ཧཱུྃ་

བོད་ཀྱི་ནང་པའི་རིག་གཞུང་ནང་དུ་ཧཱུྃ་ཞེས་པ་ནི་ཐུགས་རྡོ་རྗེའི་ས་བོན་དང་བདེ་བ་ཆེན་པོའི་ཡེ་ཤེས་མཚོན་བྱེད་ཀྱི་ཡིག་འབྲུ་གལ་ཆེན་ཞིག་ཡིན། གསང་སྔགས་ཀྱི་གཞུང་ནང་ཧཱུྃ་ཡིག་གིས་སངས་རྒྱས་ཐམས་ཅད་ཀྱི་ཐུགས་ཀྱི་ངོ་བོ་དང་། ཡེ་ཤེས་ལྔ་འདུས་པའི་རང་བཞིན། བདེ་སྟོང་དབྱེར་མེད་ཀྱི་ཡེ་ཤེས་བཅས་མཚོན་པར་བྱེད།

ངེས་ཚིག

སི་ཏུ་ཆོས་ཀྱི་འབྱུང་གནས་ཀྱིས། "ཧཱུཾ་ཞེས་པ་དེ་བཞིན་གཤེགས་པ་རིགས་ལྔ་ཀ་ལ་རྒྱས་འདེབས་པར་བྱེད་པ་རྡོ་རྗེ་སེམས་དཔའི་ས་བོན་ཏེ་ཕུང་པོ་ལྔ་ལ་སོགས་པ་རྣམ་པར་དག་པའི་རང་བཞིན།"

མཚོན་དོན

ཨ་ཁུ་ཤེས་རབ་རྒྱ་མཚོས་གསུངས་པ་ལྟར། "ཧཱུཾ་བདེ་ཆེན་གྱི་ཡེ་ཤེས།"

མཁན་པོ་དཔལ་ལྡན་ཤེས་རབ་ཀྱིས། "ཧཱུྃ་ནི་ཐུགས་ཡེ་ཤེས་ཆེན་པོ་མཚོན་པའོ།" ཞེས་དང་།

"ཧཱུྂ་ནི་ཐུགས་སྲོག་ཡེ་ཤེས་ཀྱི་ངོ་བོ། སྡུག་བསྔལ་འཆོས་ཤིང་འཇོམས་པ། བདག་རྟོག་གསོད་ཅིང་སྲིད་པའི་འཆིང་ཞགས་གཅོད་པར་བྱེད་པའི་རང་བཞིན་ཏེ།"

ཡི་གེའི་ཆ་ཤས་ཀྱི་དོན

སི་ཏུ་ཆོས་ཀྱི་འབྱུང་གནས་ཀྱིས། "ཧ་ཡིག་བཞི་ནི་དགའ་བཞི་རྣམ་པར་དག་པའི་རང་བཞིན། ཧོཿཡིག་ནི་ཡུལ་གཟུགས་ལ་སོགས་པ་དང་ཡུལ་ཅན་མིག་ལ་སོགས་པ་དྲུག་རྣམ་པར་དག་པའི་རང་བཞིན་ཏེ།"

ཨ་ཁུ་ཤེས་རབ་རྒྱ་མཚོས "ཧ་བཞི་དང་ཉོ་སྟེ་ཡེ་ཤེས་ལྔ་དང་། དེ་ཐམས་ཅད་གཅིག་ཏུ་འདུས་པ་ཐུགས་རྡོ་རྗེ་བདེ་སྟོང་དབྱེར་མེད་གྱི་ས་བོན་བྷཱུཾ་མོ།"

རྒྱུད་གཞུང་གི་ལུང་དྲངས་པ

རྒྱུད་རྡོ་རྗེ་རྩེ་མོ་ལས། "ཡི་གེ་ཧཱུྃ་ནི་ཅི་ཡིན་བརྗོད། སྡུག་བསྔལ་འཆོས་ཤིང་འཇོམས་པར་བྱེད། གདུག་པ་སྔགས་ཀྱིས་གསོད་བྱེད་ཅིང་། སྲིད་པའི་ཞགས་པ་གཅོད་པར་བྱེད། ཧཱུྂ་ནི་མཆོག་ཏུ་དྲན་པར་བྱས།"

ཡེ་ཤེས་ལྔ་དང་འབྲེལ་བ

མཁན་པོ་དཔལ་ལྡན་ཤེས་རབ་ཀྱིས། "ཧཱུྃ་ནི་རིག་སྟོང་ཟུང་འཇུག་གི་ཡེ་ཤེས་རྫོགས་པ་ཆེན་པོ་སངས་རྒྱས་ཀྱི་འབྲས་བུ་རྣམ་པ་ཐམས་ཅད་མཁྱེན་པའི་ཡེ་ཤེས་དེ་མཚོན་ཏེ། དེ་ནི་ཡེ་ཤེས་ལྔ་དང་དེ་བཞིན་གཤེགས་པ་རིགས་ལྔ་ལ་རྒྱས་གདབ་པའམ་དེའི་ངང་དུ་གཞི་ལམ་འབྲས་གསུམ་རྫོགས་པའམ་དེའི་སྤྱི་གཟུགས་ཉིད་ཡིན་པར་མཚོན་ཏེ།"

ཡིག་བརྒྱ་ནང་གི་གནས་དང་དགོས་པ

པཎ་ཆེན་བློ་བཟང་ཆོས་རྒྱན་གྱིས། "དཔལ་དེ་ཇི་ལྟ་བུ་ཞེ་ན། ཧཱུཾ་ནི་ཐུགས་རྡོ་རྗེའི་ས་བོན་དང་། ཧ་བཞི་ཧོ་དང་ལྔས་ནི་ཡེ་ཤེས་ལྔ་མཚོན།"

མཁན་པོ་དཔལ་ལྡན་ཤེས་རབ་ཀྱིས། "ཡིག་བརྒྱའི་ཐོག་མར་སྐུ་རྡོ་རྗེ་མཚོན་པའི་ཡིག་འབྲུ་ཨོཾ་དང་། མཇུག་ཏུ་གསུང་རྡོ་རྗེའི་ཡིག་འབྲུ་ཨཱཿདང་། ཐ་མར་ཐུགས་རྡོ་རྗེའི་ཡིག་འབྲུ་ཧཱུྃ།"

འབྲེལ་ཡོད་ཤོག་ངོས།

• རྡོ་རྗེ་སེམས་དཔའ་
• ཡིག་བརྒྱ་
• ཐུགས་རྡོ་རྗེ་
• ཡེ་ཤེས་ལྔ་
• བདེ་སྟོང་
• ཨོཾ་
• ཨཱཿ
• ཕཊ་

དཔྱད་གཞིའི་ཡིག་ཆ།

• པཎ་ཆེན་བློ་བཟང་ཆོས་རྒྱན། ཡི་གེ་བརྒྱ་པའི་འགྲེལ་པ།
• སི་ཏུ་ཆོས་ཀྱི་འབྱུང་གནས། ཡི་གེ་བརྒྱ་པའི་གོ་དོན་ཉུང་ངུ།
• ཨ་ཁུ་ཤེས་རབ་རྒྱ་མཚོ། རྡོར་སེམས་བསྒོམ་བཟླས་ཀྱི་ཁྲིད་ལས་དྲངས་པའི་ཡིག་བརྒྱའི་འགྲེལ་པ།
• མཁན་པོ་དཔལ་ལྡན་ཤེས་རབ། ཡིག་བརྒྱ་པའི་རྡོ་རྗེའི་ཚིག་འགྲེལ།