User talk:106.192.188.185
བརྗོད་གཞི་ཁ་སྣོན།༼གཏེར་སྟོན་རིག་འཛིན་རྒོད་ལྡེམ་སྐུ་འཕྲེང་གཉིས་པ།མཚན་ཞན་གསང་མཚན་རྡོ་རྗེ་གྲོ་ལོད་རྩལ། ཉི་ཟླ་འོད་ཟེར། པདྨ་ནག་པོ།༽ པདྨ་ཀ་ཐང་ལས། མཐའ་དམག་དབུས་རྡིབ་འབྲི་དང་ཕག་པ་འཐབ༔ དབུས་གཙང་སིལ་བུ་ཕག་གྲུ་ཚལ་པར་འགྲོ༔ སྟག་ཚང་ཟབ་ལུང་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་འདི་བསྟན་ནས་འབྱུང༔ གཏེར་སྟོན་རྡོ་རྗེ་གྲོ་ལོད་ཞེས་བྱ་འབྱུང་༔ ཞེས་དང་། རིག་འཛིན་ཡོངས་འདུས་ལུང་བྱང། ཏནྟྲའི་སྤྱི་ལུང་སོགས་ལུང་དུ་མ་ནས་བཟིན་པའི་སྐྱེས་བུ་འདི་ནི་གཅེན་མངའ་རིས་པཎ་ཆེན་དང་ཡབ་ཡུམ་གཅིག་ཏུ་འོད་གསལ་ལྷའི་རིགས་ལས་མངའ་རིས་རྒྱལ་པོའི་གདུང་བརྒྱུད་ཡབ་མཁས་གྲུབ་ཆེན་པོ་འཇམ་དབྱངས་རིན་ཆེན་རྒྱལ་མཚན་དང་ཡུམ་འབྲོ་ལྕམ་ཁྲོམ་པ་རྒྱན་གཉིས་ཀྱི་སྲས་སུ་ཕྱི་ལོ་༡༥༡༢རབ་བྱུང་དགུ་པའི་ཆུ་སྤྲེལ་ལོའི་སྤྲེལ་ཟླའི་ཚེས་བཅུར་སྐུ་བལྟམས། འདིའི་ཉིན་ཡབ་ཡུམ་སྲས་འཁོར་དང་བཅས་པས་ཚེས་བཅུའི་མཆོད་པ་རྒྱས་པར་མཛད་ཅིང་ཚེས་བཅུའི་གཏོར་དབང་ཇོ་ལགས་པཎ་ཆེན་གྱིས་མཛད་པས་སྐུ་ཚེ་དེའི་ཡོངས་འཛིན་ལ་སྔ་བ་མངའ་པཎ་ཉིད་ཡིན། ཡུམ་གྱིས་འབྲི་ཀློག་རྣམས་བསླབ། ཡབ་ཀྱིས་དབུ་སྐྲ་བྲེག་ནས་ཆོས་མིང་ཉི་ཟླ་གྲགས་བཟང་དུ་བཏགས་ཀྱང་ཀུན་སྐྱོང་གླིང་པའི་ལུང་བསྟན་བཞིན་ལེགས་ལྡན་བདུད་འཇོམས་ཞེས་མཚན་ཡོངས་སུ་གྲགས། ལས་བྱང་ལེ་བརྒྱད་ནས་དབུ་བཟུངས་མདོ་རྒྱུད་ཀྱི་ཆོས་སྤྱོད་ཁག་ངག་བསླབ་མཛད་དེ་ཡབ་ཀྱི་ཞལ་ནས་ཤེས་རབ་ཆེ་བར་འདུག་གསུངས། ལོ་གཅིག་གཉིས་ལ་བྱིས་པའི་ཀུན་སྤྱོད་བསྐྱངས་ཏེ་ཀུན་སྤྱོད་ཚུབ་དྲག་པས་མི་ཀུན་གྱིས་འདི་འབྱུང་པོ་ལེགས་ལྡན་མ་ནོར་བར་འདུག་ཟེར་བ་འབྱུང། དེའི་ཚེ་སྲུ་མོ་སྐྱོང་ངེ་ཞེས་པ་ཞིག་ཡོད་པ་ཉིད་ལ་ཤིན་ཏུ་ཐུགས་བྱམས་པ་ཞིག་ཡོད་པ་ཤ་དུག་གིས་གྲོངས་པ་ནས་ཐུགས་ལ་སྡུག་བསྔལ་བཟོད་དཀའ་བ་བྱུང་སྟེ་དུས་དེས་རྐྱེན་བྱས་མི་རྟག་ཁོ་ན་དྲན། ཡབ་རྗེ་དམ་པས་སྔགས་བཙུན་གྱི་འདུས་པ་བརྒྱ་ཉི་ཤུ་ཙམ་ལ་མདོ་དབང་དཀྱིལ་འཁོར་དྲུག་བཅུ་རེ་ལྔའི་དབང་ལུང་ཁྲིད་རྣམས་རྒྱས་པར་གནང་བ་གསན་ཞིང། དེ་ནས་རིམས་པས་སྒྱུ་འཕྲུལ་དཀྱིལ་འཁོར་སོགས་དབང་ལུང་ཁྲིད་མན་ངག་ངོ་སྤྲོད་ཕྱག་ལེན་སྔགས་སྡེབས་རླུང་འཁོར་དབྱངས་ཐིག་གར་གསུམ་སོགས་ལོ་གསུམ་གྱི་བར་མ་ཆད་པར་གནང་བ་རྣམས་གསན། ཡབ་ཀྱིས་ཞལ་ནས་དབང་རྒྱལ་གྱིས་ལེགས་ལྡན་འདི་སྐྱོངས་གསུངས་པ་བཞིན་ཇོ་ལགས་ཀྱི་ཕྱག་ཕྱིར་བྱོན་ཏེ་བཀའ་ཆོས་གནང་ཚད་གསན། གཞན་ཡང་གཏེར་སྟོན་སྔགས་འཆང་ཤཱཀྱ་བཟང་པོ་ལས་བྱང་གཏེར་སྒྲུབ་སྐོར་རྣམ་གསུམ་བཀའ་ཕུར་ཐུགས་གསུམ་སོགས་གསན་ནས་རི་བོ་དཔལ་འབར་དུ་བླ་སློབ་ལྷན་ལོ་མཚམས་ལ་བཞུགས་ཐུགས་དམ་འཕེལ་ཞིང་དག་སྣང་མང་པོ་ཤར། བསམ་ཡས་སྟེང་ཁང་རྣམ་སྣང་གསང་སྒྲོམ་ནས་ཟབ་ཆོས་རིག་འཛིན་ཡོངས་འདུས་དང་ཐུགས་རྗེ་ཆེན་པོ་འཁོར་བ་དབྱིངས་སྒྲོལ། རིན་ཆེན་སྙིང་པོའི་བྲག་ནས་ཚེ་སྒྲུབ་བདུད་རྩི་འཁྱིལ་བ། འོན་ཕུ་སྟག་ཚང་ནས་གུ་རུ་དྲག་པོ་དབུ་དགུ་སོགས་སྤྱན་དྲངས་པའི་ཟབ་གཏེར་ལ་པོད་གསུམ། གཞན་ཡང་སྦས་ཡུལ་འབྲས་མོ་ལྗོངས་ཀྱི་གནས་སྒོ་ཕྱེ། བྱང་བདག་ཆོས་རྒྱལ་བཀྲ་ཤིས་སྟོབས་རྒྱལ་ལ་སྔ་འགྱུར་བཀའ་གཏེར་གྱི་གདམས་ངག་ཕལ་ཆེ་བ་བུམ་པ་གང་བྱོའི་ཚུལ་དུ་གནང་སྟེ་བྱང་པའི་ཆོས་བདག་ཏུ་བསྐོས་ནས་མ་འོངས་ལུང་བསྟན་མང་དུ་གནང་། ཞལ་སློབ་ལ་བྱང་བདག་ཆོས་རྒྱལ་བཀྲ་ཤིས་སྟོབས་རྒྱལ། འབྲི་གུང་རིན་ཆེན་ཕུན་ཚོགས་སོགས་དུ་མ་ཞིག་མཆིས། ཆོས་རྒྱལ་བྱང་པས་གསང་རི་ཞེས་པར་སྔ་འགྱུར་རྡོ་རྗེ་ཐེག་པའི་ཆོས་གྲ་རྒྱ་ཆེར་བཙུགས་པའི་མཁན་པོ་མཛད་དེ་གང་འདུལ་གདུལ་བྱའི་རེ་བ་བསྐང་ནས་དགུང་གྲངས་བརྒྱ་དང་བཅུ་གསུམ་དུ་ཕེབས་པའི་ཚེ་རེ་ཞིག་གདུལ་བྱ་རྫོགས་པར་མཁྱེན་ནས་གསང་སྔགས་ཐེག་མཆོག་གླིང་དུ་རྫོགས་ཆེན་ཟངས་ཐལ་གྱི་བར་དོ་ལྔའི་སྙན་བརྒྱུད་གསུངས་པའི་ཚེ་སྐུ་མྱ་ངན་ལས་འདའ་རྒྱུའི་གསུང་བྱོན་པའི་ན་ཆོས་རྒྱལ་ཆེན་པོས་མི་འདའ་བར་གསོལ་བ་བཏབ། ལན་ལ་ད་རེས་ང་བསྡད་པས་མི་ཡོང་། དེ་ཙམ་གཙིགས་ཆེ་ན་ཁྱོད་རང་གི་བུར་ཡོང་ངོ་ཞེས་ལུང་བསྟན་མཛད་དེ་མཐར་རབ་བྱུང་བཅུ་པའི་ཕྱི་ལོ་༡༦༢༥ལོར་ཞི་བར་གཤེགས་སོ།།
Welcome to this talk page
Talk pages are where people discuss how to make content on Wikipedia the best that it can be. Use this page to start a discussion about the edits made from this IP address. What you say here will be public for others to see. Many IP addresses change periodically, and are often shared by several people.
This is the discussion page for an anonymous user who has not created an account yet, or who does not use it. We therefore have to use the numerical IP address to identify them. Such an IP address can be shared by several users. If you are an anonymous user and feel that irrelevant comments have been directed at you, please create an account or log in to avoid future confusion with other anonymous users.