གླིང་སྣེའི་ནམ་ཟླ་
གླིང་སྣེའི་ནམ་ཟླ་ལ་གྲང་རྒྱུད་གྱི་ནམ་ཟླ་ཡང་ཟེར་ཞིང་། རིགས་ལ་སྔོ་དྲེག་ས་ཁུལ་གྱི་ནམ་ཟླ་དང་འཁྱག་རོམ་ས་ཁུལ་གྱི་ནམ་ཟླ་གཉིས་ཡོད་ལ། འཁྱག་རོམ་ས་ཁུལ་གྱི་ནམ་ཟླ་ནི་ལྷོ་སྣེའི་སྐམ་ས་ཆེན་པོ་དང་འཁྱག་རོམ་རྒྱ་མཚོ་བྱང་མའི་གླིང་ཚོམ་འགའ་རུ་ཁྱབ་ཡོད། དེ་ཡང་ལོ་ཧྲིལ་བོར་གྲང་ངར་ཧ་ཅང་ཆེ་བ་དང་ས་ངོས་སུ་གངས་མཐུག་པོས་གཡོགས་ཡོད། གཞན་སྔོ་དྲེག་ས་ཁུལ་གྱི་ནམ་ཟླ་ནི་ཡ་ཨའོ་སྐམ་ས་ཆེན་པོ་དང་མེ་གླིང་བྱང་མའི་སྐམ་ས་ཆེན་པོའི་བྱང་རྒྱུད་ཀྱི་མཐའ་མཚམས་ས་ཁུལ་དུ་ཁྱབ་ཡོད་ཅིང་། ལོ་ཧྲིལ་བོའི་དུས་ཚིགས་ནི་དགུན་དུས་གཙོ་བོ་ཡིན་ལ་དབྱར་དུས་ནི་མེད་ལ། ས་ངོས་སུ་སྔོ་དྲེག་གི་རིགས་དང་སྤང་རྩི་ལ་སོགས་པའི་སྐྱེ་དངོས་ཀྱི་རིགས་སྐྱེས་ཡོད་པ་ཡིན།
ངོ་སྤྲོད།[རྩོམ་སྒྲིག]
གླིང་སྣེའི་ནམ་ཟླ་ལ་གྲང་རྒྱུད་གྱི་ནམ་ཟླ་ཡང་ཟེར་ཞིང་། རིགས་ལ་སྔོ་དྲེག་ས་ཁུལ་གྱི་ནམ་ཟླ་དང་འཁྱག་རོམ་ས་ཁུལ་གྱི་ནམ་ཟླ་གཉིས་ཡོད་ལ། འཁྱག་རོམ་ས་ཁུལ་གྱི་ནམ་ཟླ་ནི་ལྷོ་སྣེའི་སྐམ་ས་ཆེན་པོ་དང་འཁྱག་རོམ་རྒྱ་མཚོ་བྱང་མའི་གླིང་ཚོམ་འགའ་རུ་ཁྱབ་ཡོད། དེ་ཡང་ལོ་ཧྲིལ་བོར་གྲང་ངར་ཧ་ཅང་ཆེ་བ་དང་ས་ངོས་སུ་གངས་མཐུག་པོས་གཡོགས་ཡོད། གཞན་སྔོ་དྲེག་ས་ཁུལ་གྱི་ནམ་ཟླ་ནི་ཡ་ཨའོ་སྐམ་ས་ཆེན་པོ་དང་མེ་གླིང་བྱང་མའི་སྐམ་ས་ཆེན་པོའི་བྱང་རྒྱུད་ཀྱི་མཐའ་མཚམས་ས་ཁུལ་དུ་ཁྱབ་ཡོད་ཅིང་། ལོ་ཧྲིལ་བོའི་དུས་ཚིགས་ནི་དགུན་དུས་གཙོ་བོ་ཡིན་ལ་དབྱར་དུས་ནི་མེད་ལ། ས་ངོས་སུ་སྔོ་དྲེག་གི་རིགས་དང་སྤང་རྩི་ལ་སོགས་པའི་སྐྱེ་དངོས་ཀྱི་རིགས་སྐྱེས་ཡོད་པ་ཡིན།
ཁྱད་ཆོས།[རྩོམ་སྒྲིག]
ལོ་ཧྲིལ་བོར་དུས་ཚིགས་མང་ཆེ་བ་ནི་དགུན་དུས་ཡིན་པ་དང་། ཆར་ཆུ་འབབ་ཚད་ཉུང་བ། རླུང་འཚུབ་དྲག་པོ་ལྡང་བ་བཅས་ཡིན་ལ། སྔོ་དྲེག་ས་ཁུལ་གྱི་ནམ་ཟླ་དང་འཁྱག་རོམ་ས་ཁུལ་གྱི་ནམ་ཟླ་གཉིས་འདུ་བ་ཡིན། དེ་ཡང་སྔོ་དྲེག་ས་ཁུལ་གྱི་ནམ་ཟླ་ནི་ཡ་ཨའོ་སྐམ་ས་ཆེན་པོ་དང་མེ་གླིང་བྱང་མའི་སྐམ་ས་ཆེན་པོའི་བྱང་རྒྱུད་ཀྱི་མཚོ་འགྲམ་དུ་ཁྱབ་ཅིང་། ཆེས་དྲོ་བའི་ཟླ་བའི་ནང་གི་ཆ་སྙོམས་ཀྱི་དྲོད་ཚད་ནི་ཧྲེ་ཧྲིའི་དྲོད་ཚད་བཅུའི（10℃）མན་དང་ཧྲེ་ཧྲིའི་དྲོད་ཚད་ཀླད་ཀོར（0℃）གྱི་ཡན་ཡིན་ལ། ལོ་ཧྲིལ་བོའི་ནང་གི་ཆར་ཆུ་འབབ་ཚད་ནི་ཧའོ་སྨི་ཉིས་བརྒྱ་ནས་གསུམ་བརྒྱའི་བར་ཡིན། ཡང་འཁྱག་རོམ་ས་ཁུལ་གྱི་ནམ་ཟླ་ནི་ལྷོ་སྣེའི་གླིང་དང་ཀེ་རུན་ལན་གླིང་ཕྲན། འཁྱག་རོམ་རྒྱ་མཚོ་བྱང་མའི་གླིང་ཕྲན་འགའ་ཤས་སུ་ཁྱབ་ཡོད་ཅིང་། ལོ་ཧྲིལ་བོར་གྲང་ངར་ཧ་ཅང་ཆེ་བ་དང་། ཟླ་སོ་སོའི་ནང་གི་ཆ་སྙོམས་ཀྱི་དྲོད་ཚད་ནི་ཧྲེ་ཧྲིའི་དྲོད་ཚད་ཀླད་ཀོར（0℃）གྱི་མན་ཡིན་ལ། ལོ་ཧྲིལ་བོའི་ནང་གི་ཆར་ཆུ་འབབ་ཚད་ནི་ཧའོ་སྨི་ཉིས་བརྒྱ་དང་ལྔ་བཅུའི་མན་ཡིན། གཞན་ཁ་བ་ནི་གངས་འཁྱག་ཏུ་གྱུར་ནས་དུས་ཡུན་རིང་བོར་མི་ཞུ་བ་དང་། ནམ་ཟླ་སྐམ་ཤས་ཆེ་ཞིང་གྲང་ངར་ཆེ་བ་ཡིན་ཞིང་། དགུན་གྱི་དུས་ནི་ཤིན་ཏུ་རིང་བ་དང་གྲང་ངར་ཧ་ཅང་ཆེ་བ་ཡིན་ལ། དབྱར་གྱི་དུས་ནི་ཐུང་ལ་ཧ་ཅང་བསིལ་ཞིང་འཇམ་པ་ཡིན།