ན་གྱའི་བྲག་དཀར་དགོན་གསང་སྔགས་སྨིན་རྒྱས་གླིང་

རྒན་གྱའི་བྲག་དཀར་དགོན་གསང་སྔགས་སྨིན་རྒྱས་གླིང་ནི་ད་ལྟའི་བསང་ཆུ་རྫོང་རྒན་གྱ་ཡུལ་ཚོའི་ཁོངས་སུ་ཆགས། རྒན་གྱའི་བྲག་དཀར་དགོན་པ་དར་ཡུན་རིང་ཡང་ཁུངས་བཙན་མ་ཐོབ་པས་ཐོག་མར་ངག་རྒྱུན་ཙམ་དུ་བཀོད་ན། བོད་རབ་བྱུང་བཅུ་གཅིག་པའི་ཤིང་བྱ་（སྤྱི་ལོ་༡༦༤༤）ལོར་རྒན་གྱའི་པཎྡི་ཏས་（གཡི་ཚ་དཔོན་རྒྱུད་གཅོད་པ་སྐྱབས་ཀྱི་བུ་）ཕྱགས་འདེབས་མཛད་ཅིང་ལྷ་ཁང་ཀ་མེད་ཅེས་པ་བཞེངས་ཤིང་ཁོང་དང་དབྱིག་ཀྱ་རབ་འབྱམས་པས་མཚན་ཉིད་གྲྭ་ཚང་བཙུགས། དེའི་སྐབས་སུ་གྲྭ་བ་བདུན་བརྒྱ་བཞུགས་པར་འདུ་ཁང་གི་ཕྱོགས་རེར་གྱན་བར་བདུན་རེ་ཡོད་པ་དང་ཚོགས་ཟངས་ཆུ་ཟོ་ཤོང་བ་རབ་རྒྱས་ས་ཁྱིའི་བར་དུ་ཡོད།