ཧར་གདོང་བྱམས་པ་སྐལ་བཟང་

མཚན་གཞན་དགེ་བཤེས་མགོན་དཀར་སྐྱབས་ནི་སྤྱི་ལོའི་དུས་རབས་བཅུ་དགུའི་ནང་སོག་ཡུལ་དུ་འཁྲུངས། སྐུ་གཞོན་ནུའི་དུས་སུ་དབུས་སུ་ཕེབས་ནས་སེ་རར་ཆོས་ཞུགས་གནང། གཞུང་ཆེན་བཀའ་པོད་ལྔར་གསན་བཞེས་མཛད་དེ་ལྷ་རམས་པའི་མཚན་རྟགས་ཐོབ། རྒྱུད་གྲྭར་ཞུགས། རབ་བྱུང་བཅུ་དྲུག་པའི་ཆུ་བྱ་（༡༩༣༣）ལོར་རྒྱུད་སྨད་བླ་མ་དབུ་མཛད་གནང། དེ་ནས་མཁན་པོའི་ཁྲིར་ཕེབས། མཁན་ཟུར་སྐབས་རབ་བྱུང་བཅུ་དྲུག་པའི་ཤིང་སྤྲེལ་（༡༩༤༤）ལོར་བྲག་ལྷ་ཀླུ་སྒུག་ཏུ་སྐུ་བཤེགས། བཀའ་རྩོམ་《འདུལ་བའི་སྡོམ་ཚིག་གནད་བསྡུས་སྙིང་པོ་ཚིག་དོན་བརྗེད་བྱང་ལས་གཞི་སྨད་ཀྱི་སྐོར་》《འདུལ་བའི་སྡོམ་ཚིག་གནད་བསྡུས་སྙིང་པོ་ཚིག་དོན་བརྗེད་བྱང་ལས་རབ་བྱུང་གཞིའི་སྐོར་》སོགས་མཛད། འཁྲུངས་འདས་དང་ཞིབ་རྣམ་མ་རྙེད།

༼དུང་དཀར་ཚིག་མཛོད་ཆེན་མོ་༽ནས་བཏུས།