པའི་ནང་གི་གཅིག་ཡིན། འདིར་བོད་ཀྱི་རྒྱལ་རབས་འཆད་པའི་ཐོག་མར་འཕགས་པ་སྤྱན་རས་གཟིགས་ལ་འཕྱག་འཚལ་བ་ནི་སངས་རྒྱས་ཆོས་ལུགས་དང་བོད་ཀྱི་ལོ་རྒྱུས་ཐོག་བཤད་སྲོལ་ལ་བོད་ནི་སྤྱན་རས་གཟིགས་ཀྱི་འདུལ་ཞིང་ཡིན་པ་དང་། རྒྱ་ནག་ནི་རྗེ་བཙུན་འཇམ་དཔལ་དབྱངས་ཀྱི་འདུལ་ཞིང་ཡིན་པར་བཤད་སྲོལ་ཡོད་པས་དེ་དང་མཐུན་པར་མཛད་པ་ཡིན།