སེ་འབྲས་ལྷ་ས་སྨོན་ལམ་ལ་ཕེབས་མི་ཆོག་པ་བཟོས་སྐོར་

ཕག་གྲུའི་དུས་རབས་སུ་ཕག་གྲུའི་སྡེ་སྲིད་ངག་དབང་བཀྲ་ཤིས་གྲགས་པ་སྐུ་ན་མ་སོན་པའི་བར་རིན་སྤུངས་ནོར་བུ་བཟང་པོ་དང་། སྲས་མཚོ་སྐྱེས་རྡོ་རྗེ་གཉིས་ཀྱིས་ལོ་ངོ་འགུའི་རིང་སྲིད་འཛིན་དཔོན་ཚབ་བྱེད་རིང་ཀརྨ་ཞྭ་ནག་སྐུ་ཕྲེང་བདུན་པ་ཆོས་གྲགས་རྒྱ་མཚོའི་བཀའ་བཀོད་འོག་རབ་བྱུང་བརྒྱད་པའི་ས་རྟ་（༡༤༩༨）ལོ་ནས་བཟུང་ལྷ་ས་སྨོན་ལམ་ཆེན་མོར་སེ་འབྲས་ཡོང་མི་ཆོག་པ་བཟོས་ཏེ་ལོ་ཉི་ཤུའི་རིང་ལྷ་སའི་ཉེ་འདབས་ཀྱི་བཀའ་བརྒྱུད་པ་དང་ས་སྐྱ་བ་སོགས་ཀྱི་དགོན་པའི་གྲྭ་པས་སྨོན་ལམ་འཚོག་རྒྱུ་བྱས་། སྡེ་སྲིད་ངག་དབང་བཀྲ་ཤིས་གྲགས་པས་སྲིད་དབང་བཟུང་ནས་ལོ་ཉི་ཤུ་སོང་བའི་ས་སྟག་（༡༥༢༨）ལོ་ནས་སེ་འབྲས་སྨོན་ལམ་དུ་ཚོགས་ལ་ཕེབས་རྒྱུ་བསྐྱར་གསོ་བྱུང་།
༼དུང་དཀར་ཚིག་མཛོད་ཆེན་མོ་༽ལས་བཏུས།