ཨེར་ཀ་འུན་གྱི་ཆོས་ལུགས་

（也里可温教）སོག་པོའི་ཡུལ་དུ་སངས་རྒྱས་ཆོས་ལུགས་མ་དར་གོང་གདོད་མའི་ཆོས་ལུགས་དར་ཞིང་། དེ་ཡང་བོད་ཀྱི་བོན་ནག་པོའི་ཆོས་ལུགས་དང་འདྲ་བར་མི་ལ་ན་ཚ་བྱུང་བ་དང་། འཆི་བ་སོགས་ཀྱི་སྐབས་སུ་ར་ལུག་དང་། འབྲི་གཡག རྟ་སོགས་སྟོང་ཕྲག་ནས་བཅུ་ཕྲག་གི་བར་བསད་ནས་ཤ་ཁྲག་གིས་དམར་མཆོད་འབུལ་བའི་ལུགས་ཤིག་ཡོད་ཅིང་། སོག་ཡུལ་དུ་ཆོས་ལུགས་དེ་ཐོག་མར་གང་ནས་བྱུང་བ་དང་ཁོ་ཚོའི་ལྟ་ཚུལ་གང་ཡིན་པ་སོགས་ཀྱི་དཔྱད་གཞིའི་ཡིག་ཆ་ད་ཕན་མ་མཐོང་།
༼དུང་དཀར་ཚིག་མཛོད་ཆེན་མོ་༽ལས་བཏུས།