སློབ་གསོ།
ཡོང་ཁུངས་Wikipedia
ཟུར་མཆན། |
[རྩོམ་སྒྲིག] གསལ་བཤད།
སློབ་གསོ་ཞེས་པ་མི་རབས་གསར་སྐྱེས་རྣམས་ཀྱིས་སྤྱི་ཚོགས་སུ་འབྱུང་འགྱུར་འཚོ་བ་མྱོང་བའི་སྟ་གོན་བྱ་བའི་བརྒྱུད་རིམ་ཁྲོད་ཀྱི་འགག་རྩའི་བྱ་གཞག་ཅིག་རེད། དེ་ཡང་མི་རབས་སྔོན་མ་རྣམས་ཀྱི་ཉམས་མྱོང་འཛིན་སྐྱོང་སྤེལ་བའི་བར་ཚིགས་གནད་ཅན་ཞིག་སྟེ། སློབ་གསོའི་ནང་ཁྱིམ་ཚང་གི་སློབ་གསོ་དང་སློབ་གྲྭའི་སློབ་གསོ། སྤྱི་ཚོགས་ཀྱི་སློབ་གསོ། དགོན་པའི་སློབ་གསོ་ལ་སོགས་ཚུད་ཡོད། དེ་ལ་རིགས་ཀྱི་སྒོ་ནས་དབྱེ་ན། རྒྱུན་ལྡན་སློབ་གསོ་དང་དར་མའི་སློབ་གསོ། ལག་རྩལ་སློབ་གསོ། དམིགས་འཛུགས་སློབ་གསོ། ཇི་སྲིད་འཚོ་བའི་མཐའ་ཅན་གྱི་སློབ་གསོ་སོགས་ཡོད་དོ། །
