ལ་རྒྱ་

རང་ཕྱོགས་ལ་འཆིང་པའི་ཤ་ཞེན་ནམ་རང་གི་རིགས་ལ་དུང་པའི་སེམས། 1 effectionate attachment. 2 loyalty to one's own side. 3 patrotisim. 4 patriotic sentiment. རྒྱལ་ཁབ་ཀྱི་ལ་རྒྱ་དང་། མི་རིགས་ཀྱི་ལ་རྒྱ་ལྟ་བུ་སྟེ། རྒྱལ་ཁབ་དང་ཡང་ན་སོ་སོའི་མི་རིགས་ཀྱི་ལ་རྒྱ་མ་ཤོར་བར་བྱེད་པ་ནི་དགའ་ཞེན་ཡོད་པའི་རྨང་གཞིའི་ཐོག་རང་ཉིད་ཀྱི་ལེགས་པོའི་དགེ་མཚན་ཇི་ཡོད་གོང་དུ་སྤེལ་ནས་རྗེས་ལུས་ཀྱི་ཡུལ་གོམས་སོགས་སྤོང་ཐབས་བྱས་པ་དེ་ལ་ལ་རྒྱ་མ་ཤོར་བ་ཟེར་ཆོག་ཅིང་། དགའ་ཞེན་ཡོད་ན་དེའི་དོན་དུ་གཏམ་དོན་བཟང་པོ་མ་ཤོར་བ་བྱེད་པའི་ལ་རྒྱ་རང་ཤུགས་ཀྱིས་འོང་བ་ཡིན།།
༼དུང་དཀར་ཚིག་མཛོད་ཆེན་མོ་༽ལས་བཏུས།