Talk:གྲངས་ཅན་པའི་གྲུབ་མཐའ་
བརྗོད་གཞི་ཁ་སྣོན།བྱེ་བྲག་སེར་སྐྱ་པ།
[རྩོམ་སྒྲིག]རྩོམ་འདིའི་ནང་བྱེ་བྲག་སེར་སྐྱ་པ་དང་མུ་སྟེགས་གྲངས་ཅན་པ་གཉིས་སྒྲུབ་མཐའ་སོ་སོ་ཡིན་པའི་འདོག་གཞི་བསླངས་འདུག་པ་དང་། དེ་དག་སུས་འདོད་མིན་གསལ་ཁ་མེད་པར་ཡང་གསུངས་འདུག་པས། ངས་འདི་ནས་གསལ་བཤད་ཞིག་ཞུ་འདོད་བྱུང་། མོ་ལོ་ཆིག་ཁྲིའི་སྔོན་དུ་འབྱོན་པའི་གཡུང་དྲུང་བོན་གྱི་བསྟན་པའི་གཙོ་བོ་སྟོན་པ་གཤེན་རབ་མོ་བོས་མཛད་པའི་ མུ་སྟེགས་ཚར་གཅོད་གཏན་ཚིགས་ཐིགས་པའི་མདོ་རྒྱུད། ལས་བྱེ་བྲག་སེར་སྐྱ་པ་དང་མུ་སྟེགས་གྲངས་ཅན་པ་གཉིས་སོ་སོར་གསུངས་ཡོད། དེ་ཡང་། མུ་སྟེགས་པའི་སྒྲུབ་མཐའ་ཐམས་ཅད་བསྡུས་ན་རྟག་ལྟ་སྡེ་དགུ་དང་ཆད་ལྟ་སྡེ་གསུམ་དུ་བསྡུས་ཡོད། བྱེ་བྲག་སེར་སྐྱ་པ་ནི་རྟག་ལྟ་སྡེ་དགུའི་སྟོན་པའམ་སྒྲུབ་མཐའ་དང་པོ་དེ་ཡིན་པ་དང་། མུ་སྟེགས་གཞོན་ནུ་གྲངས་ཅན་པ་ནི་རྟག་ལྟ་སྡེ་དགུའི་སྒྲུབ་མཐའ་འམ་སྟོན་པ་གཉིས་པ་དེ་ཡིན། བྱེ་བྲག་སེར་སྐྱ་པས་ནི་ཤེས་བྱ་ལ་བྱེ་བྲག་གི་བོན་དྲུག་ཏུ་བསྡུས་པར་འདོད། དེ་ཡང་། རྫས་དང་ཡོན་དང་ལས་དང་སྤྱི་དང་བྱེ་བྲག་དང་འདུ་བ་དང་དྲུག་ཏུ་འདོད་པའོ། འདི་དང་ནང་པའི་སྒྲུབ་མཐའ་བྱེ་བྲག་པ་གཉིས་འདྲ་ཙམ་ཡོད། མུ་སྟེགས་གྲངས་ཅན་པས་འདི་འདི་ལྟར་མི་འདོད། བྱེས་བྱ་ལ་གྲངས་ཉར་ལྔར་བསྡུས་པར་གསུངས་ཡོད།
དེ་བཞིན་བོན་གྱི་མཁས་པ་དུ་མས་མུ་སྟེགས་སེར་སྐྱ་པ་དང་གྲངས་ཅན་པ་གཉིས་སོ་སོར་གསུངས་པ་ལས་གཅིག་ཏུ་གསུངས་མེད། དབང་ཕྱུག་ལྷར་ལྟ་དང་མི་ལྟ་ཞེས་པ་ལ། སྤྱིར་ལྷ་རུ་ལྟ་ཡང་། སྒྲུབ་མཐའི་ལྟ་སྒྲུབ་འཇོག་སྐབས། མུ་སྟེགས་པ་ལ་རིགས་པར་སྨྲ་བ་དང་བྱེད་པོར་སྨྲ་བ་སོགས་དབྱེ་བ་མང་དུ་ཡོད་པ་ལས། སེར་སྐྱ་པ་དང་གྲངས་ཅན་པ་གཉིས་ཀ་རིགས་པར་སྨྲ་བའི་སྡེ་ཡིན། 59.178.207.189 ༠༣:༡༠, ༡༦ ཟླ་བཅུ་བ། ༢༠༢༣ (UTC)