དགེ་འདུན་གྲུབ།
དགེ་འདུན་གྲུབ་ནི་བོད་ཀྱི་ཏཱ་ལའི་བླ་མ་ཡིན་ཞིང་ཁོང་ནི་སྤྱི་ལོ་༡༣༩༡ལོར་འཁྲུངས་ཞིང་སྤྱི་ལོ་༡༤༧༤ལོར་སྐུ་གཤེགས་པ་རེད།
རྒྱལ་དབང་སྐུ་ཕྲེང་རིམ་བྱོན།
[རྩོམ་སྒྲིག]སྲིད་གསུམ་འགྲོ་བའི་མགོན་སྐྱབས་གངས་ཅན་བོད་ཀྱི་ལྷ་སྐལ་འཕགས་མཆོག་ཕྱག་ན་པདྨོ་ཉིད། མདོ་རྒྱུད་བསྟན་བཅོས་དུ་མ་དང༌། ལྷག་པར་བཀའ་ཆེམས་ཀ་ཁོལ་མ་དང༌། མ་ཎི་བཀའ་འབུམ་སོགས་སྔོན་ བྱོན་ཆོས་རྒྱལ་མེས་དབོན་དམ་པ་ཚོས་ལུང་གིས་ཡང་ཡང་བསྔགས་པ་རྒྱལ་དབང་སྐུ་ཕྲེང་རིམ་བྱོན་ནི། ལུས་ཅན་འགྲོ་བ་སྤྱི་དང༌། སྒོས་གངས་ཅན་བོད་ཀྱི་ཞིང་ཁམས། ཐུབ་བསྟན་སྤྱི་དང་ཡང་སྒོས་རི་བོ་དགེ་ལྡན་པ། ལྷག་དོན་དཔལ་ལྡན་འབྲས་དཀར་སྤུངས་པའི་ཆོས་སྡེ་བཅས་ལ་གཟིགས་པ་དུས་ལས་གཡོ་བ་མེད་པའི་མཛད་པ་ དང་འཕྲིན་ལས་བཟང་པོས་ཡོངས་སུ་བསྐྱངས་པའི་རྣམ་པར་ཐར་པ་རྨད་དུ་བྱུང་བ་ཤིན་ཏུ་འགངས་ཆེ་བས་མཐའ་ དག་པ་བརྗོད་པས་མི་ལང་ཡང༌། འདིར་སྐུ་རབས་ཕྲེང་བ་རིམ་བྱུང་གི་རྣམ་པར་ཐར་པ་འོལ་སྤྱི་ཙམ་བརྗོད་པར་ འདོད་དེ། དེ་ཡང་དབུས་འགྱུར་རྒྱ་གར་འཕགས་ཡུལ་དུ་སྤྱན་རས་གཟིགས་ཀྱི་རྣམ་སྤྲུལ་གྲགས་ཆེ་བ་སོ་དྲུག་དང༌། བོད་རྗེ་ཆོས་རྒྱལ་གྲགས་ཆེ་བ་བཅུ།པཎ་གྲུབ་གྲགས་ཆེ་བ་བཅོ་ལྔ་སོགས་སྐུ་རབས་སྔོན་གྱི་རྣམ་པར་ཐར་པ་ཤིན་ཏུ་ འགངས་ཆེ་བ་ནི་གཞན་དང་གཞན་དུ་ཤེས་པར་བྱ་ཤིང༌། འདིར་དེ་དག་གི་སྐྱེ་ཕྲེང་ཕྱི་མ་འཛིན་པའི་རྗེ་དགེ་འདུན་གྲུབ་པ་ནས་ཉེ་བར་བཟུང་ཐམས་ཅད་མཁྱེན་པ་ངག་ དབང་བློ་བཟང་བསྟན་འཛིན་རྒྱ་མཚོའི་བར་གྱི་སྐུ་རབས་ཕྲེང་བ་རིམ་བྱོན་གྱི་རྣམ་ཐར་རགས་ཙམ་བརྗོད་ན།