སྒྱིད་ལུག་

སྒྱིད་ལུག་ཅེས་པ་ནི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་སྐབས་སུ་གསུངས་པའི་བརྩོན་འགྲུས་ཀྱི་མི་མཐུན་ཕྱོགས་ལེ་ལོའི་དབྱེ་བ་གསུམ་གྱི་ནང་ནས་གཅིག་ཡིན་ཏེ། དགེ་བའི་ལས་ལ་སེམས་ཞུམ་ནས་བདག་ཉིད་ཀྱིས་མི་ནུས་སྙམ་དུ་བརྙས་པའི་བློ་ཞིག་ལ་ཟེར། "བདག་གིས་དགེ་བ་སྒྲུབས་མི་ནུས་ཞེས་སྒྱིད་ལུག་ནས་བདག་ཉིད་ལ་བརྙས་པའོ། །"ཞེས་གསུངས་པ་ལྟར་རོ། །

མཚན་ཉིད།

"སྒྱིད་ལུག་པ་ཉིད་དེ་དཀའ་བའི་ལས་ལ་སེམས་བཟློག་པ་ཡིན་ཏེ་ཞེན་པ་མེད་ཅེས་བྱ་བའི་དོན་ནོ། །"ཞེས་གསུངས་པ་ལྟར། དཀའ་བའི་ལས་ལ་སེམས་བཟློག་སྟེ་ཞེན་པ་མེད་པའི་བློ་ཞིག་ཡིན་ནོ། །

སྒྲ་བཤད།

"སྙིག་རྒྱུའི་ཆུས་རི་དྭགས་བསླུས་པ་བཞིན་དུ་འདོད་ཡོན་ལ་སྲེད་ཅིང་རྙེད་བཀུར་སྙན་གྲགས་སོགས་བསྒྲུབ་པས་འཁྲུལ་ཞིང་རྨོང༷ས་པའི་དབང་དུ་གྱུར་པ༷ས་ད་དུང་ངམ་ཕྱིས༷་ཀྱང༷་བདག་ལྟས་ཆོས་བསྒྲུབ་མི་ནུས་སོ་སྙམས་པས་ཡིད་ཆད་ཅིང་སྒྱིད་ལུགས་པ་སྟེ།" ཞེས་གསུངས་པ་ལྟར། ཡིད་ཆད་ཅིང་སེམས་ཞུམ་པའི་དོན་ནོ། །

དབྱེ་བ།

ལེ་ལོའི་དབྱེ་བ་གསུམ་གྱི་ནང་ཚན། "བརྩོན་འགྲུས་དེའི་མི་མཐུན་ཕྱོགས་ལེ་ལོའི་དབྱེ་བ་བཤད་པར་བྱས་ན་གསུམ་སྟེ་དགེ་བ་ལ་མི་མཐུན་པ་སྦྱོར་བ་མེད་པའི་ལེ་ལོ་དང་། བྱ་བ་ངན་པ་མི་དགེ་བ་དང་ ལུང་མ་བསྟན་ལ་ཞེན་པ་དང་། བདག་གིས་དགེ་བ་སྒྲུབས་མི་ནུས་ཞེས་སྒྱིད་ལུག་ནས་བདག་ཉིད་ལ་བརྙས་པའོ། །"ཞེས་གསུངས་པ་ལྟར། ལེ་ལོའི་དབྱེ་བ་གསུམ་པ་དེ་ཡིན་ནོ། །

འབྲས་བུ།

སྒྱིད་ལུག་གི་ཉེས་དམིགས། "གལ་ཏེ་བདག་གིས་དགེ་བ་ལ་འབད་པ་དང་སྡིག་པ་སྤང་དགོས་པ་དེ་རྟོགས་ནས་རྨོངས་པས་བྱང་ཆུབ་ཀྱི་སེམས་དང༌། སྤྱོད་པ་ལ་སློབ་པ་སོགས་ལ་ཕྱིས་ཀྱང་སྒྱིད་ལུག་ན་ངན་འགྲོར་འགྲོ་བར་ཤེས་ནས་འཆི་བར་འགྱུར་བའི་དུས་ཀྱི་ཚེ་མྱ་ངན་ཆེན་པོ་ལྡང་བར་འགྱུར་བས་བརྩོན་པ་ཆེན་པོས་འབད་པར་བྱའོ། །"ཞེས་གསུངས་པ་ལྟར། ངན་འགྲོར་འགྲོ་བའི་རྒྱུ་བྱེད་དོ། །

རྩོད་སྤོང་།

བདེ་བ་ནས་བདེ་བར་འགྲོ་བ་ལ་སུ་ཞིག་སྒྱིད་ལུག་པར་འགྱུར། "སྟོབས་ལྡན་ཞོན་ནས་ལུས་སེམས་བདེ་བའི་ལམ་ནས་འབྲས་བུ་བདེ་བར་འགྲོ་བ་ལ། སེམས་ཤེས་པ་མཁས་པ་སུ་ཞིག་སྒྱིད་ལུག་པར་འགྱུར། སྤྱོད་པ་ཉམས་སུ་ལེན་པ་ལ་སྒྱིད་ལུག་པར་མི་བྱའོ། །"ཞེས་གསུངས་པ་ལྟར། བྱང་ཆུབ་ཀྱི་སེམས་ཀྱི་ཕན་ཡོན་རྟོགས་པ་ལ་སྒྱིད་ལུག་མི་རིགས་སོ། །