ེཤེས་རབ་ཀྱི་བསླབ་པ་

ཤེས་རབ་ཀྱི་བསླབ་པ་ནི། བླང་འདོར་གྱི་གནས་གང་ཡིན་པ་ལ་ཤན་འབྱེད་པའམ་ཁྱད་པར་འབྱེད་པའི་ནུས་པ་ལྡན་པ་ཞིག་ལ་ཟེར། སྐབས་འདིར་ང་རང་ཚོའི་སྤྱོད་ལམ་གྱི་ཐོག་ནས་ཁྱད་པར་འབྱེད་རྒྱུ་དེ་ཡིན། དེ་ཡང་གནས་སྟངས་དང་བསྟུན་ཏེ། མི་སུ་འདྲ་ཞིག་དང་མཉམ་དུ་ཡོད་རུང་རང་ཉིད་ཀྱི་སྤྱོད་ལམ་འོས་ཤིང་འཚམས་པ་དང་འོས་ཤིང་འཚམས་པ་མ་ཡིན་པ་དབྱེ་བ་འབྱེད་པ་དེ་ཡིན། གཏིང་ཟབ་ས་ནས་བཤད་ན། ང་ཚོས་དངོས་པའི་གནས་ལུགས་གང་ཡིན་པ་དང་། རྟོག་པའི་འཆར་སྒོ་དེ་གང་ཡིན་པ་ལ་དབྱེ་བ་འབྱེད་ཀྱི་ཡོད།