གང་འདྲ་ཞིག་ལ་དྲོད་ཁང་རླུང་གཟུགས་ཟེར།

དྲོད་ཁང་རླུང་གཟུགས་ཞེས་པ་ནི།རླུང་ཁམས་ཆེན་མོའི་ཁྲོད་ཉི་མའི་རླབས་ཐུང་འགྱེད་ཁྱབབྱས་དེ་རླུང་ཁམས་ཆེན་མོའི་མཐིལ་དུ་འཛུལ་བ་མ་ཟད་དེས་ས་ངོས་དང་མཐིལ་རིམ་རླུང་ཁམས་ཆེན་མོའི་ཁྲོད་ཀྱི་རླབས་རིང་འགྱེད་ཁྱབ་བྱས་དེ་རླུང་ཁམས་ཆེན་པོའི་བང་རིམ་ཆེན་པོ་ནས་ཕྱིར་ཐོན་འགྲོ་བར་བཀག་འགོག་བྱས་པས་རླུང་ཁམས་ཆེན་པོའི་མཐིལ་རིམ་ཁུལ༼བལྟོས་རྒྱུག་བང་རིམ།༽དུ་དྲོད་ཚད་ཅུང་མཐོ་བ་རྒྱུན་འཁྱོངས་ཐུབ་པའི་རླུང་གཟུགས་གྲུབ་པར་ཟེར།སའི་གོ་ལའི་རླུང་ཁམས་ཆེན་པོའི་བང་རིམ་ཁྲོད་དྲོད་ཁང་རླུང་གཟུགས་གཙོ་བོ་དེ་དག་ཡོད་དེ།ཆུ་རླངས་དང་དབྱང་གཉིས་ཐྰན་འགྱུར།དབྱང་གཅིག་ཐྰན་འགྱུར།ཀ་ཝོན།དྲི་ངན་དབྱང་།ཁིལ་ཧྥུལ་ཐིན།༼ཚྭ་རྒྱུ་ཚབ་ཐིན་གྱི་སྤྱི་མིང་སྟེ།༡༡.༡༢.༡༡༣.༡༡༤.༡༡༥པའེ་ཧྥུལ་ཧོན་ཏིང་ཝོན་༽སོགས་རླུང་གཟུགས་༣༠ལྷག་ཙམ་འདུས་ཡོད།དྲོད་ཁང་རླུང་གཟུགས་ཀྱི་མིང་གཞན་ལ་རླུང་ཁམས་ཆེན་མོའི་དྲོད་སྲུང་རླུང་གཟུགས་ཞེས་ཀྱང་བརྗོད།