Wikipedia:སྲོག་ཤིང་ལྔ།
ལྦེ་ཁེ་རིག་མཛོད་ཀྱི་གཞི་རྩའི་རྣམ་གཞག་ནི་དེ་ཡི་སྲོག་ཤིང་ལྔ་ཡི་ནང་དུ་སྡོམ་རྒྱག་ཐུབ།
ཝེ་ཁེ་རིག་མཛོད་ནི་ཚིག་མཛོད་ཆེན་མོ་ཞིག་ཡིན།
[རྩོམ་སྒྲིག]ཝེ་ཁེ་རིག་མཛོད་ནི་སྤྱིར་བཏང་དང་དམིགས་བསལ་གྱི་ཚིག་མཛོད་ཆེན་མོ། ལོ་ཐོ། ཡུལ་ལུང་དཀར་ཆག་བཅས་ཀྱི་ཁྱད་ཆོས་མང་པོ་འདུས་པ་ཞིག་རེད། ཝེ་ཁེ་རིག་མཛོད་ནི་རང་སྣང་གང་ཤར་གྱི་སྨྲ་བརྗོད་དང་། ཚོང་བསྒྲགས་ཀྱི་སྟེགས་བུ་མ་རེད། སྤྱི་ཚོགས་དྲ་རྒྱ་མ་རེད། སྒེར་སྤྱོད་ཀྱི་དཔར་ཁང་མ་རེད། རང་མོས་རིང་ལུགས་སམ་མང་གཙོའི་ཚོད་ལྟ་མ་རེད། གཞི་མེད་ཀྱི་གནས་ཚུལ་བསྡུ་སྒྲིག་མ་རེད། དྲ་ཐོའི་དཀར་ཆག་ཀྱང་མ་རེད། འདི་ནི་ཚིག་མཛོད་མ་རེད། ཚགས་པར་མ་རེད། ལག་དེབ་མ་རེད། འབྱུར་ཁུངས་ཀྱི་ཡིག་ཆའམ་བརྙན་ཡིག་གི་བསྡུ་སྒྲིག་ཀྱང་མ་རེད། འོན་ཀྱང་ཝི་ཀི་མི་ཌི་ཡ་ཡི་ལས་གཞི་གཞན་དག་ནི་དེ་ལྟར་ཡིན་སྲིད།
ཝེ་ཁེ་རིག་མཛོད་ནི་ཕྱོགས་རིས་མེད་པའི་ལྟ་ཚུལ་གྱིས་བསྒྲུབས་པ་ཞིག་ཡིན།
[རྩོམ་སྒྲིག]ང་ཚོས་རྩོམ་ཡིག་རྣམས་ཕྱོགས་ལྷུང་མེད་པའི་རྣམ་འགྱུར་དང་ལྡན་པ་བཟོ་རྒྱུར་འབད་བརྩོན་བྱེད་ཀྱི་ཡོད། དེས་གཙོ་བོའི་ལྟ་ཚུལ་ཁག་ཡིག་ཐོག་ཏུ་འགོད་ཅིང་འགྲེལ་བཤད་རྒྱག་གི་ཡོད་ལ། དེ་དག་གི་གལ་ཆེའི་རྣམ་པ་ལྟར་འོས་འཚམ་གྱི་ལྕི་ཡང་འདེགས་ཀྱི་ཡོད། ང་ཚོས་རྒྱབ་སྐྱོར་བྱེད་རྒྱུ་སྤངས་ཏེ། གནས་ཚུལ་དང་གནད་དོན་རྣམས་རྩོད་གླེང་བྱེད་པའི་ཚབ་ཏུ་དེ་དག་གི་མཚན་ཉིད་འགོད་ཀྱི་ཡོད། གནས་སྟངས་འགའ་ཤས་སུ་ཡོངས་གྲགས་ཀྱི་ངོས་འཛིན་ཡོད་པའི་ལྟ་ཚུལ་གཅིག་པུ་ཡོད་སྲིད། གཞན་དག་ཏུ་ང་ཚོས་ལྟ་ཚུལ་སྣ་མང་ལ་འགྲེལ་བརྗོད་བྱེད་ཀྱི་ཡོད་ལ། རེ་རེ་བཞིན་"བདེན་པ་"འམ་"ལྟ་ཚུལ་མཆོག་"གི་ཚུལ་དུ་མིན་པར་ཏན་ཏན་ཏིག་ཏིག་དང་སྐབས་བབ་དང་བསྟུན་པའི་སྒོ་ནས་མཚོན་གྱི་ཡོད། རྩོམ་ཡིག་ཚང་མས་ཡིད་ཆེས་འོས་པའི་ཁུངས་ལ་གཞི་བཅོལ་བའི་ལུང་འདྲེན་དང་བཅས་པའི་ར་སྤྲོད་ཏག་ཏག་ཐུབ་པར་འབད་དགོས། ལྷག་པར་དུ་བརྗོད་གཞི་དེ་རྩོད་གཞི་ཅན་ནམ་ད་ལྟ་གསོན་པོའི་མི་སྐོར་ཡིན་ན། རྩོམ་སྒྲིག་པའི་སོ་སོའི་མྱོང་ཚོར། འགྲེལ་བཤད། བསམ་ཚུལ་བཅས་ཝེ་ཁེ་རིག་མཛོད་སྟེང་འགོད་མི་རུང་།
ཝེ་ཁེ་རིག་མཛོད་ནི་སུས་ཀྱང་བེད་སྤྱོད། རྩོམ་སྒྲིག འགྲེམས་སྤེལ་བྱེད་ཆོག་པའི་རིན་མེད་ཀྱི་རྒྱུ་ཆ་རེད།
[རྩོམ་སྒྲིག]རྩོམ་སྒྲིག་པ་ཚང་མས་རང་གི་ལས་ཀའམ་རྩོམ་ཡིག་ལ་སུས་ཀྱང་བེད་སྤྱོད་ཆོག་པའི་ཆོག་མཆན་སྤྲོད་ཀྱི་ཡོད་ལ། རྩོམ་སྒྲིག་པ་སུ་གཅིག་གིས་ཀྱང་རྩོམ་ཡིག་ལ་བདག་དབང་མེད། རང་གི་རྩོམ་ཡིག་གང་ཞིག་ལ་ཡང་གཞན་ཞིག་གིས་ཡ་ང་མེད་པར་བཅོས་འགྱུར་དང་འགྲེམས་སྤེལ་བྱེད་ཆོག་པ་མ་ཟད་དེ་ལྟར་བྱེད་སྲིད་པའང་རེད། འོན་ཀྱང་བདག་དབང་ཡོད་པའི་ཡིག་ཆར་ཁྲིམས་མཐུན་གྱི་གུས་བརྩི་བྱེད་དགོས་ལ། ཁུངས་གང་ནས་ཀྱང་གཞན་གྱི་རྩོམ་བརྐུ་བའམ་དཔེ་ཟོབ་བྱེད་མི་ཆོག སྐབས་འགར་བདག་དབང་ཡོད་པའི་རིགས་ཚུལ་མཐུན་གྱི་བཀོལ་སྤྱོད་འོག་གཡར་པོ་བྱེད་ཆོག་ཀྱང་། རྩོམ་སྒྲིག་པ་ཚོས་དང་ཐོག་རང་དབང་ཅན་གྱི་ཐབས་ལམ་འཚོལ་ཐབས་ལ་འབད་དགོས་པ་ཡིན།
ཝེ་ཁེ་རིག་མཛོད་ཀྱི་རྩོམ་སྒྲིག་པ་ཕན་ཚུན་གུས་བརྩི་དང་ཡ་རབས་ཀྱི་སྒོ་ནས་འབྲེལ་བ་བྱེད་དགོས།
[རྩོམ་སྒྲིག]ཁྱེད་རང་གི་བསམ་ཚུལ་དང་མི་མཐུན་ན་ཡང་ཝེ་ཁེ་རིག་མཛོད་ཀྱི་མཉམ་ལས་པའམ་རྩོམ་སྒྲིག་པ་གཞན་རྣམས་ལ་གུས་བརྩི་བྱེད་དགོས། ཝེ་ཁེ་རིག་མཛོད་ཀྱི་བཟང་སྤྱོད་ལག་ལེན་བསྟར་ཏེ། གང་ཟག་སྒེར་ལ་དམའ་འབེབས་སམ་རྩོམ་སྒྲིག་གི་དམག་འཁྲུག་ནང་ཞུགས་མི་ཆོག གནས་དོན་གང་ལའང་ཐུན་མོང་གི་མོས་མཐུན་འཚོལ་དགོས་ལ། རང་གི་དོན་དག་ཅིག་སྟོན་པའི་ཆེད་དུ་ཝེ་ཁེ་རིག་མཛོད་ཀྱི་ལས་གཞིར་བར་ཆད་བཟོ་མི་ཆོག རང་གིས་བསམ་པ་དྲང་པོའི་སྒོ་ནས་ལས་ཀ་བྱེད་དགོས་ལ། གཞན་གྱིས་ཀྱང་དྲང་པོའི་བསམ་པ་ཡོད་པར་ངོས་འཛིན་བྱེད་དགོས། འདིའི་ནང་གསར་དུ་མཉམ་ཞུགས་བྱེད་མཁན་རྣམས་ལ་སེམས་ཀྱི་སྒོ་མོ་ཕྱེ་སྟེ་དགའ་བསུ་བྱེད་དགོས། གལ་ཏེ་རྩོད་པའི་རིགས་བྱུང་ན་འོས་འཚམ་གྱི་གླེང་སྟེགས་ཐོག་ཞི་བའི་ངང་ནས་གླེང་སློང་བྱེད་དགོས་ལ་རྩོད་པ་སེལ་ཐབས་ཀྱི་རྒྱུད་རིམ་རྗེས་སུ་འབྲངས་དགོས། བོད་ཡིག་གི་ཝེ་ཁེ་རིག་མཛོད་ཐོག་ལེགས་སྒྲིག་དང་གླེང་སློང་བྱེད་རྒྱུའི་རྩོམ་ཡིག་གཞན་ ༧,༨༩༢ ཡོད་པ་དྲན་དགོས།
ཝེ་ཁེ་རིག་མཛོད་ལ་སྒྲིག་གཞི་གྱོང་པོ་མེད།
[རྩོམ་སྒྲིག]ཝེ་ཁེ་རིག་མཛོད་ལ་སྲིད་བྱུས་དང་ལམ་སྟོན་ཡོད་ཀྱང་། དེ་དག་རྡོ་ལ་བརྐོས་པ་ལྟར་མིན། དེ་དག་གི་ནང་དོན་དང་འགྲེལ་བཤད་དུས་ཀྱི་འགྱུར་བ་དང་བསྟུན་ནས་འགྱུར་ལྡོག་འགྲོ་ཆོག ང་ཚོའི་རྩ་དོན་དང་སྙིང་པོ་དེ་ནི་ཡིག་དོན་སྒྲ་ཇི་བཞིན་པ་ལས་གལ་ཆེ་ལ། མཚམས་རེར་ཝེ་ཁེ་རིག་མཛོད་ལེགས་སྒྲིག་བྱེད་པ་ལ་དམིགས་བསལ་གུ་ཡང་བྱེད་དགོས་པའི་དུས་ཀྱང་ཡོད། རྩོམ་སྒྲིག་བྱེད་པར་སྙིང་སྟོབས་ལྡན་དགོས་ཀྱང་བག་མེད་དུ་འབྲི་ན་མི་ཡོང་། རྩོམ་ཡིག་ཞིག་ལ་ཞུ་དག་བྱེད་སྐབས་སུ་ནོར་འཁྲུལ་ཤོར་བར་སེམས་ཁྲལ་མ་བྱེད། ཅིའི་ཕྱིར་ཞེ་ན་རྩོམ་ཡིག་རེ་རེའི་སྔོན་གྱི་པར་གཞི་(ཕལ་ཆེར་)ཚང་མ་ཉར་ཚགས་བྱས་ཡོད་པས་ལས་སླ་པོར་དག་བཅོས་བྱེད་ཐུབ།