སྤྱན་རས་གཟིགས་འཇིགས་པ་བརྒྱད་སྐྱོབས་
༡ ཤར་ཕྱོགས་མེའི་འཇིགས་སྐྱོབས་མཛད་། ཟླ་མདོག་ཞལ་གཅིག་ཕྱག་བཞི་པ་། གཡས་པ་སྐྱབས་སྤྱིན་རྔ་ཡབ་འཛིན་། གཡོན་པས་པདྨ་ཆུ་ཤེལ་འཛིན་། ༢ ཤར་ལྷོའི་ཆུའི་འཇིགས་སྐྱོབས་མཛད་། དཀར་པོ་ཞལ་གཅིག་ཕྱག་བཞི་པ་། གཡས་པས་སྐྱབས་སྦྱིན་རིན་ཆེན་འཛིན་། གཡོན་པས་པདྨ་འཁོར་ལོ་འཛིན་། ༣ ལྷོ་རུ་སེང་གེ་འཇིགས་སྐྱོབས་མཛད་། གསེར་མདོག་ཞལ་གཅིག་ཕྱག་བཞི་པ་། གཡས་པས་སྐྱབས་སྦྱིན་ནོར་བུ་འཛིན་། གཡོན་པས་པདྨ་པོ་ཏི་འཛིན་། ༤ ལྷོ་ནུབ་གླང་པོའི་འཇིགས་སྐྱོབས་མཛད་། དམར་གསལ་ཞལ་གཅིག་ཕྱག་བཞི་པ་། གཡས་པས་སྐྱབས་སྦྱིན་ཨུཏྤལ་འཛིན་། གཡོན་པས་པདྨ་མེ་ཤེལ་འཛིན་། ༥ ནུབ་ཏུ་རྒྱལ་པོའི་འཇིགས་སྐྱོབས་མཛད་། དམར་གསལ་ཞལ་གཅིག་ཕྱག་བཞི་པ་། གཡས་པས་སྐྱབས་སྦྱིན་ལྕགས་ཀྱུ་འཛིན་། གཡོན་པས་པདྨ་ཞགས་པ་འཛིན་། ༦ ནུབ་བྱང་ཀླུའི་འཇིགས་སྐྱོབས་འཛད་། དཀར་ཤའི་མདོག་ཅན་ཞལ་གཅིག་ཕྱག་བཞི་པ་། གཡས་པས་སྐྱབས་སྦྱིན་རྒྱལ་མཚན་འཛིན་། གཡོན་པས་པདྨ་གུ་དྷེ་བསྣམས་། ༧ བྱང་དུ་མཁའ་འགྲོའི་འཇིགས་སྐྱོབས་མཛད་། སྔོན་པོ་ཞལ་གཅིག་ཕྱག་བཞི་པ་། གཡས་པས་སྦྱིན་རྩེ་གསུམ་འཛིན་། གཡོན་པས་པདྨ་བྷནྡ་འཛིན་། ༨ བྱང་ཤར་མི་རྒོད་འཇིགས་སྐྱོབས་མཛད་། ཨནྟྲིའི་མདོག་ཅན་ཕྱག་བཞི་པ་། གཡས་པས་སྐྱབས་སྦྱིན་རྡོ་རྗེ་འཛིན་། གཡོན་པས་པདྨ་དྲིལ་བུ་འཛིན་། ཀུན་ཀྱང་ཟླ་དཀྱིལ་ཞལ་འཛུམ་ལྡན་། ཅུང་གྲོས་དར་དང་རིན་ཆེན་བརྒྱད་། སྟག་ཤམ་དང་བཅས་སྐུ་ཡིད་ཙམ་། བཟུང་ཞིང་ཞབས་གཉིས་སེམས་དཔའ་ཡི་། ཕྱེད་སྐྱིལ་ཚུལ་དུ་བཞུགས་པའོ།།།
༼དུང་དཀར་ཚིག་མཛོད་ཆེན་མོ་༽ལས་བཏུས།