ལོ་ངམ་རྟ་རྫི་

(བློན་པོ་ལོ་ངམ་མམ་རྒྱལ་ཕྲན་ལོ་ངམ་རྟ་རྫི་ཞེས་པའང་སྣང་)འདི་ཉིད་ཀྱིས་གྲི་གུམ་བཙན་པོ་བཀྲོངས་པའི་སྐོར་ལ་བོད་ཀྱི་ལོ་རྒྱུས་ཡིག་ཚང་ནང་། ལོ་ངམ་གྱིས་མཁར་མྱང་རོ་ཤམ་པོར་སྔོན་ལ་བསྐྱོད་ནས་འཐབ་གྲ་བསྒྲིགས། བཙན་པོ་ཕེབས་ནས་ཁོང་གཉིས་མྱང་རོ་ཐལ་བ་ཚལ་དུ་གཡུལ་འགྱེད་པ་ན། ལོ་ངམ་གྱིས་བ་གླང་བརྒྱ་ལ་མདུང་རྩེ་རྣོན་ཉིས་བརྒྱ་ཕྲེད་ལ་བཏགས་པ་དང་། རྒྱབ་ཏུ་ཐལ་བའི་རྐྱལ་པ་བཀལ་བ་རྣམས་བཏང་བས་གླང་རྣམས་ཕན་ཚུན་འཐབ་སྟེ་ཐལ་འཚུབ་འཕྱུར་བའི་གསེང་ནས་ལོ་ངམ་གྱིས་རྒྱུགས་ཏེ་མཆན་འོག་ནས་སྟེའུ་ཕྱུངས་ཏེ་གྲི་གུམ་བཙན་པོ་བཀྲོངས་ཤིང་། རེ་ཞིག་འདི་བས་རྒྱལ་ས་བཟུང་ནས་གྲི་གུམ་གྱི་སྲས་གསུམ་ཀོང་ཡུལ་དུ་སྤྱུགས་པ་དང་། ལྷ་གཅིག་ཆུང་མར་བཟུང་། ལྕམ་སྲིང་བཞི་ཡི་ཡུམ་ལ་རྟ་རྫི་བཅོལ། མཐར་རུ་ལས་སྐྱེས་ཀྱིས་འཕྲུལ་དང་ཐབས་ལ་བརྟེན་ནས་ལོ་ངམ་བརྟུན་ནས་ལོ་ངམ་བརྟུལ་ཅེས་གསལ།
༼དུང་དཀར་ཚིག་མཛོད་ཆེན་མོ་༽ལས་བཏུས།