ས་སྐྱོན་འགོག་ཐབས་

ས་སྐྱོན་ནི་ཕྱུགས་ཀྱི་མཚེར་པ་ལ་ནད་ཕོག་པའི་འགོ་ནད་ཚབས་ཆེན་ཞིག་ཡིན།སྟོན་ཁ་རུ་འདུག་སའི་ཕྱོགས་སུ་ས་སྐྱོན་ཡོད་མེད་འཚོལ་ན་བ་མོ་བཞག་པའི་སྔ་མོ་ཡར་ལངས་ནས་ས་ཡར་མར་ལ་བལྟས་ནས་བ་མོ་ཆགས་མེད་ས་གོར་གོར་ལ་ས་སྐྱོན་གྱི་ནད་འབུ་ཡོད་པ་རེད།དེའི་ཐོག་ཏུ་ཟངས་ཀྱི་སླ་ང་ཆེན་པོ་ཞིག་ཁ་མར་བསྐོར་ནས་མེ་ལ་བསྲེགས། སླ་ངའི་ནང་དུ་སྤང་འབུར་ནས་ཐོག་ཏུ་བ་ཚ་འདྲ་བ་མང་པོ་ཆགས་ཡོད་ན་ས་སྐྱོན་གྱི་འབུ་མེད་པར་གྱུར་རྟགས་ཡིན།སྒོ་ཕྱུགས་ཤི་བའི་ཁྲག་མ་ཆགས་ན་ས་སྐྱོན་ཡིན་པས་ས་སྐྱོན་གྱིས་ནད་མྱོང་པའི་མི་ཞིག་མངགས་ནས་བཤའ་བ་དང་ཟངས་ཀྱི་སླ་ང་ཞིག་གི་ནང་དུ་བཙོ་དགོས།ཟངས་ཀྱི་སླ་ང་མ་ལོན་ན་སྣོད་གཞན་པའི་ནང་དུ་ཟངས་ལེབ་དང་ཟངས་ཕྱེ་འཕངས་ནས་བཙོ་དགོས། ཟངས་ཀྱི་ནང་དུ་ས་སྐྱོན་གྱི་ནད་འབུ་འཆི་སླ་བ་ནི་ད་ལྟའི་ཚན་རིག་གིས་ར་སྤྲོད་བྱས་ཡོད་ལ་གནའ་ནས་བཟུང་བོད་མི་ཕལ་བ་ཞིག་ཡིན་ཡང་ཟངས་སྤྱད་ནས་ས་སྐྱོན་གྱི་ནད་འབུ་མེད་པར་གཏོང་བའི་ཚན་རིག་དེ་ཤེས་ཡོད་པ་རེད།