ལོ་ཆུང་གྲགས་འབྱོར་ཤེས་རབ་

ལོ་ཆེན་རིན་ཆེན་བཟང་པོའི་སློབ་མ། ལ་ལས་ལོ་ཆེན་རིན་བཟང་སོགས་ཁྱེའུ་ཉེར་གཅིག་རྒྱ་གར་དུ་ཕེབས་པའི་གྲས་སུ་ཁོང་ཡང་ཡོད་པར་བཞེད། འདི་ཉིད་ཀྱི་འགྱུར་ལ། 《བསྟན་འགྱུར》ལས། 《སྡོམ་པའི་རྒྱུད་ཉུང་ངུའི་མཚམས་སྦྱོར》《ལམ་གྱི་རབ་ཏུ་བྱ་བ》《ཞིབ་མོ་རྣམ་པར་འཐག་པ་ཞེས་བྱ་བའི་མདོ》《རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ》《རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་པར་བཤད་པ》《རྨི་ལམ་ཡིད་བཞིན་ནོར་བུའིགཏམ》《སྦྱིན་པའི་གཏམ》《སྲིད་པ་ལས་འདས་པའི་གཏམ》《དེ་ཁོ་ན་ཉིད་བསྡུས་པའི་དཀའ་འགྲེལ》 སོགས་ཡོད་དོ། །
༼དུང་དཀར་ཚིག་མཛོད་ཆེན་མོ་༽ལས་བཏུས།