སྲིབས་ཁྲི་བཙན་པོ་

（སྲིབ་ཁྲི་བཙན་པོ་ཞེས་པའང་སྣང་）བོད་རྒྱལ་བདུན་པ་། གནམ་གྱི་ཁྲི་བདུན་གྱི་ཡ་གྱལ་། ཡབ་གདགས་ཁྲི་བཙན་པོ་དང་ཡུམ་སྲིབས་ལྷ་སྔོན་མོའི་སྲས་། ས་བཙུན་རླུང་རྗེའམ་ས་བཙུན་ཀླུ་རྗེ་ཁབ་ཏུ་བཞེས་། མུ་ཁྲི་བཙན་པོ་ནས་སྲིབས་ཁྲི་བཙན་པོའི་བར་དུ་གསང་ལྔགས་ཀྱི་བོན་རྣམས་དང་། ཁྱད་པར་དུ་སྤྱི་སྤུངས་ཀྱི་བོན་རྣམས་དང་ཞིང་རྒྱས་པ་བྱུང་། དེ་དུས་བླ་ན་རྒྱལ་ཆེ་། གོང་ན་གཤེན་གཉན་། བར་ན་ཁྲིམས་དམ་། འོག་ན་འབངས་སྐྱིད་དེ་ལུགས་གཉིས་ཟུང་འཇུག་གི་འཕྲིན་ལས་དར་ཞིང་རྒྱས་སྐད་། འདི་ཡན་གདུང་རབས་བདུན་རྣམས་འདྲ་སྟེ་སྲས་ཆིབས་ཁ་ཐུབ་པ་ན་ཡབ་རྨུ་ཐག་ལ་འཇུསནས་གནས་དུ་གཤེགས་པས་པུར་དང་བང་སོ་མེར་པར་གྲགས་།
༼དུང་དཀར་ཚིག་མཛོད་ཆེན་མོ་༽ལས་བཏུས།