སུ་ཏོ་ཥྱོ་

"སུ་ཏོ་ཥྱོ་"ནི་རྡོ་རྗེ་སེམས་དཔའི་ཡིག་བརྒྱ་པའི་སྔགས་ཚིག་གལ་ཆེན་ཞིག་ཡིན།

"སུ་"ནི་"ལེགས་པར་"ཞེས་པའི་དོན།

"ཏོ་ཥྱོ་"ནི་"ཚིམ་པར་"ཞེས་པའི་དོན།

དེ་བསྡོམས་ན་"ལེགས་པར་ཚིམ་པར་"ཞེས་པའི་དོན་དུ་འགྱུར།

སྐད་དོད་དང་སྒྲ་འདོན་སྟངས།

སི་ཏུ་ཆོས་ཀྱི་འབྱུང་གནས་ཀྱི་འགྲེལ་བར། "ཏོ་ཥྱ་ལ་སི་བྱིན་པ་ཏོ་ཥྱཿཞེས་པར་གྲུབ་སྟེ་ལེགས་པར་ཚིམ་པའམ་ཤིན་ཏུ་ཚིམ་པ།" ཞེས་བཤད།

སྔགས་དོན་གྱི་ནང་དོན།

ཐུན་མོང་བའི་བཤད་ཚུལ།

པཎ་ཆེན་བློ་བཟང་ཆོས་རྒྱན་གྱི་འགྲེལ་པ་ལྟར་ན། "སུ་ཏོ་ཥྱོ་"ནི་"ཤིན་ཏུ་དགྱེས་པའི་" ཞེས་བཤད།

ཀུན་མཁྱེན་ཀློང་ཆེན་པའི་གསུང་དྲངས་ནས། མཁན་པོ་དཔལ་ལྡན་ཤེས་རབ་ཀྱིས་གསུངས་པ་ལྟར་ན། "ཆོས་བཞི་བསྟན་པའི་མདོ་ལས། བྱམས་པ་བྱང་ཆུབ་སེམས་དཔའ་ཆོས་བཞི་དང་ལྡན་ན་སྡིག་པ་བྱས་ཤིང་བསགས་པ་ཐམས་ཅད་ཟིལ་གྱིས་གནོན་པར་འགྱུར་རོ། བཞི་གང་ཞེ་ན། འདི་སྟ་སྟེ། རྣམ་པར་སུན་འབྱིན་པ་ཀུན་ཏུ་སྤྱོད་པ་དང་། གཉེན་པོ་ཀུན་ཏུ་སྤྱོད་པ་དང་། སོར་ཆུད་པའི་སྟོབས་དང་། རྟེན་གྱི་སྟོབས་སོ།"

ཐུན་མོང་མ་ཡིན་པའི་བཤད་ཚུལ།

མཁན་པོ་དཔལ་ལྡན་ཤེས་རབ་ཀྱི་འགྲེལ་པར། "སྟོབས་བཞི་ཚང་བའི་སྒོ་ནས་རྡོ་རྗེ་སེམས་དཔའ་ཡབ་ཡུམ་སྤྱི་བོར་བསྒོམ་ནས་བདུད་རྩི་འབེབས་སྦྱོང་གིས་རང་གི་སྡིག་སྒྲིབ་ཉེས་ལྟུང་བག་ཆགས་ཐམས་ཅད་སྐད་ཅིག་གིས་བྱང་ནས་གནས་སྐབས་འགྱུར་བཅས་ཀྱི་ཚོར་བདེ་ཙམ་མ་ཡིན་པར་འཕོ་འགྱུར་སྤྲོས་པ་དང་བྲལ་བའི་བདེ་སྟོང་ཟུང་འཇུག་ཕྱག་རྒྱ་ཆེན་པོའི་ཡེ་ཤེས་ཀྱི་དགའ་བ་བཞིའམ་བཅུ་དྲུག་གི་ངོ་བོ་དབབ་བཟུང་ལྡོག་དཀྲམ་གྱིས་ཆགས་བྲལ་བདེ་བ་ཆེན་པོའི་རོས་ཚིམ་པར་མཛོད་ཅིག་"

སི་ཏུ་ཆོས་ཀྱི་འབྱུང་གནས་ཀྱི་བཤད་ཚུལ་ལ། "བདག་འཕོ་འགྱུར་སྤྲོས་པ་དང་བྲལ་བའི་དགའ་བ་དང་བདེ་བ་ཆེན་པོའི་རོ་ཡིས་ཤིན་ཏུ་ཚིམ་པར་མཛོད་ཅིག་པར་བསྐུལ་བ་སྟེ་ཚོར་བདེ་ཙམ་གྱིས་ནི་མ་ཡིན་ནོ།"

ཨ་ཁུ་ཤེས་རབ་རྒྱ་མཚོས། "བདག་གི་དགེ་བའི་རྩ་བ་རྣམས་བརྟན་པར་མཛོད། བདག་ཉོན་མོངས་པའི་དབང་དུ་སོང་བ་ལ་མི་དགྱེས་པ་མེད་པར་རྗེས་སུ་ཟུངས།" ཞེས་བཤད།

དགོས་པ་དང་ཕན་ཡོན།

ཡིག་བརྒྱའི་སྒོམ་བཟླས་ཀྱི་དགོས་པ་ནི་སྡིག་སྒྲིབ་དག་པའི་ཆེད་ཡིན་ཞིང་། ཨ་ཁུ་ཤེས་རབ་རྒྱ་མཚོའི་ཞལ་ནས། "སྟོབས་བཞི་ཚང་ན་བྱས་བསགས་ཚང་བའི་མྱོང་ངེས་ཀྱི་ལས་ཀྱང་ཟིལ་གྱིས་གནོན་པར་ཆོས་བཞི་བསྟན་པའི་མདོ་ལས་གསུངས་སོ།།"