ཨ་མཆོག་ཚོ་བ་བརྒྱད་

ཡོང་ཁུངས་Wikipedia

ཨ་མཆོག་ཚོ་བརྒྱད་ནི་བསང་ཆུ་རྫོང་གི་ལྷོ་རྒྱུད་དུ་གནས་ཤིང་། བྱང་ཤར་ཙ་ཡུས། ཤར་ལྷོ་འབོ་ར། ལྷོ་ནུབ་ཀླུ་ཆུའི་མ་ངེ་། ནུབ་བྱང་བསང་ཁོག་བཅས་དང་ས་མཚམས་འདྲེས། དེང་སང་ཨ་མཆོག་ཞང་ཁག་དང་ཡ་རུ་རྒྱུད་ཞང་ཁག་གཉིས་སུ་ཁོངས་སུ་གཏོགས། སྤྱིར་ཨ་མཆོག་ཅེས་པ་དོན་མང་དུ་འཇུག་ལ་ཡོངས་གྲགས་སུ་ཨ་མདོ་ཡུལ་གྱི་མཆོག་ཏུ་གྱུར་པ་ཞེས་དང་། ཡུལ་འདིའི་མི་རྒྱུད་ཀྱི་ཐོག་མ་དེ་ཀླུ་ཤོད་ཀྱི་རི་ཨ་མཆོག་འདྲ་བའི་རི་འདབས་སུ་གཞི་བཅས་ཏེ་ཨ་མཆོག་ཅེས་བརྗོད་ཅེས་བཤད་ཚུལ་གཉིས་ཡོད། ཡང་ཀླུ་ཤོད་ནི་ཚོ་བ་དེའི་རོང་དང་ཨ་མཆོག་ནི་འབྲོག་ཡིན་པ་དང་། ཨ་མཆོག་སྟོད་ཀྱི་ཚོ་བ་བརྒྱད་ནི་ཀླུ་ཤོད་ཚོ་བ་བརྒྱད་ལས་མཆེད་པས་ན་ཀླུ་ཤོད་ལ་སྨད་ཀྱི་ཚོ་བ་བརྒྱད་དུ་འབོད་ཅེས་པའི་བཤད་སྲོལ་ཀྱང་མཆིས། ཨ་མཆོག་ཡར་རྒྱུད་མར་རྒྱུད་ནི་གདུང་རྒྱུད་གཅིག་ལས་མཆེད་དེ། ཡུལ་དངོས་ལ་རྩད་གཅོད་ཞིབ་འཇུག་བྱས་ན། མི་རྒྱུད་གོང་མ་ནི་གཙང་ཨ་མཆོག་ནས་སི་ཁྲོན་གྱི་རྔ་ཡུལ་དུ་སྤོས་པ་དང་། རྔ་བ་ནས་ཀླུ་ཤོད་ལ་སྤོས་པར་ངེས་པ། དེ་ཡང《མདོ་སྨད་ཆོས་འབྱུང》དུ། སྔར་རྔ་བའི་ར་མདོ་ནས་ཁ་རྒོད་དང་དགེ་འབན་བྱ་བའི་མི་གཉིས་འོངས་ཏེ་དོག་ཆུའི་སྟོད་རྒྱུད་གཉན་རྗེ་གོང་སྔོན་ནས་ས་བཟུང་ནས་བསྡད། སྔ་མ་ཁ་རྒོད་ལ་རྔ་རྒོད་ཀླུ་འབུམ་ཕྱུག་ལ་སོགས་བཞི་བྱུང་བ་ཡ་རུའི་ཕྱུག་བཞིར་གྱུར་པ་དང་། ཕྱི་མ་དགེ་འབེན་ལ་མུ་ཏོ་སྔོན་པོ་རྒྱལ་སོགས་བུ་བཞི་བྱུང་བ་མ་རུའི་རྒྱལ་བཞི་བྱུང་། ཁྱིམ་རྒྱུད་གཅིག་ཚོ་བ་བརྒྱད་དུ་གྱེས་ཞེས་གསུངས། ཚོ་བ་བརྒྱད་པོས་ཨ་མཆོག་དང་ཀླུ་ཤོད་ཀྱི་ཡུལ་བརྒྱད་ནས་སོ་སོས་ས་བཟུང་། རིམ་བཞིན་སྟོད་ཀྱི་ཚོ་བ་བཞི་དང་སྨད་ཀྱི་ཚོ་བ་བཞིར་གྱེས་ཤིང་ཡོངས་གྲགས་སུ་སྟོད་ཀྱི་ཕྱུག་བཞི་དང་སྨད་ཀྱི་རྒྱལ་བཞི་ཞེས་ཟེར་རོ། ། སྟོད་ཀྱི་ཕྱུག་བཞི་ནི། རྔ་རྒོད་ཀླུ་འབུམ་ཕྱུག་དང་། ཆོ་ཚང་བན་དེ་ཕྱུག རིན་ཆེན་བུམ་ཕྱུག དགེ་འཕེལ་ཕྱུག་རྣམས་སོ། །སྨད་ཀྱི་རྒྱལ་བཞི་ནི། ཁ་རྒོད་རྒྱལ། མུ་ཏོ་སྔོན་པོ་རྒྱལ། མི་ནག་རྒྱལ། ཀླུ་པ་རྒྱལ་རྣམས་སོ། །རབ་བྱུང་བཅུ་གསུམ་པའི་ས་ཡོས་ཏེ་སྤྱི་ལོ1759ལོར་ཀུན་མཁྱེན་གཉིས་པ་འཇིགས་མེད་དབང་པོས་ཡར་རུ་དགོན་དང་མ་རུ་དགོན་གཉིས་གཅིག་ཏུ་བསྡུས་ནས་ཨ་མཆོག་བདེ་མོ་ཐང་དགའ་ལྡན་ཆོས་འཁོར་གླིང་བཏབ། དུས་དེ་ནས་བཟུང་ཨ་མཆོག་དགོན་དགའ་ལྡན་ཆོས་འཁོར་གླིང་ནི་བླ་བྲང་དགོན་པའི་དགོན་ལག་ཏུ་གྱུར། ཚོ་བ་བརྒྱད་ཀྱང་ཀུན་མཁྱེན་གྱི་ལྷ་སྡེའི་ནང་ཚན་དུ་བརྩི་ཤིང་དགོན་པའི་ཁྲི་པ་དང་དགེ་བསྐོས། ཚོ་པའི་འགོ་པ་བཅས་ནི་ཀུན་མཁྱེན་གྱིས་ཞབས་ཕྱི་བརྒྱད་ཅུ་ལས་བསྐོ་མངགས་བྱེད།

བན་དེ་ཕྱུག་ཚོ་བ།[རྩོམ་སྒྲིག]

དེར་སྐྱིད། སྐེད། སྐྱེད་རིས། སྐྱེད་གསུམ། འབྲིང་བ། ཁམས་ཡིས་བཅས་སྡེ་ཚན་དུ་མ་མངའ།

མི་ནག་རྒྱལ་ཚོ་བ[རྩོམ་སྒྲིག]

དེར་ཉི་མ་ལུང་། ཕྱུག་ལུང་ཉིན་བཅས་སྡེ་ཚོ་གཉིས

མུ་ཏོ་ཚོ་བ[རྩོམ་སྒྲིག]

དེར་མུ་ཏོ་གོང་འགབ་དང་། ཝ་སྣ་བྲ་སྡེ། མུ་ཏོ་ཁྱུང་ཕྱུག ཁེ་དམར། ཆང་སྒ། ལུང་ལེབ། སྒྲོག་མདོ། ཐ་ནང་བཅས་སྡེ་ཚོ་དུ་མ་ཡོད།

ཀླུ་པ་རྒྱལ་ཚོ་བ[རྩོམ་སྒྲིག]

དེར་བ་རྐུན། ཁྱུང་རུ་ཐར། རེབ་ཙ་མདོ། ནན་འབད་གོང་འགབ་བཅས་སྡོ་ཚོ་ལྔ་མཆིས།

རྔ་རྒོད་མཆོད་ཚང་[རྩོམ་སྒྲིག]

དེར་མཆོད་ཚང་། ཡ་རུ་རྒྱུད། སྒག་ཅ། ར་ཤ་གོང་འོག ཨ་མཆོག ཨ་ར་རྡོ་ལུང་། མ་གད་སྐྱ་མོ། ཆུ་ངག་རྣམས་མངའ།

རྔ་རྒོད་ཉིན་པ[རྩོམ་སྒྲིག]

དེར་ངར་རྒོད། ཁོའུ་ཟེའུ་བཅས་སྡེ་ཚོ་གཉིས།

རྔ་རྒོད་སྲིབ་པ[རྩོམ་སྒྲིག]

དེར་རྒྱལ་འདུན། སྤུང་ནང་། ཁེ་སྟོང་བཅས་སྡེ་ཚོ་གསུམ་མངའ

གྱི་ལང་ཚོ་བ[རྩོམ་སྒྲིག]

གྱི་ལང་ཚོ་བ་ནི་དེང་སང་ཀླུ་ཤོད་ཞང་གི་ཁོངས་སུ་གནས། ངག་རྒྱུན་ལྟར་ན། དེའི་མི་རྒྱུད་ཀྱི་གོང་མ་ནི་གནའ་སྔ་མོ་ནས་ཡུལ་འདིར་འཚོ་ཞིང་གནས་པའི་ཚོ་བ་ཡན་གར་བ་ཞིག་ཡིན་ཟེར་རོ། །