༄༅། །ལྷོ་བྲག་གྲུབ་ཆེན་ནམ་མཁའ་རྒྱལ་མཚན། (༡༣༢༦–༡༤༠༢) ནི་བཀའ་གདམས་པའི་བླ་མ་གཙོ་ཤོས་ཤིག་ཡིན་ལ། རྗེ་ཙོང་ཁ་པའི་རྩ་བའི་བླ་མ་གྲས་ཀྱི་གཅིག་ཡིན། ཁོང་ནི་ལམ་འབྲས་བརྒྱུད་པའི་བླ་རབས་སོ་གཅིག་པར་བརྩིས་ཡོད། སྒྲོ་བ་དགོན་གྱི་ཁྲི་པའི་འགན་བཞེས་ཤིང་། ཕྱག་རྡོར་དགོན་བཏབ་པ་དང་། ཁོང་ཉིད་ཕྱག་ན་རྡོ་རྗེའི་རྣམ་སྤྲུལ་དུ་འདོད་པས་དགོན་པར་ཡང་ཕྱག་རྡོ་དགོན་ཞེས་འབོད་པ་རེད།^[༡]

དུང་དཀར་ཚིག་མཛོད་ཆེན་མོ་ལས་བཏུས།

རྗེ་འདི་ཉིད་ཤུད་ཕུའི་གྲུབ་ཆེན་ཞིག་ཡིན། རབ་བྱུང་ལྔ་པའི་མེ་སྟག་（༡༣༢༦）ལོར་སྐུ་བལྟམས། དགུང་ལོ་གསུམ་པ་ལ་ཕུར་པའི་དབང་ཐོབ་པས་རིགས་ཀྱི་མཁའ་འགྲོ་རྣམས་གར་བྱེད་པའི་སྣང་བ་ཤར་བས་གར་སྒྱུར་གྱི་ཕྱག་རྒྱ་མང་པོ་མཁྱེན། དགུང་ལོ་བཅུ་པ་ཁུ་བོ་རྒྱལ་སྲས་བཟང་པོ་ལས་རབ་ཏུ་བྱུང་། དགུང་ལོ་བཅུ་གཉིས་པ་ལ་ཕུར་པ་ཁྲོ་བཅུས་བསྐོར་བ་ཞིག་ལ་བསྙེན་པ་དུམ་རེ་མཛད་པས་ངག་ནུས་ཆེ་བའི་བློས་སྡིག་པ་ལ་སྔགས་ཆུ་རེག་པས་ཤི་བ་ལ་རྙིང་རྗེ་འཁྲུངས་ནས་བཤུམས་པས་ཞལ་དངོས་སུ་གཟིགས། དགུང་ལོ་བཅུ་དགུ་པ་ལ་རྒྱ་མ་རིན་ཆེན་སྒང་གི་བླ་མ་བཀྲ་ཤིས་རྒྱལ་པོ་སོགས་ལ་བསྙེན་པར་རྫོགས། ཕྱག་ན་རྡོ་རྗེ་གྲུབ། གྲུབ་ཆེན་འདི་ཉིད་རྗེ་ཙོང་ཁ་པའི་དབུ་བླ་ཐུན་མོང་མ་ཡིན་པ་བཞིའི་མཆོག་གཅིག་ཡིན་ཏེ། ལས་ཀྱི་རྡོ་རྗེ་བླ་མའི་མཆོག །བློ་བཟང་གྲགས་པ་སློབ་མའི་མཆོག །བདུད་རྩི་སྨན་མཆོག་ཆོས་ཀྱི་མཆོག །ཅེས་རྣམ་ཐར་ལས་བྱུང་བ་ལྟར་དགུང་ལོ་བདུན་ཅུ་པ་ལ་འཇམ་མགོན་ཆོས་ཀྱི་རྒྱལ་པོ་དགུང་ལོ་སོ་བདུན་བཞེས་དུས་དང་མཇལ་ཞིང་། བཀའ་དམ་དང་ཕྱག་ན་རྡོ་རྗེའི་ཆོས་སྐོར་གནང་། བགྲོ་བ་མཛད་པས་ཆོས་སྡེའི་མིང་ཡང་བགྲོ་དགོན་དུ་ཐོགས་ཤིང་དེའི་རིང་ལུགས་སུ་གྱུར། དགུང་གྲངས་དོན་བདུན་ལ་ཕེབས་པ་རབ་བྱུང་བདུན་པའི་ཆུ་རྟ།（༡༤༠༢）ལོར་བན་པ་ཐིག་ཕྱིར་ཞི་བར་གཤེགས།

དཔྱད་གཞིའི་དྲ་ཐག

འགྲོ་བ་མི།
ཕོ་མོ།	ཕོ།
སྐྱེ་ཚེས།	1326
འདས་ཚེས།	1401
ཕ།	ཤུད་བུ་ནམ་མཁའ་བཟང་པོ།
མ།	རིན་ཆེན་རྒྱལ།
དགེ་རྒན།	ཤུད་བུ་ནམ་མཁའ་བཟང་པོ།, ལྷོ་བྲག་མཁན་ཆེན་རྒྱལ་སྲས་བཟང་པོ།, བྲོ་བོ་དགོན་མཁན་ཆེན།, ཙོང་ཁ་པ་བློ་བཟང་གྲགས་པ།, མོན་གྲྭ་པ་ཚུལ་ཁྲིམས་བཀྲ་ཤིས།
སློབ་མ།	གུ་རུ་གཞན་ཕན་རྡོ་རྗེ།, ཙོང་ཁ་པ་བློ་བཟང་གྲགས་པ།
ཆོས་ལུགས་གྲུབ་མཐའ།	བཀའ་གདམས་ཕ་ཆོས་བུ་ཆོས།
གཞུང་འབྲེལ་དྲྭ་ཚིགས།	https://lelung.org

↑ Treasury of Lives

[1] Treasury of Lives

[༡]