User:Pecha-Tsewang/ལམ་སྟོན་ཡིག་ཆ།/སྤྱོད་མཁན་གྱི་ཤོག་ངོས་བཟོ་སྟངས།
སྤྱོད་མཁན་གྱི་ཤོག་ངོས་བཟོ་སྟངས། Creating Your User Page
[རྩོམ་སྒྲིག]མཆན། ཤོག་ངོས་འདིའི་ནང་བརྗོད་གཞི་གཉིས་ཡོད། ༡༽ ངོ་སྤྲོད་དང་། ༢༽ བཟོ་སྟངས།
༡༽ ཝི་ཀི་མི་ཌི་ཡ་'སྤྱོད་མཁན་གྱི་ཤོག་ངོས།' ངོ་སྤྲོད་མདོར་བསྡུས།
[རྩོམ་སྒྲིག]ངོ་བོ།
[རྩོམ་སྒྲིག]སྤྱོད་མཁན་གྱི་ཤོག་ངོས་ནི་ཐོ་འགོད་བྱས་པའི་ཝི་ཀི་མི་ཌི་ཡ་ཡི་རྩོམ་སྒྲིག་པའམ་ཚོགས་མི་རེ་རེའི་སྒེར་གྱི་ངོ་སྤྲོད་ཤོག་ངོས་ཤིག་ཡིན། འདི་ནི་ཐོ་འཇུག་བྱས་པའི་སྤྱོད་མཁན་དང་། ཐོ་འཇུག་མི་བྱེད་པ་གཉིས་ཀས་བེད་སྤྱོད་བྱེད་ཐུབ།
དགོས་པ།
[རྩོམ་སྒྲིག]སྤྱོད་མཁན་གྱི་ཤོག་ངོས་ཀྱི་གཙོ་བོའི་དམིགས་ཡུལ་ནི་སྤྱོད་མཁན་དེ་ཝི་ཀི་མི་ཌི་ཡའི་སྤྱི་ཚོགས་ལ་ངོ་སྤྲོད་བྱེད་པ་དང་། འབྲེལ་གཏུགས་ལ་རམ་འདེགས་བྱེད་པ། ལས་འཆར་ཁག་གོ་སྒྲིག་ལེགས་པར་བྱེད་པ་བཅས་ཡིན། མི་ཕལ་ཆེ་བས་སྤྱོད་མཁན་གྱི་ཤོག་ངོས་དེ་རང་གི་གཞི་རྩའི་གནས་ཚུལ་དང་། དོ་དབྱིངས་བྱེད་ས། སྐད་ཡིག་གི་ནུས་པ། རྩོམ་ཡིག་ལ་སོགས་བརྗེ་ལེན་བྱེད་པར་བེད་སྤྱོད་བྱེད།
སྒྲོམ་གཞི།
[རྩོམ་སྒྲིག]སྤྱོད་མཁན་གྱི་ཤོག་ངོས་ནང་རྩ་བའི་གནད་དོན་གསུམ་ཡོད། ༡༽ སྤྱོད་མཁན་གྱི་ཤོག་ངོས།/User Page: ཁྱེད་ཀྱི་སྒེར་གྱི་ངོ་སྤྲོད་དང་གནས་ཚུལ་གྱི་ཆེད་དུ། User:YourName ལ་ཡོད།
༢༽ སྤྱོད་མཁན་གྱི་གླེང་མོལ་ཤོག་ངོས།/User Talk Page(Discussion): འཕྲིན་ཐུང་དང་བགྲོ་གླེང་གི་ཆེད་དུ། User talk:YourName ལ་ཡོད། དེ་ནི་གསར་དུ་བཟོ་མི་དགོས་པར་User Pageཞེས་པའི་གཞོགས་གཡས་སུ་Discussionཞེས་པ་དེ་ཡིན།
༣༽ ཡན་ལག་ཤོག་ངོས།/Subpages: ཟིན་བྲིས། སྦྱོང་གཞི།(ས་གཞོང་།) ལས་འཆར། རྩོམ་ཡིག་བཅས་འཆར་འགོད་དང་འབྲི་བའི་ཆེད་དུ། User:YourName/SubpageName བེད་སྤྱོད་བྱེད།
ནང་དོན།
[རྩོམ་སྒྲིག]སྤྱོད་མཁན་གྱི་ཤོག་ངོས་ཀྱི་ནང་དོན་དུ་ཁྱེད་ཀྱིས་གང་མོས་པ་ལྟར་འགོད་ཆོག དེའི་ནང་གཙོ་ཆེ་བ་རང་གི་སྐད་ཡིག་གི་ནུས་པའམ། བྷེ་བྷེལ་སྒམ་(Babel Box)དང་། དོ་དབྱིངས་བྱེད་ས། འཕྲུལ་ལས་ཀྱི་ནུས་པ། པར་རིས། རྩོམ་ཡིག ཕན་ཐོགས་ཅན་གྱི་དྲ་ཐག ཝི་ཀི་སྤྱི་ཚོགས་ཀྱི་མཐུན་སྒྲིལ་དང་འབྲེལ་ཐག་ལ་ཕན་པའི་ལས་གཞི། ཡང་ན་རང་གི་སྒྲུབ་དགོས་པའི་བྱ་བ་རྣམས་ཀྱི་ཐོ་གཞུང་ལ་སོགས་འགོད་ཆོག གང་ལྟར་ནང་དོན་ནི་ཝི་ཀི་མི་ཌི་ཡའི་ལས་འཆར་དང་འབྲེལ་བ་ཡོད་པ་ཞིག་ཡིན་དགོས། དེ་མིན་གྱི་ཝི་ཀི་མི་ཌི་ཡའི་ལས་འཆར་དང་འབྲེལ་མེད་ཀྱི་གནད་དོན་དང་། སྒེར་དང་ཚོགས་པ་གང་ཞིག་གཙོ་འདོན་བྱེད་རྒྱུ། གཞན་ལ་མཚན་ཤས་ཀྱི་གཏམ། ཁྲིམས་འགལ་དང་བཙན་ཤད་ཀྱི་ལས་ལ་སོགས་བྱ་མི་རང་། སྤྱོད་མཁན་གྱི་ཤོག་ངོས་ནི་སྤྱི་ཚོགས་དྲ་རྒྱའི་སྒེར་གྱི་ངོ་སྤྲོད་ལྟ་བུ་མིན་པས་རང་གི་ལོ་རྒྱུས་ཧ་ཅང་མང་པོ་ཁྱབ་བསྒྲགས་བྱེད་ན་མི་འགྲིག དེའི་གཙོ་བོའི་ལས་འགན་ནི་མཉམ་ལས་དང་ཝི་ཀི་སྤྱི་ཚོགས་འཛུགས་སྐྲུན་ལ་རྒྱབ་སྐྱོར་བྱེད་པ་ཡིན།
མདོར་བསྡུས་བྱས་ན། སྤྱོད་མཁན་གྱི་ཤོག་ངོས་ནི་ཝི་ཀི་མི་ཌི་ཡའི་ལས་འཆར་ནང་གི་ཁྱེད་ཀྱི་གཙོ་བོའི་ངོ་བོ་དང་ལས་ཀའི་ས་ཁུལ་ཡིན། དེའི་ནང་རང་ཉིད་ངོ་སྤྲོད་བྱེད་པ་དང་། ཁྱེད་ཀྱི་ནུས་པ་དང་དོ་དབྱིངས་བྱེད་ས་སོགས་ཡིག་ཐོག་ཏུ་འགོད་པ། གཞན་དང་འབྲེལ་ལམ་བྱེད་ས་ཞིག་ཡིན། ཤོག་ངོས་འདིའི་བཟོ་བཀོད་དང་ནང་དུ་གནད་དོན་གང་འགོད་ཧ་ཅང་རང་མོས་ཡིན་ཡང་། ཝི་ཀི་མི་ཌི་ཡའི་མཉམ་ལས་ཀྱི་དམིགས་ཡུལ་དང་མཐུན་པ་དགོས་པ་ལས་སྤྱིར་བཏང་གི་སྤྱི་ཚོགས་དྲ་སྦྲེལ་གྱི་སྒེར་གྱི་ངོ་སྤྲོད་ལྟར་བྱེད་མི་རུང་།
༢༽ ཝི་ཀི་མི་ཌི་ཡ་'སྤྱོད་མཁན་གྱི་ཤོག་ངོས།' བཟོ་སྟངས་སྟབས་བདེའི་དཔེ་མཚོན།
[རྩོམ་སྒྲིག]༡༽ ཐོག་མར་རང་གི་བོད་ཡིག་ཝེ་ཀེ་རིག་མཛོད་ནང་ཐོ་འཇུག་བྱེད།
༢༽ དེ་ནས་ཤོག་ངོས་ཀྱི་སྟེང་གི་གཡས་ཕྱོགས་སུ་ཡོད་པའི་རང་གིས་ཐོ་འཇུག་བྱེད་པའི་མིང་གི་དྲ་ཐག་དེའི་ཐོག་གནོན་པས། Creating User:YourName ཞེས་པའི་ཤོག་ངོས་ཤིག་ཤར་ཡོང་། དེའི་བར་ན་རྩོམ་འབྲི་བྱེད་སའི་ཤོག་ངོས་སྟོང་པ་ཞིག་ཡོད་པ་དེར། བཀྲ་ཤིས་བདེ་ལེགས། ལྟ་བུ་ཚིག་ཉུང་ངུ་ཞིག་བྲིས་ནས། ཤོག་ངོས་ཀྱི་སྟེང་དུ་ Create source ཞེས་པ་དེར་གནོན། དེ་ལྟར་བྱས་ཚེ་རྩ་བའི་ཆ་ནས་སྤྱོད་མཁན་གྱི་ཤོག་ངོས་བཟོ་ཟིན་པ་རེད། འོན་ཀྱང་དེའི་ནང་དོན་གང་ལེགས་བཟོ་བའི་ཆེད་དུ་འོག་ཏུ་ཡོད་པའི་གནད་དོན་རྣམས་ལ་གཟིགས་པ་དང་། དེ་དག་རེ་རེ་བཞིན་བཀོད་རྗེས་སླར་ཡང་Create sourceཞེས་པར་གནོན་གྱིན་གནོན་གྱིན་བྱེད་ཆོག
༣༽ གོད་དུ་བཤད་པ་ལྟར་སྤྱོད་མཁན་གྱི་ཤོག་ངོས་ནང་གཙོ་ཆེ་བའི་གནད་དོན་ཞིག་ནི་རང་གི་སྐད་ཡིག་གི་ནུས་པའམ། བྷེ་བྷེལ་སྒམ་(Babel Box)ཞེས་པ་དེ་རེད། དེའི་ཆེད་སླར་ཡང་ཤོག་ངོས་ཀྱི་སྟེང་གི་གཡས་ཕྱོགས་སུ་ཡོད་པའི་རང་གིས་ཐོ་འཇུག་བྱེད་པའི་མིང་གི་དྲ་ཐག་དེའི་ཐོག་གནོན། དེ་ནས་Edit source ཞེས་པ་དེར་གནོན། གོང་དུ་ བཀྲ་ཤིས་བདེ་ལེགས། ཞེས་བྲིས་ཟིན་པའི་གོང་དུ་འོག་གི་བརྡ་ཡིག་དེ་འདྲ་བཤུས་བྱས་ནས་སྦྱར་དགོས། {{#babel:bo|en-3|zh-4}} འདིའི་ནང་གི་སྐད་ཡིག་ཐོག་མ་དེ་bo ཞེས་པ་དེ་བོད་ཡིག་གི་བརྡ་ཡིག་ཡིན་པ་དང་། དེའི་རྒྱབ་ཏུ་ཨང་གྲངས་གང་ཡང་མེད་པར་བཞག་ན་བོད་ཡིག་དེ་རང་གི་མ་སྐད་ཡིན་པར་མཚོན་པ་དང་། སྐད་ཡིག་གི་གནད་ཚད་མཐོ་ཤོས་ཡིན་པའི་འགྲེལ་བརྗོད་རེད། དེ་ནས་en ཞེས་པ་དེ་དབྱིན་ཡིག་གི་བརྡ་ཡིག་ཡིན་པ་དང་། དེའི་རིམ་པ་0ནས་5བར་འབྲི་ཆོག་པ་དང་། དེ་མཐུན་གྱི་གནད་ཚད་ཀྱི་འགྲེལ་བརྗོད་ཤར་ཡོང་བ་རེད། དེ་བཞིན་དུ་རང་སྐད་རིགས་གང་ལ་སྦྱངས་པ་ཡོད་པ་དང་གནད་ཚད་ག་ཚོད་ཡོད་པ་འདིར་བཀོད་ཆོག སྐད་རིགས་སོ་སོའི་བརྡ་ཡིག་གི་ཐོ་གཞུང་འདི་ན་ཡོད། སྐད་རིགས་ཀྱི་གྲངས་ག་ཚོད་འབྲི་ནའང་ཆོག་པ་དང་། ཉུང་མཐར་གཅིག་ངེས་པར་དུ་འབྲི་དགོས།
༤༽ གཞན་ཡང་དོན་ཚན་གང་དགོས་རང་གིས་བཟོ་ཆོག་པ་དང་། འཚམ་དྲིའི་ཚིག་དང་། རང་གི་རྩོམ་འབྲི་བྱེད་བཞིན་པའམ་བྱས་ཟིན་པའི་ཤོག་ངོས་གཞན་གྱི་དྲ་ཐག་སོགས་ཅི་རིགས་འགོད་ཆོག དཔེ་མཚོན་ལྟར། ==འབྲེལ་ཡོད་ལས་གཞི་ཁག== [[བོད་བརྒྱུད་ནང་བསྟན་རིག་གནས་ཀྱི་ཝི་ཀི་ལས་གཞི།]] ཞེས་པ་ལྟ་བུ་འགོད་ཆོག བརྡ་ཡིག་འདིའི་ནང་ཤེས་དགོས་པ་ནི་མགོ་བརྗོད་ཁག་ལ་རྟགས་འདིའི་==ནང་འཇོག་དགོས་པ་དང་། དྲ་ཐག་ལ་སྦྲེལ་དགོས་ཚེ་སྟེང་དུ་ཡོད་པའི་Link Toolབེད་སྤྱོད་བྱེད་ཆོག
༥༽ ཡང་རང་གི་རྩོམ་འབྲི་བྱེད་པར་འདོད་ན། ས་གཞོང་(Sandbox)ཞེས་པའི་ཡན་ལག་ཤོག་ངོས་(subpage)ཞིག་བཟོས་ནས་དེའི་ནང་རང་གི་རྩོམ་འབྲིའི་ཟིན་བྲིས་བྱེད་ཆོག འདིའི་ནང་རྩོམ་འབྲི་ལེགས་པར་བསྒྲུབས་རྗེས་ཝི་ཀི་ཤོག་ངོས་ངོ་མའི་སྟེང་རྩོམ་དེ་སྤོ་ཆོག་པ་རེད། དེ་ལྟར་བྱས་ཚེ་རྩོམ་འབྲིའི་བརྒྱུད་རིམ་ནང་ཉིན་ལྟར་ལས་ཀ་བསགས་ནས་Publishབྱས་ཚེ་རང་གི་རྩོམ་འབྲིའི་གྲངས་ཚད་མང་དུ་འགྲོ་བ་དང་། བོད་ཡིག་ཝི་ཀི་ཡི་བེད་སྤྱོད་བྱེད་མིའི་གྲངས་དང་། རྩོམ་ཡིག་གི་གྲངས་ལ་སོགས་གང་ས་སྤྱི་ཐད་ནས་ཕན་ཐོག་ཡོད་པ་རེད།
༦༽ ཡང་རང་ཉིད་ཀྱིས་ཝི་ཀི་མི་ཌི་ཡ་ནང་རྩོམ་འབྲི་ཞུ་དག་སོགས་ཇི་ཙམ་བྱས་པའི་ཐོ་གཞུང་ངམ་གྲངས་ཚད་ལ་ལྟ་འདོད་ཡོད་ན་དེའི་དྲ་ཐག་དེའང་འཇོག་ཆོག་པ་རེད། དེའི་ཆེད་ཤོང་ངོས་སྟེང་འོག་གི་དྲ་ཐག་དེ་འགོད་དགོས། དྲ་ཐག་དེའི་ནང་དུ་USERNAMEཟེར་བ་དེའི་ཚབས་ཏུ་རང་ཉིད་ཀྱི་དེ་འབྲི་དགོས་པ་དང་། My Edit Count ཞེས་པ་དེ་རང་འཇག་འཇོག་པའམ་དེའི་ཚབས་ཏུ་དབྱིན་བོད་གང་རུང་གི་ཡི་གེ་འབྲི་ཆོག
[https://meta.wikimedia.org/wiki/Special:CentralAuth?target=USERNAME My Edit Count]
༧༽ དེ་མིན་ཉམས་མྱོང་ཅན་གྱི་རྩོམ་འབྲི་བྱེད་མཁན་གཞན་རྣམས་ཀྱི་སྤྱོད་མཁན་གྱི་ཤོག་ངོས་ལ་གཟིགས་ནས་དཔེ་བླང་ཆོག
མཆན།
[རྩོམ་སྒྲིག]གོང་གི་བརྗོད་གཞི་དང་འབྲེལ་བའི་དྲི་བ་དང་། དགོངས་ཚུལ། ལ་སོགས་གང་ཡོད་ཀྱང་གཤམ་དུ་རྟགས་འདི་#ཡོད་སའི་མཚམས་ནས་འགོད་རོགས། བཀོད་ཟིན་པའི་རྗེས་སུ་ངེས་པར་དུ་ ~~~~ འདི་འབྲི་རོགས། རྟགས་འདི་འགོད་སྐབས་ངེས་པར་དུ་རང་གི་གློག་ཀླད་ཀྱི་ཡི་གེའི་མཐེབ་གཞོང་དེ་བོད་ཡིག་ནས་དབྱིན་ཡིག་ཐོག་བསྒྱུར་རྒྱུ་མ་བརྗེད་པ་གནང་རོགས། འདིས་རང་རང་གི་མཚན་དང་དུས་ཚོད་གཉིས་ཀྱི་རྟགས་འགོད་པར་བྱེད་ཀྱི་རེད། ཐུགས་རྗེ་ཆེ།
སྤྱོད་མཁན་གྱི་ཤོག་ངོས་སྐོར་དབྱིན་ཡིག་ཝེ་ཁེ་ཐོག་རྒྱས་པ་གཟིགས་འདོད་ཡོད་ན་འདིར་ནོན་དང་།
མཆན་འགོད་ས།
[རྩོམ་སྒྲིག]- དྲ་གྲོགས་རྣམ་པ་དགོངས་ཚུལ་ཡོད་ན་ཤོག་ངོས་འདིའི་སྟེང་དུ་'Edit source'ཞེས་པ་དེར་མནན་ནས་དུམ་མཚམས་འདིའི་འོག་ནས་འབྲི་རོགས་གནང་། ཐུགས་རྗེ་ཆེ།Pecha-Tsewang (talk) ༢༠:༥༦, ༡༩ ཟླ་བརྒྱད་པ། ༢༠༢༥ (UTC)
- བཀའ་དྲིན་ཆེ། Pecha-pema (talk) ༠༦:༣༠, ༢༠ ཟླ་བརྒྱད་པ། ༢༠༢༥ (UTC)