User talk:གངས་རིའི་འོད་
བརྗོད་གཞི་ཁ་སྣོན།༄༅།། བཀའ་ཤག་སྲིད་གཞུང་དང་ནང་བསྟན་དགོན་པའི་དབར་གྱི་དམག་འཁྲུག་སྐོར་མཚོན་པའི་དམངས་གཞས་ཁག་གསུམ།
མ་བྱེད་བྱས་པས་བྱས་སོང་། ། བསྟན་རྒྱས་གླིང་གི་གྲྭ་པ། ། རྟ་ཤ་བོང་ཤ་ཟ་དགོས། ། ཁྱེད་ཚོས་བྱས་པའི་ལས་རེད། ། དེ་ནི་སྤྱི་ལོ་1912ལོར་ཆུ་བྱི་དམག་འཁྲུག་སྐབས་བསྟན་རྒྱས་གླིང་དགོན་པས་ལུའུ་ཅུན་དམག་དང་ངན་འབྲེལ་བྱས་ཏེ་བོད་ས་གནས་སྲིད་གཞུང་ལ་ངོ་ལོག་བྱས། ལུའུ་ཅུན་དམག་བསྟན་རྒྱས་གླིང་ནང་བསྡད་དེ་གྲྭ་པ་དང་མཉམ་དུ་ཚུར་རྒོལ་བྱས་པར་བོད་དམག་གིས་བསྟན་རྒྱས་གླིང་དགོན་པ་མཐའ་བསྐོར་ཏེ་གྲྭ་པ་དང་ལུའུ་ཅུན་དམག་གཉིས་ཕྱི་རོལ་དང་འབྲེལ་བ་བྱེད་ཡུལ་མེད་པ་བཟོས་སྟབས་ཁོ་ཚོ་ལྟོ་ཆས་རྫོགས་ནས་དགོན་པའི་ནང་གི་རྟ་དང་བོང་བུ་སོགས་བསད་དེ་ཟ་དགོས་བྱུང་བར་མི་རྣམས་ཀྱིས་དུས་བསྟུན་སྲིད་གཞས་དེ་ལྟར་གསར་རྩོམ་བྱས་པ་དང་། ཁོ་ཚོ་དམག་འཐབ་བྱེད་སྐབས་བོད་དམག་གི་མེ་སྒྱོགས་ཀྱང་ཚ་ཁ་གནས་པོ་དེ་ཙམ་མེད་པས་བསྟན་གླིང་ཕྱོགས་གཏོགས་ཀྱི་མི་རྣམས་ཀྱིས་བོད་དམག་ལ་ཟུར་ཟའི་ཚུལ་དུ། བོད་པའི་མེ་སྒྱོགས་ལྐུགས་པ། ། དེ་ལས་རྒྱག་མཁན་ལྐུགས་པ། ། བསྟན་གླིང་འདམ་རའི་ནང་གི ། སྦལ་པའི་རྐང་པ་བཅག་སོང་། ། ཞེས་གཞས་ལན་འདི་ལྟར་བརྩམས་ཏེ་སྐབས་དེའི་དམག་འཁྲུག་གི་གནས་ཚུལ་མཚོན་པར་བྱས་ཡོད། དེ་བཞིན་དུས་རབས་བཅུ་དགུ་པའི་དུས་འགོར་ལུའུ་ཅུན་དཔུང་དམག་ལྷ་སར་སྡོད་པའི་རིང་བཀའ་བློན་ཚ་རོང་དབང་ཕྱུག་རྒྱལ་པོས་ལུའུ་ཅུན་དམག་དང་འབྲེལ་བ་བྱས་ཏེ་ཉིན་མོ་བཀའ་ཤག་ཏུ་ཡོང་བ་དང་མཚན་མོ་ཨམ་བན་སྡོད་ཡུལ་ཡ་མོན་དུ་འགྲོ་བའི་གནས་ ཚུལ་ལྷ་སའི་མང་ཚོགས་ཀྱིས་ཤེས་རྟོགས་བྱུང་སྟབས། “གཟིམ་ཆུང་ཤོག་ཁྲའི་ནང་ནས། ། རྨ་བྱས་ལོག་སྐད་རྒྱག་གིས། ། ཆུ་དང་འོ་མ་འདྲེས་ཀྱང་། ། མ་འདྲེས་མདོག་མདོག་གནང་གིས། ། ཉིན་མོ་གསེར་བྱ་ཡིན་ཟེ། ། བཀའ་ཤག་ནང་ལ་ཕེབས་འདུག ། དགོང་མོ་རྒྱ་བྱ་ཡིན་ཟེ། ། ཡ་མོན་ནང་ལ་ཕེབས་སོང་། །” ཞེས་པའི་དུས་བསྟུན་སྲིད་གཞས་དེ་བཏང་ནས་མགོ་གཉིས་བྱེད་ཀྱི་འདུག་ཟེར་བའི་བརྡ་བཏང་བ་རེད། གནས་ཚུལ་དེས་རྐྱེན་པས་ཉིན་གཅིག་རྩེ་ཕོ་བྲང་དུ་བཀའ་ཤག་ལྷན་རྒྱས་ཚོགས་སར་སེ་རའི་གྲྭ་པ་ཁ་ཤས་གློ་བུར་དུ་འཛུལ་ནས་བཀའ་བློན་ཚ་རོང་པའི་སྐྲ་ལྕོག་ནས་བཟུང་ནས་འདྲུད་ཕྱིན་ཏེ་བཅོ་བརྒྱད་སྐས་འཛེགས་ནས་གཡུགས་པ་དང་དེ་ནས་ཡང་འདྲུད་དེ་རྡོ་རིང་ནང་མའི་འགྲམ་དུ་འབྱོར་དུས་དམར་གསོད་བཏང་བ་མ་ཟད་ཉིན་དེ་གར་གྲྭ་པ་ཁག་གཅིག་གིས་ཚ་རོང་གཟིམ་ཤག་ཏུ་འཛུལ་ནས་ཚ་རོང་སྲས་བཀའ་མགྲོན་ཡང་བཟུང་འཁྲིད་ཀྱིས་གཡུ་ཐོག་གླིང་ཁའི་ནང་སྦྱར་སྡོང་ལ་བཏགས་ཏེ་བྲང་ཁར་ནག་ཐིག་བྲིས་ནས་མེ་ མདའ་བརྒྱབ་སྟེ་བསད་པའི་སྐོར་སོགས་རྒན་རབས་པ་ཚོར་གསུང་རྒྱུན་འདུག ཡོངས་ཁུངས། ལུག་ཚང་དཔལ་ཡོན་དྲ་བ།
Start a discussion with གངས་རིའི་འོད་
Talk pages are where people discuss how to make content on Wikipedia the best that it can be. Start a new discussion to connect and collaborate with གངས་རིའི་འོད་. What you say here will be public for others to see.