སེར་སྔགས་མཁན་ཟུར་ནམ་མཁའ་བསྟན་སྐྱོང་

རྗེ་འདི་ནི་འཕན་པོ་ཐང་ཤར་པའི་རིགས་སུ་རབ་བྱུང་བཅུ་གསུམ་པའི་ས་ལུག་(༡༧༩༩)ལོར་འཁྲུངས་། ཆུང་དུས་ནས་སེ་རར་ཆོས་ཞུགས་མཛད་། དགུང་ལོ་ཞེ་བརྒྱད་སྐབས་གཙང་དངུལ་ཆུར་ལན་གཉིས་ཙམ་ཕེབས་ནས་རྩ་ བའི་བླ་མ་ངྷརྨ་བྷ་དྲ་དང་། ཁོང་གི་དབོན་པོ་དབྱངས་ཅན་གྲུབ་པའི་རྡོ་རྗེ་གཉིས་ཀྱི་ཞབས་སུ་གཏུགས་ནས་ཆོས་མང་དུ་གསན་། སེ་ར་སྔགས་པ་གྲྭ་ཚང་གི་མཁན་པོ་ཡུན་རིང་གནང་། དགུང་ལོམ་རེ་བརྒྱད་སྐབས་ཀུན་རིག་འོདན་ཆོག་དང་། སྦྱོར་བའི་ཆོས་དྲུག་གི་འདོན་སྒྲིག་གསར་སྒྲིག་གནང་། 《ཀུན་རིག་རི་གི་རྡུལ་ཚོན་དང་འབྲེལ་སྐབས་དེ་ཉིད་ཆབ་འདྲེན་གྱི་ཚེ་ཀླུ་ཆོག་བྱ་ཚུལ་ཕན་བདེའི་མཆོག་སྦྱིན་》ཞེས་པ་དང་། 《བྱང་ཆུབ་ལམ་གྱི་རིམ་པའི་སྔོན་འགྲོ་སྦྱོར་བའི་ཆོས་དྲུག་གི་ངག་འོདད་ཆུ་བབས་སུ་བཀོད་པ་》《དཔའ་འཁོར་ལོ་བདེ་མཆོག་དྲིལ་བུ་ལྷ་ལྔའི་མངོན་དཀྱིལ་ཆོག་བསྒྲིགས་འཁྲུལ་བྲལ་མཁན་གྲུབ་ཞལ་ལུང་》《བདེ་མཆོག་དྲིལ་བུ་ལྷ་ལྔའི་ལས་རུང་གི་བསྙེན་པ་ཇི་ལྟར་བྱ་ཚུལ་གྱི་ཡི་གེ་གནད་ཀྱི་དོན་གསལ་སོགས་བཀའ་རྩོམ་པོད་ཆེ་བ་གཅིག་ཙམ་མཛད་། སྐུ་གཤེགས་པའི་ལོ་དུས་ཁ་གསལ་མ་རྙེད་།
༼དུང་དཀར་ཚིག་མཛོད་ཆེན་མོ་༽ལས་བཏུས།