ཞང་ཀང

ཡོང་ཁུངས་Wikipedia
ཧོང་ཀོང་། ནས་ཁ་ཕྱོགས་བསྐྱར་དུ་བཟོས་པ།
ཞང་ཀང(香港)
མེ་ཏོག་སྨུག་པོ་དར་དམར(紫荊花旗)
འཛིན་ཁུལ་ཁབ(區徽)
ཞང་ཀང་ས་ཁྲ

ཞང་ཀང(རྒྱ་ཡིག: 香港དབྱིན་ཡིག: Hong Kong)་ མིང་ཡོངས་ལ་ཟེར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཞང་ཀང་དམིགས་བསལ་སྲིད་འཛིན་ཁུལ(རྒྱ་ཡིག: 中華人民共和國香港特別行政區、 དབྱིན་ཡིག: Hong Kong Special Administrative Region of the People's Republic of China)་ གྱི་སའི་རྒྱ་ཁྱོན་ལ་སྤྱི་ལེ་གྲུ་བཞི་མ ༡༡༠༦དང་ མི་གྲངས་ཁྲི ༧༢༩ལྷག་ཡོད འདུས་སྡོད་བྱེད་པའི་མི་རིགས་ནི་རྒྱ་རིགས་དང་ཧེའུ་རིགས་སོགས་ཡིན མངའ་ཁོངས་སུ་ཞང་ཀང་གླིང་ཕྲན་དང་ཅིའུ་ལུང་ ཞིན་ཅེ། ཉེ་འགྲམ་གྱི་གླིང་ཚོམ་སོགས་ཡོད།

ལོ་རྒྱུས།[རྩོམ་སྒྲིག]

ཞང་ཀང་དམིགས་བསལ་སྲིད་འཛིན་ས་ཁུལ་ནི་ལྷོ་རྒྱ་མཚོའི་ཉེ་འགྲམ་དང་ཀྲུའུ་ཅང་གཙང་བོའི་ཤར་ཕྱོགས་སུ་ཆགས་ཡོད། ༡༨༤༢ལོའི་ཉལ་ཐའི་དམག་འཁྲུག་གི་རྗེས་ནས་དབྱིན་ཇི་རྒྱལ་ཁབ་ཀྱི་མངའ་ཁོངས་སུ་གཏོགས་ལ། ༡༩༩༧ལོའི་ཟླ ༧ པའི་ཚེས ༡ ཉིན་ཞང་ཀང་ཀྲུང་གོ་ལ་ཕྱིར་སྤྲད། དེ་རྗེས་ཞང་ཀང་དམིགས་བསལ་སྲིད་འཛིན་ས་ཁུལ་ཞིག་ཏུ་གྱུར་པ་རེད།

དཔལ་འབྱོར།[རྩོམ་སྒྲིག]

ཞང་ཀང་ནི་འཛམ་གླིང་གི་མིང་དུ་གྲགས་པའི་རང་དབང་ཚོང་ལས་གྲུ་ཁ་ཞིག་ཡིན་ལ། ད་ལྟ་འཕེལ་རྒྱས་སུ་སོང་ནས་ཡ་གླིང་དང་ཞི་བདེ་རྒྱ་མཚོའི་ས་ཁུལ། ཐ་ན་འཛམ་གླིང་ཡོངས་ཀྱི་དངུལ་རྩ་ལྟེ་གནས་གལ་ཆེན་དང་། ཚོང་གཉེར་ལྟེ་གནས། འཕྲུལ་ཆས་ཆུང་བའི་རིགས་ཀྱི་བཟོ་སྐྲུན་ལྟེ་གནས། མཁའ་སྐྱོད་ལྟེ་གནས། ཆ་འཕྲིན་ལྟེ་གནས་བཅས་སུ་གྱུར་ཡོད།

ཡུལ་སྐོར།[རྩོམ་སྒྲིག]

ཞང་ཀང་ནི་འཛམ་གླིང་སྟེང་མིང་གྲགས་ཆེ་བའི་ཡུལ་སྐོར་གྲོང་ཁྱེར་ཞིག་ཡིན་ཏེ། ཡུལ་སྐོར་བྱེད་ས་གཙོ་བོ་ལ་རི་བོ་ཐའེ་ཕིང་ཧྲན་དང་། སྟག་གཟིག་བྱེས་བཞུགས་སྤྲོ་ཁང་། རྒྱ་མཚོའི་གླིང་ག སུང་རྒྱལ་རབས་ཀྱི་དུས་སྐབས་ལྟར་བཞེངས་བའི་མཁར་གྲོང་། མཚོ་ཁུགས་ཁྲུས་ར་བཅས་ཡོད་དོ།།

"https://bo.wikipedia.org/w/index.php?title=ཞང་ཀང&oldid=143509"ལས་སླར་རྙེད་སོང།